|
2003 年 11 月 7 日 星期五 【雷雨】
2003年11月7日 ．天公不做美．
好似好耐無落過雨喇....不過點解會係今日Ga呢....
今朝由於要準備普通話個listening test
所以好準時0930就返到去喇~~
今次個普通話listening test都唔算太難
不過要拎到九字頭就無乜信心喇...
因為有幾題都唔知岩定錯,不過都算啦~
test完之後,miss叫我地同隔離位個同學傾下大家有咩嗜好喎
好攪笑,有位同學話佢鍾意聽黑人音樂
咁miss就叫佢出去表演rap下喎....
係全班同學既推波助瀾下,佢就迫逼於無奈咁出左去喇...
個同學rap左幾句LMF既"陷家拎"
不過我覺得miss應該聽唔明啦....
最後臨落堂之前,佢都叫中左我....
睇黎miss真係完完全全記得左我喇....
放學之後,同康婷傾左一陣個普通話口語評估要做既野
跟住就返左屋企先喇~~
返到屋企玩下個腦,去到1745我就沖涼出去喇~
今日約左麥希,Denise,阿心,阿蓋,首領同大面去燒野食Ga....
不過唔知點解,無啦啦又會落雨喎.....唉~
燒鬼燒馬咩咁....咁最後就轉移左陣地
出返沙田,去左UA隔離個間上海野度食
間野叫"亭林閣"呀,大家記住呀!!千祈唔好去呀~~~
第一,D野食都幾貴....四人套餐都要三百幾....
三百幾唔駛食上海野啦....
第二,D野食唔好食.....我食個上海粗炒淡而無味
首領同阿心個麵就勁大陣鹼水味.....唔掂~~
第三,D夥計全部都係D阿叔阿嬸,呢個都算啦
全部都係踢一踢先郁一郁,叫極都唔應,又係完全唔掂~
所以我諗我下次應該都唔會再去Ga喇~
食到2100到,大家都好有興趣睇戲,咁就出UA睇下有咩戲好睇啦...
經過初部傾談之後,有以下既情形出現:
豪情:Denise,阿心,阿蓋同我都想睇,不過大面睇左,麥希同首領唔想睇
鬼王再生:我,麥希同首領都好想睇,阿蓋同阿心都睇左
古宅心慌慌:無人想睇
Matrix 3:無人想睇
基於以上情形,我地講左好耐都compromise唔到睇咩戲
開頭諗住分開睇,我同麥希,首領去睇"鬼王再生"
點知到呢個時候,首領條粉丙原來無帶身分證....咁睇條毛咩......
最後最後,麥希送左大面返屋企走先
首領由於無帶身分證,唔睇得三級片,所以又走先
所以得返我,阿心,阿蓋同Denise睇喇~~咁究竟我地睇咩呢???
就係"豪情"喇~~~~~~~
出奇地,呢套戲居然係好多人睇Ga!!!多人到我地要坐第二行....
我咁大個仔,睇咁多套戲都未試過坐第二行Ga....
一入到去已經覺得好近,睇得好唔舒服...不過都無計啦...
講返套戲,我覺得係雷聲大雨點小囉~
我諗好多人入場睇,都係driven by its gimmick,包括我在內
但套戲其實認真麻麻....由後半部開始已經係悶場~
個結局更加係全套戲個敗筆,兩個主角無啦啦又會friend返既???!!
係得中間谷祖琳同何超儀個度就幾好笑囉~~
周麗淇,何韻詩個D根本就可有可無既~
總之成套戲就麻麻啦,睇到中間已經勁打喊路喇~
套戲都幾長,成兩個鐘,睇完之後我地都各自散水Lu~
回覆道明梓:
最近阿心同我講,佢話佢上英文堂個陣
同佢一齊present個男仔個feel好似我喎....
我即刻嚇到有得震就無得訓....
我真係好驚好似上次又南個鑊咁~~
所以阿心,唔該你衡量下個後果先好俾我知係邊個個feel似我呀!!!
