|
2003 年 11 月 17 日 星期一 【暴雨】
2003年11月17日 ．囍宴．
好開心好開心....真係勁開心呀!!!!!
今日係17.11.2003,係我地黃家既大大大日子呀!!!
咁就係我爺爺女麻女麻既第一個孫女出嫁喇
亦即係我既詩家姐結婚呀!!!!!!!!
雖然我呢個只係堂家姐,不過我當自己家姐一樣Ga!
今朝一起身,屋企已經無晒人
爺爺女麻女麻一早已經去左大伯屋企喇
咁我就即刻換件靚老西,Gel個靚頭
出黃大仙搵埋媽媽同哥哥先啦~
等到媽媽同哥哥都攪掂晒之後呢
我地就出去喇,不過我地都未食過野
所以就落竹園食少少野先啦
食完之後咁就飛的出尖沙咀文化中心
去睇我既詩家姐註冊呀~~~~
係佢地註冊之前,少不免係要影下相啦
今日新娘子詩家姐好靚呀!!!咁當然德德同怡怡都係咁靚啦~~
到夠鐘註冊個陣,睇住新郎新娘互相宣讀誓詞,交換戒指
全場人都拍爛手掌....真係覺得好正好正~~
原來成個註冊程序好簡單Ga咋,仲好匆忙添....
唔知係咪好多人結婚呢.....
個誓詞原來係只有一句Ga咋.....就係
"我,XXX,願意娶妳,XXX,為我合法妻室",同埋
"我,XXX,願意嫁你,XXX,為我合法丈夫"
跟住就互相交換戒指就禮成Lu....
都唔駛講"我願意"既?????
佢地註冊完之後,咁就上左酒店先喇~
我見有時間剩,就同媽媽食D野先,同埋睇下D電話啦~
唔知係咪我今日著左老西,太型仔呢???
連媽媽都話二十年來無見過佢個仔咁型....
行過既學生妹見到我都牛咁眼咁望住晒....
望到我心到亂晒........hahahahahaahahaahah~~~~~~
係加連威老道食完Tea之後呢
咁我地就上去酒店喇~
今次擺酒既地點,係同我F.5 Grad din個度一樣Ga!!
都係美麗華酒店既頂樓個Ball room,真係橋~
其實上到去時間都好早,咁都係坐係度同D親朋好友傾下計咁啦
仲見到好多好耐無見過既親戚添啵....
等到2100,個婚宴終於都開始喇.....
一開始個陣,就播左一段片先
內容就係新郎新娘細個D相啦
佢地拍拖D相啦,同埋D婚紗相咁既~
睇個陣我覺得好感動,仲鼻酸酸添~
可能真係太戥佢地開心喇!!
之後佢地就出場喇....全場都勁拍手,好鬼正呀~~
佢地上左台之後,其實就要講D野既
不過可能兩個新人都太開心,同埋太含蓄喇
講既野都唔係好多
詩家姐仲只係好簡單咁講左句"多謝....多謝晒...."就無喇
仲好似眼濕濕咁添....你話個場面係幾咁感人呢.....
無耐之後就開始黎D野食喇....
D野食就麻麻地啦....都係食佢個氣氛囉....
不過最後都係食到勁飽~~~
食完之後,就梗係勁影相啦~
難我我今日著得咁靚仔呀嘛.....
等到D相晒左出黎之後呢,咁就post出黎俾大家睇啦.....
影完相之後,大家都散水Lu~
今日真係一個好難得既日子
原來我家姐同姐夫拍左八年拖Ga喎~
其實我覺得真係好難得,八年喎!!!!
我唔厭對方都厭啦....難得在佢地大家都唔厭
所以先有呢一日,真係太幸福,太美滿喇!!!
係度我祝詩家姐新婚快樂
同姐夫白頭到老,海枯石爛,有一段地老天荒既感情!
雖然現階段我對婚姻呢樣野真係無咩信心
不過或者十年之後,我大個仔左
諗野唔同左之後,我都會有呢一日啵~
唔知呢???
