|
2004 年 6 月 7 日 星期一 【晴】
【台北四日三夜之火車驚魂】
六月七日 --- 這是我們最驚險的一天
起身之後，打開道房門，發現有張單係地下
係叫我杜找一條$295既數
唉....都係秋玲累事啦
話說酒店間房就有部電視既
但唔知點解，一到左夜晚就少左好多節目
咁尋晚我地返到酒店開電視睇
秋玲唔知點樣禁下禁下，俾佢咁就個播咸片既台
咁人地話明頭30秒係免費試睇
之後就要俾$295 Ga喇
我都叫佢不如睇28秒，之後轉台
再禁返去睇28秒咁Ga啦
點知秋玲又死都唔肯喎
最後攪到要俾$295....既然係咁，就睇盡佢啦
兩套日本一套西片，都不太好睇的
但第一次同女仔一齊睇咸片就倒是真的!!~
仲一齊笑得好開心添....
尋晚其實都已經plan好左今日既行程
準備好晒之後就出發了~~~
第一站 --- 淡水
淡水係台灣一個好著名既旅遊景點
出名既唔係個度既食物，而係個度既風景
搭捷運搭左18個站之後就到喇
一去到，已經係望著海一片
個感覺係好舒服的!!!
係香港如果唔係去到離島個邊都應該望唔到咁大個海
我地沿住海邊一路行一路行，風景煞是迷人的
咁少不免就會影左大量既相啦!!~
大家睇到我相簿，見後面係一片大海
個度就應該係淡水喇!!~~
第二站 --- 漁人碼頭
我地沿住淡水既海邊行左一條大直路
就到左一個碼頭，就係專載d人出漁人碼頭既
咁我見一場黎到，無奶油唔去Ga...
所以我地就搭左呢架船去漁人碼頭喇
架船都算好快，搭左兩個字就去到喇
原來漁人碼頭個度係勁靚Ga!!
個度有兩條橋，一條唔知乜名
一條叫「情人橋」...好羅曼蒂克既名字啊~~~~
相信好適合同情人黎的.....
據說係個度睇日落係好靚的
但係個陣只係下晝，有排都等唔到日落啦
所以我地係條橋度行左陣就閃左嚕~~
係個度打左個白鴿轉，四個字形容: 心曠神怡~
第三站 --- 基隆
其實我地本來諗住係去九份先既
咁問左人之後，原來就係要搭火車
捷運去唔到既....
個火車站唔知點解好暗，無咩燈光
好有大陸feel喎..........一.一
個度d火車又鬼咁麻煩
有好幾種唔同既車種，唔同車種就收唔同錢既
咁我地唔知頭唔知路
買左飛都唔知係邊種車
咁就唔理啦，見有車咪上囉
上左車之後，都已經覺得有d唔妥
我見其他人張飛係有埋座位number既，不過我地都無....
雖然係咁，我地都故作鎮定
等到開車之後，其實個心都好不安
點知我地原來真係坐左人地個位
咁個陣我地都唔知點攪好，咪落左車先囉
跟住再問個站長，先知原來係可以去到先補錢既
仲俾個站長鬧我地添....
佢都short既，一聽我講野就知我唔係台灣人啦
搭錯車有幾咁平常姐，駛唔駛鬧人呀??!!
雖然我地都唔知個站長鬧乜，我地都只係當佢唱歌...
不過無啦啦俾人鬧，都幾無奈嘛~~
既然係咁，我地就唔去九份，直接去基隆喇~
基隆係台灣一個好大既漁港
哥哥話個度d海鮮幾好食的~
所以咪去試下囉....
不過去到之後，我地都係行左陣夜市先
都幾ok靚Ga!!
●「小可愛香腸」，個名QQ的，條腸都QQ的!
其實係一條條又短又粗既香腸...
味道只係一般，而且非常熱氣
食到口都痛埋~~
都係隨意咁係基隆行左陣
之後就返漁港個邊食海鮮啦
個間餐廳叫「尖沙咀海鮮城」，好親切呢
係個度點左幾樣野食....
●「xxxx蝦」，諗左好耐都唔記得個名
係幾好食的，係點「嘩沙比」食既~
(即係香港既wasbi)
●「炒螺肉」，又係好好食的
係落左好多香葉去炒，味道幾好
不過好辣，食到我流晒汗~
●「鹿肉串」，印象中第一次食鹿肉
原來係幾好食既~~~肉質有d似牛肉
佢整得幾好食~~
其實我地去基隆已經係南下左
個度唔算係台北喇
所以d人都好明顯同台北人唔同
台北人都係好nice既
但基隆個度d人既態度就差d喇~~
食完之後，就離開基隆喇
我地又係搭返個架好無安全感既火車返台北
不過好在今次無咩事，平安抵達~~
第四站 --- 台北忠孝敦化
返返酒店拎返兩本旅遊書，之後就再出動喇
睇本旅遊書介紹，話有間餐廳係以「監獄」做主題
好特別好得意Ga!!
