2005 年 2 月 8 日 星期二 【晴】

剛剛download左ICQ5,
有好多功能咁,
發覺....
好似唔係好識用添。

10:00am去到新圖書館~今次我好準時的~少有~
在大樓的樓下就見到fanny,一齊上去,
我第一次去這個新的圖書館,
真的幾靚呀~好專業的外表,
而且管理仲嚴左好多呢~
我入到去唔記得電話轉番靜音,
點知karen咁arm打黎.......我咪聽lor~
跟住就比d管理人員話喇：麻煩你傾電話請出去出面講啦............
and..........be4舊果度傾計無管理人員理的,
但今日響入面大聲少少o姐,立即被人話(都話左我地幾次,哈)

成大半小時後................我班d人先開始黎...........
我自己就無無聊聊的一人在上網找資料...........

d資料都好易find到,我果組做同性戀這題目，
之後又去找下d書咁，搞到11:30左右,
分埋工，之後就一齊響下面果層食野,
但係我無咩心情同埋唔arm食,
所以就無食了，
等埋佢地食完,
我地去出面搵地方影印,
影完我就call karen,
搵佢同我lunch，
但係佢地行得好慢,行下停下,
所以我就同william行快d先。

約左karen響椰林閣食飯,
佢話唔肚餓喎~
咪食我碟飯少少lor~
d咖哩好好味呀~~

之後上左karen屋企,
一齊做功課,
好開心呀!!!!我終於做哂d功課喇~
頭先我響佢屋企做埋條歷史Essay，
finish哂lu~~~~
做到差不多悶的時候..........^^
大家又傾下計,
講下我同佢由f.1----f.6的朋友歷程,
諗番我地由f.1開始已經一齊玩,
果時諗d野真係幾無知。
有好多野我已經唔記得左喇，無記性麻，衰退喇。哈哈！
之後大家講下覺得大家信主後的改變。

我做essay搞到4:30,
突然好想食西多士,
之後karen陪我落去食,
但係好趕呢~
因為我要5:15學琴,
之後急急腳咁去果間叫"好好掂"ge野度坐底，
點知果間野一d都唔好、一d都唔掂......。

我order左西多士............
點知等左15分鐘..................
突然個男人先同我講：唔好意思，我地無哂麵包，而且買唔到呀。
嘩!!!!!!!!!!!!!!!!!!!!!!!!
你無....都早d話比我知丫.............仲要等左咁耐添!
又趕時間喎,都已經5:10啦,
跟住就叫左碗車仔面..........
因為我唔知食咩麻......and趕住無時間諗麻........
所以求其：車仔面丫！
好彩我打左比伍太話5:30先到,要遲15分鐘........

食完飽到丫!......其實我本身都唔係肚餓的............
起初只係心隱想食西多士之麻.............
搞搞下變左食成碗面.............
超級飽。..................................................
早知唔食啦..............
搞到咁趕、又飽得濟。.............

因為趕時間呀,所以搭的士，
唔知點解今次搭呢...........貴左ge???....
之前唔會跳鏢的.....上車到落車也是$12.5.....
但今日跳左幾次,落車是$16.1~~

嘩~今日剩係食野加車錢,
都差不多60蚊，
救命呀。

學完琴番屋企,
今晚要趕project....
要有排對住個電腦喇。

哈哈~我諗剩番這兩天，都係用來趕project的了，
唔洗指意可以溫書架喇..........!!

>>October 4, 2009 at 7:48:58 PM GMT+8

2005 年 2 月 7 日 星期一 【晴】

呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
好煩煩煩煩煩煩煩煩煩煩煩煩呀!!!!!!!!!!!!!!!!!!!!!!!!!!!!!!!!!!!!!!!!
無啦啦聽日要去做project!!!!!!!!!!!!
我的計劃打破了!!!
諗住響屋企，做功課溫書架麻....................................
真係超級極度唔想去.........
仲要一早10:00鐘........
點解.............
而且下午5:15學琴架麻!!!
中間果段時間去邊丫！
丫..............有ge....................惟有響自修室做essay啦..........
唯有係咁啦........不過響自修室我係做唔到野的。hahahahha.................
想死呀！
宜家好激動呀我，好燜.......!!!

