2005 年 3 月 12 日 星期六 【晴】

今朝一起身，
隻腳都仲係痛，都幾痛架，
尋晚仲盼望今朝起身會自動好番添....
原來係唔會的。><

10:00a.m Karen打黎，
佢知道我痛之後就係咁鬧我，要我快d睇跌打，
佢叫我時，我本身都無諗過去睇，
因為好怕麻，
同埋12:00又要去做project，
所以係咁話唔濟架。
之後佢講講下，
我又覺得好似睇左會好d喎，
聽日都唔好就煩啦，點番教會、點番學呀，
所以就決定睇了。

去翠屏果間睇，陳嘉欣介紹的，
初頭捽時覺得好好好痕呀，
唔痛的，
之後捽捽下慣左，
就唔痕了，
幾舒服，haha！
之後俾左幾粒藥我食，
再敷埋d藥，包埋隻腳就搞掂喇。
$100呀~~
果個人話聽日要去再睇多轉喎，又$100了~
希望快d好番，
以後要小心d喇，要小心哩個舊患呀。

好多謝陳嘉欣呀~
我都覺得阻左佢讀書時間，
佢考緊mork架，
仲特登走過黎陪我睇，
我初頭話唔睇，
佢死都要我快d睇，仲出來陪我~
仲有呀，
原來佢本身哩個時間要補習架，
跟住佢特登調左堂，同我睇跌打.........
好感激佢呀，
真係無私ge愛~~~~~~~~
咁樣形容好核突添......haha

睇完買埋d野食，
我就搭車番屋企喇，
無去做project呀，
因為如果係的話要行去富亨呀，
我咁樣.........行唔到呀
所以無去呀。
覺得唔好意思呀，
有d對唔住我果班d人，
不過我真係唔可以迫自己去，
唔想聽日變豬蹄。><

不過講真丫，
都好耐好耐，
星期六中午、下午唔出街響屋企了，
做下自己野，做下功課、休息下咁，
今日就要係咁啦!

>>October 4, 2009 at 7:59:32 PM GMT+8

2005 年 3 月 11 日 星期五 【晴】

一早響seven買左盒cold drink，
之後個肚就痛足成日！
一早........係唔可以飲凍野架!!!

今朝早特登早左6:00就起身，
好快咁換好衫，搞好哂之後，
6:45就出門口。
因為..........
我想去大尾督海邊安靜靈修。

咁我慢慢行過去，
都係10分鐘，
就行到去燒烤場果度，
我坐響度，前面望住個海，
打開本聖經.......之後又祈禱...
但係跟本安靜唔到，
祈禱都唔知自己up緊d咩........
哩排同神的關係就係咁.....
祈禱、靈修都被我忙碌的生活蓋過了。

我想.....
之後再早d去到燒烤場呀，
多d時間先安靜到。

番到school，
116室，
細hel又未番，
我等待緊佢快d番呀，
因為我自己完全無力去禱告，
覺得這幾天的人際關係..........
自己做得好差，
有d野總係睇唔開，
搾得好緊........
唔知點面對人，更加唔敢面對神
所以想hel同我一齊祈禱、為我祈禱。

等到佢番喇，
我講比佢知我的需要，
之後細hel就為我祈禱喇，
當我無力時，
有姊妹幫我開聲祈禱，講我的心聲，
咁樣真係好好。

之後...........講下lunch啦，
我地班去Open U 參觀，
嘩，原來果度好細，
入面真係無大學的感覺同氣質，
似一間.........進修學校果d多d，
四面d牆好似會壓死你咁(誇張左d啦~)........。

參觀完後，同小Woo落旺角。
我地今次ge目標係.......掃街~
意思係周街四圍.....食街邊小吃!!
我地無行過商場呀....睇野呀果d(一兩間都有ge......)
我地係周街搵小吃~
嘩~!!~~
我地掃左好多野食呀~
我食左八爪魚丸啦~
豬頸肉串燒啦~
香芋燒餅啦~
魚蛋啦(一粒)~
仲有.........haha.......

