2005 年 3 月 24 日 星期四 【晴】

放學去左同文彥、karen、hel、小園行街，
多人一齊行街，好似好難睇野咁的，

突然間個人靜左好多，
心情麻麻~..................><

無野arm呀，一樣野都無買到。

之後番sha tin ，搵埋小雲，
我地五個一齊食飯。

之後行左陣書室。

>>October 4, 2009 at 8:03:22 PM GMT+8

2005 年 3 月 23 日 星期三 【晴】

嘩~
今日一早的P.E堂，
好好玩呀~

今日係打網球，完全唔掂呀，
不停走來走去地.....執波!!
我接極都接唔到d波，
仲有d人好衰lor(小Woo lor.....><)......專登打遠個波，之後迫我去執.......

不過運動Lee家野.......都係唔arm我~
不過..........我又好鐘意玩哩d野喎~~!!!
haha~

之後，
我地試玩，
由於我地組在假期後，會有個PE project，
個project係要每組搞d games，
在P.E堂中帶班中的同學玩~~係計分的......咁就係一個project....

所以，頭先我地就試玩d games，
剩係玩左二人三足(多人版)
成8,9個人排成一行，綁埋d腳，成排咁行，
嘩~~係好難的!!!
大家只係不停咁笑o姐，
死啦，都唔知個games work 唔work呀真係><
另外我地仲試左竹舞(唔知係咪叫竹舞啦)

仲有其他games都未試玩呀~~~哈哈!!
好期待正式玩果日!~~~
實玩死我班d人。^^


好開心，尋日胡sir話今日會遲落堂，會補一陣課的，
不過今日竟然無喎~~~準時落堂呀，
我又立即衝番屋企喇。
哩排都好鐘意放學就即刻走人，因為好想快d番到屋企。

聽日放學就會同文彥、karen、細hel去行街呀，小園都陪我地去，
我地去買浸禮果日著ge衫喎~
haha.......我唔想著裙呀，
衣著方面....求其算啦!!~~~~~~~~~
如果突然著得咁女仔、咁斯文會好唔慣，
不過話就係咁話，都係聽日去睇下先啦~
同埋同佢地傾下先~~hehe=.=

>>October 4, 2009 at 8:02:55 PM GMT+8

2005 年 3 月 22 日 星期二 【晴】

一天光哂~~~~~~~~~~~~
今日終於大家傾了、講了件事，
大家都舒服哂~興鬆哂~~

(以下部份copy from icq talking 的內容)

今日大家講、傾咁..
好坦誠咁講哂
大家都明白左大家
佢地都體諒我的缺點
總之......成件事
搞掂好了
好開心呀
同佢地d關係又好左
加上處理好d野，
我可以以一個開心的心情、
無"爛"阻的心去浸禮~

同埋我知道自己應該點做
我要付出多d、投入多d響班入面(d同學)
because我唔係only得弟兄姊妹....
在班也有一班好好朋友
同埋我要放底自己果種自私的心
因為唔可以成日都同死一個朋友的
我的朋友也需要其他朋友

現在，
需要的，是時間把我們剩餘的少少尷尬消去，
haha~~

所以，
宜家心中可以說是無任何束縛喇~~~~
唯一問題又解決左了~~!!!

其實很感恩的!!
係神感動我尋日icq add panda
今日傾的過程也有保守我們、我的心
最感恩的是.....咁快便解決了~~是即日.........一日內就搞掂了!!

當然也要thank panda 同fanny，
你們的體諒、坦白~

同埋係你們~
係你們幫助我去成長，
幫助我去面對自己哩方面的性格。
thank you~

>>October 4, 2009 at 8:02:35 PM GMT+8

2005 年 3 月 21 日 星期一 【晴】

董董：
係咩??上次唔知邊個同我講，
話送中英文聖經ge~~~~

今日：

今日一早同細hel........
靈完修之後，
竟然由一樓傾到上六樓，
響六樓企左響度繼續傾..
第一次.....一早係咁傾計，
仲要係講d好深入的心情、事情...
我仲講到想喊添，係緊張細hel姐~
唔知搞咩，
我一早就講埋d肉麻野俾佢。

今日響班中，第一日過我的獨處生活，
都幾難受，幾難捱，
因為....發覺班入面......
身邊無哂一直好支持我好朋友
好似自己一個人行
自己一個人在這環境生活.....
好辛苦。
好像沒有人站在我果方support me....

