2005 年 2 月 22 日 星期二 【晴】

不知為何.......
我總是常常那麼軟弱.....
現在我感到的......
只有重重的擔子、
滿腦子煩惱、
很大的壓力、迷惘.....

我同意我學琴老師的說話.......
現在的年輕人，小小的壓力也說辛苦、也說抵受不住........
是的.....
我真的很怕困難、壓力，
我現在就是什麼也不想做...........
我唔明，點解自己成日都咁軟弱.........

學琴老師的一大番說話，
我知道她不是鬧我......
她完全是為我好、是著緊我而說的.........
但是...............我真的感到很大壓力.....

我唔明.......我唔知........
究竟點樣去排我人生的優先次序............
信仰、學業、琴、屋企......
好像全部都要我放在第一位.....(信仰當然不用說啦)
我知.......我知道我的上學期成績很差........
所以我現在already決定好專心的用功，
我決定看番重讀書............

但當我看重番讀書之後，
學琴老師又話我為何讀書而忽略練琴........為何放琴在尾處......
又要我把琴放頭位置、要重視它........

我知道現在我所有方面的東西也做得唔好，
我知我升上中六後至現在都很懶散..........
我知所有野.......我都要快d做好d、快d improve............

但係............
突然間全部野都要我放在首位、突然間全部野都要我都得好好.......
我唔得呀........................
突然間要我所有野都管理得好好、時間安排得好好......
好似好多野都迫緊埋黎要我做、要我做好佢.........
學琴老師問我："你mummy咁辛苦搵錢的推動力係咩丫..........."
我當然知道答案........
但這樣更令我感到內疚.........
獨生女...........我........更加有不少的壓力........
現在好似做得不好.........我感到對不起我媽媽................

究竟點樣先可以同時間把學習、學琴、信仰追求、家庭都處理得好呢?..........
時間分配.........我諗我真係處理得唔好啦......

雖然我知道靠著神做事，會搞得好d.......
但係.........
我覺得自己好似都做唔到靠著神.......

有時覺得在應付這些問題時，
都覺得幾孤單的.............
although朋友是明白，但最終要處理問題的，
仍是自己，
因為這些是我自己的個人成長問題，
不過，朋友的支持真的很重要，
在電話中在最好的朋好面前大喊一場也值得回味。

不過點都好，
路依然要走落去，
現在，堅強吧!!~~~大個女了!!!
唔可以動一動便說「很難呀！」、「好大壓力呀！」.........~~!!
「怎樣做得好？」才是值得說的一句話。

一句安慰、一句提醒：

「忘 記 背 後 、努 力 面 前 的 、
向 著 標 竿 直 跑 、
要 得 神 在 基 督 耶 穌 裡 從 上 面 召 我 來 得 的 獎 賞 。
所 以 我 們 中 間 凡 是 完 全 人 、
總 要 存 這 樣 的 心 ．
若 在 甚 麼 事 上 、 存 別 樣 的 心 、
神 也 必 以 此 指 示 你 們 ．
然 而 我 們 到 了 甚 麼 地 步 、
就 當 照 著 甚 麼 地 步 行 。 」

>>October 4, 2009 at 7:52:52 PM GMT+8

2005 年 2 月 21 日 星期一 【晴】

學校校服都唔暖的！
著左7件衫都係唔夠暖，
成日不停的流鼻水、打乞痴，
紙巾都用哂，唔夠用。
響度讀左咁多年書，
先知道原來低過10度可以著街外褸。

宜家個心情唔係幾開心......
因為我daddy剛剛話賣左架車，
聽日交比d車房，

一來係我地架車好老，成日有問題，
同埋............我daddy的身體咁樣......
佢都唔可以再勞碌去成日"渣"車，
萬一響車暈左就咩了，
二來，我諗係我地屋企的經濟問題，
知道近來媽咪生意都唔係幾好，屋企經濟唔係咁好，
養一架車要花費好大..........
所以......

