2005 年 6 月 25 日 星期六 【晴】

嘩~~~~~~終於見到太陽喇~~~~
好耐無見過d雲雲~~
見到藍天白雲真係好開心呀~~
今日係呀佳同菠蘿的結婚大日子~~
神真係好錫佢地，好祝福佢地呀~~
因為哩排一直都咁大雨~尋日先係首個紅雨日o姐，
今日就陽光普照喇~~~
我覺得好神奇呀~~~~~
如果落大雨結婚婚就好煩架喇~~~
哈！不過我無去婚禮呀~~

今日訓到10:00幾~
我地一家人就出左大中飲茶喇~~
其實係我尋晚無啦啦提出話想去飲茶ge~~
本身媽咪唔制架~~又話怕肥lor~~
不過我開到口當然no problems啦~~~哈哈！
飲左一個鐘左右~~之後我地就周圍行左一陣~~
途中撞到嘉敏同子健，
由於飲茶時我同媽ma提開carmen隻手d野~
咁呀媽職業病發作....見到carmen就同嘉敏講嘉敏隻手果d皮膚問題~~
跟著我地再行多陣，daddy、mummy就要走喇~
佢地要去菠蘿的婚禮麻~~
而我就唔去~~
自己行多陣~~

自己響大眾書局行~~睇書~~
哈哈哈哈~~買左3本書~~
買左200幾蚊~~
不過放心啦~~我d錢都只係用響哩d我認為值得洗ge地方度~~
買衫呀、娛樂呀果d都唔arm我~~
果d野...迫到埋身先買啦~~~(不過其實宜家都無衫著架)
我就情願用來買書lor~~
我話過,我夢想我成間屋係窒滿書架麻!!!!~~~
今日就買左d幾深O ge書~~
「找到自己的定位」、「李天命的思考藝術」、「寫給非哲學家的21封信」
「李天命的思考藝術」<---其實我覺得我未必睇得明架~~
可能完全睇唔明添架~~
不過好想試下睇lor~

我行書局都行左好耐下~~
之後去買左古巨基演唱會的VCD~~
好想睇呀~~

今日洗左好多錢呀~~~~
不過響其他地方度會用番少d架喇~~~~
點都好~~買左d自己鐘意ge野~~~~~係好開心架~~~

黎緊都有d空閒時間ge~~~
去街我就無咩興趣喇~~~
最享受就係閉關響屋企~
聽下歌~~睇下書~~
睇下vcd~~~

不過星期一or二會同karen出去行街~~
因為真係無衫著喇~

宜家幫呀bell沖涼呀~~
我應承左佢每個星期六都會同佢沖涼架~~
因為佢開始有d皮膚病呀~~
要多d理下佢ge清潔喇~~~

>>October 4, 2009 at 9:20:42 PM GMT+8

2005 年 6 月 24 日 星期五 【晴】

今日曾蔭權正式上任成為我地香港的行政長官~
不過今日又係今年第一日的紅雨~~
今日紅雨無話之前咁特別開心ge~~
因為點都唔洗番學~~~哈哈！

訓到11:00幾，爽呀~~
之後睇再生緣~咁arm今日大結局喎~~
咁之後細hel響12:45就入到黎喇~
哈哈哈！我地今日‥‥‥整野食~~~

我地今日整花生醬曲奇、朱力蛋糕~~
細hel想食花生醬曲奇~話送俾老師喎~
而我就想整朱力蛋糕好耐架喇~~
所以,今日就整啦~~~

我地懷住好大的期望+盼望咁就開始整~~
今日當然想成功啦~~我次次都失敗ge~~(都有d係ok ge~~)
記得上次整曲奇俾冬令的籌委....硬到丫！....
細hel今日仲話要請人食添架...
我就話唔好喇~整完先算啦~
加上我老豆又睇死我喎，
一路問我食唔食得架...肚痛喎...
唉~~~好彩媽Ma支持我o姐~