回覆道明梓:
我都話左你地唔好成日笑大笪Ga啦
如果攪到佢有女都唔話我地知
你話幾咁唔好呢????!!!!
不過我真係真係咩都唔知Ga!!!
唔好再立亂對住我講:你知Ga"呀唔該~~~
回覆Yoyo:
你班同學真係好誠實呀!!!!
我都好放心俾你同佢地繼續來往....
唔....係啦....得閒同多D呢D誠實既朋友一齊玩
真係人都開心D,醒神D呀!!!
乜我真係咁得咩???
仲要係好得個隻得喎.....哈哈~~~~~~
回覆阿蓋:
喂,我識你咁耐都無聽過你話我得喎!!!
我覺得只有兩個可能性
一係就你個人都唔夠坦白
一係就你個人比較內斂....
不過我覺得第二個機會比較大喇~~~
你唔好話city個肥仔無眼光呀
佢係睇中你Ga!!!哈哈~~~~~~
回覆高妹:
kakakakaka......你真係不嬲都覺得我得呀???
唔....咁我都開始相信我真係得喇~~
哈哈~~~~~~~~
同埋呢....我做野個度應該都唔會有咩艷遇啦
個個女仔都大過我既~
所以我無阿包咁幸福喇......
>>November 18, 2003 at 1:39:40 AM GMT+8
2003 年 11 月 16 日 星期日 【晴】
2003年11月16日 ．戇鳩記．
今日都係要返藍星星既，咁就係返1300,放2100
工作既時候都無乜野....話就話返七個鐘(扣左lunch一個鐘)
其實就無啦....同Gilbert劈個倉都劈左粒幾鐘啦
仲有出去老地個陣,又同阿Mo係條街度嗲左一陣
所以整體黎講,今日都唔算太辛苦
放工個陣都覺得OK既.....
放工個陣,行返上紅磡搭火車啦
途經漆咸道南個陣,經過Pie & Tart
就買左包叫蒜蓉多士既野黎食
丫.....又幾好食啵~~~~~大家不妨留意下啦~
其實我搭火車係去接Kei Yiu一齊走既~
我真係超戇鳩呀今次.......
我走個陣漏低左部電話係Kei Yiu公司呀~~~
最慘既係我搭緊88K返禾輋個陣先知道.....
唉....咁當然係要即刻飛的返去駿景園啦~
個度既保安係勁森嚴Ga喎~
一過左夜晚2300就鎖晒所有門
所以我地要入返去,就要經過幾重既登記喇....
拎返部電話之後,又再搭多次88K返禾輋....
你話係咪超白痴先???
返到禾輋,就係波記食埋宵夜先返屋企喇.
>>November 18, 2003 at 12:29:27 AM GMT+8
2003 年 11 月 15 日 星期六 【炎熱】
2003年11月15日 ．皇雀會．
今朝0945,係我好夢正甜個陣
擺係床頭既電話竟然響喎........邊個同我咁大仇口呀....
竟然晨咁早打電話黎....一聽.......
原來係Jason.....佢咁早打黎既原因
係叫我幫佢買波喎.......
噓......................&^#&%$@*
晏少少就要返藍星星喇,今日返1300
返到去就要劈個死人倉.....劈到勁燥呀!!!
星期六真係勁多貨返呀.....都痴線Ga!!!
仲要勁俾人催....頂佢個肺......唉~~
我都係寧願出貨場好過~~
原來今日我係有半個鐘break time Ga!!
但又唔知點解無左,攪到我勁肚餓
所以帶個盒飯就要等到放工先食得...餓到癲呀~~~
今日收七,放工個陣,Cathy打俾我,約我打牌喎~
咁就係同佢D friends一齊打既....其實開頭都唔係咁想~
不過都係算啦,去見下Cathy都好呀嘛....咁就應承左喇~
我搭地鐵出太子搵左佢先
跟住就去左太子間皇雀會度打喇
我都係第一次去呢D地方打牌.....其實都幾唔抵囉我覺得
好彩我有贏咋......kakakakakakakakakaka~~
由九點幾開始打,打左8圈,打到差不多0200.....
