2005 年 8 月 12 日 星期五 【晴】

今年的第一日1號風球,
好丫~落下雨,
唔洗咁熱~

今日Econ補課,
果課死人書叫做"理論"
皆因課書全部都係學d理論！
真係諗爆我個腦!!..........
If A then B
If Not A, then not B.........
仲有個"套套邏輯"~哩個幾得意~
原來我平日好多時講野都好套套邏輯gar。

Lunch同嘉敏去左M記食,
我地傾左好多大學ge問題~

arm arm 食左榴蓮~
好少食的~
平時都只係食榴蓮ge糖水~
嘩~
啖啖肉的榴蓮,真係愛上了~~~
不過....尋晚食左一舊,
今早....響左面面狹...就生左一粒超大粒ge暗倉!!!
ar....好樣衰ar.....><
不過~今日,我照食也~~~!!

>>October 4, 2009 at 9:35:13 PM GMT+8

2005 年 8 月 11 日 星期四 【晴】

今早8:00起身...
因為陪karen出去City U報讀Pre-A D
我去到大學又有果種感覺，
點解對於d中學生黎講，大學...永遠都係咁吸引ge呢?
其實有時都唔知係為左d咩而讀，
可能...只係為要果份優越感。
為興趣就不同吧~

karen終於掂左喇!
成功入了City U 的副學士先修課程，
哩個Pre-AD真係幾好，
讀一年的Pre-AD，
就有>90%的機會升AD，
我哩d讀完A-level出黎ge...都唔知有無機會去到AD啦
佢地一定有>90%的機會率呀
仲有,可以用少人地一年時間,就升到AD
不過當然好啦...學費3萬幾一年呀，
買這個學位的價錢真係貴ar.......
宜家Karen都算係1/4個大學生啦~
唔錯唔錯。

因為daddy抽中獎，有Free的戲票2張~
係"V仔特攻隊"，
所以....頭先同karen番了沙田睇V仔，
唔，套戲..我覺得一般啦~
不過我好欣賞v仔~
「雖然我翼仔細細，不過我ge志氣好大架!」
「我知我實得ge！我要努力！我實做到ge！」
有時,信心、決心，真係好好好重要。

其實今日同karen in 完之後一直都唔係咁開心
我覺得........
.............對自己完全無信心呀
但係我應該無行錯路架..........?
明明神俾我架麻.......
佢唔會點我行錯路架應該....
成日又懷疑一切眼前ge東西...
雖然係神俾我.....但係....我真係得咩?!!...
如果唔得咁又點????!!!.......................
老實講...我唔想失敗呀!!!....
我好驚眼見人地成功的時候....自己卻在轉圈.....
我在諗...既然神俾得我...咁...應該都會賜埋我能力o瓜???.......
但係點解我好似無ge???......
另一方面我又諗.......究竟我有冇珍惜過這個預科呢????
哈哈哈，真係.......無。



我覺得........
這幾天好累ar....
投入得很........
又早起身,四圍走,
現在大家...總算塵埃落定啦，
哈哈...所以,我唔想再諗喇，
我自己都要努力喇!!!!!!!!!!!!!!!!!!!!!

聽日full day 補Econ呀，
我............
都要繼續我的生捱喇。

>>October 4, 2009 at 9:34:59 PM GMT+8

2005 年 8 月 10 日 星期三 【晴】

今朝8:00起身立刻上網check SyllB的成績，
合格lor....不過得個E...
writing仲要F添...其他part都係E，
呀，其實都無咩感覺....
不過有d覺得哩個分都無咩用,
我SyllA的C都同SyllB的E一樣姐...
都無升grade呀~
諗緊...下年再玩唔玩多次好...~~~~

今早9:45去到李興貴ge禮堂,
好開心有佩儀一齊陪我陪呀cat、安怡佢地放榜~
好開心呀!!!!!!!!呀Cat14分升番原校呀!!!
真的好好好登佢happy!!!!
另外安怡其實都唔太差，
不過其實.....覺得自己俾唔到d咩意見ar...
只係講我ge睇法俾佢地知lor,
其實決定權始終都係響佢地度...
佢地自己先知自己想點的。

之後同karen番校牧室，
睇下有咩幫手ar麻~
其實都無咩做到架~
都係同D不知如何是好的弟兄姊妹傾下lor,
有時見到d人....佢地咁迷惘,
真係好想好想為佢地解答下,
不過....都係要佢地自己諗清楚架...
希望佢地快d知道、清晰自己應該行邊條路啦。

響校牧室坐到4:00先走~


呀!!!~~~
經過今日的大半天...........
好累呀!!!.........真係好鬼累!!!!!!.......
好似自己仲緊張過咩野咁...
好似我都有份放榜咁~~~
因為this放榜....
d功課同溫書,
已經唔想理住~
係無平靜的心去理住~
成日掛住放榜D野,
(其實可能係承機唔溫書o瓜...)
哈哈~


今日就好似發左場夢......