我同秋玲都好想去睇下，咁咪去囉
去到，搵到個地址，但又見唔到間餐廳
咁就求其捉個人黎問啦...
點知.....原來倒閉左.....又係咁....吹漲~~
咁我地就去左第二間以「火車」做主題既餐廳啦
佢叫做「茶崛出軌」，入面d路都做到好似火車軌咁
d檯又係車輪黎既~~好有特色呀我覺得!!
點解香港反而無咩呢d咁得意既餐廳既??
●「南洋咖喱鍋」，呢個係秋玲點既
味道幾好，而且好大鍋
材料又好豐富，食極都食唔完~
●「蔥爆羊肉飯」，呢個就係我點既
味道都還算ok啦....又係大兜到食唔晒~~
●「芒果冰釀」，聽個名其實我都唔知係咩黎
黎左先知原來係芒果梳打
好好味的，而且是超大杯!!!
價錢都唔算太貴既~~
食完之後都夜喇，過左0000喇
我地又係無乜人既台北街頭行左陣
當係幫助消化啦~
之後就打的返酒店了~
返到去，今晚無再睇咸片嚕
kakkakakakkakaka~~~~~~~
to be continued....
>>June 10, 2004 at 2:42:07 PM GMT+8
2004 年 6 月 6 日 星期日 【晴】
【台北四日三夜之肚滿腸肥】
六月六日 --- 這是我們最充實的一天
經過左尋日既教訓，一個妥善既plan係好重要既~
所以尋晚我地臨訓之前都諗左好耐!!~
經過深思熟慮之後，就得出以下呢個行程喇
第一站 --- 鼎泰豐
睇左本旅遊書，話呢間舖頭d小籠包好好食
好食到係排晒長龍咁....既然係咁
我地當然係慕名而去食返餐啦!!
食過之後，果然唔係浪得虛名呀!!
真係正到不得了呀!!!
難得既係連佢地d茶都好飲過人嘛!~
●「小籠包」，絕對係不能不食
一咬落去，d湯真係爆晒出黎....
um.....而家諗起都覺得好味!!
同埋我發覺最好既食法係成粒擺入口
然後狠狠咁咬落去....滋味得令人感動!!!
●「擔擔麵」，聽個名好似無咩特別
但又係好好食的，好食過香港個d好多
我唔係一個食家，唔識講又幾好味
總之食得我好開心啦!!~~
●「排骨炒飯」，這個是秋玲點的
我只是試左兩口.....試過之後有個疑惑
點解佢連炒飯都咁好食既??
睇佢個樣，只係普通既蛋炒飯
但係食落，又真係好好味喎!!!
好勁呀!!!~~~~~~~~~~
第二站 --- 誠品書店(敦化南路總店)
係台北無人唔識誠品書店的~
好多地方都有佢既分店，情況有如香港既商務印書館
但我地今日去既係總店
係開足廿四小時，年中無休既
入去望一望.....嘩.....多人到不得了
原來台灣人都好鍾意睇書的!
不過我同秋玲，純粹只係去睇下呢個台北著名景點
(無錯!!這除了是一間書店之外
已經發展成一個旅遊景點了)行過就走左嚕~~~~
第三站 --- 台北Sogo
去之前哥哥同我講，話要去下呢間Sogo
佢既價值並唔在於佢賣既野
除左賣既野無咩分別之外
價錢仲可能貴過香港
佢叫我去既原因，係因為個度有好多「辣妹」
(台灣人都喜歡稱呼一d衣著性感既女士做「辣妹」的)
我見橫掂都係係個頭，所以就去瞄一瞄喇
行過一陣之後，一個所謂既辣妹都唔覺有
名店倒是大把，都唔岩feel既
好快就走左Lu!~
第四站 --- 西門町
或許大家都知道，西門町係台北好著名既地點
個度就好似香港既銅鑼灣咁
勁多年青人係個度聚集，好鬼熱鬧的
賣既野都同台北最新潮流有關
所以我都好想去的哦~~~
去到個度，個人都覺得開心左
值得一提既係個度有間舖頭
好特別的，叫做「小蔡的店」
係賣唱片既，但佢有別於一般既唱片舖
佢除左係賣二手唱片之外
客人仲可以拎自己既唱片去交換
好特別既經營手法哦!!!