仲有好多都想食架！
第一次咁樣掃街法~
行街眼裡剩係個食字~
好正~放"肆"下~~~~

行行下，自己都唔知幾時ge，
我.....又扭番親我隻腳呀!!!!
係上次的舊患黎架!
宜家好痛呀，鳴鳴鳴......><
同上次一樣，
幾時扭親都唔知的，
完全唔覺呀。

今晚，搵我媽媽幫我捽捽先~haha~~~
上次多得媽咪咋~
今次都要快d好番呀。
!!!!!!!!!!!!!!!!!!!!

>>October 4, 2009 at 7:59:11 PM GMT+8

2005 年 3 月 10 日 星期四 【晴】

董伯伯辭職了~
唔知香港黎緊會唔會變得好d呢?
(都係純粹講下......我對哩個政治無咩興趣....)

Lunch karen 黎同我、hel、vi食，
今日食番翠怡，所以無肚痛喇！

之後番團契，
好累呀，其實唔想番呀，
不過知道咁樣唔好.........
so....番了，同埋聽小woo分享呢~
今日好好好少人番呀.........真係好少........

放學同細hel去食糖水，
我地食左熱的芋頭西米露呀~~
好好味呀！

我覺得細hel講得arm呀，
提醒左我自己，
番團契唔好停止呀，
因為..........我會諗.......番教會團契咪ok lor，
有時，尤其哩排，都唔想番學校團契呀，
想早d休息、做自己野。
細hel提左我，
要關心學校呀，關心學校的學生的信仰情況呀，
因為都是屬於自己教會呀。

另外，
我想好似初初一早在116靈修咁，
果時好注重架，記得每一次我都有好大的得著，
當時每一日一早番去靈完修，
一整天的犯罪會少好多，
and 會好有力量咁踏入班房~
去同我班的人相處，
好有喜樂同提醒、同神的支持。
現在，多數都好趕咁番到116，
求求其咁睇一下經文，
做左個唔認真、唔投入的祈禱...........
就算是靈左修。

所以現在，
每一日都過得好辛苦，
做咩都無力量呀，
因為............
少依靠神呀，
唔得咁！

>>October 4, 2009 at 7:58:53 PM GMT+8

2005 年 3 月 9 日 星期三 【晴】

今朝番早晨敬拜，
以為d詩歌唔識架，
但唱起來，原來係識的，
應該係好耐之前唱的呀~
唱番.......好鐘意、好好聽呀!!!~~
小woo今早都有番呀。

之後P.E呀，
我呀，完完全全唔記得左今日有P.E呀！
直情完全無左哩回事呀！
所以..........無帶P.E衫褲呀..........haha....
Flora都無，哈哈！
中一到中六現在咁多年黎，
第一次無帶P.E用品咋!!!!
破左我美好ge紀錄添........

........所以今日P.E堂同Flora一齊都左呀四........
小woo話我做左"朱咕喱"呀.......!!
不過真的.....
平時P.E都無咁多器材、體育用品的.......
今日好似特別多咁，
同埋特別麻煩，
因為果d野拿左出黎，好難先擺得番入去架~
果d就係.......要搬十幾個....果d跨欄果d唔知咩.....
而且又加上有others的用品~
又要走來走去、搬搬抬抬、擔來擔去~
搞到成身熱哂lu~
之後有得打網球，
嘩~完全唔掂呀!
拾波多過o麥呀~~跑死呀~~

胡sir無番，
我地可以響最尾果兩堂的歷史堂小測，
唔洗放學留底測。
尋晚都無咩點溫呀，
所以今日做時都好辛苦咁吹d野出黎，
好在都吹到一頁紙ge.........

放學之後......
個心入面有d野，唔係幾舒服，
好想即刻搵karen，同佢講呀，
出左學校門口，
行遠左少少就即刻打比佢，
之後就上左佢屋企傾計喇~

我決定將我的焦點放大d，
唔可以咁狹窄，
太聚焦的話.......咁樣會好辛苦...........
我要好似karen咁，
strong and independence！！！！
好！！！
我唔會依賴、依靠任何人!!!!!!!!!!!
(除左daddy mummy~哈哈)

仲有唔知點解，
響班入面，
我好多時講野，
d人都聽唔到的，
好多時都無人應我......><
好無奈><
有時搞到好似自己同自己講野咁，
問極人都唔應..........
我諗我講野要再大聲d喇！