算啦~發洩完無野..........都係純粹怨下o姐.......
現實，都係要面對番我份project的。哈哈。
希望聽日做project唔會有唔開心啦。

今日訓到11:30，
起身食完飯就做功課，做左中化的隨筆咁，
響屋企好舒服呀，
有陣陣清風吹來，今日天氣又好溫暖喎，
令到自己好精神呀。
不過覺得自己的專心真係差d~
做一件事往往都分開幾次來做的，
可能響屋企就係咁，
喜歡行行企企的，
之前都唔係咁呀><

最後都敵不住自己，
訓左兩個鐘。哈哈！

不過我剩番一樣功課咋！
就係History的 Essay，
今次幾難做咁。

尋晚我最親愛的小米同芳芳打電話來，
我.........開頭有d嚇親呀，唔知係邊個呀麻，
因為有點突然麻，haha.................
原來佢地專登打比我，鼓勵我架，
真係好丫~~~~
我唔會看輕這些小小的鼓勵呀。!!!!!

係呀，我呀，黎緊會去旅行呀，
12----16號呀~~五日。
是這星期六到番學前一天即星期三番。
我係去上海、蘇州同杭州呀，
同我daddy媽咪去，
這星期六早上8:00機，
16號晚上6:00番到香港。

所以我咁急要做哂d功課呢，
聽日要出去做project，
學琴，
有兩日要出去拜年，
距離我走....剩番4日咋，
要做埋條essay、溫書，
仲有搞埋份project..........
仲有......仲有要有安靜時間寫得救見證呀，
好多野要做呀！
啦啦啦啦~~~啦啦~~~啦啦~~~~~啦啦啦~~啦~~~~~~~~~~啦啦啦~~~~

>>October 4, 2009 at 7:48:32 PM GMT+8

2005 年 2 月 6 日 星期日 【晴】

今日係Mabel的生日~
18歲呀~真係快了~
我識佢時大家都係14歲，
諗諗下，仲有兩個月到自己了~有點期待。

今日祈禱會,
我啦、董啦、Josephine三個人一齊一組祈禱,
三個在全教會中都有共同的外表的特徵,
都係曲髮.........突然三個走埋一齊祈禱都幾搞笑,
大家也是一樣的........哈哈。

之後聽道今日的主題係：守安息日
但係我好似聽唔到d咩咁.....可能....
與日常生活無咩關哇...........唔知道呀。

之後Happy Hour，
首先係同Mabel、呀思慶祝Birthday，
有一個兩磅ge蛋糕，
好好味呀，我覺得唔夠食~搞到宜家諗起都好想食！
仲有好多薯片、薯圈、同最鐘意的芝士波。
我都有節制ge~
係咁依食少dd咁啦。^^
細hel又唔響度，無人禁住我哈哈！

食完後有分享啦，
Emily第一個分享，
之後Mabel，Mabel喊得都幾厲害，
不過佢喊，係因為感恩，係因為在新環境中好經歷到神，
所以這是一件好好的事呀，
見到佢喊，我都有點想喊，
因為自己都好感動，見到Mabel咁樣咁感恩，我好好好感動同開心呀，
睇得出神的帶領呢。
之前都好擔心佢識唔識諗，
不過我相信...........這路確實是神的按排，
同埋Mabel應該識諗了。^^

之後再有幾位分享，
我都有呀~我唱"陶造我生命"~
簡直是我的心聲。

「神願你來陶造我，使我在靈裏果子更多
奇妙聖靈請將心窩潔淨，剔出污穢願能成聖

恩主我求能像你，心內柔和與謙卑
憑熱愛熱誠感染萬千生命，彰顯美善靈性」

之後留有school至到差不多3:00p.m呀，
在school 周圍行行企企，其實都唔知做咩ge，
connie姐組d姊妹，都有比d好好味ge壽師我食，
最後打左陣排球，2:45左右就走喇。

之後同細hel過左大中，
許留山食龜靈膏，
之後我地去搵左濃濃，咁arm佢放食飯，
所以可以陪佢食野，去左椰林閣呀，
原來果度d下午茶呢，都幾好味同幾多款架喎，
karen遲d一齊去食lor~~~~有個新落腳點麻。

之後食完我就走了，唔阻住佢地拍拖拖。Haha~~~~

今晚要過隔離鄰舍食飯，
要去應酬呀~~~哈哈!!!!!!!!