好多時有野想同佢地講，
但.....情況唔容許，
或許他們仲未原諒我，
不過我好好好好好唔想影響到我的浸禮的心情，
宜家神好像是迫著我...
要我在浸禮前finish處理哩件事。
自己都好驚.........
我真係唔識處理、面對呀
又唔知點做主動呀。


「曾經 每一天相約找美麗去
陶醉 美的故事互相勉勵去追
曾經 望著天空一起哭泣至睡
臨別說起 亦笑相對」

>>October 4, 2009 at 8:01:59 PM GMT+8

2005 年 3 月 20 日 星期日 【晴】

今日我終於搵番我ge喜樂喇~
其實由尋日開始啦.....
我都諗通左d野，
諗番神兒女的身份係唔會因罪惡而失去的，
神亦都提醒我........."願當基督精兵常行在窄路"
窄路........
窄路~
話明窄路又點會易行呢~
始終........有d野係要去face的，
今次...我要靠神去face 呀!!
唔可以再亂來!!

唔知呢，今日哩種喜樂係響心深深處發出架，
好自然的，
係all day都好好好開心架!!!

下午呢，
同daddy,mummy去我堂妹附近睇樓，
不過...我地一家人都覺得麻麻...
唔...搵屋哩d野....都要祈禱交托。

之後，
我地一家番到太和火車站搭火車，出沙田行陣同睇shose，
咁，我竟然響太和火車站月台度..見到少毅哥、同成班弟兄，
仲有見埋connie姊同helen姊，
哈哈......之後....
connie姊同helen姊就響火車度一直咁同我一家傾計，
我覺得咁樣好丫~
可以響浸禮前一星期俾我屋企人認識下教會d導師。

之後，
響沙田有突破書展呀!!!!!
因為我媽咪之前話會送浸禮禮物俾我~
本身我話要中英聖經架，
原來教會會送架，
咁我就叫媽咪唔洗送喇~
所以...........
today 媽咪響突破度買左好多野俾我呀!!

我..........買左三本屬靈書for自己的，
仲有Worship Collection 的CD~~~(英文敬拜詩歌好好聽的~)
仲有我daddy送左好大隻的火柴人公仔我呀~~~
俾我浸禮當日用來和我合照影相的~!!~~
另外，
我媽咪都買左禮物同卡俾karen同helen~~
好開心呀~第一次響書室一次過買咁多野的!!~~

仲有............我終於買到新shose~
唔洗再著對入水ge shose><

>>October 4, 2009 at 8:01:42 PM GMT+8

2005 年 3 月 18 日 星期五 【晴】

好唔舒服、
好辛苦‧‧‧

每次行入班房‧‧‧都要抑壓住自己的心思意念；
每次行入班房‧‧‧都要面對人際‧‧‧

時光可變，世界可變，
人情亦許多都變遷‧‧‧

有時自私地想‧‧‧我行我素！

想大叫！
唔想面對！

自己的心‧‧‧有好多野要處理同面對‧‧‧

放唔底自己‧‧‧‧‧‧真係放唔底‧‧‧‧‧

我嘗試很努力地改變‧‧‧‧‧
唔得‧‧‧‧‧

我知我咁樣會影響到人‧‧‧
我知我要理會人的感受‧‧‧‧‧我試過努力地明白、理會‧‧‧‧‧
但‧‧‧‧‧
我呢？有人理解嗎？‧‧‧‧‧‧


我唔怕自己一個！

>>October 4, 2009 at 8:01:22 PM GMT+8

2005 年 3 月 16 日 星期三 【晴】

今日出門口先知原來唔凍，
等我仲著左好多衫，
開頭仲以為自己發燒，
其實係焗得濟，
響第三堂的地理時，
走左去除衫.....=.=

終於Present了，
都ok ge..........不過不失啦，
都順利的，
我都唔驚呀，講時都好淡定呀。
不過之後同學發問時，
講真都聽唔明佢地問咩...
所以我都無咩出聲。
不過，總算過去了，
又了結左一樣野喇~