我好想同每一個人相處，
都可以有好舒服的感覺.....
不過真係唔係個個都得.....
.........................(呼~)

同karen傾到5:00幾先走，
之後搭車番home。

每天的上一part就係上學，
而番到屋企就開始下一part的生活喇，
所以我今晚繼續我的忙碌喇！

P.S：今日Lunch去鴻運食，
點知之後番到學校，剛剛quiz完，
個肚就痛喇！
我搞肚痛呀!!
e...........有一次都係咁，
食完果度d野我就肚痛喇！
唔知係咪學呀karen話頭，
鴻運d野真係唔乾淨的??!!!!!
但ar vi 又無野喎.....

>>October 4, 2009 at 7:58:34 PM GMT+8

2005 年 3 月 8 日 星期二 【晴】

呀董~
細hel無野的了，
你自己再問佢丫~~~
因為.....佢...我唔知講唔講得呀~~

新困難、新挑戰黎了~
有d怕應付唔來呀~
就係......
我頭先第一堂學樂理呀，
同我學琴老師學的，
我呀.........
吸收得好慢呀，唔可以好快咁即時理解到呀，
有d都仲未明。

仲有佢一教就好多頁呀，
每一頁都有練習要做架，
要溫完、消化完、明哂..........之後，
再做練習，
所以都要用唔少時間呀。

今日第一次上完，上一個鐘，之後，
都很眼訓、無左d精神喇，
(今日only樂理，冇學琴，
下次就唔係喇，之後都係一次過學琴加樂理呀)
有d怕.....
怕之後精神應付唔到，
經過一整天的學業麻......
又怕自己個腦記唔到咁多野.........
仲有，10月要考，
會唔會現在開始學..........都學唔切呢?

係有d怕的...........
但........唔得咁架!!!!!!!
我唔可以再咁怕困難架!!!!!!!!!!!
我...........要相信自己的能力呀。
希望大家支持我啦。
(我的時間表上............要多多一樣野了..........就是study樂理、做樂理練習。

>>October 4, 2009 at 7:58:12 PM GMT+8

2005 年 3 月 7 日 星期一 【晴】

今朝在116靈修時，
見到前面細hel好似喊緊咁，
果時我個心有d唔知點，
因為........怕佢仲唔識睇開，
我又幫唔到佢喎....
之後完左靈修問番佢，
佢話無野，無喊到，
其實有d懷疑架，
不過既然佢話無，我就要信~
所以.........都放心d啦~
不過，講真，我終於明白什麼叫互為肢體，
一個姊妹有唔開心，
另外的也會同樣唔開心。
所以........今早真係有d唔開心，
搞到好似陪細hel一齊down咁..........都唔知點解會咁神奇的.......

上到班房，
可能這排好忙、好累，
所以心裡有d情緒，
唔想講野，心裡有點煩躁、煩亂.......
之後唔知點解，
我打開銀包，
望住我地5個 Christmas一齊影的相，
我笑左出黎，
我續個續個望........
我諗起.......我地每人都經歷緊唔同ge野，
面對緊唔同的困難........每人有唔同的background，
每一個都好特別，
所以....望住就.........有d開心~笑左出黎喇!~~
哈哈........好傻....

之後Lunch，見細hel呀同呀Vi一齊等緊我，
見到佢地一齊有講有笑，
我好開心呀，真的!!!!
之後..........呀Vi引誘我食麥當勞.....
之後引誘成功.......真的去左.....
我點都要賴呀Vi架喇!!!!!哈哈!!!!

其實今日成日的心情都唔好，
可能太多野做，好煩啦
又或者好累啦，我都唔知喇....
總之今日個心入面.....有不少情緒.........
抑壓住........有d辛苦
咁放學傾宗教的project啦....
傾傾下的途中，
小woo向我解釋個project其中一d野，
咁我有d唔清晰咪問落去啦....
之後.......小Woo有d較為激動ge動作......
有d好似唔耐煩，個樣又好認真，
態度同語氣有d過火.......佢就是這樣和我解釋一d project問題.......
之後我的情緒終於頂唔順喇.....
喊左出黎...............
之後fanny出去同我傾番,
我一輪嘴講哂我的感受，
好開心fanny咁樣聽我講，
次次唔開心佢都安慰我。