>>October 4, 2009 at 7:48:18 PM GMT+8

2005 年 2 月 5 日 星期六 【晴】

終於暖番d喇，個鼻都無咁辛苦。

1:10番到312室栽培班,遲左10分鐘...........
(我的壞習慣.....遲到，真係要改！自己都覺得唔好呀。)
今日主題係，讓初信者實習靈修，
自己靈完都有d得著,
就是提醒番自己，在平淡的日子中不要忘記神的恩惠。
有時有個奇怪的想法，
就係都幾鐘意身處於困難、辛苦、傷心的日子，
因為我覺得在這些日子，我同神會特別好近，
雖然這些日子，表面會唔開心同驚，
但係心裡反而是最剛強、最有力的日子，同神反而會好近，
都覺得好奇怪。
所以有時我會鐘意遇上這些日子。哈哈。

不過宜家我...........
要學習點樣在平淡、安隱的日子中依靠神呢！

2:00上第一課的浸禮班呀，
其實果一刻自己個心都未ready好上浸禮班，
因為心中有不少其他思想，
不過之前有祈禱，
所以頭先上課時都好好好留心呀，
不停mark底d notes。

今年有我啦、hel、vi、文彥、karen、小雲、仲有Tin一個男的。
真係好喇，個個都認識的！

唔~我覺得今堂個速度快左d咁，
好多lung lung 都寫唔到，
不過都明白志勝哥所講的呀！
其實是這信仰的基本認知，
不過也鞏固了自己的信仰根基呀。不錯不錯呢！

黎緊要交得救見證喇，
要搵時間安靜響神面前，
想"歐"番起細細個.........到大個d信主前............再到信主後......什至到現在.......的事情。
哈哈，都幾期待自己份得救見證出左黎果時呀！
快d快d~~~~

同埋我想睇番------>耶穌傳<------------一次呀！
想對此信仰深刻d，有d影像響腦海中麻。

之後同董同細hel出去百佳，買聽日happy hour食的0食，
嘩~買左好多薯片呀~聽日可以食喇，不過我要節制住，
因為唔想又黎病過，雖然宜家個喉嚨都係有點痛。
之後同董一人買左一支Lavenus 的曲髮乳液,
丫~係呀~呀董電左大S呢~幾好睇呀~
幾襯佢丫~唔錯唔錯~
之後番來校牧室同呀董整佢個頭，
經過一番整理之後，
無咁大把了d頭髮，無炸了。！^^

之後5:00左右同細hel、karen、文彥、小雲友........
去好好甜品食糖水呀~
我食左------>芒果忌廉豆腐撈。
好好味呀~不過食完之後好凍。哈哈！

之後搭小bus番屋企啦。

>>October 4, 2009 at 7:47:59 PM GMT+8

2005 年 2 月 4 日 星期五 【晴】

今日出左沙田睇戲,
第一次有同d弟兄一齊出去,
有細hel啦、浩宜啦、Tin啦、呀Ball同呀康,
我約人就約唔到,
但係細hel一約就可以約到咁多人,
嘩~~~

我同細hel11:00幾就出到沙田,
行下天道同突破,
前排好想去聖經書室,
但今日行卻無咩仔細咁睇。
響天道就撞到呀Ball同浩宜呀康。

我地睇12:10果場,
丫~我地係睇《超人特工隊》,
呀Tin同細hel坐我兩旁,
睇緊果陣,
左面的細hel笑到拍哂手.......
右面的Tin就笑到好大聲..........
聽到我身邊果兩個ge笑聲............我又好想大笑喎!

