2005 年 5 月 24 日 星期二 【晴】

今日History堂時，
6A有個新創舉><
響中間個break時，
竟然第一次全班每個都扒底哂，訓哂，
真係一粒聲都無，
直至呀sir上番黎大家都未起番身，
真係訓足全程呀，
大家都累到死哂，哈！
不過真的幾搞笑，望果去個個都咁ge樣.....

的確，
哩排真的幾累，幾眼訓呀，
尋晚溫history溫溫下都頂唔順，訓左.....

努力向上！

P.S：今晚《學警雄心》大結局喇！！！
又少了個精神寄托Lu~~
不過都好ge....唔洗再成日追喇，
用來專心讀書。

>>October 4, 2009 at 9:13:54 PM GMT+8

2005 年 5 月 23 日 星期一 【晴】

尋日的意粉相當的成功~哈哈哈!!!
老豆同媽me都話似樣呀~掂！
原來咁樣簡簡單單的家庭服侍都咁開心的~~~hoho!!

我尋晚10:00先溫History，
不過.....好開心呀!!!!!
因為好投入，坐定定咁溫ge時候，
雖然我只係溫左1個半鐘，
但係好入腦呀！
可以話係升左中六到現在，
尋晚係我溫得最投入和專心的一晚！
終於.....重拾番果種投入溫書的感覺，
好耐無咁樣！
原來認真、專心溫書、記到入腦，果種滿足感係好大架。

我發覺，我自己係可以投入、專心到溫書架，
只不過我ge困難係，開頭果10分鐘好難坐得定，
個心又難以專注，
我發覺只要我堅持住開頭果下，坐定、集中，
咁一專心下來的話..............我就真係可以好專心，
溫到什至唔想停添。

所以，我要學習約束自己的心。
我係得ge!!!!!!!我做得到ge!!!!!!!!!!!!!!!!!

今日一整天的學習都好滿意呀，
因為........我可以專心下來呀!
好投入每一堂，
哈！
我覺得其實讀書都可以搵到滿足感丫，
除了有好成績會有滿足感外，
我覺得.....就算是...專心投入、什至係盡力去學習、留心等等，
響這些上，都已經俾到自己有滿足感！

現在多餘的東西我唔想諗喇，
現在想在關心家庭、依靠主、讀書上，盡力做好、想落多d功夫，
我要全心讀好書，
真的好想好想自己嘗試下......盡哂力的感覺，
想知道盡哂力的情況下，
我係可以去到邊的，
其實我真係覺得我都有基本條件架！
因為我唔想日後埋怨同後悔，
我要相信自己的能力！

>>October 4, 2009 at 9:13:39 PM GMT+8

2005 年 5 月 22 日 星期日 【晴】

完哂HH，
同karen響校牧室抖抖，
順便傾計喇，終於有好的機會可以讓我講喇！
分享哂我近來的壓力俾佢聽，
又......講左d 野....
我覺得我地講埋d野越來越似拍拖咁=0=....!!
哈哈哈!!!
之後無情情去左大中，
跟住就食tea喇~
之後行左個圈咁，
之後，karen教我點整>焗芝士磨菇煙肉意粉~~~
想整好耐喇~~!
跟住我就決定今晚整俾daddy,mummy食喇!!

我同karen就去百佳買料~~~
有煙肉、磨菇、吞拿魚、粟米、芝士 ，加埋......罐頭湯底做汁ge 意粉~~~~~~
哈哈哈哈!!!!

不過老豆聽到之後竟然話：
「你煮呀?~~咁我買定飯盒好d喇!」
..........hoho.....