>>November 8, 2003 at 1:46:29 AM GMT+8
2003 年 11 月 6 日 星期四 【炎熱】
2003年11月6日 ．三年前的作文．
今日返1030英文堂,又係唔知佢做過D乜....
咁我就自己睇野,學下英文啦...咁樣仲好添~
落堂之後,我同Roy,Jessie,Tim落左尖東第五街食野喇~
我食左個海鮮拉麵,完全係好唔掂!!
都算幾難食......
食完之後返左campus圖書館hea左陣
就去上下晝個堂I.T Lecture喇...
braek之前我就睇"飲食男女",break之後就訓足全程
好戇居囉.....
放學之後,即刻返左沙田,諗住睇下D電話
我聽日出糧丫嘛....梗係要睇下有咩正電話啦~
仲係沙田中心對出個度撞到Kathy同小肥啵!!!
咁就同佢地嗲左好耐啦....仲同佢地去搭車添~
之後我就返屋企喇,仲係樓下買左D好正既野食
係街市既煎釀三寶同豆腐花!!又平又好食呀!!
夜晚無聊,係yahoo度search自己個名
點知原來係有結果喎!!
睇一睇,原來係我三年前係劉百樂既一份文學作文
等我post上黎俾大家睇下啦...
我的少年夢
今天，我躺在病床上，從我矇矓的目光中，我看見了很多人。我用盡我僅餘的那些力氣去望清楚他們。噢!我認得他們了，他們是我的子孫、親戚、甚至有一些已有多年沒有見面的老朋友。他們站在我的旁邊，有的泣不成聲，哭成淚人﹔有的面有難色，徨恐不安。此時此境，無論我再怎樣糊塗，都知道他們是在送我最有一程了。我站在死亡邊緣，去回顧我的一生。這時候，我奇怪的發現，回憶中的一切都是那樣的親切、清晰。我還清楚記起我的少年夢，這些夢雖然大多都實現不來，並且會隨著時間的清逝、年紀的增長而有所改變，但是這些夢對我來說，都是那樣歷歷在目，這些夢雖然看起來十分幼稚、天真，但事實上，它們都是我童年時的指標，代表著我當時的希望、憧憬……
小時候的我，最喜歡看電視，最喜歡看卡通片，每天彷彿沒有看過電視就會睡不著似的。當時還是天真無邪的我，最希望就是擁有一個像叮噹、Q太郎這般可愛而且能夠無時無刻幫助我的朋友。當時，那些卡通人物已經是我最大的期望，當然，當我長大以後，這個夢已成了泡影，消失得無影無蹤。
直至中二、三，我依然是個電視迷，當時的我已被舞台上那些「天皇」「天后」吸引住了。看著他們在舞台上風度翩翩、英姿煥發的唱歌跳舞，都會使我著魔般。於是，我便從此立志成為一個魅力四射，受盡萬千愛戴的歌手。這就是我最大多夢想。
少年的我就是這樣了，甚麼都是「三分鐘熱度」。「歌星夢」未實現之時，我又有另一個夢想了。每天放學後，都約三五知己到球埸去踢足球。踢著嘐著，踢出個夢想來。我要立志成為一個足球員，要代表香港出賽，為港爭光。多麼偉大的夢想啊!可是，有一次，我於球場上不慎扭傷了，那次除了要在醫院養傷兩個月外，醫生更告訴我以後也不能再做劇烈的運動!那時就好像晴天霹靂一般。唉!連做運動也有困難，更遑論要代表香港﹖於是，我這個偉大的「足球夢」被迫無疾而終了。
其後，我只好把專注力放在學業上。於是，我又有了另一個夢想﹕升讀大學。或許，我年長了，我成熟了，我實在不想每一個夢都付諸流水。於是，我把所有的心血、時間都放在溫習上。「皇天不負有心人」，憑著我的毅力與決心，終於考進大學。直至現在，我仍清清楚楚地記起我畢業那天﹔穿上學士袍，戴上四方帽，彷彿是我一生最大的成就，也是我第一個能完成的少年夢啊!