哈哈~~~~套野又真係幾好笑呀!!!!!!!!
由頭笑到尾,
最鐘意個BB呀!!!!!!!!!!好得意!!!
佢地全家5口都分別有唔同的超能力,個個都咁搞笑~~~^0^
d動畫的動作又做得好細緻呀,好過隱,哈哈~
同埋我比戲中ge一句說話所吸引住：
「你ge能力比你心裡所估計的強。」
我覺得哩句野好正。
同埋,
一家人不論生死而共患難又好正。

之後出左戲院,
呀斌響度,
之後同我地一齊食下午茶。

睇完戲之後去左唔知咩餐廳食野,
我食左西多士同凍0茶,
佢地個個都食扒餐。

總之今日都好開心呀！

P.S1：有人話我寫日記寫得好詳細喎,
佢話睇完覺得好似同我一齊出左街咁~
不過我都係鐘意記得詳細d~~~~~哈哈!!!
你都睇得好開心咁丫！哈哈！

P.S2：頭先食完野,就比細hel快速地拉住我走,
都仲未有機會同TinTinHon講多謝呀~~~~
Thank you ar~~~~~~~!!
(我代細hel講埋啦！)
不過下次果個籌委打邊爐,
要等埋我先呀!!!!!!!!!我想去呀。

>>October 4, 2009 at 7:47:43 PM GMT+8

2005 年 2 月 2 日 星期三 【晴】

好野!!!終於捱過這兩日痛苦的sports day~
這兩日簡直係度日如年般,
經過這兩日的吹風,
我個頭已經好痛,
是傷風了。
幸好沒有演變成發燒感冒呢！

今日細hel奸奸呀,唔番黎~
得我呀vi相依惟命~
上午坐在紅社度,
果陣我又唔舒服,精神又唔好,
所以好靜,唔係好想講野,
搞到呀vi好悶,不過我都盡量撩佢了,怕悶親佢,
其實我真係唔想講野,因為一講野就好似無哂氣咁。

四個鐘之後Lucn,
好難先捱左這四個鐘,感覺好似好耐咁.......
真係又凍,同埋真係好悶呀,
今年我完全無心、無熱誠去睇人比賽,
就算是班制的,我也無所謂,
而且無衝動想睇呀。

總之........
我也認為在sports day最辛苦的角色......
莫過於是.............觀眾，白白的坐。

Lunch同vi去食粥,南瓜粥呀!!!!!
好味~食完都暖左好多呀~

番到去,
呀vi要代表G.B降旗,
所以,我自己一個坐在黃社,
待看老師隊社制跑、啦啦隊,
後來小米來坐在我旁,陪我。

4:00幾完哂個sports day ,
搵唔到呀vi,
所以我自己急急腳走了,
咁凍天時,
當然是盡快番屋企了。

>>October 4, 2009 at 7:47:25 PM GMT+8

2005 年 2 月 1 日 星期二 【晴】

今日係捱悶、捱餓、捱凍的日子,
Sports day..............

無野做,好無聊,
半天在黃社看台同呀Vi、細hel發呆,
做的只有,偷吃糖、偷訓覺、傾下計咁........
本來報左鉛球的,
但係之前整親隻腳,怕會唔小心再整親,
所以無落場了~
因此完全無任何比賽參與呀我,
在看台吹北風><

勁凍呀,吹大風,
吹到個頭好好好痛,
不停流鼻水,鼻窒窒,
係大傷風啦,唉唉！

中六開始身體好差,
郁下就病,
吹下風就病。

之後,
我同vi、hel都決定lunch時早退,
一齊走去食吉野家,
同一時間一齊打比屋企人叫佢地幫我地請假.........><

打比學琴老師早d學琴,
食完就去學琴喇,
之後番到屋企3:30,
唔知搞左咩就到5:00,
跟住訓覺覺,訓到7:00。

>>October 4, 2009 at 7:47:08 PM GMT+8

2005 年 1 月 31 日 星期一 【晴】

番學無咩野特別,
好平淡,
又係無咩心情的,
(在學校成日都係咁架啦,死死下,目無表情。)
日日一見到個班房,就好唔想入。

其實我好想有讀書的動力、衝勁,
我宜家經常性地唔起勁,
好散懶咁的感覺,
成日都唔想上堂,
麻煩的地理、沉悶的History、唔明的Econ
唔鐘意個呀sir講ge野的中化、上課會好眼訓的英文....................
唔知自己做咩呀.......
點解會突然失去興趣架！
真係唔得掂呀咁的態度><