煮butter同朱力，見到都肥呀！
d butter多都丫~~恐怖~~~~肥死lu~~
最"羅"命係"發"蛋黃同蛋白+糖，發到隻手bike呀~
d蛋白發極都唔企響身，
而我d蛋黃就發極都唔程乳白色...
細hel發到面都紅哂~
最後...d蛋白終於企響身喇~~成功！

花生醬cookies唔洗10分鐘就整完~
完全無諗過咁快bor~
不過好好好香呀~~~

我地d食物焗左好多round~~
第1,2,3 round，唔係焗濃就焗唔熟......
真係好失望架~
諗住今日都係唔得架喇，
所以最後一轉，就求其一次過將d cake 堆哂入去焗算啦~
點知哩一round一出黎，嘩~~~~似樣bor~~
切開佢地~~都ok丫~~
全靠細hel果個兜咋！~~~~係用哩個兜焗先焗得熟~~
所以....焗左咁多個，剩係得一個係成功~~~！

至於d 花生醬cookies~~~好好味呀~~~~~~
真係勁正~~~~~哈哈哈哈哈哈哈！！！
今日d cookies做到好鬆化ge效果~~~~

總括而言，今日係......成功ge!!!!!!!!!!
哈哈哈哈!!!!
掂~~~~~~~

d 作品~當然係留番俾dad,ma ma食啦~~~

>>October 4, 2009 at 9:20:23 PM GMT+8

2005 年 6 月 23 日 星期四 【晴】

尋晚訓到2點俾個勁大ge雷嚇醒左~
丫~除左有做虧心事的人外，
點解普通人會驚打雷ge呢~?
真係好想知呀，
可能人感受到個天的威力o瓜，
尋晚半夜響度諗，世界未日，可能又係咁的情況。

不過今日的雨勢無咁勁lu，起碼無打埋大風。
換左把傘的確係隱陣d bor。

8:00響村口等bus bus，
等左好耐都無bus黎，
開始擔心會趕唔切喇，
跟著，無啦啦企響我後面一齊等車的隔離屋的e e 叫我：
「咁大雨，又無車，黎丫，車埋你啦~」
原來佢截左加taxi，
哈哈哈~~咁我就有免費的士搭喇~~~哈哈！
所以，個身唔洗濕就可以安全番到學校喇，
仲早左添~8:30到左啦~
架taxi出到太和百佳已經$50幾喇~

落車之後，諗起，
死喇，若果陣間口試問關於三三四or小班教學...我唔識喎，
所以走左入社區中心打電話俾dad，問佢可以有咩講，哈~~

番到312，等左陣，好快就到我組考喇，
首先個人短講，
一睇個題目：林村河
哈哈，有d突然的感覺！
突然係因為一心諗住佢會問時事架麻，
無諗過佢會問哩d topic，
不過，呆左10秒左右，哈哈，就諗到講咩啦~~
我係第一個考，
王群同除秀芳考，
考的時候，我竟然可以完全好淡定呀，真係唔驚bor，
可能因為有信心lor，因為我覺得我講的內容都幾好丫，
所以好有信心的講出來，
我都覺得內容都有d感性丫，
哈哈哈！
In short，I think it is ok ar~ ok good gum la~heehee=3=

等埋第2,3,4,5個考生完哂個人短講，
就立刻去番小組討論喇，
topic：墮胎應該合法化
唉，我呀！全個討論都係講左1句野咋！
我諗野諗得好慢呀~~~~
點解人地諗到ge野我會諗唔到架呢?~~

由現在開始，我要擴闊我的思維！諗多d人生同哲學的問題！
仲有要多留意時事啦！一定要每日睇新聞丫！
仲有！要睇埋星期1,2,3,4,5,6日檔案，加鏗鏘集啦！
總之，務求要擴闊自己的思考！
最重要的是，要學會有自己的立場！
這就是升到中六不同的地方，不可以再人云亦云！！！

