2005 年 4 月 13 日 星期三 【晴】

今日放學留響學校做board，
係open day 英文攤位遊戲ge board，
做哩d art ge 野真係考我ge耐性呀，
本身都唔係幾鐘意做畫畫 ge野，
頭先畫粒星星...都畫左15 mins，
仲要用埋間尺添.....
不過畫極都唔似，
平時響班度，哩d野都係panda做架麻~
我只係剪剪貼貼之麻~~
不過今日就要自己黎，
最後...都係以波波代替星星算了~~哈哈~~~

6:00先走，拿d手尾番黎屋企做埋~
不過見到全學校周圍d人，都好忙咁做緊自己負責ge報置、整board，
覺得咁樣ge情景幾難得，幾特別，
唔會成日有得見到~
其實自己有份籌備，都幾好、幾難得~
唔錯唔錯~~


『誰伴我前行』

日子就這樣溜去，說不出我心裏疲累，
如何才能脫開百樣悶愁，重尋獲真自由；
在我心內渴望完美，只可惜那真正自己，
無從尋求理想化恨仇，我深深感歉疚。

誰在我心中掌權導我向前行，
除掉空虛失落，疑慮與愁雲，
長夜裏基督指引伴我向前行，
為你添上喜樂，驅走苦困。　

念到昔日身伴良友，此一刻又身處何方，
良朋摰友已一一別離，難重拾昔日情；
面對生命滿是矛盾，看不清那真正目標，
何日才能跳出苦惱範疇，再高歌與歡笑。

誰能為我解憂困助我出黑暗，
令我不再困惑，信心堅穩，
長夜裏星光閃爍月朗清風滲，
若有基督相伴，不怕路難行。

>>October 4, 2009 at 8:57:43 PM GMT+8

2005 年 4 月 12 日 星期二 【晴】

夏季校服同著左背心冷衫
點知幾寒下，
好凍><


自信---------就是當全天下的人都放棄你時,永遠不放棄做自己。

成長---------便是接受一個不完美的自己和一個不理想的自己


一個完美、順利ge 「5年計劃」：

想做老師，而家中六，讀完大學3年，
即係最少仲有4年啦

5 年後，我要做到老師，咁即係話
4 年後，我要大學畢業，咁又即係話
1 年後，我要入到大學讀書。
咁係 1 年後至4 年後呢段時間，
我要好俾心機讀書，咁先有個好 d 成績。
咁 1 年後我要入到大學，即係話
下年 ge A-Level 要有返咁上下分，咁又即係話.........

呢兩年我就要好俾心機讀書！！！

有plan係咪好過無plan呢~haha~~



《神在你掌管》

我望著前路，是迷亂悵惘一片，
幾多挫折打擊，未明白造物旨意。
我踏著細沙，在海邊走過，
晚風中心裡聽您聲。

聽颯颯海風，在寧靜細語低訴，
眺望滔滔海波，在無言默默宣告，
主浩大能力，海天皆響應，
每一刻變幻，亦在您的旨意裡。

神！您在掌管，
時間，萬有，空間；
在您的手裡一切定有時。
神！我的一生，神您定有預備。
莫計得失只想您來導引。

>>October 4, 2009 at 8:57:26 PM GMT+8

2005 年 4 月 11 日 星期一 【晴】

今日胡sir的一番說話真係好講中我，
真係俾佢提醒左我好多好多，
要讀書‥‥‥
就預左係辛苦的，
選擇左讀書，
就唔可以怕捱、怕辛苦！

原來我ge問題就係怕辛苦、怕捱....
所以宜家讀書就成日無心機....

唔！我現在知道了！
「不怕辛苦、不怕捱！」

同埋要尋找自己的讀書目標‥‥‥‥
讓自己每天上課都覺得開心！

我會努力捱下去！
重尋我的戰鬥力！

仲有，
尋晚睇嘉敏送俾我生日禮物果本書，
書名叫做《禮物》，
本書好正呀，
又講中我一d心態...提醒左我d野：

「當你全心投入在你正在做的事上頭，
不胡思亂想，你就會好好地享受生活。
然後你就會更快樂、更有活力。
你只專注在當下發生的事上面，
而那樣的專注和專心一志..........
會帶領你達到成功的境界。」

把握現在......
享受......
投入......

present=present，

禮物就是今天。

>>October 4, 2009 at 8:57:09 PM GMT+8

2005 年 4 月 10 日 星期日 【晴】

睇黎我地幾個都面對唔同的事，
令到我地的心情都唔好，
大家都有唔開心、煩擾.........