不過我覺得實成功ge~
焗意粉咋麻~~~~
應該好易o姐~~~~~~

《豐盛的人生》
若是你有勞苦重擔，可以交託給耶穌。
若是你正灰心憂傷，切莫絕望，投靠耶穌就有希望，

在基督裡，必有盼望，豐盛的人生，他為我照亮。
在基督裡，必有力量，人生旅途中，我靠主得剛強。


>>>>>>>>>>>>>若是你正灰心憂傷，切莫絕望，投靠耶穌就有希望！！！！！<<<<<<<<<<<


""""""""P.S：karen下個星期日就走喇！
去美國，夏威夷!
佢仲話會去珍珠港添呀!
好正呀!我又想去呀！
我姑姐、姑丈尋晚都去左西班牙玩喇！

>>October 4, 2009 at 9:13:21 PM GMT+8

2005 年 5 月 21 日 星期六 【晴】

好多‥‥‥‥‥

煩亂

重擔

枷鎖

束縛

負面ge思想已經完完全全遮蓋哂我的正面思想

跟本‥‥現在的思想真係非常地不理智。




衝破自己的障礙‥‥‥‥‥‥

I WANT TO BE FREE

而且‥‥渴望有聆聽者

>>October 4, 2009 at 9:13:02 PM GMT+8

2005 年 5 月 20 日 星期五 【晴】

當你突破自己，去主動ge時候，
人冷淡的反應真係令到你好無奈，
有些人的一d行動.....影響到人....都唔知，
這一切令到我唔想再理喇，
算啦，
一切都會變‥‥‥
我都要接受一d關係係會變的！
我唔想再執著喇。

響哩個環境下，
我想好好咁保護自己，
收埋、孤立自己，
我會選擇做一隻箭豬!!
唔想受傷害！！
我知咁做係好負面，
不過諗唔到其他方法。

多謝呀Vi Lunch 聽我講野，
我真係覺得....
「I can't do anything!!」
宜家好想放底哂所有野，
唔想新teen地事奉、唔想學琴、唔想理d人ge複雜問題，
唔想成日諗咁多野

神呀，
我當初在你面前定立有好多目標，
咩愛人呀....
少求被了解多去了解人呀.....
去明白人多過求人明白呀.......
向一d人傳補音呀....等等等......
跟本太過偉大喇.....太難做喇，
我做唔到！！！
人最終跟本就係愛自己多d ge！
就算係盡全力讀書......努力學琴這2方面，
是我應承過你ge.....但...都做得唔好！
響哩一刻，
好多方面上，我得唔到成功.......................................................................................

點解成日都做唔到？
原因響邊？

我可以改變嗎？‥‥‥‥

P.S：
老豆睇左跌打喇
好d咁啦.........
can move faster la,
真係令人擔心死.......
加上仲咳緊，咳左成個月都係咁

>>October 4, 2009 at 9:12:46 PM GMT+8

2005 年 5 月 19 日 星期四 【晴】

激死!!!!!!!!!!!!!
溫漏左"受價者"呀!!!!!
唔知要測埋哩課lor....
so......今日econ小測，咁又死了。

今日ge每一堂，
都用我微微ge精神同心機.....死都撐住！
死都迫自己專心、投入！
不停同自己講唔可以俾自己停落黎，
要拼命咁衝呀衝呀，
而且同自己講：丫，哩d野好好聽...
實行麻醉自己的思想。
雖然有d變態呀，不過我覺得.....真係有d效喎~
真係可以專心好多，投入好多，
遊魂都少左~
所以.....今日都幾滿意上課的投入同專注，
不過........真係好累。

每天都係咁就會慣架啦。

試後活動日自己報左插花班.......哈.......

明天英文present 呀，
緊張。

>>October 4, 2009 at 9:12:28 PM GMT+8

2005 年 5 月 18 日 星期三 【晴】

以前ge一個團友女仔黎左學校做實習P.E老師呀~!!
今日同佢打左招呼~~哈!~
有d驚訝時間過得真快...
我第一年番媽咪教會個少年團契時，
我仲係中1,2，
佢就應該係中五~
嘩..........現在.....
佢出黎實習做P.E老師喇!!!!!!!!
仲要係讀中文大學架!!!!!!
佢距離夢想真係近喇!
覺得佢好勁喔，又好羨慕佢呀，
不過人地付出的努力我唔知o姐~~


我依然都係想努力、想發奮，
但係.....到宜家哩一刻，
都係想出力,但點都出唔到力咁......
果種感覺，就好似有心無力咁......知易行難
真係無力呀。
心中越係迫自己去努力，就越無力，
但唔迫又唔得呀，知道唔迫就會死.....
而且就算有目標，都.........唉！
總之...就想出力都出唔到!!!!!