>>October 4, 2009 at 9:20:07 PM GMT+8

2005 年 6 月 22 日 星期三 【晴】

=反傘番學日=

尋晚行好大雷呀，
搞到bell bell好驚，
要人抱住佢，摸住佢，成日痴住我同媽咪~
我又訓唔著喇，成一點幾先訓到~
可能考完就無左寄托啦。

今朝可以訓多一個幾鐘，好開心呀~
8:00先起身，
梳洗完之後就做左一次oral，
之後出門口番學喇。

落左車，
突然就超級大雨，
已經半身濕左，又大風喎，
真係好驚把傘會反，
反左就好樣衰丫麻，同埋全身都會濕哂啦，
一路把傘都好平安，
只不過我下半身俾雨打到濕哂lor，
行到去學校門口，
突然打起8號風球咁，
我狂"蚊"住把傘因為驚佢反，
又將把傘的方向逆風咁行，
痴線架！突然一陣狂風掃落葉！
就係咁......我把傘就完全地反左喇....！
真係好驚，好手足無措呀，
之後，死就死啦，橫掂都濕哂咯，
所以索性由得把傘反喇，
傘都唔用，不顧一切，
就咁衝番學校算，
好樣衰呀，好多低from望住我拿住把反ge傘傻左咁響度跑。
then，跑去校牧室門口前停一停先，
嘩，果然係全身濕哂，由頭到腳無一處唔濕...
就好似著住條校服去沖涼咁樣，........呼......

今日係6年來最難忙的番學呀，唉。

我決定聽日唔會再用哩把傘，
哩把其實....似係太陽傘多d lor，
聽日用直傘啦。

有人玩激將法喎，
你估你可以激到我咩，
哈哈哈哈哈哈哈哈哈哈哈哈哈哈哈
哈哈哈哈哈哈哈哈哈哈哈哈哈哈哈哈
你估我會唔會因為你咁而有唔開心丫喇，
哈哈哈哈哈哈哈哈哈
哈哈哈哈哈哈
咪傻啦！！！！！
我現在係打不死的！！！！！
其實呀，多謝都講唔切啦，哈哈哈哈哈哈哈哈哈！
哈哈哈哈哈！！！

哈，oral我係俾Miss Chan同Mr.Colley考呀，
2個的要求一定好高啦，起碼會高過Miss Lau同Mrs.Ng，
另外好多dead air添呀，
總之...就差啦，
我相信Mr.Colley一定聽唔明我地講咩添啦。

之後同Tom同Ada練中化小組討論，
幾好丫，宜家對小組討論哩part無咁驚喇~
之後同S班人練，
點知，佢地玩、傾計多，
聽日好驚呀，中化oral，
講真，其實驚個人短講多好多好多lor，
怕無野講呀！~

今日一定要睇下新聞，
因為可能會問關於事時問題架麻，
找下靈感吧~

>>October 4, 2009 at 9:19:48 PM GMT+8

2005 年 6 月 21 日 星期二 【晴】

《黃色暴雨》的星期二

花 火 ． 梁 詠 琪

來 吧 伴 我 飛 不 休 不 睡 去 飛
來 盡 力 忘 記 兩 腳 降 落 何 地
若 記 憶 憑 據 到 某 一 天 告 吹
回 望 即 使 太 蠢 都 相 信 我 做 得 對

原 來 風 雪 可 以 使 我 堅 壯 使 我 堅 強
假使敢夢與想 假使天真地唱
我也會笑容漂亮
原 來 歲 月 太 長 可 以 豐 富 可 以 荒 涼
能忘掉結果 　 未能忘記遇上
長路若太短 花火生命更短
雙手可觸及你有眼淚仍是暖

=====花火

＊來吧伴我飛　多久都不會累　
我 已 不 在 乎　所 謂 的 是 與 非
如果愛是朵很脆弱的玫瑰
我也願意承受　不完美中的完美　
原來風雪可以讓我堅強讓我感動
墜落在我的夢　
只要一點火種　依然照亮我笑容
原來命運還有一些在我掌握之中
眼淚的朦朧　透著一道彩虹＊

煙霧在消散　花火生命短暫
燈塔永不孤單　因為你是海岸


eg：好驚呀 聽日考oral喇

>>October 4, 2009 at 9:19:28 PM GMT+8

2005 年 6 月 17 日 星期五 【晴】

English Listening & Section E 都唔識做呀，
好難呀，
肯定死哂喇，
英文好肯定唔合格呀.......