人生的路是漫長的，每個階段都有不同的夢想。有時候事與願遺亦在所難免。但是只要我們能夠付出努力，問心無愧便行了。直至現在一刻，我依然有自己的夢與想，那好像遙不可及，卻又如在目前﹕究竟我會上天堂或是下地獄呢﹖
評語﹕開首頗有創意，製造懸念。借臨終對生的回顧，合情合理。編排有序，很有層次感，結構首尾呼應。惟可增加抒情成份。
睇返自己三年前既作文,其實我覺得D文筆都幾幼嫩
絕對唔可以話係好,或者講話應該可以再好D既.....
自從考完A-Level文學之後,都已經好耐無寫過一篇正正經經既文喇
不過而家都無乜閒情逸緻,又更加無時間啦~
有時間我都讀Geog囉....
有D眼訓,都係講住咁多先~
>>November 6, 2003 at 11:34:29 PM GMT+8
2003 年 11 月 5 日 星期三 【炎熱】
2003年11月5日 ．久違了的地理景觀．
星期三,唔駛多講,又係要一早0715起身
要上普通話Lecture呀嘛....
唔知點解,無論我係幾咁眼訓,但我都唔會skip普通話堂Ga喎...
今日遲左少少出門口,0820先係沙田上火車
不過係火車站月台撞到Cha Cha喎~
咁就同佢一齊上車,順便可以傾下計呀嘛....
咁我返到campus已經0845,遲左15分鐘~
今日學個D一字多音既字....都幾有用....
好似個"著想"個"著"字,我一直都以為係讀zhao2
但點知原來係讀zhuo2先岩喎...其他仲有好多好多啦
所以而家都幾鍾意上普通話,因為我覺得真係學到D實用既野~
不過上完普通話之後,就係另一個極端喇.....
要上QM Lecture呀.....超唔開心呀!!!!
都唔知講乜既......所以我就同Jason研究左D波波啦
同埋睇左D波經咁囉.....
為左測試下自己係咪真係咁黑,買咩都輸
我今次只係細細地買左10蚊....
份報紙睇到無野好睇,咁就訓覺喇....仲一直訓到落堂添~~
超side時間呀~~~~~~~~~~
由於調左堂既關係,今日下晝堂Crit. Think tutor唔駛上
同埋今年係星期三呀嘛,所以Kitmy又黎左呀!!!
難得下晝咁得閒,所以我同佢同歐佬三條友就去左尖東唱K喇~~
好似好耐無唱過喇.....多左好多新歌唱呀!!!!好正呀!!!!!
不過最衰Kitmy下晝要返工,所以唱左唔係好耐就要走喇.....
有D到喉唔到肺既感覺呀......希望下次可以快D再唱過啦!!!
唱完之後就即刻去搭火車返沙田啦
送走左kitmy之後,我同歐佬就係禾輋食左個tea同埋坐左好耐~
我係樓下商場新開個間紫荊大酒樓食左碗叉瀨
都唔好食既....我寧願俾多兩蚊去隔離美心食喇下次~
雖然係平姐...都要俾返少少質素卦....
夜晚個陣睇"西關大少",都幾好睇呀!!!
趙雅芝真係幾靚啵!!!!
睇完之後仲拎左D本地理景觀出黎睇
好耐無見過呢本書喇真係....曾幾何時我真係好驚呢本野~
不過之後我會成日對住Ga喇~~~~~~~
而家開始我會努力D追啦~~~
今日睇左D板塊同河盆喇,之後就再睇多D先得!!!!
我要為做好漢而努力!!!!
ｓtｒiｖe~~~~~~~~~
回覆阿蓋:
係啦...我都係咁話....點有得唔笑呀.....
正如我叫大家唔笑黑框得唔得先???
好難Ga嘛!!!!!!!!