>>October 4, 2009 at 9:34:44 PM GMT+8

2005 年 8 月 9 日 星期二 【晴】

會考放榜前席，我都好鬼緊張~~~
因為有好多朋友都係今年放~
而且...自己經歷過....都知道...明天不是容易過的。

今日的晚會，有份分享呀，
覺得今次自己好唔掂，第一次咁臨急抱佛腳，
學琴前臨出門口的15分鐘先落筆...開始諗同寫稿...
都未諗完..就要出門口去學琴~
學完搵小雲一齊過太和，
搵埋karen三個一齊響8號餐廳食"早飯"~~
我自己食完，就坐左響隔離台，寫稿~
人看來真係有d奇怪同跨張~
不過無計啦....因為我要好靜好靜先諗到野，
我好難專心同好易分心麻~
不過真係好緊張麻~~~
同埋未試過分享前2個鐘都未準備好，
咁樣我已經覺得好唔掂的，
我一定要好有好有準備先可以做一件事~~
咁先會心安理得。

一路上同雲友傾左我最近的信仰問題~
佢話佢知道我咁樣佢好開心喎~
因為佢覺得我係重視神、對神認真先會咁，
佢仲話我係經歷緊一d好好的經歷。

好喇，
到個放榜前席晚會喇~
估唔到校長會黎.....hip一hip！><
我個分享...
哈！講左幾句就無咁驚喇！
開始訓練有素喇~haha~
不過唉~好多人都話我講野依然係咁快...........
其實....我拖慢左好多架喇....
叫我講野慢d真係好難做到呀~
不過,我會繼續努力學講野!!!!!!!~~~加油！

另外好感恩，見到神使用細hel~
佢想入敬拜隊~鐘意唱歌~
咁神又俾好多機會佢出黎唱~
而我~~神都使用我的經歷丫，都好感謝神~~

分組死都要癡住呀董hold一組~
因為我怕要自己hold一組呀~唔識講野~
另外又拉埋karen一組~
其實我分哩組本身好驚架，
因為見到其中的2個女仔~好多名牌~個樣好似幾惡咁，
好驚唔知人地點諗我~~
不過....佢一出聲...
原來又係普通女仔一個~~~個人好nice添~
原來真係不能以貌取人~~~人看人始終都係咁~

祈完禱之後無啦啦我黎個hug俾karen~
之後大家一齊眼濕濕~
佢個衰野搞到人地想喊想喊咁~~~!!!!

完哂走的時候~
響樓下~
有個弟兄讚我分享得有條理~
丫~~~真係好好好開心~~~
從來無人咁讚我哩樣野~
無諗過人地都覺得我ok~
丫~~真係好開心~~~~

聽日.....呀~~~
宜家係夜晚12:30~~~
不過我都會睇"咪"埋本會考指南先訓喇!!~~~
因為我聽日會去李興貴中學果度等頭先果2位新女仔朋友~~
新認識的安怡和呀cat~~
等佢地出黎...陪佢地搵學校又好、咩都好~~
最好當然係用唔得著我啦~~~14分升原校~~~good

可能~遲d先番基地---校牧室lu~
搞掂左李興貴d人先啦~

聽日記得帶水、文件copy、傘、抹眼淚的紙巾、相、筆~~~~~
哈哈，不過我都帶了~~


希望，我聽日可以做到舊年月餅的角色-----安慰的使者。

>>October 4, 2009 at 9:34:26 PM GMT+8

2005 年 8 月 8 日 星期一 【晴】

黎緊兩日都係放榜的日子呀，
聽日係中七放jupas,睇下入唔入到大學,
星期三就係中五，
聽日晚上的晚會....希望中五佢地可以得著平安啦。

星期三的放榜我會番學校的校牧室~
一黎等karen電話~等消息~
二來留守響校牧室,睇下有無中五ge弟兄姊妹需要人陪,
記得上年...真係需要有一個人響身邊，因為個人係勁慌張的...
另外,睇下需唔需要我去排隊。