頭先考完之後，
讀左我個學號要留底喎，
以為做咩啦，
點知.....原來係考番英文Oral的daily test！
響我完全無心理準備之下要做一d我害怕ge野，我會極度緊張架，
頭先就係啦！
嚇死我！真係好鬼驚！
雖然人地覺得好少野.........
不過我真的好緊張......！
搞到個腦空白哂...果10分鐘預備的時候....都專注唔到添呀
而且好多生字唔曉讀呀.......！

唉，
講ge時候勁緊張.......
水準差多好多，
唔滿意呀！
所以都考得好差呀，好低分呀。

都好ge，
下星期3都有真正的大考的Oral~
今日當是前奏預測下啦~
Miss都提左我,我一d ge 弱點~
下week一定會有improvement！！！！！

<<大個女 >>
---Eason

其實係呀 係呀 你未有牙架
卻謹記別說謊 應小心甩了大牙
係呀 你好嗎 你就說話架啦 你再陪我講心麻

*時光會迫你這副萬金之軀 競逐世上各樣乜乜之最
你若決定要做最尾一名絕對允許
人生這可怕的染缸有所有污垢要面對
人轉眼將會大個女

#能變成李英愛能變邊個人也相親相愛 飄過了大海
願風風雨雨都可以避開 你還要戀愛 我還記得愛兒女所愛
早習慣看開 你易容還是可愛 最重要心記得要開 來競技角力賽
最終不管輸贏都一般可愛

其實係渦 係渦 你末算傻架渦 你使到父母親 彼此都加倍諧和
係呀 你叻啦 你末有哥哥 你來提我添丁渦

repeat *#

最重要心記得要開 來競技角力賽 最終不管輸贏都一般可愛

>>October 4, 2009 at 9:19:05 PM GMT+8

2005 年 6 月 15 日 星期三 【晴】

文彥：我衝去邊？
咪就係響A-level的道路上面衝lor~~
哈哈!!一齊衝啦~~

好開心呀~~~~
最辛苦哩三日終於過去喇!!
哩三日連續考3科AL~
氣都抖唔切~
今日，終於考哂最多野溫果3科喇!!
之後果d都唔洗溫的~~除了中化外~
不過都仲成個星期先考啦中化~~可以慢慢溫的~
所以，終於可以興鬆下喇~

我哩幾日好努力呀~~
連電腦都忍得著手唔開~~日記都唔寫~!
其實兩個星期前先開始溫書~
哩幾日一考完就立即衝番來~
不過唔係立刻溫書~
係訓覺覺~~哈~
通常5,6點先開始溫書架~
其實上個星期好驚自己精神上應付唔到架~
因為上個星期未考已經無精神，好累~~
不過...原來我都ok喎~
話唔想考唔想考，宜家，咪又係好快咁就考完最驚ge三科~~~
辛苦的日子咪又係咁過~~
唔會有人過唔到ge!
最緊要盡力啦。

今日考歷史，
隻右手極痛，
不過，今日的感覺好難忘呀~~
今日考歷史，
考3個鐘~~~~
total要寫4條Essay，
上年會考時，我都無諗過今年的自己會有咁的可能，會有咁的能力，
之前ar sir講話要考4條時，
我仲心諗：痴線架，4條，邊寫到呀，寫死咩。
到左頭先正式考喇，
咩都唔理，將溫書時記左入腦ge野，全部嘔哂出黎份卷度，
真係好開心呀，出左太平天國呀~
響屋企溫書時直情寫過一次個大綱添~
所以頭先係咁嘔哂d記憶出黎咋~~~好有信心！哈哈哈哈
之後寫第2,3,4條.........
一分鐘都無得停~寫完一題要即刻落第2題的，
因為要keep住45分鐘一題！唔係就唔夠時間。