今日唱K個陣,我同Kitmy合唱左首歌
我覺得我地唱得好好聽哦......仲好match添!!!!
我倆個 2R
我 從未為你準備 容納到我天地
無奈我偏心 始終緊張你
才令我極晦氣 自六歲那天起 誰又敢刻意中傷你
無論甚麼 甚麼把戲
我總會快過半秒前來維護你
想當初我(你)大了許多 抱抱我(你)突然又錫我
我兩個突然回憶中 再溫功課
這一刻變大個許多 好姊妹唱合唱的歌
這一季新裝好看麼 你穿得好似我
你 隨時獨有專利 甜或痛苦滋味
來共我分享 錯失與真理
全場路未厭棄 伴著你背得起 誰在身後為我打氣
無論什麼 什麼把戲
我總會快過半秒前來維護你
fights, kiss, love, pain tears or laughter
summer, sea, sand, rain, fall or wise
tall, deep, dark & empty spaces
we'll swim the seven seas together huh!
You & I together, with your love upon my shoulders
Come on sister shall we? share our dreams forever.....
>>November 6, 2003 at 1:07:35 AM GMT+8
2003 年 11 月 4 日 星期二 【炎熱】
2003年11月4日 財赤.....頭都赤
隔左4個禮拜之後,我終於再次上返英文tutor喇....
今日仲俾阿sir點名叫我唔好再skip堂喎....
算啦,今日Crit. Think mid term test,當早D起身返去況書囉
個英文utor同我意料之中無咩分別
都係做埋D無謂野,所以都不欲多提~~
反而係落堂之後,都係1030,咁我同Roy,Angie,Jessie同Dorchas
就去左南北小廚飲茶喇....
我都係第一次去,D人真係好有禮貌喎....
大學酒樓真係唔同D呀下...
其實D野食都只係不過不失,D點心就幾好啦
但係個咸魚龜粒炒飯同三絲炒烏冬就麻麻喇,好淡~
食完之後仲去左新can樓上溫書添~~
過多一陣就去上QM tutor...
不過我都係溫Crit Think為主~
順帶一提,我仍然唔知D QM係講乜呀~
落堂之後就去左圖書館睇報紙啦
話咁快就一個鐘,又要上I.T tutor喇...
今堂我無溫書喇,因為我訓左覺....zzZZZzZZzZzZZZzzzzzZZZZzzZZz
仲係訓到條頸都梗晒個隻...
呢一個鐘,仲快過~~~
落堂之後無周圍去啦,直接去左W溫書
其實溫左咁耐之後,我覺得我係掌握到Ga....
不過呢,到正式做個陣又有D問題喎...
D MC硬係kick住kick住咁....用左好多時間.....
D short Quest仲有一條唔識添....
不過都算啦....都溫左咁耐咯~
test完之後,就返屋企喇~
夜晚個陣同阿心,Denise,首領講電話
好耐無講過電話喇喎好似........
好野!!!!星期五又有得去反!!!!Yeah~~~~~~~
唔知點解,想返工添......
今朝返學個陣禁錢,順便睇下戶口有幾錢啦
唔睇由字可....一睇.....眼到凸埋.....
得返千零蚊....咩事呀????
之前睇都仲有二千幾Ga!!!!
今次大檸樂啦.....都係要返多D工先得~~~
回覆阿心:
你所指既bb,係咪就係大頭怪nise呀?????
如果係既話,好難唔笑Ga啵....老友~~~
>>November 5, 2003 at 12:40:39 AM GMT+8
2003 年 11 月 3 日 星期一 【晴】
2003年11月3日 井底之蛙
首先我要講既係,祝張名21歲生日快樂,我記得Ga....
真係好耐好耐無見過佢喇啵....
