2005 年 4 月 23 日 星期六 【晴】

尋日本來個心已經好煩好煩，
跟住估唔到.......夜晚無啦啦俾媽咪大鬧一場.......
可能..我........其實都有唔arm，做得唔好ge
不過............唉...............唔知呀.....
果刻真係好唔想諗，唔想諗我做左d咩...
剩係好煩好亂
一路聽佢鬧我......心裡面一直在喊
天呀........好辛苦.......
點解我會面對咁多唔開心........
之後ni埋入房，
我未試過試過咁樣用自己黎發洩...
隻腳紅哂，不過係唔會痛ge.......
第一次咁樣樣..

今朝唔想起身
但唔得
9:30要番到學補econ，
點知訓過龍..
9:15先起身，
10:00先番到school..........
11:00放左之後留底，同君宜一齊溫econ，
同佢一齊溫econ成日都覺得好正，
我同佢的學習方法都幾似，
鐘意諗得好深入，每樣野都要清楚點解、d野點黎。
同埋大家用口表達番所理解的野俾對方知，
咁樣對對方都有幫助。

之後同karen去大中食飯：

「你望到餐桌上面有d咩丫？」
「..............我望到有叉、一杯水、刀....」
「咁咪係lor，神都可以一眼望哂世界上所有人！」

結論：神係高高在上、大有能力的，可以同時望哂、看顧哂所有人，並唔會忽視任何一個人。

>>October 4, 2009 at 9:03:13 PM GMT+8

2005 年 4 月 22 日 星期五 【晴】

今日的情緒又出來了.....
......喊左兩次........

第一個小息....
個心好沉重，
忍唔住，
立即上去六樓，搵細hel同vi，
之後我咩都講講講，嘔哂出黎，
跟住有一下望住hel，之後唔知點解望住佢個樣，
再望上天同d雲
我就忍唔住喇.......
果下望住細hel有一種可以俾我釋放的感覺.....
.......d眼淚係咁滴落黎，嘩......心中舒服好多..........
vi同hel lor........之後仲講埋d好到肉ge野！
你地果幾句的鼓勵我會記住！

我真係好鐘意你地....
對住你地，
我可以豪無保留咁嘔哂最最最最最內心ge野出黎.......
雖然頭先我講完ge時候，
你地的回應唔多，
但係呢...........
我真係好好好好好好覺得......你地係好明白我的！
縱使唔係全部的朋友都明白我個人，
有人可能真係唔明的，
但係，頭先，你地唔需要d咩回應，
我都already知道你地係好明白我！

第二次.....第二個小息，俾細hel的一d安慰說話搞喊....
「神會為人預備一切」！
神呀..........................究竟我發生咩事.....?
哈哈哈哈哈...........I Don't know~~
=0="""""""""""""

約左 best karen放學去M記食雪糕同坐坐，
一出左學校門口見到佢，
就勁興奮....衝呀~係咁衝過去！
「好掛住你呀」................
我成日都覺得我地做朋友做到....好似男女朋友咁..........
哈哈哈...........

之後M記坐底，
今日我終於有機會同佢分享我的野，
想分享好耐架喇！haha.....