今日放早呀~放12:45,
第一次去細hel屋企~
同呀vi買燒味飯一齊去了細hel屋企lunch,
佢今日屋企,細hel媽媽啦,同細佬也在家,
仲有.............三條生得好核突的大魚魚。(好醜架)

之後約左我堂妹一齊去剪頭髮,
我電番曲後面,因為半年前電了後現在都直哂,
前面就整番直佢,因為d 陰成日都變形麻,
搞左三個幾鐘呀,
其實係等lor,人太多,所以要斷斷續續咁同我整,
程序又多呢......

之後同我堂妹整完後,
就一齊食埋野,(肥牛肉擔擔麵~~^O^)
之後就走啦~~

P.S：yeah~~~我隻腳無哂事喇~剩番1個%左右痛啦~
全靠我媽咪尋晚同我按左兩次,
我覺得佢拍得住d 跌打佬呀~~~~
一晚就搞掂哂~~~
今日一起身,就無哂痛楚的感覺了。
不過although是短短的兩天,
但我覺得今次的經歷都幾特別,
因為未試過咁樣樣,
發覺身體其中一部份有事.......
成個人就都會受影響,
做咩都有阻制的。

>>October 4, 2009 at 7:46:50 PM GMT+8

2005 年 1 月 30 日 星期日 【晴】

尋晚番到來屋企,隻左腳就好痛,
應該係扭親條腳根..........
但係回想番,我又諗極都諗唔起我幾時,同響邊度整親喎........

跟住今日番教會就拐下拐下咁出黎喇............
一早自己搭小巴出黎,
行動極之唔方便........
落左車,行左10分鐘先番到教會,
平時番學都係行5分鐘之麻!
越行越痛呀,
最重要的是,好介意人點睇,
我覺得我咁樣好核突><
見到好多人都望下望下我咁,好唔知點的感覺。

番到去,
無上去番祈禱會了,
去了校牧室,karen比左支跌打酒我,我就擦lor。

今天講道的主題：神的名字：我是自有永有的
經文：出埃及記3:13-15
神用我地的地方就是適切我們的背景、性格,
神所用的就是這些,無論是好的or不好的,也能被神用呀。

三識：
1)認識自己
2)認識時勢(配合神的計劃)
3)認識神的心意(read more Bible)

之後HH查經,
都唔係好投入,發白日夢.....

完哂之後,
小雲話陪我去睇跌打,
先先同小雲食米線,
之後諗住.......
去舊墟,小雲媽媽介紹果2間其中的一間度睇,
由於我隻腳死左,行動不便,又痛,
於是我地搭的士過去舊墟呀~~
去到兩間都關門了~
於是感覺好旁惶咁~拐下拐下四周圍搵有邊間可以睇,
不過個心一直都唔係幾信得過果d跌打人,
好似好簡陋咁麻~
如果越捽越衰就嚴重喇,
好好彩,行行下遇到emily同佢媽咪,
我好相信係神的安排~~~~~~~~~~
我決定唔到麻,神就幫我決定呢~~~~
佢媽咪同我講,
話叫我唔好隨便比人捽,叫我去睇急症,照左X光先。
跟住又拐拐下咁去搭的士,去了那打素呢。

嘩~~~~~~~~100蚊真係好貴呀,
入到去見左5分鐘都無,
剩係：你整親條根吧。...................................>,<
之後比左兩隻藥我,就這樣了。
仲要聽日再要去拿過藥呢~
政府d野........d 服務...........