跟住先搭飛van返屋企喇~~
回覆秋玲,高妹:
其實我打日記越來越短,其實唔多唔少係因為係.....
我既生活越來越簡單呀......
返學個陣,都無咩好講啦,上堂D悶野我都廢事多講喇~
返工又係無咩特別野....
不過如果有D特別野好記我都會記低既~
咁係呢D咁乏味既生活底下
值得記既野都唔係好多......
點似得以前丫....考完A-Level個排,日日都勁精彩咁
而家都幾難囉......
回覆道明梓:
其實大笪有無約左邊個我真係唔知呀
不過睇佢講電話個樣就都幾Lum囉...
可能而家大笪識左條新女都唔定
只不過係無同我地講姐~~~唔通學秋玲話齋
大笪已經搵到一個比秀清更有影響力既人???
真係要問下大笪先知喇~~
>>November 16, 2003 at 3:43:41 AM GMT+8
2003 年 11 月 14 日 星期五 【乍暖還寒】
2003年11月14日 ．文學RE-U．
今朝上普通話tutor個陣,派返上個禮拜個listening test
唉.......太唔開心喇.....得87.5/100咋.....
又無九字頭.....頂頂頂頂頂~~~~~~~
落堂之後,去M Core攪埋份英文同IT assignment先~
好在叫左歐佬幫手咋....如果唔係我都唔知點upload D野上去...
真係麻煩....之後同歐佬食埋lunch
再問Helen借隻floppy,攪掂晒就返屋企喇....
返到屋企,姑媽,二姑姐同三姑姐都黎左喎
所以都幾熱鬧啦....佢地到1800到就走左喇
之後係屋企玩下個腦......
食埋晚飯之後,就落左樓下搵人啦~
今日大笪,秋玲,鼠欣,阿包,阿舒,啤梨,高妹同秀清黎左禾輋大排檔食野喎!
除左大笪之外,全部都係文學既同學仔.....哈哈~~
咁我就無同佢地一齊食,我係係屋企食完先落去搵佢地既~
事有湊巧,yoyo又係隔離張檯同佢d friends食喎.....
食完之後,咁就成班人過左糟殃公園傾計喇~~
係除左一個人囉.....真係好得掃興Ga大笪....
都話佢係天下第二掃興之人黎Ga啦.....
雖然大笪既既掃興功力有排都唔及第一名個位
不過都真係唔野少呀!!!!!哼!!!!!!!!
坐到2300到,就俾個度既食蕉趕我地走喇....
所以大家都要返屋企喇~~~
回覆高妹:
你做咩咁心急喎....我都只不過係因為眼訓左少少唔打住姐~~~
你放心喎....一個咁高興既日子
我當然係會記低佢啦~~~~~~~~~~
係呀,如果你下次放工再經過
記得黎睇下我係唔係度喇~~
>>November 15, 2003 at 11:19:46 AM GMT+8
2003 年 11 月 13 日 星期四 【乍暖還寒】
2003年11月13日 ．唱到聲沙(2)．
英文堂個陣,做左個presentation喇...
雖然唔係擺左好多時間係入面
不過出奇地,個效果又幾ok啵....
William仲話我地個group可能係最高分添~
認真攪笑.......
lunch個陣,由於阿Sing生日,咁佢地就話叫pizza食喎....
咁是但啦,橫掂都係要食Ga喇~
咁我地夾夾埋埋十幾個人
就匿左係AG入面開餐啦~~~
食左四十幾蚊,不過都唔知食左D乜~~
食完之後,我都無上到I.T....真係太過唔想上喇
所以最後我都係返左屋企訓覺算喇...
到到夜晚1930就出去喇
約左Kathy,小肥,Connie & 張名去唱K呀
出到去先知Connie & 張名要遲D先黎到
咁我同kathy,小肥就落左Fun Zone打左陣機先喇....