我尋晚無意中發覺，
原來呢，27號浸果日，
咁arm係復活節呀!!!!!!!!!!!!!!!!!
我覺得咁樣好正呀!!個象徵義意好好呀!!!!
喻意同主同釘十字架，
一同受死一同復活~~!!!
哈哈!!!~~~
好特別的日子~

>>October 4, 2009 at 8:00:55 PM GMT+8

2005 年 3 月 15 日 星期二 【晴】

唉，又係咁流鼻水喇，
無理由又會凍親架.....?
已經著到隻粽咁喇喎......
都唔知呀，
剩係知今日一整天都係咁拿住d紙巾，
好辛苦呀個鼻。

今日學琴，是第一次連續踩左2個鐘呀，
先是45mins學琴，
再一個鐘學樂理，
嘩~我精神都ok的，
可以撐得住呀，
不過..........
我覺得Miss好似用緊教小學生的方式去教我，
每一步都好刻意講得好清楚，
因為佢知我慢，
唔可以即時通到d野，
所以......咁樣一步一步黎講......真係好arm我，哈哈!!!!
我已經接受我的學習方式。

聽日係我地組的宗教科present喇，
哩幾晚的捱夜都係搞份野，
有d期待聽日的present呀，
最緊要係定d.......定d~
仲有，
勝哥都會黎聽我們present呀~

聽日放學....
應該可以無野搞，可以難得的早d番屋企呀~
想早d番來做下功課、休息下咁，
好呀~~哈哈!

P.S：改左d background music呀，
今次我用哂卡通片d歌呀~~~好正呀
大家聽下，睇下知唔知係咩卡通？！

>>October 4, 2009 at 8:00:36 PM GMT+8

2005 年 3 月 15 日 星期二 【晴】

呀董我要份大禮，
要好大、好大、好大的~
哈哈~

宜家晚晚做野都做到成點鐘，
每晚都過一點先可以訓到，
都真係幾累了。

今日朝早行番去學校，隻腳都有d痛架，
之後慢慢..........直至下午就無咁無痛lu，
到現在~完全無痛喇~~~~(其實.............都仲有2%痛)
不過宜家我可以行動自如。

放學補完 20mins econ，
我、panda、fanny、小woo、william、聰就出發，
同黃天生出發，去中大，
我地訪問一位女同性戀者~
係黃天生的朋友。

最初arm arm 開始時有d緊張，
不過由於我只需負責抄野，唔洗問問題，
所以~無野好緊張呀~
黃天生仲請我地飲野添，
之後問個女同性戀者問題，
panda錄埋音~
問左都差不多成個鐘~

經過今次的訪問，
我真係了解左同性戀的心態好多呀，
之前一面倒話同性戀者唔好唔好唔好，
我們睇聖經講的野就一定arm，
但係原來聖經對同性戀是有好多爭議的，
真係好難分誰看的是對與錯~
同性戀者有佢地本身的困難、
有本身的想法，
雖然我最終都反對同性戀，
但學會了明白佢地的感受同需要，
知道原來佢地係咁諗的。
本身我仲話唔去添，
好左去左咋~
見識不少、得益不少呀，
又增添了我的眼界同思考~
唔會咁狹窄，只看單面。

之後我地係咁2講下話去黃天生屋企之麻，
佢竟然......真係俾我地幾個上去喎，
好近咋，不過要行一條路lor，有斜路、有好多樓梯級............
係大學宿舍黎的。
之後行到去佢先話唔記得帶鎖匙，
就一齊又落番去"canteen"搵佢老婆拿鎖匙....................
第一次見佢老婆~haha好後生的~

之後又行番條路上去............
上到佢home，
真係好混亂，
不過好warm呀，細細地，
但，佢屋企無窗的，真係架.........
焗死我地，
同埋無得坐，唯一的梳化already被d衫掩蓋了~
睇左d相，好好笑架哈哈！
之後好快我地就走喇~

好開心呀~~~~

響大學，見到好多大學生好羨慕，
佢地個feel，我覺得好正咁。
哈哈，好羨慕人地的大學生活、大學的環境呀＊

之後我地6個搭番火車番黎，
我就同Fanny一齊響新達的美心食Dinner~
之後就番屋企喇，
都成9:00先番到來。

睇番呢，
我覺得我地做哩份project呢，
比上次的宗教果個有好大進步呀，
其實今次分工都做得幾好丫，
同埋效率都高左很多呀，
所以話呢.....我地係得架！

幾時先可以專心讀書呀，
好想呀........
唔想再搞咁多野、咁多projects，係無停過的.......
不過相信短期內都無機會專注到，
只靠自己好好分配時間啦。