我有d失落感係因為............
一來係唔捨得架車，
雖然佢係死物......
但係這架車係見證住神所賜比我地一家，
仲記得當我地初初有哩架車時，
我地一家都好開心，
我有時覺得.......
以我地屋企得媽咪一個工作的經濟環境，
但都有車，已經好神奇同感恩。
所以見到架車就諗起神的恩待。

二來就係要習慣無車的生活，
要學下自己搭車，唔可以依賴daddy車我、服侍我咁........
平時成日去邊，我同媽咪都會依賴老豆車我地，周圍去，
搞到兩母女都唔識搭車..........
相信以後，
我都會獨立些，唔會成日依賴daddy，
比佢抖多d呀。

突然諗起「賞賜在於你，收取也在於你。」
所有野係神賜的，本身我地就係咩都無的，
有的，其實只是神的恩，加添於我們，
收回.........是理所當然的.......

其實...........
屋企黎緊都要面對d決擇，
最大的就是搬屋。
媽咪話下一年，
應該大多數，會搬番出黎，
因為對於媽咪來說，宜家大尾督太遠了，
番工好不方便，放工番到黎屋企已經倦死了。
不過.................
搵地方實在是一個大問題，
我地當然係租啦，但係地方...............
就要有排睇了...........
好希望，神會按排一間合適我們的，
現在都是祈禱交托吧。

聽到屋企經濟唔係咁好，
我都唔知點樣同佢地講......講話學樂理果度..........
Miss話係學就要話比佢知喇，因為就快開班喇，
唔學又無得繼續升琴的級呀，
但.........
大喇喇每個月多900幾蚊喎.................
唉...........
我都唔知點算。
相信媽咪點辛苦......都會讓我去學，
不過............
真係好多錢..........
唉，都.............點搞呀.................唔好意思講呀.........
好驚會加重佢地的煩惱........
唔想咁.....

>>October 4, 2009 at 7:52:32 PM GMT+8

2005 年 2 月 20 日 星期日 【晴】

經過體驗過得1,2度的感覺後，
今天9度，都覺得ok，
好似唔算得d咩咁~哈哈!!
反而覺得幾舒服種感覺。

今日我同karen都係遲左~
成搭8先番到祈禱會，
我8:00先morning call小雲，
所以佢都唔知醒~
番唔到祈禱會，下次早d call 你啦~(記得的話^,^)

今日幫手helen姐組做招待，
我今天做帶位，平時好少做哩個剛位。

Happy Hour，
傾下在教會中大家彼此相愛的問題，
今日分組的感覺好似好唔自在咁，
又無咩人發表意見，
唔知點解一講野，自己就想笑，
因為都唔知自己講緊咩，
想表達的又講唔出..........成日都係咁,
響人面前，一緊張,
表達能力就會死，
要訓練多d先。

之後同karen兩個出灣仔會展，睇教育及職業博覽。

我地happy hour一完，就立即走人，
搭火車出到尖沙咀，
之後響大家樂食左個叉燒飯，
加埋野飲成28蚊呀...........我覺得好貴..............!
仲要唔好食喎，d叉燒又瘦得濟，
好唔底呀。

之後好開心，
我地選擇左搭star ferry 過海~
好耐好耐好耐無搭天星小輪喇~
今日坐番~感覺好開心呀~哈哈!
望住個海同海景，
突然精神好好咁，
寒風迎面吹來，好凍，但係又好正~!
我同karen都好興奮咁，仲影相.........
人地唔知可能以為我地係"free walker"~(自由行)

之後karen一貫的作風，又係帶錯路.............
你知啦，我咩路都唔識，只係跟住帶路果個，
所以.......跟住佢行左冤枉路，
其實係karen唔知係會展新翼定舊翼，
行錯左。
之後好快都搵arm了。

展覽今年少d人去咁，
我亦都無好似舊年咁拿咁多野，
只係拿左d自己適合的課程的資料吧，
而karen就拿了些海外升學的資料。

之後又響大家樂(會展出面那一間)坐了坐，搞下頭先拿的一大堆野，
之後karen話有巴士直達大埔，307，
之後咪去找個bus stop law~
點知原來佢完全唔知個bus stop響邊的，
行左好耐.............
307................307................307..........
都係搵唔到個站的，
不過沿路無人行，我地大聲唱詩歌，一路咁行，
哈哈！又幾正。