跟隨主的路係窄路~
辛苦、累、難走.......是一定的了，
但比起主當日的十架路........我們今天算什麼呢?
一起來起身再走過啦!!

~~~~~我好想好想我身邊的朋友都好開心!!


《你許可》

挫折有你許可　要讓祝福漫過
至死痛楚　要將生命加多

你破碎我一切　卻換上更多恩惠
榮耀路徑必有淚涕

誰肯放棄自救　才將救恩識透
葡萄被壓才得釋放　釀出新酒
人生到了絕處　才知道愛的深處
才能盛載神恩豐滿傾注


........."你破碎我一切　卻換上更多恩惠
榮耀路徑必有淚涕"............

俾神破碎、陶造.......我要順服~~

>>October 4, 2009 at 8:56:53 PM GMT+8

2005 年 4 月 9 日 星期六 【晴】

今日新teen地好開心呀~

今日係無導師的新teen地，
本身呀嘩hold的，
但佢要去婚禮，
所以交底俾我地事奉的去帶。

大家12:30番到活動室傾，
呀嘩同我地講解下點帶，之後分配工作，
我揀左帶一首詩歌咋~~~haha~~
風景同小園就迫住主力講信息了~~~~
佢地都好緊張呀，
因為果陣先知道自己講邊part，
無準備同無夾過下就要講信息~
好考功力架~~
我地祈個禱交托左俾神就這樣去作工了~~~~~

快開始時，大家都有緊張，
有唔同的心情，
大家要合一去一起事奉神。

開始了，
我今日做詩琴呀，
唔知點解今日，會有勇氣用電子琴去彈，
(用鋼琴就可以背住人彈，但用電子琴就係面向住人的。)
嘩~
點知，一用佢就鐘意左佢喇~~
我覺得部電子琴好好聽呀！~~
仲有我發覺....
用佢有一個優點，haha
就係彈錯音唔係好覺的~~~~~起碼無鋼琴咁覺架~~~
可能係d聲ge問題o瓜~~~

之後一直ge內容都幾好丫~
有2首詩歌都好感動我呀，
一首係"在你手中"
另一首係"尋求你的面"
2首都好鐘意~

之後帶組同Josephine一組

今日ge事奉真係好開心，
第一次同佢地一齊帶新teen地~

完左新teen地，
karen走左喇，
我就去左校牧室，
花、ball、董、風景都響度~
我叫花教我做樂理，be4 唔識做果part我終於都明左d喇~~~仲做哂添~
之後花教左我一陣點做果題歷史essay，
之後又同我講左地理d野，
覺得好似補左成個鐘習咁呀，ha~
之後我同佢地都一齊傾計呀~~~~
未試過同佢地大果幾個咁樣一齊傾計~幾開心~

丫~!!原來open day果陣將會用操場黎表演架，
我見到個表演台喇！響藍球場呀，
即係...............
16號分享同敬拜都會響操場啦，
有d驚，未試過響咁大型ge 節目度要講野，
不過響操場講野，個感覺又好新鮮~~hee

>>October 4, 2009 at 8:56:37 PM GMT+8

2005 年 4 月 8 日 星期五 【晴】

好累呀.......

好唔鐘意黃sir，我同Kitman都覺得........
佢諗野太奇怪喇，
成日都180度反轉人地ge思想、觀念，

仲有監考oral竟然識果d先留心聽，唔識ge就....
好過份，
嘩，開會佢咁樣.............
為人師表咁樣都得的嗎??!!
教懷學生呀。
仲有竟然話：「校長抄我，我咪走lor，喇大家~可能下年我就唔響學校架喇~番去讀書仲好」
嘩...............教教下可以走??我覺得佢好唔負責任。

不過好多人都好鐘意佢，
覺得佢好特別，諗野好勁，敢作敢為，
不過我就覺得佢太.........
唉，唔識講~

...........................................

宜家我讀書，
真係lack of motivation
同埋 lost of concentration 喇，
突然間好唔想讀呀，
覺得好累呀，
唔知做咩野，無哂力同埋失去哂學習興趣，
好想咩都唔好做，
太懶！
不過...............

不過..........
真係唔覺得自己響度讀緊書，
基本上，
我都唔係好知自己宜家係咪讀緊書咁..............
好想可以專心讀書溫書呀，
唔想再搞果d無聊ge 野！
Board！Project！
響當中究竟我學左d咩丫？！
特別係地理果個西九龍project！
有階段一........階段二...........階段3.....4...........
簡直係一個死唔斷氣的project........>！<
做黎咪又係為左響open day show 俾人睇~~!
俾我都唔睇啦！整黎搞咩呢~~~~~~~~~
剪剪貼貼、釘釘！
搞埋咁多其他野.....
剩係知道浪費時間、人力物力！
加埋個7周年，要負責英文ge 攤位，
暫時都無得安靜下來溫下書架喇~

今日哩幾日，
都有幾個老師，同我地講升學同埋學習上ge野，
其實我覺得自己升左上黎之後，
真係退步得好勁，
退步，唔單指成績啦，
而係我的學習態度、學習的專心、認真等等，