寫到隻手勁痛，d骨好痛呀，
個頭又痛喎，
不過，要堅持，
無錯，我覺得今日就係學到要堅持！
想放棄都不能夠放棄！

d時間運用得好好呀，
每條都arm arm 好45分鐘做完，
所以arm arm 夠鐘停筆，就寫哂4條喇！

等收卷的時候，
我續張續張單行紙睇番，嘩左出黎呀，
6張單行紙，寫哂字呀！~~~
我覺得自己好勁呀，哈哈~
同埋，真係好有滿足感架原來~
會諗，丫，點解我會寫到出黎ge?
第一次，好勁呀真係覺得自己，
果然，無白廢到我溫的書~

繼續努力呀，
唔好鬆懈呀。

>>October 4, 2009 at 9:18:46 PM GMT+8

2005 年 6 月 12 日 星期日 【晴】

衝呀，衝呀，衝衝衝！！！
衝去邊？
唔知架！‥‥‥
結果係點？
都唔知架‥‥‥
剩係知道...
要不停係咁衝，係咁衝，
衝完先算啦‥‥‥

>>October 4, 2009 at 9:18:26 PM GMT+8

2005 年 6 月 8 日 星期三 【晴】

今日上了12堂，
皆因上完8堂之後，
仲有歷史補課，
由4:00補到成6:00呀！！！
精神耗盡喇........
現在連諗野都唔想諗了！
剩係想扒響度咋.......

===============================================

Now feeling 1

「人情似紙張張薄，世事如棋局局新」..................

「眾口難辯，孤掌難明」.......................

「既往不咎，覆水難收」..........................

feeling 2

「人善被人欺，馬善被人騎」......................

「倚勢欺人，勢敗人凌我，窮巷追狗，巷窮狗咬人」................

But................................

「少年不努力，老大徒傷悲」！！！
「為事在人，成事在天」！！！

So......................................

「此處不留人，自有留人處」！！！！！！！！！！！！！！！！！！！！！！





P.S：Ap呀~我當然記得你啦~你近來怎樣呀?...係呀，又考試了，都好緊張的呀....!!

>>October 4, 2009 at 9:18:10 PM GMT+8

2005 年 6 月 6 日 星期一 【晴】

今日細hel 10:30黎到我屋企~
入黎溫書~
我終於溫哂econ喇！
其實....係睇過哂一次~回憶番~
不過都ok啦~

之後細hel要考oral，要早到Sha Tin，
所以4:15出門口~
出發到Sha Tin。
去到Sha Tin，細hel帶我食左碗勁好味的擔擔面呀！
真係勁正呀！好回味~哈哈！
細hel食完就走先~
剩番我自己~
咁我食完，先係5:30，所以就去行陣~
去左無印幫hel買朱古力，
then去天道睇野~
咁就行去大會堂集合喇~

好睇唔過眼呀，哈哈，
我地學校d學生.......太恐怖喇，
響一個文化地方出面，
竟然一群群咁，大大聲咁大叫、大笑、周圍跑來跑去.........
唉，好失禮，文化呢？，好唔專重呀，
入左場都係咁，
響入面大大聲講野~哈哈哈.....
搞到d工作人員係咁鬧人呀~~~

開頭中五畢業生加choir一齊合唱果一part，
好正呀~好好聽呀！好鐘意呀~
仲有跳舞呀其他果d好多都好好呀~
不過好凍呀，
鼻敏感好辛苦呀。

又一屆畢業了~
離離別別。

聽日把握時間溫書！
努力丫！

>>October 4, 2009 at 9:17:53 PM GMT+8