之後我地行左去大中，
行左個轉咁啦~
之後5:00番屋企了~


~~~~~~~~~~~~~~~~~~~~~~~~~~~~~~~~~~

除了響屋企，
平日的生活........
都覺得我係好需要有人在身邊一直睇住的.....扶著住、take care住，
有d人佢地就可以比較獨立的。
覺得........我自己有好大的空間要去成長！
就是學習獨立麻?.........~

仲有，現在成日都諗..........
「關心.........？究竟點先叫關心呢?」
每個人對「關心」的定義都唔同，
有人在心裡記掛也ok，有人可能渴望以言語和行動。
而我自己呢....??.......

都覺得近來，少左講自己ge野俾朋友們知，
只顧著聽，聽人地講，
可能就忽略了自己的情緒同感受，
少左機會同人地分享自己的事，
唔.........我會好似之前咁，多講自己的野!!
你地唔好厭我煩呀~~
haha~~~要用心的聽架~~~~~

發覺到自己一樣野，
原來我一有唔開心，
最適合我，同最有效的方法..........
就係同朋友講！一講完俾佢地知.....
就好似將d唔開心卸下左很多咁！
每次用哩個方法都好arm我！
哩個就係最適合我去處理唔開心的方法！
原來.......只要有人俾我分享、傾訴、講，
我就.............哈哈.............釋放。
人呀、人呀、人呀！
我要人！

P.S：
你地係我一切一切唔開心的避難所！
7位公主‥‥‥永遠係我的同路人！
好開心...在主裡有你們真摯的知己！
中一小小的六位G.B.妹妹，
識到現在！一齊在主裡扶持成長至今！
珍貴的情~
我所喜歡的^3^

「小時候受傷有人心疼失落有人安慰，現在遇到困難自己就要學會面對」

>>October 4, 2009 at 9:02:56 PM GMT+8

2005 年 4 月 21 日 星期四 【晴】

尋晚做樂理做到成1:00，
不過夜訓....已經慣左喇，
1:00訓都唔覺得係夜了~

今日歷史堂，胡sir話，
6月的大考原來係3個鐘考4題essay呀！
點做呀！？.............
宜家都開始驚了。=∩="

響班房感受到好多種唔舒服的feeling，
學業、人際.........
仲有‥‥‥趕趕趕、忙忙忙‥‥‥

之後番團契，
係合團的詩歌週呀，
嘩~第一次唱咁耐詩歌，
唱足1個鐘~
不過好enjoy好正呀~~

>>October 4, 2009 at 9:02:27 PM GMT+8

2005 年 4 月 20 日 星期三 【晴】

*******轉左wallpaper~轉左d歌~加埋幅圖~~

今早‥‥‥‥搭唔到7:05果架mini bus！full左！
之後見到有bus黎，但唔上，
因為搭mini bus 可以快過搭bus番到學校麻~
(想早d番到去清晨敬拜)
行前一個站諗住有位坐，
點知跟住第二架的mini bus 又full了！
開始驚會遲到！
之後就跑跑跑！跑去再前一個站！
第三架mini bus.......
終於有位了！.............搭四先上到車~
不過..........................氣都喘哂呀！
上氣唔接下氣！
無命.......
晨早流流就勁咁跑......

放學歷史quiz呀，
之前個個都話：唔好出(咩)呀！一出就死哂架喇！
..........呀sir真係出果樣！
收到條問題果陣，
個個都大叫大喊....！
我都大叫"死啦死啦，救命"
果下個氣氛好正~
之後..........
大家都以"吹"的方式去做哩條essay~~

中七A-level文科人大多數都考完喇，
時間真係過得好快呀，
可能...唔係自己考，
所以就覺得快o瓜，
相信真係考果d人就會覺得唔易捱啦。
辛苦左2年ge野，2個星期就搞掂....
佢地可以放底d書本大半年了，
可以做一做自己想做ge野，
而我們中六的......
要走的路還有什遠呢~

都係果句啦：加油！衝衝衝！