知道想有結果、想達到夢想和成功的話，
就必須付出努力和痛苦，
不過.........
知道但行唔出咁........
唔知呀，對自己好失望
我.........都唔知自己做緊咩?!!!
好多說不出的煩亂
A-level 只係行左一半咋........
自己就叫辛苦.....好唔掂丫!!!
咁......連我自己都唔知點捱落去喇

真係好唔開心，
極唔想番學，
好想大喊大叫一場!!!!!
嘩!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

好想大病下。

>>October 4, 2009 at 9:12:10 PM GMT+8

2005 年 5 月 17 日 星期二 【晴】

對好多野，都變得冷漠、冷淡、麻木，
就好像一個植物人，
剩下一個軀殼每天在遊來遊去。
「你在做什麼？！...」

聽日咁熱，
唔要上體育課！

>>October 4, 2009 at 9:11:43 PM GMT+8

2005 年 5 月 16 日 星期一 【晴】

今日整天都響家溫書~
溫溫下中午又睇左vcd~
之後再study~

今日d雲都好低~~
不過好靚呀~~~~~~~
所以我成日久不久就望上天~~
arm arm 6:00 時我坐響房書桌，
望出窗，
竟然..........見到彩虹呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
好清楚的!!!!!!!!!!!!!!!!!!!!!!!!!不過得1/4條~~~~~~~~~~~
好細個時見過一次~
耐到.....都無印象喇!!~~
arm arm 見到都好興奮呀!!!!!!!
拉埋呀Bell一齊睇~~~^^~~~~~~~
我用電話相機影底左個天~不過影得唔清楚呀~~

好奇地.......
今日都無落雨~點解會出彩虹呢?!!!!!???!!
哈哈哈!!!

哩幾天休息夠，叉足電~~
希望充滿力量繼續上學去~~!!!!!

>>October 4, 2009 at 9:11:28 PM GMT+8

2005 年 5 月 15 日 星期日 【晴】

今個weekend係開學以來....無咩功課的weekend~
可以靜心的溫下書~

今日7:15自己彈左起身~
唔知點解好精神呀~
可能這兩天都好早訓啦~
唔係9:00就10:00~~~

今日d 雲好好好靚呀!!!
個天好清呢~~~真係藍天同白雲呀~
個人都精神d~
不過，就很熱呢@@""""""""

今日講道的主題係
：我信聖靈相通
原來我地係聖潔得像主那樣聖潔架~
真係唔敢相信~~
好多時犯罪時都會諗：我係一個罪人，怎有聖潔呢?!!靠主耶穌也不能助我聖潔!!
原來我真係中了魔鬼的跪計了!!!

仲有我覺得講得好arm架，就係...
有時番教會就像搭台般~
同果一班friend 一 d，就同果班一齊追求~
但同其他ge圈子就撈唔埋~
做到合二為一的心真係不易呀~
同埋覺得我地ge個人意識都好強~
好多時都只係著重自己同神的關係~
好著重自己同神關係好就ok~
自己好努力的追求~
不過....有好多行響我地後面ge人卻被忽略了。

同埋，我地每個人都只係大海中的一滴水。
可以說：我是屬於大海中的其中一部份，
也可以說：我已經溶於大海中了，沒有了我。

完左HH之後，
約媽爸一齊飲茶呀~~~~~
媽咪知道可以一家一齊飲茶~佢又係好高興的~~
咁我就同呀Bo一齊行過去大中~
知道佢好錫佢媽咪，
又好鐘意陪佢屋企人~
我覺得我身邊的朋友.....全部都好重視家庭~
個個都好鐘意陪屋企人，
我覺得自己都要呀!!
要俾番多D時間俾屋企人。

我都好開心呀~~~~~
因為飲茶的時候我地一齊傾計~
其實都覺得好好架~因為每一次一傾就可以傾D好深入的事~
可以無保留的講~
頭先都係咁樣~

之後我地去左大百佳~
買"送"同埋買日常的吃喝用品~
好興奮呀~因為平時好少同佢地一齊~
一齊的時候，就算行下百佳~睇下d野食、買下d野食~其實都覺得好幸福ge~

好熱呀，
都係屋企好~
heehee=3=~~~~~~~~~~

聽日可以整天響家咪下書~

>>October 4, 2009 at 9:11:11 PM GMT+8