我覺得自己真係每況愈下，
響哩方面，對自己好失望呀，
其實..........

「係時候要認真喇！咩月份呀？...............宜家望下hall個情景，你就識驚喇！」

聽日新teen地要做詩琴、
仲有我地幾個hold內容，

Essay、
樂理、
econ WS、
Skill Building、
History test "Japan"~~~

Open day 講見證、

Open day 英文攤位

唔知做咩野，打哩編日記d語氣打得好激動添，
其實我無咩ge~~~hohoho~~

>>October 4, 2009 at 8:56:18 PM GMT+8

2005 年 4 月 7 日 星期四 【晴】

嘩~一開個日記板，
就見到留言果度有好多"happy birthday"~~~~~hohohoho~~~

今日好開心呀！真係好開心！

我的第18年的生日：....................

首先尋晚12:00收到三個電話message啦~
小Woo、karen、mabel，
今日收到的message有yoyo豬，同mabel send 多一個過黎~~~

番到學校，
有好多好多人同我講生日快樂呀~~~~~~
今年最開心是多左一班中二的妹妹(哈哈，叫佢地做妹妹)，
多左佢地每人一句的生日快樂，
所以...多左好多人的祝福呀^^

上到班房，
知道panda無番，有d掛住佢添，
好似欠咁d野咁~想佢響度一齊架！but she was sick ma，
跟著...........
fanny同小woo同我講生日快樂同送卡送gift俾我‥‥‥

仲有想不到君怡都記得我，
仲送卡同金沙(今年收到2排金沙)，
睇了佢張卡，
覺得好開心，
因為佢寫d野好touch，好有鼓勵性呀。^^

地理堂完左時，
小Woo突然同Miss張講：呀朱今日生日呀！
跟著我認為係好奇妙的事，就係Miss竟然話：你生日呀？咁我請野你食啦！哈哈！
嘩~~~~~~~我覺得有d難以至信!!~~~
佢竟然會請人食野，仲要講真的！
講真~對於Miss哩個行動，我真係好好好開心架！
雖然只係一排金沙，(其實都唔錯的^^)
我覺得......Miss好好人~~~
第一次.....有老師當我生日時送野俾我食~
突然間覺得.........Miss張都唔錯丫~
係長氣d姐~

小息時，
小Woo唔知做咩！
見到識ge人就同人講：呀朱生日呀！呀朱生日呀！
.......................................................
好"洋"呀！.........><
不過又玩得幾開心，heehee=3="

小息時Jessie特登落黎312送gift俾我!!!~~~

這一天在學校內，
都好開心！我的同班同學.......
估唔到好多人都同我講happy birthday，
估唔到的，哈哈，
.........每一個人、每一句的happy birthday都好令到我開心！

想講下佢地送ge野呀，
好感動架，
特別係fanny同kit同小Woo呀：

修文學的小Woo，
佢呀！作左首詩俾我呀，
我第一次收人作的詩做禮物，
我覺得好有心思呀，
同埋佢寫ge野又好感動喎，
好開心！
佢呀.........
尋晚作到零晨1:00呀^0^

fanny 就係送佢整的生日cake，
我地lunch一齊食，有kit、woo、fan、Lo、婷、清，
嘩~~~個cake好靚，好似出街買咁，
好食呀！
fanny尋晚整左3個鐘架！

仲有楊慧妍，
佢整左曲奇俾我呀，
好靚架！
佢尋晚又整到零晨3:00 =0=

尋晚....佢地為左我...哈哈哈哈哈哈哈哈哈哈哈哈
多謝哂喔！！！

夜晚同dad mum 響大中的原綠食迴轉壽c~
唔好味ge~
細果覺得好正架，
口味轉左o瓜~~~唔知呀~~
可能d野差左都未定。
不過叫左南瓜天婦羅！
好味味！

之後行百街買左洗臉喇，

之後.........臨走時，
買左銀包喇！
終於買到.........
其實...我覺得好貴呀，
不過....媽咪送的禮物！其實佢好想我換左舊果個佢，
次次見親我又殘又舊的銀包都叫我快d買過新........................
反而我又無咩所謂，唔急丫，仲用得，
不過..............都very happy ar~~

諗住母親節送個銀包俾媽咪呀，
佢果個都好舊啦，哈哈！

9:30番到黎做完hw，online，
有好多人send 句生日快樂黎，
好開心有人祝賀自己~~~

呀，今日lunch切蛋糕時，
佢地係咁叫我一定要許願，
咁我就咪埋眼，
但係其實我無咩願望喇，
覺得現在有好多野都好好，
所以當我咪埋眼時，
我就響度...............
感恩，
「多謝天父俾咁多野我、俾我今日咁開心，希望你使我能夠在這裡發熱發光。」

>>October 4, 2009 at 8:55:58 PM GMT+8