差點忘記原來我自己都要放榜....
放英文Syll B~~
不過都無咩感覺~~

>>October 4, 2009 at 9:34:01 PM GMT+8

2005 年 8 月 6 日 星期六 【晴】

哈~真係鬼整整~
尋晚呀董叫我去今早ge培靈會~
起初佢叫時真係好唔想去架,
因為一來好早...9:45~
二來係....要去見神喎...我未ready好...好突然
不過,呀董講左句：當係俾個機會俾自己，同俾個機會俾神
哩句好到入心,
um..都係ge~
逃避唔可以避咁耐,
我相信神始終在的話,就要一定去面對番神
同埋呀董話：番神身邊,並唔需要做d咩,只要番去就得,
另外karen話：神一向都在,祂無唔要你,只係你唔要神
之後~我打俾君e問下佢個培靈會好唔好，佢好鼓勵我去，佢話同Ada去~Ada都話好好.
所以,
我就決定左今早去喇！

另外，我發現到一樣野,
就係我決定左ge野成日後悔,又唔甘心樂意去做喎,
當我決定左做一樣野時,無幾耐,就會後悔：丫...我唔想做ar,好煩ar
我覺得咁樣成日俾煩惱自己,
我要學識,有時應承左自己or人地去做一件事,
就要投入、樂意、負責任咁行動,
不能後悔自己的決定,
有時有d野係我有責任做的,就去做,
唔好隔一陣，鐘意就去，唔鐘意就掉底哂個工作。
咁係唔負責任的,
大個唔可以咁呀....

講番今日個培靈會先，
我覺得個研經better than個講道呀,
第2 part的講道，我覺得幾深ar~
不過第一part 的研經就好呀，比較貼身dd~
係講番撒種的比喻,
令我地離開神or做得不好的原因有3：撒坦、逼迫、世上的擔憂
最厲害的是"世上的擔憂",
原來我地所擔憂的事情or東西,
就係我地心中ge偶像
1)在你心目中，你最擔憂的是什麼?成積?工作?家庭?
是否祈禱永遠都將這些放在最前?
佔據了你的心房?連神的事也不祈求?連神也忘卻?
2)假若神要取走你生命中的東西?有那些是一定一定不容許神取走的?不能失去的?
成績?自我自尊?家人?感情?
....那樣可能就是你的偶像...是阻礙你成長的....
我覺得,我地始終係人一個,叫我地唔諗哩d,唔擔憂哩d係無可能的,
不過我估...神係想我地將哩d放響佢入面啦.....
始終,由我地舉手決志果一秒開始,主權就要交在神手裡,
人不能操控、測透神的心意。

係呢~
黎緊星期二,放榜前一晚,果個為F.5而設ge晚會,
我有份負責分享我放榜的經歷&中六的生活呀,
死啦,好緊張...><
我覺得果一晚對d中5黎講係好important架!!~~
佢地果一刻好需要好多ge激勵!
我唔想我唔係靠住神而分享呀!
我每一句的分享都想出於神..
如果係出於自己的話,就會有自誇的情況,有榮耀自己的情況,
所以........我點都要自己番番神身邊,
祈左禱,認左罪先,
之後求神賜我當晚的分享,係單純的,不會懷己意的,激勵的,神所喜悅的.
上台分享，講神的話時，
我覺得最驚的,就係有其中一句的說話係榮耀左自己。

諗番.......
原來神.......真係2樣野都俾左我,
第一樣係剛剛升上中六時,週會上台分享會考經歷
第二係會考放榜前席的晚會分享,
諗番....響我會考時,諗：丫...如果下年升到中六...企上台分享的果個係我就好lu....
果2個分享,我都好羨慕台上的弟兄姊妹,可以咁樣分享
不過............宜家............我........
竟然是如此懶惰的中六生活...成日叫辛苦...
好似....完全唔識珍惜咁！

maybe........
不懂說話,害怕在眾人面前說話的,
神就要偏偏選中這些人,
分享祂的事積。
神真係好搞笑,工作真係好奇妙。
你邊樣軟弱的，神就用你果樣！