所以我就係個度買左隻陳慧琳既舊碟「你不一樣」喇
其實我個陣有買Ga，係唔知俾邊條粉腸借左之後唔還
不過都算啦，今次買得返都算好彩
香港連HMV都無呀....
除此之外，我地又係西門町食野啦當然...
●「阿宗麵線」，據說又係好出名既
又整左碗試下，我覺得都蠻ok既....
好過係公館夜市食個碗幾倍啦~
但係呢間野好特別的，入面係無檯無座位Ga
所有客人都係買完之後用手拎住黎食
但係又真係有勁多人幫襯啵!!
●「珍珠奶茶」，係有少少唔信邪既感覺
無理由台灣既珍珠奶茶會係咁唔好飲既
所以我係都要買多杯試試....
果然，今日呢杯好飲好多!!
呢個先係我期望既珍珠奶茶嘛~~~~
係西門町，有個「紅樓劇場」
裝潢好靚的，入面又好靚的
有好多紀念品買，又平又有特色
真係值得一去呀!~
之後就要離開西門町喇....真係超唔捨得呀!!!!
第五站 --- 台北101大樓
台北101大樓，係台北一幢有101層高既大樓
開頭諗住可以上上面睇下台灣既夜色
點知如意算盤打唔響，原來係唔上得去住既
咁就淨係係下面幾層行下
個度好似又一層Ga!~
不過就比又一層更有氣派，更grand!
正所謂名店林立呀!!!
第六站 --- 士林夜市
人人都話台北士林夜市一定要去
如果唔去就等於無去過台北
因為入面有好多好正既野食....
我一心抱住「係咪咁好食呀...」既心態去食
點知一食就食到超級飽!!!
●「豪大大雞扒」，個名很有趣的呢
睇到塊雞扒，先知道無改錯名
因為塊雞扒真係好好好大塊的!!!
而味道又是超級好食的!!!
價錢又唔係貴喎!!!真係抵到無倫~~
熱情推介呀!!!!!
●「綿綿冰」，又係另一樣好好食既野
其實我都唔係好知道係用咩黎整同埋點整
但係食落口又真係透心涼
真係好好好好食呀!!!!~~~~~~~
●「生炒花枝」，花枝即是我們成日食既墨魚
花枝調和酸辣味道既湯汁，再加上洋蔥同竹筍
都可以接受既~~~唔算太好食啦~~~~
●「青蛙下蛋」，好攪笑既一個名字啊~
其實就係將珍珠奶茶個d珍珠
溝左d o者喱狀既物體，仲有少少檸檬味係入面
睇落個賣相就其實麻麻地，但食落就好好味的!!!
又係另一樣一定要試既地道食品!!!
●「紅油抄手」，香港都有啦
不過見佢個樣好似幾好食，就試下啦
食完之後，發覺無咩特別
同香港既雲吞根無咩分別
只是多了好多油而已~~~
食完應該會肥10磅~~
●「大餅包小餅」，台灣好多野食都係咁既
有個奇奇怪怪既名....呢個又大餅又小餅咁
買左之後，又唔係咁想食
諗住都唔緊要，可以夜d返酒店食呀嘛
但點知...到走個一刻都無食到
所以到而家我都唔知咩味....這倒是有點遺憾~
●「大花香腸」，呢條腸同花係無關係既~
食完一啖，覺得好似臘腸，亦即刻掉左
都唔想再提嚕..........
●「養樂多綠茶」，「養樂多」其實就係香港既「益力多」
益力多溝綠茶，未試過吧....我今次就試左啦
味道其實都ok既，而且我飲過幾啖亦都無肚痛...
食完咁多野之後，其實已經好夜
我地兩個簡直係肚滿腸肥
但又唔想返酒店住
所以我地就周圍行下咁啦...
自由行就係有呢個好處
夜晚0200我地仲係無乜人既台北街頭行黎行去
咁先係「自由行」呀嘛!!!!!!!!~~~~
to be continued.....
>>June 9, 2004 at 10:51:31 PM GMT+8
2004 年 6 月 5 日 星期六 【晴】
【台北四日三夜之自由行】
終於都可以起程喇....
呢個行程講就講左幾個月
但原來由報名到起行都唔夠一個禮拜
慢，係可以好慢；快，亦都可以好快
視乎有無心吧.....
今次我地決定唔跟團，要自由行
一來台北咁近，全部都係熟識既語言同文字
有咩唔識咪問人囉...我d普通話咁棒.....kakakakakka~~
二來如果跟團既話，日日都係對住同一班唔識既人
好似好唔知點咁...我又唔鍾意同d唔識既人一齊玩
去得旅行，應該無晒心理障礙至夠暢快吧
果然，去完返黎之後
我覺得我地選擇自由行係無錯既!!!