梗係啦....成日都話唔得閒....
anyway,都係要祝佢生日快樂既~
仲有就係希望佢做咩都順順利利,開開心心
第日有時間就再約出黎食飯啦~~
今日唔駛返學又唔駛返工,正所謂偷得浮生就半日閒
一訓醒,三姑姐上左黎同女麻女麻去拎葯
過多陣二姑姐都上左黎,一早起身屋企就熱熱鬧鬧喇~~
到下晝個陣,就搵左Kei Yiu同我去配con啦~
一配就配左一年喇....是但啦,橫掂都係係要帶Ga啦.....
不過配con真全愈來愈貴呀....頂佢!!!
最衰都係自己有散光啦,即刻貴左勁多.....唉....
配完con之後,我地兩個去左沙田廣場飲下午茶呀~
我覺得我地太衝動喇,得兩個人,但就叫左勁多野
一開始拎住張點心紙就勁寫勁寫....
仲有諗住係最後先叫甜品啦....
落單個陣都無數過叫左幾多野,但D野黎到之後
數一數.....嘩.....原來我地叫左十一樣野食...
兩條友食十一樣野喎....食到呢....真係.......
折墮D都要講句,真係飽到想嘔......
好明顯,最後我地係無叫到甜品食啦
根本飽到郁唔到乜滯...
到埋單個陣,岩岩一舊水,飲下午茶都要每人五十蚊
真係有少少過份呀....
返到屋企,訓左一陣,到1900到哥哥就上左黎喇~
食飯個陣,見到電視又做個太空人既訪問....
由於呢個太空人係上個月18號上左太空
仲好勁咁逗留左21個鐘,圍住地球行左唔知幾多個圈
所以即刻頓時做左全中國人心目中既人民英雄喇....
我開頭都覺得無乜野既....不過睇完呢幾日既報導之後
我覺得真係好無聊,勁無聊呀....
呢個太空人呢左香港幾日,香港即刻有勁多歡迎佢既function
最攪gag係成龍大哥同佢合唱一曲男兒當自強....
真係聽到呢單野都打左個凸...汪阿姐見到佢又要擁抱晒咁...
唉.....都痴孖B Ga....
中國今日做到既野,人地蘇聯,美國係我未出世之前已經做到啦...
OK,咁都算啦.....而家大陸佬做到,駛唔駛咁大陣仗呀????
中國D科技咪又係係人地度學返黎既....
我覺得D大陸佬真係好井底之蛙,簡直就不知所謂
真係越講越燥,不吐不快呀...大家話我歧視都係咁講啦~
呢兩晚勁煲呢首歌,我覺得好好聽
仲好聽過兩首主打歌"羽毛"同"之前之後"
快樂完(電影"咒樂園"主題曲) 陳文媛
別怕 別怕 在這樂園安枕 你敢 我敢
別信 別信 夜了便沒街燈
沿途若你 願意 做我導航風箏 你飛 我跟
沒有這麼容易被困
為何害怕 別怕 為這樂園超生 你肯 我肯
別信 別信 沒氣力尋開心
迴旋木馬 在轉 在渴望誰跟它 貼近
共你臂彎 仍舊 合襯
問你怎捨得走 一切即使破舊
無憾於這裡蕩過一對韆鞦
在這裡那麼久 跟你已成為密友
別信 那命運的詛咒
害怕 別怕 若這樂園有事 你知 我知
自你 自我 沒信任才開始
然而就算 共你 在快樂完必需 有事
但這也可能是 玩意
別怕 深呼吸了沒有
為你 會受甚麼詛咒
>>November 4, 2003 at 12:05:54 AM GMT+8
2003 年 11 月 2 日 星期日 【炎熱】
2003年11月2日 瘋狂摺衫
今日同前日,尋日一樣,都係要返藍星星
返1300,放2130.....不過今日無好似尋日咁留咁耐喇~
2145都走得喇~~
其實我覺得今日都過得幾快,唔覺唔覺就報時(即係食飯)
唔覺唔覺就收工喇~~~
可能今日因為另一個part time阿Mo都有返
咁同佢都幾好嗲既....同佢得閒就嗲幾句,得閒就嗲幾句咁
所以D時間易過D....