.................

不過宜家無咩力量去衝呀......哎哎哎

>>October 4, 2009 at 9:02:09 PM GMT+8

2005 年 4 月 19 日 星期二 【晴】

哈哈哈~今日好開心呀，
因為.......
其實好少野，不過我好有喜樂呀~

前一排，自己響關心人方面，
感到有疲乏，
對於聽人地的事情的分享，會唔想聽，
變得好渴望人地去關心自己，
什至唔想聽人地分享。
但係哩幾天，
特別係哩今日，
當我聆聽我的朋友的唔開心和開心時，
我覺得好享受，
會好滿足，
當聆聽人地的說話時，好開心，
而且好明白，
發覺自己好易明白人地的心情，
神清晰咁話俾我知哩樣係我的恩賜，
我好像知道.....神要我在學校、在我的群體中要這樣行，
做一個關心人、聆聽人的人~~!!

我搵到我可以付出的地方了~!!
好開心!!

之後學琴，
伍太同我傾計，
傾計的過程當中，
佢話看見我成長了，
看得出自己的弱點其實是因為我認識自己深了，
之前成日好想認識自己多d，
其實我諗番，今年我真係認識左自己不少!!!，
雖然仍有很多方面未認識，
但是我覺得...是一個很大的進步呀，
所以好開心呀~~~~~^0^
同埋好感受到伍太的愛心~~~
對住我真的好有忍耐~~hoho~~~^,^

伍太提醒左我一樣野，
神陶造我地個個也不一樣，
功能有唔同、
而且有人聰明d、有人遲鈍d，
神對每一個瓷器也有不同的指意，
總是為了完成祂在我們身上的計劃。

>>October 4, 2009 at 8:59:59 PM GMT+8

2005 年 4 月 18 日 星期一 【晴】

今日同fanny一齊出火炭，
(好耐無同fanny出街喇~)
fanny去拿身份證，
而我就係去成人整身份證呀~~~~~~~~~~~
哈哈，
好開心，感到自己大個女了~~
hoho~~~~^0^

當我填緊表時，
有個職員過來問我地：兩位登記做選民丫！大個喇可以登記呀~
之後我同fanny就一齊填表登記左喇~
我地同一日登記左做選民喇，哈哈~~
唔知呢~~~登記左好開心呀~~~哈哈~
覺得自己真係大個女咁~^,^
而且可以多左在社會的選舉權~
總之意外的驚喜啦~~haha~^0^

之後好快，我就入去打手指模、影相喇~
唔知搞咩，打極我都打唔到我ge指模，
打極都唔清楚的，
之後影相，
唉，我覺得影得唔靚呀，
個樣好殘同埋好唔精神呀，黑眼圈好大呀，
不過真係好似我媽媽
heehee =o=" ＊~

之後等左陣，拿埋張「行街紙」~
就走喇。

搞掂哂，
我地就搭火車番黎大埔，
響運頭塘果度食埋野，
再去OK買埋d野飲野食~
之後就走喇。

>>October 4, 2009 at 8:59:20 PM GMT+8

2005 年 4 月 17 日 星期日 【晴】

-------->>>417=====
＊第一次領聖餐＊=======

今日係第一次領聖餐呀，
臨講完道時，好緊張呀，
呀紗坐響我隔離，
我就同佢講：好緊張呀、好緊張呀，點算呀~
之後好快就要出去喇，
同細hel、文彥企~
出到去咩都唔敢望，
立即咪埋眼，祈禱，
因為好緊張，
果刻剩係知道好緊張，
所以.......無自然咁對準神，好難放鬆去思想神呀，
之後拿左餅啦，
牧師祈禱，
佢ge祈禱內容幫助到我對準番神!!!!
記得佢話：食左餅喝左杯，無論之前有幾多罪，我們的罪在這一刻就被重新洗淨。
提醒番我當中ge意義，
令到我可以憑==信心==領受這個餅同杯。

另外........知道左原來.........
d餅好難食架，之前仲以為係脆的，
點知係.......好林架，
我覺得就好似食緊一塊膠咁‥‥‥哈哈。>w<

仲有飲杯葡萄汁果陣，種感覺好特別架~~~~~~~!!!
我覺得飲落去果下呢，
真係感受到......好似被主重新潔淨ge感覺呀，
總之，好奇妙的感覺~~ ^,^

所以領完聖餐時好開心！^0^

>>October 4, 2009 at 8:59:04 PM GMT+8