其實真係好少事，
我未必要喊，
其實都唔關小woo事的，
只不過...........
我今日的情緒唔係咁好........
收埋左成日，
其實小woo這件事.....
只不過是把我的情緒爆出來.......
d情緒好似一個汽球咁，
越吹越大........之後頂唔順就爆破出來..........
我諗我仲未懂得好好處理自己的情緒，
究竟當有情緒產生時.....怎樣處理同釋放呢?
搵人傾??...未必有人得閒比你傾........
收埋一陣先??.......始終咪爆左.............
唉，
我都唔知呀！

不過之後小woo出來，
見到我.......
咁我就先同佢say 左sorry先，
同佢講我唔應該在人面前這樣，
因為會嚇親人、影響到人.......
之後同佢講番我的感受，
之後佢都好明白我，
所以......我好感恩呀，喊得都抵呀！
因為一來可以乘機發洩左個情緒出來，
二來可以同小woo的感情增進了，
大家又明白大家多d。未嘗唔係好事。

其實講真，
我覺得同人合作做事真係好難呀...........(對於我黎講啦)
有時真係好唔鐘意呀!!!!!!好想自己做.......

但係........咁樣係唔得架麻，
我覺得........神........
中六........就係要我學........同人分工合作。
要我學習點樣同唔同性格的人相處、一起做一件事......
要我學習點樣忍耐、包容...........
要我學習點樣同意見不一的人做事、怎樣可達成共識........
學習要接受人地的意見............唔係自己arm哂的.......
等等......等等..........

我越不喜歡分組做project，
中六就一定有越多projects黎緊呀，
所以..........學習吧!!!!!!!!!!
我要學習與人相處呀~~~

總之...........
大把功課要學啦~我要比心機！
我成日都同自己講要比心機、要比心機，
haha.......我真的要不氣餒呀....
好驚有一日我會氣餒、放棄。

不過講真.......
書本上....
.......我的確有d......
唔知點的感覺.......
唔知點形容喇!........

同埋，
黎緊將會每天都好忙呀，
arm arm 上星期完成個中化project，
現在要趕宗教的project呀！
之後仲要搞P.E的project.........
all 係復活節前交的呀！
好驚唔識分配時間呀，
每日放學都要留在school做不同科的projects，
點樣分配呀............
練琴......溫書....靈修.....homework.......project.......
每日放學番屋企得4-5個鐘的工作時間.......
怎可做哂以上咁多野呀??
有精神做先好野啦.......

>>October 4, 2009 at 7:57:55 PM GMT+8

2005 年 3 月 6 日 星期日 【晴】

尋晚成晚都在寫得救見證，
寫到零晨1:30呀.............勁眼訓呀，
終於寫好喇，差少少就有2000字.......
我寫完仲post左上來添呀(響尋日的日記中~~)
不過今朝起身就好唔願起身喇，
超級累~

不過都照番左祈禱會，
同雞翼同花一組，
雞本身唔肯開聲祈禱架，
不過我同花要她嘗試麻，經過給她一番解釋後，
佢終於踏出了第一步，
就是在人面前開聲祈禱呀。haha~^^

呀~~文彥決定左浸喇!!!!!!!!!!!!!!
好開心呀，佢清楚自己的決定，
踏出這一步，受浸加入教會，
仲有今日篇道是講信心呀，
堅固左文彥呀~
好野~~~可以一齊為主作見證~~~~~~~~~~~

happy hour同文彥兒童看管呀，
嘩，d小朋友..............走得超快，
轉下眼就可以唔見左佢地，
少偉哥形容得好搞笑，但又好正，
真係好似"倒瀉籮蟹"咁............
四散.....搵都搵唔切.........捉都捉唔切.........

之後同hel、O、嘉敏響留下傾計，
1:00就去食飯了，
同hel、karen去翠怡食，
果時都感覺到hel有d唔開心，
其實這兩天見她也唔係咁開心，
但係，佢話無野，不過就一定有d野............