唉,今日又摺左都應該有幾百次衫,特別係D freeze
摺完又摺,摺完又摺,摺黎摺去都係同一堆衫
摺好D freeze之後就去摺D運動套裝
摺左無耐之後D freeze又俾人摷亂晒....pork街....
呢堆野都未摺好,又俾人叫摺返好D 090(即係個D長袖T-shirt)
痴線Ga....攪得邊樣呀.......所以都係唔理喇
淨係摺好晒D freeze先,其他個D就由D人慢慢摷啦!!
我發覺有D人真係好麻煩Ga....我問有咩幫到佢
佢就永遠都唔出聲,一係就話唔駛我幫,自己睇下先
跟住就自己摷摷摷,摷到亂Q晒之後,就問我有無呢樣個樣...
最大鑊係又要我再執過呀嘛....
大佬呀....D野點擺係我知,唔係你知丫嘛!!!
想點咪出聲囉....又唔係唔幫你....
唔好黎攪破壞丫唔該........
不過做到現時為止,係除左有某D客係麻煩D之外
都算做得幾開心既.....D同事們對我都幾好Ga~
好似佢地知我第二日要返學既話
就算我收尾都唔會俾我太夜走....
仲有啦,好似聽日咁,我本來要返九個半鐘Ga
但因為我後日要測驗,佢地都肯俾我聽日唔駛返~
都算係咁啦....唔係度度D老細都咁considerate Ga嘛~~
同埋D同事同我都係咁上下大,所以溝通都無咩問題既~
收工之後,我就搭火車返沙田啦,咁我又feel到肚餓喎
咁就打俾Kei Yiu,佢又未放工喎
咁就索性接埋佢放工先啦,橫掂都係喇....
咁我地之後就一齊搭88K返禾輋波記食宵夜喇~~~
係波記見到一群唔係咁想見既人囉.....
食到好飽之後就返屋企喇~~~
連續返左三日藍星星,總共做左廿七個鐘
累到癱咁滯呀......極度期待7號啊~~~~
kakakakakakaka....
而家小弟正準備出新電話呀
如果大家知道有咩筍機正機,不妨留個言話我知啦~~
不過我要出摺機喎!!!唔該晒~~~
>>November 3, 2003 at 2:24:17 AM GMT+8
2003 年 11 月 1 日 星期六 【晴】
2003年11月1日 特別嘉賓
又過左一個月喇,已經係2003年第十一個月
又就快一年喇...唔想時間過得咁快呀....
尋晚唔知食錯D咩野,今朝肚痛痛到醒左
去完廁所好左一陣既...但係到返工搭火車個陣
又黎痛過....落車之後去到Poly又去多次廁所
幾勁呀....不過今次去完廁所之後就真係無晒事喇...
都唔知食錯D咩野....>_______<"
今日繼續返藍星星,本來就係返1330放2130既....
不過由於今日係星期六,實在太忙太多人喇
攪到我無得準時收工,仲要遲左兩個鐘先走得...
係呀!!!係兩個鐘呀!!即係十一點半先收工呀....
好慘呀....對腳就黎失去知覺咁滯喇...
真係累到P晒K呀唔係講笑...
仲要慘到因為太多人既關係
連lunch時間都cut少左....真係苦過DD~~
呀係呀!!!今日返緊工個陣,見到門口有個好熟悉既身影行過
一望之下,原來係阿君呀!!!
咁就梗係即刻衝上前嗲幾句啦...
咁佢又趕住去食飯,好快就走左喇....
之後夜少少仲勁呀!!!我見到第二個好熟悉既身影入左黎舖頭
我諗大家,包括我,都無諗過係度會見到佢,真係估都估唔到呀!!!!
係阿羅sir,羅立成老師呀!!!
佢仲同埋佢老婆同兩個囡囡黎喎~~
雖然以前上成教既geog堂就唔係好留心.....
不過見返佢都幾開心呀!!
見到佢就諗起之前讀中學既事...我始終覺得讀中學係最開心既....