2005 年 4 月 16 日 星期六 【晴】

今朝差不多10:00番到校牧室，
為了敬拜同分享的事有祈禱同練習ge時間。
今次的敬拜分享有我啦、董、小雲、呀權同印度，
我、董、小雲係唱，權同印度係彈結他。

響練習前，大家一起講下大家的感受，
大家都幾緊張，
呀董就怕自己講得唔自然啦、
權就第一次代表教會彈結他事奉，都緊張，
而我就........當然驚死了!
在講一次俾佢地聽時，都幾驚，
其實我驚ge係.....
我會諗觀眾的人數啦(怕人多驚、少人又唔知點)、
又會諗台下聽的人會點諗......
總之好多憂慮啦~
剩係小雲同印度...好似唔緊張咁呀~

跟住，我地就一齊每人都開聲禱告，
將每個人的心都交上。

之後好快咁就11:30了，
我地為就出去操場stand by喇~
突然............
天落起雨來！
我個心突然又變得不平安，好擔心，
落雨？咁點呀！d人走哂咁點呀？
haha.....果一刻真係幾唔平安的，
之後helen姐就同我、mandy、董一齊禱告，
之後我同董就互相支持：「靠著那加給我力量的，凡事都能作！」
我地憑住哩句神的應許，就勇敢的去了！

我們上台之前係校長同朱太的帝女花，
(我覺得哩個都係好特別呀，神的安排！咁arm我們之前就係校長！)
因為............
校長唱帝女花有好多人落黎睇，
咁睇完校長有不少人會留下繼續看表演，
校長的表演無形中幫左我地招聚左唔少人，
所以.......................哈
神好正呀~~~!!^0^~~~

我們上台了，
神好保守我地呀，
真的停雨了！

成個過程都好順利呀，
我地都好勇敢同無咩野呀~~
不過我都係覺得響咁多人面前會有d唔自然架，
唔知點企好，搞到好生硬呀~
不過哩d.....都係要訓練得多d就會有進步同自然點呢~~~~~
唱唱下恩典太美麗副歌時，
我竟然投入到咪埋眼唱喎><
又會夠膽咪的~勁~!
落番台時，
唔得左邊個，connie姐定helen姐，
話我講得好"膽"定呀，好清楚呀，
所以，好開心呀!!!!!!!!!!!!!!
之後細hel都話我今次講得慢左好多喇~~~無之前的急促呀~!!
好開心，有進步＊

我地15分鐘的分享敬拜咁就完了~
之後............
哈~
raining~~~

我又經過了一次的突破‥‥‥
經過了一次的挑戰‥‥‥^0^

之後同好多弟兄姊妹，(16個呀)
我、vi、董、hoyi、ball、tin、權、印度、康、周翠、小雲、小雲媽、Jasmie、紗、
helen姐、connie姐~~~~
我地去了飲茶，
哈~因為人多過頭.......
所以.........
要分開2張台食~~
嘩~$6 一"農"咋~~~~~好平~~~
不過d野食就麻麻地喇~不過真係好平呀~

之後我同vi就趕番學校hold 英文果個攤位，
原本1:00要 hold 架喇~
不過偷雞........鼠左出去飲茶~
搞到成2:30先番到去202的攤位開工~~
番到去見到Miss Wong 都有d怕怕~~哈哈~~!!

今日無尋日咁投入呀，
可能太累，不在狀態了~
hold 到5:00，
之後幫老師拾埋d手尾~~清埋個room d 野~
咁就番校牧室了~原來諗住拿袋就走~
跟住唔知點解就坐左20 分鐘~
同d弟兄姊妹傾下計~
咁搞到6:00左右先成班人一齊走~~

之後我同董同花同花2個妹妹~
加埋咁arm 撞到的董妹佩儀，
就一齊去左麥當勞~
佢地食我無食呀~
丫~~~~~~~~~~~~~~~
花細細妹好靚女好得意呀，
好可愛~
我地的焦點落哂落花妹度~
望住佢食雪糕呀^,^
之後........我買左個8號餐就一齊走了~
因為....
好累呀~求其食左就算喇，
唔想再番好去搞喇。

聽日........第一次領聖餐呀，
緊張>.<
求神俾我有對準佢ge心!!!!!!!!!!!

>>October 4, 2009 at 8:58:43 PM GMT+8

2005 年 4 月 15 日 星期五 【晴】