打左半個鐘到之後佢地先到
咁我地就落左沙田間綠色盒子度唱
不過今次唱到無前日我同Cathy唱咁抵喇
食埋野每人成舊水,都係唱到三個幾鐘,勁貴~~~
咁我地唱到十二點幾就要走喇~
返到屋企,岩岩0100~~
>>November 15, 2003 at 12:28:37 AM GMT+8
2003 年 11 月 12 日 星期三 【乍雨乍晴】
2003年11月12日 ．失落．
尋日唱K唱到兩點先走,返到屋企沖涼洗頭
再等得個頭乾黎都攪到成0330先訓~
其實我都有校鬧鐘0715起身Ga.....
不過我呢D凡夫俗子,訓4個鐘1唔夠又點會起到身丫....
所以就訓到1230先起身,skip左普通話周QM Lecture喇....
不過我最後都有返到去上Crit. Think既tutor
之後仲要去M Core攪份英文project
煩到嘔泡呀真係.....係M Core撞到大笪
咁就同佢一齊返屋企喇~~~
出左沙田拎埋D con,真係肉痛都爆呀!!!!
我覺得自己真係太衝動,唔應該一次過配一年con
真係唔係咁開心哦.......
我份糧就咁就無左一大半喇.....
一諗起就dum春呀!!!
返到屋企,繼續做英文囉...
>>November 13, 2003 at 1:48:03 AM GMT+8
2003 年 11 月 11 日 星期二 【乍雨乍晴】
2003年11月11日 ．唱到聲沙．
今日繼續都係好凍喲~~~~~~~~~
好驚訝呀!!!今朝搭火車返學個陣
一落火車上到出閘個度,凸然見到前面有一個好熟悉既身影啵!
睇真D,原來係Cathy呀!!!!!!真係勁surprised!!
真係好鬼岩Ga!!佢又遲到,我又遲到
又會咁岩係同一個時間,搭埋同一班火車喎...
呢個偶遇,簡直係為我開心既一日展開序幕呀!
跟住就返學啦,其實都無咩好講,都係咁啦....
上QM tutor仲訓到天昏地暗添....
係到上Crit. Think先精神返少少....
上上下堂,Cathy打俾我喎,咁佢就話約左Lorry去做"飛蘇"
點知Lorry又放左飛機,佢話唔好side左張coupon
所以就約我囉....咁我又我閒,就應承左佢喇~
上完堂之後,滿心歡喜行落佐敦搵Cathy一齊做"飛蘇"喇~~
行行下,Cathy打黎,話.........................原來個度係唔做男賓Ga喎......
頂頂頂......咁我點好呢???
算啦....咁耐無見,咪等佢做完之後一齊去食飯囉~~~
等佢個陣,自己係佐敦周圍行,係萬寧買左排三角白朱古力,又幾好食喎......
行過"身體店",又入左去睇睇,卒之就買左支洗面野,盛惠$95啦.....
黎到佐敦,當然要睇下媽媽係唔係度啦....
佢又咁岩返夜喎,所以就仕去搵下佢啦
仲拎左支咖啡飲添.......kakakakaa~~
跟住又行下豐澤,睇下D電話丫嘛......
我睇中左部靚野呀,係科健既K606,都唔錯Ga!!!
希望可以盡快買佢返屋企啦~~~~
見仲有時間,仲行埋永安添,不過無野睇既~
呢個時候,終於,電話響喇......
會合左Cathy之後,行左一陣啦....
之後都係去做左一樣,我地成日都係兩個人做既事
就係唱K喇.....哈哈哈哈~~~~~
兩條友唱K,又唔駛爭咪,唱咩都得,不知幾正!!
兩個一齊男仔歌又唱,女仔歌又唱...勁過癮呀~~~
淨係"好心好報(合唱版)"都唱左三次呀!!!
差不多所有新歌都唱晒.....唱晒新歌,咪唱舊歌囉!!!
總之就見到咩都點,咩都唱啦!!!
兩條友由2000唱到0200,最後咪唱到聲都沙晒囉...