諗起個陣上堂就真係好死頂癮...
阿sir仲叫我得閒就同D同學返下劉百樂喎....
唔.....呢個機會其實就唔會好大Ga喇,不過聽落都幾warm既...
最後阿sir買左件風褸就走左喇....
之後就一直踩到2330先收工喇.
回覆Denise:
我一直都無發覺原來你既存在係咁重要既...
不過我睇以後未必喇~~
因為自從我地係city發現左"大頭怪nise"之後
相信你既地位就會日漸下降Ga喇~~
特別係首領啦,佢對個"大頭怪nise"著晒迷咁~
佢以後應該都唔會再理你Ga喇~
>>November 2, 2003 at 2:21:18 AM GMT+8
2003 年 10 月 31 日 星期五 【微冷】
2003年10月31日 Tiring Halloween
好開心呢個日記網真係work返....
之前寫落既野唔駛化為烏有,Yeah~~
講返今日,首先就係0930返去上普通話tutor啦
今日派返上次我地做個個oral presentation個result俾我地...
我覺得好奇怪,其實我覺得自己只係講得普普通通
無咩特別,但就唔知點解A左~
唔通學康婷話齋,我感動左佢??
哈哈~~~anywway,今次oral test拎左個A
都俾左少少信心我既...
希望成科最後真係A到啦,咁就可以拉高少少個GPA喇~
放學之後去左M Core攪pre-reg同上下網咁啦
之後Kathy因為黎左poly既關係
所以我就同佢去左別府食lunch喇~
同埋做一件事.....度波,我真係死唔信邪!!!
我覺得我一定會贏返一次既!!!!
食完之後就返藍星星喇....
由於今日係哈囉喂,所以我就要帶住頂巫婆帽
不過我D同事仲慘,要化埋妝添呀!!!
帶住個頂死人帽,帶到我流晒汗呀...
其實原本今日我就收9既
不過就同人調左,變左收夜....
好累呀!!!超級累呀!!!!我企左成日呀.....
真係好辛苦呀今日~~~
又返左9個半鐘喇....
不過無所謂,返多D仲好!!!我要出電話呀!!!!
唔係講玩,隻腳真係好痺好軟...
都係早D訓喇,聽日返一呀!!
>>November 1, 2003 at 2:15:22 AM GMT+8
2003 年 10 月 30 日 星期四 【晴】
2003年10月30日 I.T mid term test
點解個日記仲未好返Ga.....我好驚我之前寫落既野會無晒呀!
千祈唔好呀....我有好多回憶係裡面Ga.....
講返今日先,1030返去上英文lecture....
都係咁啦,無無聊聊,都唔知佢做乜!
上上下堂,電話震喎,原來藍星星問我返唔返到工喎...
其實如果係平時都ok既,不過今日又撞岩I.T mid term test
唔上堂唔得呀.....計成20% Ga嘛~~
所以就推左話唔返喇~~
Lunch又係食新can啦,同埋坐下咁囉~
到夠鐘先去做個test...同意料之中一樣啦
唔係好識...好多MC都係憑感覺去做~
不過都比想像中好Ga喇....
測之前見到有樣野好頂癮....
咁隔離班有四個女仔不嬲都好難頂Ga嘛
姑且就以"四姣"黎叫住佢地先啦~
咁今日四姣入面既其中一姣,係臨測之前係度話:
"阿Roy阿Roy,你坐我隔離啦,我好需要你呀,我唔識呀...."
咁阿Roy不嬲都係同我地幾個坐開Ga嘛,跟住佢仲想黎一齊坐咁
不過好在唔夠位咋....如果佢坐我附近就真係斬佢呀...
唉....我心諗....不如出去坐係miss隔離啦,唔識直接問miss囉....
都低能Ga!!!!靚D都話丫....又唔係靚喎!!!
總之就好難頂啦.....