嘩~
如果1)無呀董叫我去培靈會....2)唔洗我星期二分享
咁.........我都唔知幾時先捨得搵番神~
好彩,神首先搵番我....^^

>>October 4, 2009 at 9:33:38 PM GMT+8

2005 年 8 月 4 日 星期四 【晴】

哈哈，
今日最後一day補英文lu~~
補課ge日子剩番3次咋~~~~~~~~
就補哂喇~~
剩番就係下星期5的Econ~
同2個星期後的一日history、一日econ~~~~
不過補哂課....就that means 中7開幕lu><

不過剩番ge假期都唔方好過丫~
大把功課ar~~
而且要prepare HIstory的test~
要做好revision呀我，我唔想死ar....
就是那個決定我生死的test...>,<

丫~~
頭先響放學前,
全班一齊各自寫jupas的self-introduction letter~
原來...寫寫下...都有野寫架我~
都唔係無功積丫~~~~
聽到人講班會主席~我先記得原來我中四係做過class Chairperson架!!!!
哈哈哈！好開心！
教會清遠ar、社區服務ar果d都窒左落去~~
不過...GB就因為太耐歷史...我無得寫lu~
其實今日哩個都只不過係個draft~
正式的9月先交~

宜家每日番學我咩都唔諗、唔理喇~~~!!
唔想再諗d煩野lu~~~~
我要專心向住education去努力!!!!!!!!

>>October 4, 2009 at 9:32:58 PM GMT+8

2005 年 8 月 3 日 星期三 【晴】

要開始寫Jupas ge 自我介紹果part作文喇,
死啦,
無咩valuable experience喎...
更加無咩records of competitions喎...
um....操行獎你要唔要丫...
哈哈,不過相信寫完哩篇野之後,
對自己會更加清楚同了解ar~

頭先補完課,
同karen去好好度食糖水~
食食下，傾傾下計~傾到d佢覺得搞笑ge野...
之後!!!佢傻架.!!!
佢噴糖水!!!!!!!!
係真係噴果隻噴呀!!!!!!!!!!!!!!!!!!
----->講笑就講得多,d人成日都話：唔好再講笑喇，再笑就噴野架喇!<----
估唔到，我親身經歷,我對面ge人向我噴糖水.....>,<
仲要射程好遠添...
連我個袋都有dd呀!!~~~

成張台都散佈糖水!~~
搞我我立即無哂胃口~~
因為我響度驚緊~~~諗緊我碗野有無中到招>.

>>October 4, 2009 at 9:32:41 PM GMT+8

2005 年 8 月 2 日 星期二 【晴】

有新電視劇追呀，
每晚明珠台"The O.C",
都唔知點解我想追架~
可能因為有鬼仔o瓜~

今日補課期間,休息時間~
Ada同我響走廊傾計，
我感覺好開心呀同好舒服~
將我心所諗的同埋一d ge困難都分享俾佢知,
突別可以選擇係響班入面ge人傾訴。
係呀......真係架,
我真係好想響班裡面有幾個朋友,一齊讀書,
我覺得有伴一齊努力,
辛苦都辛苦得開心d~
而唔係個個只為自己...響度讀、讀、讀，
大家扶住一齊行,好唔好?!........

我覺得現今ge個人主義真係好強......
無論響邊度都好,
響學校、
就算響教會,
我都覺得人ge個人主義好強,
響唱詩歌時...就突別覺得係咁ar。

人人都在保護自己，
而且先為自己ge益處著想。
其實,自己都係咁la。
所以話呢，人係一種好醜惡ge動物，
不過有神樣式ge基督徒應該可以唔係咁樣ge~
""""應該"""可以"啦~



「路遙之馬力，人久見人心」
希望我係一隻行得慢，
但係,係可以行得最遙遠果隻馬....

>>October 4, 2009 at 9:32:27 PM GMT+8

2005 年 8 月 1 日 星期一 【晴】

哩兩日，響心裡面ge夢想突然浮現左出黎呀~~
突然間,果一種對前面ge期望...好明顯出左黎!!!!~~
我都唔知哩個夢,適唔適合我架~
不過就好想實現lor~
所以，我要為左我ge夢想而努力讀中7、考埋A-level!~!!~
我相信有了目標同夢想~...讀哩個A-level...都會心甘情願d~~同埋開心d!!!

簡簡單單的詞語：俾心機、專心專注
原來要領會佢地當中ge意思，都要去學架!!~~~
唔係剩係講架,
我宜家就要去做喇！

>>October 4, 2009 at 9:32:07 PM GMT+8