不過真係好正呀~~~~~
唱到爆咪之後就搭飛van返屋企喇~~
唱唱下個陣,有D攪笑野......
話說每個月既11號,都係Cathy同佢條仔既紀念日黎既
咁其實嚴格黎講,都唔可以話係條仔...
總之個關係就好複雜啦,我都唔係度交代咁多喇~
咁我就不嬲都唔likey佢呢條所謂既仔Ga嘛~
Cathy同左我唱K,咁就當然係唔可以同佢慶祝紀念日Ga啦
咁唱唱下,佢條仔就打黎炒蝦拆蟹,屌鬼咁既聲
開頭Cathy都仲好聲好氣敷衍下佢既
點知條仔仲係係度呱呱嘈喎....咁既情形底下
Cathy啋佢都傻啦,所以佢一面同佢講電話嗌晒交咁
一面就同我繼續玩,仲玩到跳晒咁....
個情景真係好攪笑.....可憐條仔仲懵盛盛咁....
總之就係攪gag啦......
回覆阿心:
唔好咁燥啦....無事既....
係啦,最賤都係首領,係度死笑大頭
勁賤呀佢,屌佢就岩Ga喇~~~~
回覆道明梓:
阿心不嬲都係咁好Ga啦....
如果真係好似你咁講,咁我咪做左傻仔??
阿心,你老老實實答我!!!!
你有無同大頭一齊笑我????????
>>November 12, 2003 at 10:28:35 PM GMT+8
2003 年 11 月 10 日 星期一 【乍雨乍晴】
2003年11月10日 一打鐘
今日終於係真真正正咁feel到凍喇......好野~~
D風係"發發"聲喇Ga...好好feel呀!!!!!!
今日都係要返藍星星,返早,即係1020要返到去~
其實下晝都唔係好忙,但唔知點解一入夜之後
D人係湧晒黎,所以就變左忙到飛起....
我本來係收2130 Ga!!!!!!
不過做下做下,做到過晒時....
我走個陣係2310.......扣除食飯一個鐘
我即係做左足足12個鐘呀!!!!!!
我sign機個陣見到自己做左成打鐘
我都覺得自己好勁囉.....不過就累到PK呀!!!
唔.....咁就賺左三舊幾水喇~~~
咁就由佢啦~~~~~~
回覆阿蓋同道明梓:
其實我覺得你地唔應該咁話阿心囉
佢寧願犧牲佢個friend(阿BB),都要去娛樂我地
我覺得阿心其實好偉大...
仲有....真係唔該唔好俾我見到阿心話個feel似我個條友
我唔想俾人笑到面黃.....多謝晒~
由於實在太累既關係,都係個句
一切從簡啦......-0-
>>November 11, 2003 at 1:33:14 AM GMT+8
2003 年 11 月 9 日 星期日 【颳風】
2003年11月9日 心癢
隔左一個禮拜之後,今日我係要返藍星星既~
返1400-2100.....
扣除Lunch時間,其實都只係返左6個鐘~
所以都仲頂得住~~~
放左工之後,就返左黃大仙喇~~
自從尋日見到一樣野之後
今日成日都諗住....簡直就係魂繞夢縈.......
索呀索呀~~~kakakakakakaka~~~
>>November 11, 2003 at 1:16:32 AM GMT+8
2003 年 11 月 8 日 星期六 【乍寒還暖】
2003年11月8日 四叔公來探我們
Yeah Yeah Yeah~~~~~
我出左糧喇~~~~~
今日好似係兩個禮拜以來
第一日係無出過去.....
淨係下晝四叔公(即係我爺爺個細佬)黎左
咁我就陪佢落去食下野咁囉...
仲同爺爺一齊送左佢去搭車添....
跟住返左屋企囉~~~
今日就係咁多喇~
呀.....仲有......我發覺原來係禾輋商場坐一個鐘
係會見到好多識既人Ga...
>>November 11, 2003 at 1:09:55 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
2003年11月17日 ．囍宴．
2003年11月16日 ．戇鳩記．
2003年11月10日 一打鐘