之後，
番番校牧室諗住拿番細hel整ge blue berry蛋糕，
跟住........細hel響借書果度.....自己一個.........
佢講左個電話、同埋禁禁下部電話.......
我入去問佢：無事丫麻
跟住佢就好似想喊咁喇，
之後佢就出左去......佢叫我同karen比佢冷靜一陣先，
之後隔左兩個字左右，
我再去後面搵佢，
響後面睇到......佢喊得好西厲.........
唔知果時好唔好行埋去住，
最後都決定行埋去，坐左響細hel側邊，
拍下佢、搭住佢，
我自己在心中諗諗下，
都知道細hel唔開心d咩，
所以就一齊祈禱，
我開聲為佢禱告，
除了上次小woo，
今次係我第二次當人地好唔開心時，開聲為別人禱告，
在當中我都學習了感受別人的感受、代入別人身份去感受同體會。
好開心同細hel有哩d的經歷！

之後搵埋karen一齊三個傾，
雖然我同karen所講的不算得是什麼，
不能解決你的問題，
但是一起分享、分擔........是十分之回味同寶貴！

大家在成長的路上一定會經過很多彎曲的路，
人生路上，每一個障礙................
只不過是通到目標的一段彎路。
成長.........真的有痛苦、眼淚，
當然有時會感到孤單，
有時.........身邊的人唔知去哂邊，
相信...........幾乎每一個人都一定會經歷這些，
但寶貴的是，
我們身邊有許多支持者，
縱使不是每一位都是最知心的知己，
但總算都是一起走天路的同路人！
還有................
就是有最強的後盾！我們的主，我們的神！
人有流動性，但神無！
神一定以後都唔會走的!!!!

呀朱給細Hel：「有痛苦就有經歷！有經歷就會成長！」

呀朱唱兩首歌比細hel聽(剩係細hel先有架~)：

＊每日每夜每一天＊(你話你無哩首歌歌詞麻~宜家有啦!~~)

「讓這渺小的我在凝望
星閃天漆黑一片
想起每一天有著有著你的恩眷
是這跌倒的我實凌亂
始於都不知道
真想能明白卻是幼稚仍未未磨練

看看身邊似無助　此刻我
滿覺心裡是睏倦　難遇見
見曙光可照前路
可驅走心中惆悵
我怕風雨沒法可計算

靜處細省中我在尋問
這一天的功課
傾聽你聲音　每事意義究竟如何

就算頃刻充滿著疑惑
即使找不到解答
深信你仍同在　以往幼稚無用懷念

有你加給我扶助必經過
縱覺心裡像睏倦　仍未算
以信心闖過前路
必衝開種種惆悵
每段試煉你已先挑選

是這渺小的我漸明白
需一天天經歷你
堅信全來自　每日每夜每天恩典
而你是我立志的焦點

願每一天帶領我進取
更新心意求變　或遙遠
成長須不怕路遠」

＊為主來夢想 ＊


「相片裡兒時的模樣 記錄著年少的時光
曾經在你我的心中 要登上月亮 要飛越太平洋

多年後我們都成長 告別了青澀和迷惘
曾經在你我的心中 編織的夢想是否已遺忘啊

人生的理想 是為主發光 拭去了淚水 使我們更堅強
路依然漫長 別失去盼望 痛苦時記得有主在你身旁

為主來夢想 為主來發光 雖然有挫折 但我不用沮喪
主是我力量 主指引方向 我們的日子有夢想 有燦爛的陽光」

>>October 4, 2009 at 7:57:37 PM GMT+8

2005 年 3 月 5 日 星期六 【晴】

＊我的得救見證＊

我自小性格比較內向和被動，有點怕人，所以不會主動和不熟識的人說話。
常常缺乏自信心、卑觀，而且自我價值較低，可以說是很「自卑」。
相信了主耶穌基督後，我改變了。
我的改變不是外表的改變，而是思想的轉變，是內心的、內在的。

在我小學二年班的時候，母親在偶然下信了基督，
她找到了一間教會，於是從小我便跟著媽媽番教會。
我小時候很喜歡番教會，
因為每次的兒童崇拜，都有茶點吃、遊戲玩、又有很多朋友仔，
所以每次到教會也是為了「吃、喝、玩、樂」是抱著這些兒時心態。
當然從中也聽到了很多聖經故事，什至有上一些兒童主日學，
加上我的小學是基督教，因此對此信仰有不少認識。
可是，年紀小，跟本不清楚什麼是信基督、什麼才算得救。
那時，就是我信仰的起點了，
想不到在那時起，我已經正式踏上了天路。