最終行到倦到死時，都係搵唔到個307站的，
幸好，我地沒有迷路~
行到去star ferry 碼頭，我地以隱陣起見，
都是選擇坐番船走吧，費事再找喇。

今次我地響船唱「天地讚美」，哈哈！
望住個海、吹住風，個人都醒神d。

番到尖沙咀，
本來想搵d野食架，
點知無野arm食，咪諗住搭271番大中的吉野家lor，
點知搭完271番來時，
已經眼訓到死了，
所以大家響寶湖落車，最後咩都無食到，
各自走了。

又完成了一天的旅程，
哈哈！今天感覺好似去旅行咁，
唔知呢~
我覺得這天同karen一齊好enjoy呀~哈哈！

>>October 4, 2009 at 7:52:03 PM GMT+8

2005 年 2 月 19 日 星期六 【晴】

尋晚都係衰比過懶字，
做左陣功課，諗住訓半個鐘休息一陣，
點知就真係訓著左，訓到好"林"，
一訓就訓到今朝9:00鐘呀。

今日係派成績表，
我老豆拿完番來，
嘩，好好彩，
無五科肥哂.......
不過..............三科AL，有兩科唔合格，
Miss Lau講得無錯，
我的轉數係慢d、思考唔夠、
同埋.............佢都覺得我成日病，
身體差好影響我讀書。
好好的就是，daddy mummy 都唔會比壓力我，
好明白我，鼓勵我繼續努力。

放心啦，
我覺得我的能力是可以的，雖然係遲鈍d..........................
我知我今次衰咩ge，
其實係我唔努力呀，可以話係..............好求其........唔在乎......
都唔溫書ge，
經過上學期，
我知道我懶夠了.........應該上心喇，
應該盡力、出力喇，
如果唔係就會後悔莫及。

講番今日。

9:00起身後，
就做功課，做到1:00幾，
之後搭車出黎上浸禮班。
遲左幾分鐘，哈哈，不過都未開始，
所以.................唔算遲丫。^,^

今次Connie姐教，
我覺得今次我吸收得好d，
因為可能講得無咁快o瓜，
都好留心呀，
死啦，細hel同呀vi都交左得救見證喇，
我仲未寫呀，都無時間寫呀，
唔掂呀。

上課上到差不多5:00點，
長左d，所以上完呢........
好眼訓，個腦仲實實地添。

之後同弟兄姊妹食野，
有細hel啦、小雲啦、呀Tin啦、同Connie姐，
我地去左羊仔記，
後來少偉哥加入一齊食，
我都好少去果度食，
不過又覺得幾好食喎！

食完，
就同細hel、小雲、少偉哥同呀Tin一齊行過去大中，
之後細hel、小雲同我去睇vcd，
之後細hel途中走左。

小雲好好呀，
陪我行去搭車，
佢話黑蚊蚊，驚比人擔左我喎.............(唔會~)
我無番明星搭車，
差不多行到去大元呀，佢送到我大元呢。

今晚真係真係要溫書！！！

>>October 4, 2009 at 7:51:40 PM GMT+8

2005 年 2 月 18 日 星期五 【晴】

今朝知道17度，
諗住17度都唔係好凍姐，
而且尋日又咁熱，著背心冷衫喎，
咁今日咪著得好少衫lor.........
咁我又好易凍親的，唔係幾凍得的，
點知一出到bus stop，
嘩，很大風呢~~~~~~
好凍呀，我都縮下縮下咁。