今日係學校的七周年慶典，又係開放日，
今日‥‥‥過得好開心呀~~~~~~!!!

大約今早5:00左右，濛濛濃濃見到窗外落緊雨！
心感不妙，所以立刻心裡祈禱，
求神俾好ge天氣俾我地，
因為落雨就好麻煩了，
露天表演怎麼辦?!而且外賓也會少了!
所以...都幾擔心天氣會繼續落雨。
哈哈~感恩丫！後尾起身都已經無咩雨喇~~~
番到學校仲要停埋雨添~!!感謝神呀~^^

10:00先起身，之後做埋d 樂理，
本身都諗住番去崇拜架，
點知小Woo話學校唔夠位了，
所以都係遲d先番學校喇，
響屋企食埋飯，12:15就出門口了。

落左車行番去學校的時候，
越近學校時，心情越興奮同緊張，哈哈~
12:45番到學校，
有好多學生響操場度睇緊開幕典禮，
我就拿拿臨上去202 ge English room，
準備開工喇，
心情當然好緊張啦，
第一位客人係基哥..........haha......><".......ha
嚇左我一跳~
仲要俾Miss叫左我做第一個講解game的人~
都幾緊張的><

之後未有好多人黎住呀，
又聽到循道衛理小學，我的小學，黎左準備表演，
所以.....就鼠左出去睇喇，hohoho~~
(好遠咁響2樓見到我小學校長...)，
不過無咩好睇的~~

之後入番去開工喇！
過程都順利的~無咩問題呀~
同人講講下英文，
對自己同人講英文ge信心、膽量、興趣等等，
都提升左好多呀~!!
所以講講下，我都唔驚了~~~~!!!!!!!~~~~~~~~~~~
大大聲的講！

我覺得今日我的工作好好玩呀，
我覺得今次真係一個勁好的機會俾我勇敢、
同有機會去同人講英文，
平時真係唔會有哩d機會，
就算自己同人講英文，
人地都唔會用番英文同你講野啦，
今日就唔係喇，
佢又迫住要用英文，所以都訓練了我聽英文的能力，
so...very good!!

唔怪得人地話當你長期浸淫在英文下，
你ge英文都會improve啦~
我體會到呀，哈哈，^^"
因為呢，頭先又係咁喎，
響english room一定要講英文麻，
所以慣了...ha
出左202我都響度用英文speaking~
同人講野.......都想用英文同果個人講野~haha~

總之，
我覺得今次真的提升了我對英文的興趣
(暫時只係指講英文果方面jar~~~haha~~~)
同埋提升了我講英文的信心、膽量~~~
very good!!!

5:00自己離開學校了，
落左車行番黎果時呢...
望上個天，
見到今日d雲係超靚架~~~~!!!!
一舊舊架，白雪雪，
真係好靚好靚好靚呀!~~~~~~好鐘意!
好似呢....d 油畫咁架，
所以話，我最鐘意ge大自然係天同海呢~~~~

>>October 4, 2009 at 8:58:23 PM GMT+8

2005 年 4 月 14 日 星期四 【晴】

今早訓到11:00呀~
好正~滿有精神咁番學。

今日1:00番到學校，
要搞埋open day 英文果個攤位，
今日全校周圍都有好多同學預備佢地ge攤位，
個個忙個不停，
我都有d感受到個緊張同歡樂ge氣氛~
見到人地咁忙，覺得自己好少野做~
不過聽日同後日要做ge野就有點難度和挑戰性。

好快同呀vi就搞完幾個games的展板喇，
同呀vi落左地下買drink同d零食，坐左陣，
又睇下人地d採排~

上番202，
我地採排點帶d games~
覺得好緊張呀，
聽日就要用英文同好多人溝通喇，
真係好驚同好緊張呀~
要訓練我ge勇氣同信心去同人用英語溝通、向人解釋games~
不過哩個機會真的好難得~
學Miss話頭：早一年讀書or遲一年讀書都會無今次的機會呀~
咁又係..遲一年係f.5、早一年係f.7~
而今年我f.6，學校就咁arm有開放日。

好期待聽日同後日呀。

聽日：1:00~5:00 hold攤位~~~
後日(星期六)： 11:40唱詩同埋講見證、下午1:00~5:00 hold攤位~~~

>>October 4, 2009 at 8:58:03 PM GMT+8