蒙神的恩，我升上了迦密聖道中學這一所基督教學校，
這裡所有的老師也是基督徒，這裡也有教會，
但我一直也沒有想過參加這教會的聚會。
後來，大約中二的後期，
偶然與朋友一起參與這間教會的崇拜，(也記不起為何那次會回來) ，
這是我第一次在迦聖參與崇拜。
最初我參與崇拜時不會開口唱歌、聽道會覺得很悶，
與我返兒童崇拜完全不同的，
所以返教會也是為了與朋友一起而返，目的只是維繫友情，
不是為了敬拜神、認識神，返去是萬無目的。

到了中三，有一位朋友鼓勵我積極的返教會，用心追尋神，
相信主在那時在我心裡動工起來，
我的心慢慢被改變，返教會的態度也認真了，
心裡開始尋索誰是神、多思想有關基督教的問題。
不久，我參加了初信栽培班，
在栽培班中清楚了解基督教的信仰基礎，認識了神不少，
了解我為何要信，而且在當中學習認識自己。
但是我還未清楚得救的。

到了2002年8月18日，主日崇拜後，
在導師的引領下，我重新決志相信耶穌。
決志後那一刻，我感到心裡充滿喜樂，
所有的罪好像已經歸到主身上，被祂洗淨，
感覺自己與別人不同，而且那時心裡很有力量想一生追求主。

決志後，我的生命沒有立即改變，我一些罪惡的思想、壞習慣等等仍都在心中。
雖然我一直保持著返教會，間中靈修，
但我常常會為一些小事而不開心，
覺得讀書沒有目標，
會覺得很辛苦，卻不知是什麼原因。
之後，在學校的查經班，每一次都得著很多的提醒，
班主任鼓勵我為主踏出一步，這一步不簡單，
就是把我的心全然交給主，他說：「為主踏出吧！之後必有許多的驚喜！」
真的有許多驚喜嗎？我很想擁有所謂豐盛的生命呀！
我當時才發覺，
決志後我生命的主權仍在我身上，原來主並沒有成為我的「主」。
由那時起我慢慢地學習把自己交上給神、積極追求神、穩定返教會、常常靈修、凡事多禱告，並在教會中漸漸成長。

我一向也很重視朋友，神就賜給我不少基督徒朋友，
這些姊妹能與我分擔開心傷心，在這信仰路上一起成長，
大家一起經歷了很多事情。
特別在我會考期間，神賜給我一位好姊妹，
大家固定的一起靈修和分享，
在當中互相分享最內心的事和分擔會考的壓力，
我不但在靈修這功課上有進步，更使我更有力走這信仰路、人生路。

其實會考是我與主的關係上的一大轉列點，
我一向很膽小、很怕困難、對自己缺乏信心，
因此我知道靠自己不能有力量面對這會考，
於是我便把自己的將來交給神，知道祂會為我開路，
這是我第一次嘗試什麼叫做「把自己交給神」。
就是憑著這信心，加上神賜給我剛強壯膽的心，
和那很大的力量，這樣就去面對會考了。
在神的恩典下，我升上中六，
祂讓我知道「靠著那加給我力量的，凡事都能作。」
經過會考，我知道依靠神的重要，與祂的關係也變得很密切。
因為若果不是祂，單憑自己的力量，我早已經氣絕了！

自會考之後，我便加倍努力追求神、依靠神。
2004年有機會參與一些事奉，有事奉的生活真的不同，
可以在事奉中經歷神、認識自己、學習服侍神、服侍人。
2004年我覺得是我成長得最多的一年，與弟兄姊妹的關係深了。
另外，被神的說話建立自己不少，建立自己的自信心，重整我的價值觀。
當然仍有很多功課仍要慢慢學習呢！