行番學校時都好凍呀，
之後照舊7:30番到去，
響116度靈修祈禱。

總之，今日就著唔夠衫，成日都好凍啦。

我發覺宜家對Econ有d困難呀，
個腦轉得慢，而且總是好似有d野諗唔通，諗唔明咁，
好似好難去吸收呀，
這兩天真係要溫番呀。

今日調左位，
同我張台的人也唔熟的，
其實我上堂都唔係幾想講野，
不過唔講又好似太靜，怕人地唔知點，
可能會悶親身邊果兩個，
不過講真.....
我都覺得自己身處響這班好悶呀，
都唔開心的，
算啦~我只是當這班是上課的地方，
相信同d人都無咩留戀，感情可言.........................
當然同最friends的幾位就不是啦。

聽日係派成績表呀，
其實都知道我的成績，全部肥哂架喇，
現在只希望計埋d平時分呀、功課分呀等等，
可以拉番均成合格，
希望得啦。只要唔好肥哂五科就得、就滿懷安慰喇。

>>October 4, 2009 at 7:51:22 PM GMT+8

2005 年 2 月 17 日 星期四 【晴】

今日雖然天氣幾悶焗，
不過種感覺幾好呀，
好耐無哩種春天的感覺，
都唔覺抖唔到氣呀，
反而令到我幾精神，
哈哈。

今日唔知點解，
心情好好呀，
可能去完旅行番來，
個人好似有種叉完電的感覺，
之前仲擔心番黎後第一日番學會好tired添，
點知今日好精神，仲好有活力添。哈哈！(好似好誇張咁^,^)
or 覺得今日自己過得幾合乎神心意呀，
班主任時間時，
神在提醒我「愛人不可有虛假」，
之後心裡祈禱求神比我今天有喜樂，
同埋讓我愛人不可有虛假，
所以今日幾滿意自己的心呀，
所以特別有喜樂o瓜~~~哈哈!!!

小園送左大盒喉糖我呀~
佢知我成日都好易喉嚨痛~
收到時，覺得小園真係幾細心~
多謝哂呀~
我會上課時拿出來食架喇。^^

>>October 4, 2009 at 7:51:02 PM GMT+8

2005 年 2 月 16 日 星期三 【晴】

我番黎喇~~~~~~~~~~~~~~~~~~~~~~~~~
我好健全、好平安呀~~
大家放心啦~~

依~
karen、細hel你地好似好掛住我咁喎~
哈哈~
不過我無掛住你地呀~~~~~
我一路都掛住bell bell 多d呀~

小園姐~
我無打過比你喎= ="
不過你.......你竟然.........
買左手信比我，仲話好arm我用添，
我好開心~睇下咩黎先！^^

番到黎，
最大問題就係氣溫，
今日響杭州係1、2度，
一番到來香港.......
才知道，香港宜家成20幾度，
氣溫相差成20度...................
落到機衫都除唔切><
依然是厚厚的衫，羊毛衫、樽領衫...............這樣身處於20幾度的環境中。><

哩5日的行程，唔在這裡記底了，太多、太長呀，
有機會同你地講丫~~~
遲d比d相你地睇丫~~

>>October 4, 2009 at 7:50:26 PM GMT+8

2005 年 2 月 11 日 星期五 【晴】

今朝訓到1:30先起身，
訓覺真係好正呀~~~~~哈哈!!!!!!!

起身之後食完野，
就彈琴，彈左半個鐘，
不過唔係彈學琴果d書呀~
係彈詩歌呀~~~哈哈!!

之後靈修~好耐無靈咁耐呀~!!
今日感覺好滿足，好飽足呀!!
放假自己成個人都懶懶散散咁。
要回復原狀呀！

之後都有彈下學琴d書ge~

4:00幾左右，mum d 朋友突然打黎話入黎我地屋企拜年，
佢地都係坐左大半個鐘左右就走了。

夜晚，我叔叔同嬸嬸同堂妹來一齊.....打賓no~
有肥牛又有生豪呀!!!!!!!
好味呀!!
我仲用左之前karen的方法，
抄香d蒜蓉，用來撈埋d豉油做汁，
聞到d蒜蓉，佢地話好正~
呀媽都讚我點解會識的~~
哈哈!!都係學karen的~~~!!!!
真係好好味!!!!!!