2005 年 4 月 6 日 星期三 【晴】

宜家好唔舒服呀...
個頭好痛呀...
今日成日都係咁架喇，
可能...我諗，都係哩幾日太過夜訓啦，
每晚都2,3點先訓，
尋晚搞book report 搞到12:00幾，
之後訓唔著，成2:00先著左...
6:00起身，訓得果4個鐘。

唔得，我要早番訓喇。
唔係驚會病呀。

今日7:15要番到去學校，
預備PE帶game ge野。
cut剩得番3個games咋。

咁到帶games啦，
5分鐘..........咁就過去喇.......
好快呀，
我覺得內容好似唔夠豐富咁呀，
如果玩埋之前果d應該會好玩d、正d!!~~~
不過總括來說，帶得都ok~~個氣氛唔錯呀~~~~

個PE Project‥‥‥咁就完左‥‥‥

唔.........
其實今日都無咩特別，
只係知道好累、好頭痛。

呀，聽日我就生日喇，
18歲，
雖然外表唔似~.................
不過我覺得自己的心內裡有18歲架!!!~~~
不過....好似無咩興奮的感覺咁~
之前會認為18歲的生日一定會有特別的感覺、特別的興奮，
不過今日都仲未有哩種感覺，
可能人越來越大時，
對於生日也不覺得是什麼的一回事~

不過都希望，
生日後，我的思想.....和愛人愛神的心.....都一齊增長。^^

我反而諗到一樣野，
我每年大一歲，
每年Bell Bell 就老一歲，
嗚嗚嗚..........
唔想呀..........
如果可以改變自然定律就好了@@

>>October 4, 2009 at 8:55:26 PM GMT+8

2005 年 4 月 5 日 星期二 【晴】

尋晚....3:00鐘先訓，
掛住玩，haha。

今日12:00幾呀訓到，
起身見頭痛添呀。@@""""""""""

成日無出過門口，
響屋企做唐山book report~

突然聽番My Way哩首歌，
好有感觸呀，諗番好多中五d野，
回憶番d學校片段，
諗番起張sir....諗起我地練歌d情景...比賽時ge情景等等~~

真係好鐘意d歌詞呀：
每一句都好好好鐘意~~



MY WAY -----張敬軒

一直在醞釀 ，一直在盼望，
爸爸和媽媽 ，唯一的理想，
二月第—天 ，一九八一年，
我第一次對他們眨了眨眼。

等待快點過去多少個明天 ，
希望這個寶貝快快長大一點一點，
身體要健康所有的事情都如所願，
Baby長大以後就是小軒。

**I Will Find My Way, I Want a Different Way
After The Wind & Rain, There'll Be a Brand New Day

小時候受傷有人心疼失落有人安慰，
現在遇到困難自己就要學會面對，

I Will Find My Way, I Want a Different Way
Nothing Can Stop Me Now, No Matter What They Say

困難要用我的堅強和努力勇敢面對，
現在用心去追 ，感覺就對， I Will Find My Way。

一直就這樣 ，找我的方向 ，
不理會別人 ，奇怪的眼光；
直到有一天， 我忽然發現：
夢想已經在實現！

等待快點過去多少個明天，
看著自己已經慢慢長大一點一點，
我的生活應該讓我自己學會掌握，
相信自己 不怕風雨再多！

>>October 4, 2009 at 8:53:39 PM GMT+8

2005 年 4 月 5 日 星期二 【晴】

噢，
哩幾日都好累。

今日訓到11:00呀，
都係唔夠的，
練下琴食埋飯就出去學琴。

每一堂學學理前，都會祈個禱先，
希望我可以學快d，有多d聰明智慧，
不過...今日依舊係咁，
伍太係咁話：做快d啦，學快d啦!!!.......................
我都想架................得先得架.................
唉，
真係好擔心自己學學理咩呀.........
頭先都有d唔開心架。

之後去街市幫daddy買紅棗，
之後去屈臣x諗住買洗臉膏，
點知睇睇下....
俾2個女仔化妝品果d sales捉住左，
向我sale野，
sale左15分鐘，
我唔知點走呀，
咪企響度係咁聽佢講野lor......好驚，
又唔知點走喎，
我話無錢，佢就話：見係你咋！俾你落住20蚊訂先啦！番屋企再落黎俾番lor~~~
又用好多理由同我講喎，
唉，之後最後頂唔順喇，
咪話：唔喇，真係唔喇！！
跟住睇住架我！佢地2個果面口立即變哂呀！
好似想打我咁呀.........好惡。
我走果時仲好搞笑lor，講左句應該係佢地要講ge野：
「唔好意思呀，阻左你地2位咁耐。」......................

以為去百佳好過！

* BO BO~~~~hehee^^

>>October 4, 2009 at 8:53:21 PM GMT+8