夜晚個陣,因為大伯,伯娘同二姑姐黎左
所以就無係屋企食飯喇,咁就落左商場新開個間酒樓食飯喇~
2003年11月17號,係我地黃家既大日子
仲有兩個幾禮拜,好期待呀~~~~~~
>>November 1, 2003 at 1:21:51 AM GMT+8
2003 年 10 月 29 日 星期三 【晴】
2003年10月29日 重聚
今日好開心啊~~~~~~~~~~~~~~~~~~~~
首先今日都係一早起身,0800返去上普通話lecture啦~
我發覺Miss認得我呀,佢竟然唔駛望張name list都叫得出我個名
仲要係兩個鐘之內,叫左幾次添....不過唔係因為我傾計同唔留心喎!!
今日我地教一D廣東話同普通話既對比啦
咁有個exercise,就係俾D口語既句子我地譯返做普通話既
咁做完之後仲要寫係出面個board度添~
佢第一個就叫我做喇.....咁都算啦,無咩所謂~
跟住有個同學,將"闊"字譯錯左,之後miss又叫我,問我會點譯喎....
唔....都ok啦....臨落堂前,佢抽樣問我地最想住邊區喎
跟住佢又再叫多我一次喇.....
我諗我之後上普通話都要專心D先OK喇~~~
落堂之後,要上QM喇,不過好明顯我又唔係上堂喇
我只不過係用左一個鐘時間黎度波,同埋一個鐘時間黎訓覺~
咁咪過左堂lecture囉........哈哈~~
由於今日係星期三,所以我係約左Kitmy既~
就係我同歐佬去緊join阿Kitmy既同時
係條橋度又撞到河清喎...所以我地4個就一齊去左都會軒食喇~~
拿,係呢個時候,我已經見返三個劉百樂同學喇~
1430返左去上Crit Think tutor,好快就過左一個鐘啦,可能有野做卦~~~
之後去左圖書館搵返歐佬,佢要同人傾project喎
咁我就睇下報紙等佢喇.....等到,臨走個陣撞到煒哥喎!!
好似讀左poly兩個月,第一次見到佢咋啵~~~
咁係呢個時候,我已經撞返四個劉百樂既同學啦~~
攪掂晒之後,我同歐佬就落左尖沙咀,諗住買波嘛~
落到漆咸道南個陣,竟然見到阿蓋同肥仔呀~~~咁都撞到喎!!!!哈哈~~
咁都未算奇,咁我之前係呢條街已經見過好明星Ga啦
今日又見到喇,我見到梁詠琪同劉青雲係度拍戲呀!!好勁呀!!!
經過左之後,再行前少少,又撞到一個朋友仔....
係高妹呀!!!佢就岩岩放工,又見多個~
呢到呢個時候,我已經見返六個劉百樂既朋友喇~~
由於肥仔就左先,所以阿蓋就join埋我同歐佬去買波喇~
買完之後,歐佬就走左,咁我同阿蓋就出左city搵麥希同首領
去到先知原來阿心都係度,哈哈~~勁開心呀!!!!最衰爭Denise啦
如果佢都黎埋就perfect喇~~~~~
阿心個朋友(唔知係咩朋友呢??)阿樂同阿蓋個朋友Veron都有黎
我地係city個canteen度坐左好耐
又係講到笑到拍晒檯,勁嘈個隻......kakakakakaka.....
坐到1830先走呀我地~~~
又黎到呢個時候,我總共見到九個劉百樂既朋友喇!!!
走左之後,我都仲未返屋企住,因為我上左麥希屋企食...
其實我都唔知點解,明明我屋企都飯食既.....不過算啦~~
佢仲未問個吹波波機黎玩呀.....好似我想玩多過佢想玩....
食完飯,睇下佢D相,都差不多2100我就走喇!!
世界真細小小小,原來係岩既!!
如果唔係,點會一日之內見返咁多朋友呢??
總之就係好開心啦!!!!kakakakakakakakakakakaka~~
>>November 1, 2003 at 1:20:12 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
2003年11月7日 ．天公不做美．
2003年11月6日 ．三年前的作文．