頭先睇新聞搞到我都有d驚呀，
有香港的旅行團在大陸旅行遇上車禍呀，
其實我成日都驚搭飛機同埋響國內坐車.........
大家為我同我一家的平安禱告啦~

4:00要起身喇~
一路順風啦~~~
我會買手信比我d弟兄姊妹同我d朋友的~
大家放心啦~~
大家也要記念我呀~~^^

>>October 4, 2009 at 7:49:59 PM GMT+8

2005 年 2 月 10 日 星期四 【晴】

今日10:00幾，我們一家就出了門口，
今日是去婆婆，是女家頭拜年。

首先我同爹娘在富善食早餐，
老豆飲西茶，
我同媽子想食麥當勞，
所以兩個就食了，
我剩係食左一個魚柳飽，
唔食薯餅喇，熱氣呀，
雖然好想食。

之後出發去婆婆度，去樂富，
好開心今次番去有人話我大個左，又高左，
對於我黎講，話我大個左，我會開心好耐架。

仲有，一直移民左響委內瑞拉的二舅父，打電話番來呀，
頭先我都有同佢傾過呀。
其實我未見過這舅父的，
佢移民過去時我都未出世呀，
而佢又無番過來，
我一直只係知道有哩個舅父的存在，(仲有一表弟一表姐。)
無見過佢、無聽過佢把聲。
頭先我都係第一次聽佢把聲，
感覺幾特別。

之後一大堆人落去樂富的大排檔食野，
我終於有得食西多士啦!!!!!!!!!!!!!!!!!!!!!
(太耐無食加想食好耐~)
之前想食又無機會喎~~~~宜家完成左心願。哈哈哈~~

之後一齊去了我的姨媽度，
我的表姪女(佢叫我表姨的~~~是我的表姐的女~~)
佢係咁捉住我黎玩，
少d精力都唔得><，
好累呀現在，只係想訓覺呀！

不過我陣間食完野，
要練琴，
同埋要溫下書呀，番去要history的test呀~~~

聽日會整天在屋企，溫書和休息呢，
抖足精神同體力，星期六要半夜4:00起身出發呀。

>>October 4, 2009 at 7:49:38 PM GMT+8

2005 年 2 月 9 日 星期三 【晴】

尋晚在家中12:00時，
同呀bell (my dog)祝賀左喇，哈哈！
祝左佢身體健康，最緊要係.......長命百歲！

尋晚搞倫理科的project搞到零晨2:00鐘呀，
搞掂哂我付責果part喇，咁send比fanny啦,
響yahoo e-mail度加入附件,將份word send比fanny啦...........
點知等極都等唔到成功加入附件喎......
之後咪尤得個電腦開住send，自己load lor,
我係第一次開住部電腦訓........
點知到今早9:00幾起身,
都未load完......唔知做咩，
咁咪用剪貼的方式e-mail比佢算了~

之後我地一家三口出去找爺爺飲茶見面。
daddy渣車，車埋嬸嬸同我的堂妹一齊出去,
我地去將軍奧的一間茶樓,
食左好多野。
今日d親戚all無來呀,
無哂利是收lu。不過都好呀，媽咪唔洗派咁多呀，
因為次次見到媽咪入錢入利是，
我都會覺得好肉赤的....
每人有兩封加埋40蚊，40蚊40蚊咁派錢比人。
哩個派錢比人的習俗真係幾........咩的...........。

之後上去爺的屋坐，
我同我的堂妹悶悶地咁咪打開電視，
諗緊，丫~唔知有無Sammul陳鍵鋒呢，
果時剛剛做都市閒情，
跟住，TVB藝員真係有Sammul呀~~~~~~~~~~~好開心。
跟住咪係咁定睛睇佢lor，睇佢響度玩遊戲。

坐完，就走了，
我地去樓下商場的M記買了杯雪糕，我記得走花生呀今次！
之後又忍不住買了包曲曲薯條，好鐘意食哩隻呢，
林林地又有d脆~好香呀。^^

之後就走番黎屋企了，
一陣練琴，
同埋上網搵另一份project--------中化科的資料呀。

>>October 4, 2009 at 7:49:20 PM GMT+8