>>October 4, 2009 at 8:00:17 PM GMT+8

2005 年 3 月 13 日 星期日 【晴】

今日呀Bo番左黎呀，
佢決定左番番黎迦聖呀，
因為果邊教會唔arm佢，
咁...........今日的講道主題係...........
我get到ge係禱告啦，
我知道我這排禱告無力的原因喇，
就係......我無用個心出黎禱告，
跟本無將個心交出來俾神，
only 報告式的祈禱，
所以有煩厭的感覺啦。
可能......這排太多學習上的忙碌、和自己內心的東西要處理，
所以經常安靜唔到啦.....
祈禱時，自己跟本無交哂我d野出來俾神，
一開聲就up .....up......up，
所以就咁lor.......
所以，好開心呀神今天提醒了我的問題呀！
我會改進的呀~~~~

Happy hour時間，
我地查經，
不過好快就傾計了~~haha
大家都分享左哩排的近況、同神的關係咁，
我自己都一五一十咁講哂出來。

我決定哩兩個星期要好好咁保持我喜樂的心情!!!
好好控制自己每一日自己的情緒~
我要這兩星期的生活過得很合神心意的!!
因為.........我要以一個最清潔的心、喜樂的心去受浸~~~~~~~~~~~~!!!
知道等待出嫁的時候，
心情會唔知點的，
無錯.......當我亂諗野的時候，要立即stop左 d 思想，
不要給魔鬼留地步呀~
受到魔鬼的控訴時我要鬧番佢轉頭呀！
守潔心清呀。

仲有一樣野好開心的是，
呀Bo分享番點解佢番番神身邊時，
佢講左話，因為當佢知道我們會受浸時，
佢就諗番自己同神的關係，就決定番番黎，
我無諗過受浸......咁快就會影響到別人，
咁快就做到見證呀！
原來............別人係會留意住我地的!!!!
所以在學校的見證要做得好d呀~!

哈哈，
這個月裡，
曾經在迦聖的兩位姊妹，
離開過........or浮沉了一段日子的她們也回來了！
也想認真重新跟隨主！
嘉敏同呀寶呀!!~~~~
你地要加油呀！~~~

HH完後，
我們以斯帖組的四位關顧人員，
加埋呀董就開會喇，
傾番黎緊會有什麼搞作，
我覺得我地的效率都幾好呀，
30mins咋，
好快就有哂定案呀，分埋工，
講埋點做。
我地黎緊會有：成立以斯帖基金、小天使計劃、關心中五、中七大行動...........等等
仲有諗左好多，可以應付不同階層人士的需要，^^
不過遲d先實行ar~

之後，
問信德呀~~~~~~~(唔知點解會咁叫的)
總之就係d傳導人，逐個逐個約見d將會受浸者。
我係Connie姐同Helen姐同我傾呀，
響201室傾，突然間覺得個班房好大，
我諗響校牧室個感覺會好d架。
不過，就是201啦~
嘩，我入到去，
驚、緊張加上凍，
即刻成個人好震，都唔知點解會咁緊張的...........
好似仲驚過考hkcee ge oral咁，哈哈!

佢地問左三方面的問題，
第一：浸禮、神、教會與我的關係
例如點解浸呀，點睇教會呀、點睇浸禮呀
有咩意義呀等等，
第二：傾我的個人成長問題呀、有咩屬靈恩賜呀、有咩事奉我期望、羨慕做呀等等
第三：戀愛問題.........擇偶條件，基督徒點睇戀愛呀等等

都幾多問題下架，
我覺得我有好多"er"........."er"..........."er"~
最後我同Connie姐都開聲禱告，
就finish 了~

總括來說：就是緊張、緊張、緊張。

之後同karen過了大中，
食跚蝴堡呀，
下午茶平d~~~
之後買左fanny 禮物ge野，
有排搞呀~

>>October 4, 2009 at 7:59:53 PM GMT+8