之後同mum搭車番黎,
番到黎家中,mum同我捽腳擦油~~~~~~~~HAHA~~~~~~~~~
呀~~~~~~~~擦完好似好d咁啦~~

好多謝小雲友丫~~~~~~~~~~~
陪左我成幾個鐘,take care 左我咁耐,
同我周圍去搵、周圍去行、陪我睇醫生，
仲要令到小雲無得同佢的friends friends聚會Lunch添，^^"
不過幾好丫~~~~~~~經過頭先,
我地可以close左,傾計計。^^~~~

哎呀~~~~~~~~~~~~~~~~~~~~~~~~~~~~~
隻腳咁樣無得推鉛球添~
咁兩日sports day 都only 坐了，無野做啦。

希望聽日起身會無野啦隻腳~
因為我唔想睇跌打呀。

>>October 4, 2009 at 7:46:31 PM GMT+8

2005 年 1 月 29 日 星期六 【晴】

首先,To:我所愛的小小米：
好多謝你的分享同鼓勵呀,
這些問題真的是無論初信、信左幾多年也好......也會遇過的~
我地有機會不如一齊傾下計丫,了解大家多d呀~
你不是沒有幫我呀,我感到你的支持架!!!!!!哈哈~~~~~~
我一直都覺得你係好認真在主裡的人呀~
哈哈~一齊進步、一齊在主裡改變吧!!!!!!!!yeah~~~~~~~

本來今日帶著一個很差的心情番新teen地的,
心裡的煩亂仲未解決,
所以番到去都好唔投入,
唔係咁開心。

不過,神就是在今日清晰番我內心d野。

因為完左新teen地之後,
我、vi、hel、karen、文彥同埋呀花一齊傾計,分享,
首先我一口氣講哂我d問題出黎,
包括屋企啦、自己內心啦..........
跟住呀花就一次過.....比左好多好好的回應我,
另外原來我們幾個想浸禮的人,也有好多好多唔同的憂慮困擾......

放心啦,我宜家識點做架喇,
我會接受自己的不足,接受自己是有罪的,不可能盡善盡美,完美的,
我要做的是只要盡力、竭力追求。
同埋要欣賞自己的恩賜,
求神將我的缺點轉反成屬靈的恩賜,
是180度的轉變。

愛神愛人是一條一生要學的路、功課,
是慢長的,
沒有定義什麼叫做100%愛神愛人,
只要每天行多少少、少少咁,
一天比一天........行近愛神愛人這目的地.......便是進步。

我呀,
唔可以比自己要改變的東西成為自己的壓力,
我知道我現在正被神改變中,陶造中,
所以神不斷咁撩緊我心裡d罪、d污糟野、d 我需要change 的野.....出黎,
清潔緊我的內裡,
要拆毀舊我，再建立新的我,
我相信我現在正在這階段吧~
所以,唔怪得.............
我這排面對自己很多的不好時,
會覺得咁辛苦啦,比神拆毀當然痛苦啦。
因為神在這排讓我看到自己很多內裡的衰野,
所以會覺得大壓力。
現在我終於明白為何這排心情會咁樣了!!!!!!!!!!!!!!!!!!!!!!!!!!
現在我知道........
我應該放手讓神親自去改變我,
先在神裡要釋放吧~
相信神會透過不同的方式去改變我呢,
這過程會痛苦,但好期待日後我會變成怎樣的新我。

諗番..........
神願意在這刻重新改變我,
也是很大很大的恩典呀。

另外,
我發覺這排真係中哂魔鬼的詭計了,
令我唔想搵神,唔願祈禱的就是佢!!!!!!!!!
我要變得更剛強呀!
因為越剛強,魔鬼就越怕,
越軟弱,魔鬼就越乘虛而入,
要站穩腳步才行!堅持著!
不要給魔鬼留地步喔!!!!!!!!!

不過...........總之呢,
真係唔可以比自己咁大壓力,
交比神,慢慢來吧,
~~~~~~~~~~~~~~~~放手＊~~~~~~~~~~~~~~~~~~~~~~~~~~~~~~~~~~~~

我唔會咁易倒下的!!!!!!!!!哈哈哈哈哈哈哈哈哈哈哈!!!!!!!!!!


路是難走，
但比起你的十架路，
我今天算什麼，
來起身再走過！！！

>>October 4, 2009 at 7:46:13 PM GMT+8