回想起來，這兩年我改變了不少，
初信時最明顯的改變是對罪敏感了很多，會很抗拒、討厭罪惡。
一直在主裡面成長時，內心的改變更多，
增加我的自信心是最大的改變，
是神的話建立我自己，堅立我的自信心，在神的愛中建立自己 。
天父也教導我懂得樂觀地思想，我越來越喜歡笑，
並會主動結識新朋友、主動關心人。
另外，我的膽量也提升了，在這年間我作出了不少突破。
重要的是，我的人生目標清晰了，
就是：每一天過主所喜愛的生活！
........「認識神的兒子、得以長大成人、滿有基督長成的身量。」

最後，感謝神使我健康地成長，成為一個滿有思想、感情的人，
並供應我一切所需，賜了很多東西給我，
使我沒有什麼缺乏。
亦感謝祂在世界中揀選了我，自小讓我認識祂，
且承諾一生背起我走過人生路。
在以後的日子，無論往那裡去，
我都會緊靠主渡過，
每天過祂喜悅的生活。
再一次感謝天父對我的愛！
我將一切的榮耀頌讚歸給我們天上的父親！

>>October 4, 2009 at 7:57:11 PM GMT+8

2005 年 3 月 5 日 星期六 【晴】

今日係最後一堂浸禮班，
四堂話咁快就上哂喇。
今個月27號就係浸禮喇!!
好快呀!!
我想...........我d朋友、同學、老師都來分享我的喜悅呀!

今日1個鐘就完了~好短呀~
之後同karen留在校牧室做功課、溫書，
之後4:15左右就一齊過大中椰林閣食下午茶~
今早直到下午都無食野，
嘩~我又成碟飯食哂喇.......真係唔知個胃口點解大左咁多.....
之後到大眾睇下有咩arm fanny~
但係睇唔中~~
遲d再睇~~

做哂功課喇~
要溫歷史同埋今晚寫得救見證，
寫完或者post上來啦

>>October 4, 2009 at 7:56:32 PM GMT+8

2005 年 3 月 4 日 星期五 【晴】

今日係F.7的Last day喇~
時間過得真係快呀，
好似剛剛先9月開學，
今日就Last day喇~
一年後就......我地了，
我諗我會好唔捨得。

今日搬課室了，
本身312，之後搬去4樓，
今日.......又搬回去312~
e!!!!唔鐘意312哩個班房呀，
哩度又好噪，隔離班講書講緊咩都聽到呀，
同埋個班房特別cold架！d瓷磚ge問題......
太大喇個班房....><大得濟~

週會聽一個牧師分享，
係講挪亞方舟，
有d人可能會覺得係人作出來的，是假的，
說果個牧師所講的是他作的，
頭先我心裡都有d懷疑的念頭，
覺得佢所講的有少少誇張咁，好似真係好神奇.......
有d念頭會諗......"係咪真架?"....
不過「信是未見之事的確證」，
所以唯有憑信心去聽~
信就信，要信得過神的能力。
同埋....神的牧師.........不會一大堆大話........來一些學校演講o瓜........
另外睇完個power point，
好感受到神的能力，
上帝除了是慈愛的上帝外，
也是控制一切，包括歷史、天氣，神蹟.......
所以我覺得神......很神奇同好有權力。
另外..........好想去睇影音使團將會上影果套戲，
(其實是一套發現方舟的過程紀錄片.......)
好想知更多這件事的東西呀！
(好想知，佢地發現到果個洞入面有什麼東西呀)

Lunch後果兩堂，Miss Lau去左開會，
唔洗上英文課~
兩堂在做自己野~
搞埋Geo project就睇History的Book~
第二堂就同Panda、Fanny、小Woo、楊慧妍佢地...........
唔知講左d咩....大家勁在笑~~
好開心、好玩呀！
佢地話我笑時成日好似笑到喊，
><無奈~

放學做Board~今日係last要交喇，
不過我無野可以做呀，
剩係剪貼揮春兩旁的金條~
之後唔知做過d咩......咁就到5:00，
我無等埋karen走呀，本身話maybe一齊食野，
但唔等佢啦，都唔知佢G.B放幾點呀....
So....我同小Woo 5:00就一齊走了。
小Woo話唔想番屋企住，
所以就送我去到明星，
我地響bus stop旁各人買左串fishball，
好快就有車了~~~好野！番屋企~~~

>>October 4, 2009 at 7:56:09 PM GMT+8