去之前人人都問我，兩個人去會唔會無聊左d呀?
開頭未去之前，我都有呢個憂慮
但原來都係唔會既~~
雖然係無咁熱鬧無咁好玩，
不過兩個人去，咩都易話為d
唔駛徵詢晒咁多人既意見，想去邊就去邊
遊遊蕩蕩又得，飲飽食醉又得
總之就係good啦!!
六月五日 --- 這是我們行程最鬆散的一天
我地係0815機，未夠0700就去到機場
check in完之後，見有時間剩
仲同秋玲食左個早餐添!
到上機個陣，心情班係有點興奮
話晒咁大個仔第一次搭飛機嘛....
原來飛機有早餐俾我地食Ga...
蝕左添~~早知係機場就唔食住啦...
係飛機上另一樣好重要既事
就梗係要望下d空姐啦....
唔....其實都真係幾唔錯
又好禮貌，又好笑容.....哈哈~
坐左個半鐘頭飛機之後就到左台北中正國際機場
正式為「台北四日三夜」揭開序幕!
上左我地住既酒店，原來都幾靚Ga!
放低晒d行李之後，就出去蒲喇!~
第一站 --- 天母
睇梁望峰本旅遊書既介紹，話天母好多野睇
好岩我地呢d後生仔行....咁我當然係要去瞄一瞄啦
搭捷運去到石牌站之後，轉左程的士去到天母
行行行行...好似無咩特別咁啵....
去左間叫「老地方黃牛肉麵」食野
食左個「牛肉湯麵」....黎左之後發現
e????點解無牛肉既???
哦.....明白喇!!!原來唔係「牛肉+湯麵」
係「牛肉湯+麵」呀......頂....仲要麻麻地好食....
接著呢，睇到本書介紹
話有間餐廳係以可樂黎做主題既
好似幾靚咁，咁就搵啦....
搵到個地址......diu.........執左....即係無野好講~
咁就轉左去第二間度飲野，叫做「PS BuBu」
個度仲特別，入面d座位係一架架車咁Ga
秋玲仲話原來《流星花園》都係入面拍過添
少不免又要影左好多相啦!!~~
第二站 --- 公館夜市
人人都話去台北一定要行夜市
因為入面有好多好野食!!
所以係台北我都係抱住呢個宗旨
入到去，梗係搵下有咩好野食啦
●「蚵仔煎」，據說係台灣係好出名的
蚵，其實即係香港既蠔，所以其實即係蠔餅
試一試之後，都ok啦!!~~好似香港個d好食d~~
●「蚵仔麵線」，係另一樣台灣好出名既食品
台灣人食得津津有味，不過我食左兩啖就成碗擺返低
可能口味不對吧.....
●「鹽酥雞+鹽酥魷魚鬚」，這個就ok好食啦
不過d魷魚鬚就韌左d，如果唔係就更好喇!!
第四站 --- 師大夜市
師大，其實係台北師範大學既簡稱
個度都有個夜市，當然又係要入去行下啦
又係要食返餐飽喇!~
●「可麗餅」，呢樣野....五個字講晒:大件夾抵食
一大塊蛋餅皮，入面包住好多自己揀選既餡料
勁大塊，又好味，都係港幣10蚊
雖然應該唔好食咁飽，留返個肚食其他野
但係我真係抗拒唔到個種滋味
最後都係成塊食晒~
●「珍珠奶茶」，呢樣野雖然通街都有
不過話晒都係由台灣傳入香港既
所以都係要試下d正宗既味道啦
可能係間舖頭既問題....香港個d仲好飲~
連續去左兩個夜市，我同秋玲都差不多飽到想嘔咁滯
就係附近兜下咁啦....
諗黎諗去，都唔知去邊好
所以呢晚好早就返左酒店
原來真係要plan好個行程
如果唔係就好似我地今日咁，行黎行去
所以話，今日行程係最鬆散既囉....
to be continued....
>>June 9, 2004 at 6:59:36 PM GMT+8
2004 年 6 月 4 日 星期五 【酷熱】
【On your mark!】
同秋玲出左去拎passport
準備聽日出發!~
之後同媽媽，哥哥，阿甄去左飲茶
仲上埋寶福山添!
特別鳴謝奀豬今日特登係屋企出左旺角
目的就係借本旅遊書同部相機俾我
真係十二萬個唔該晒~
聽日就上機，不過又無咩特別興奮既感覺
只係知道我聽朝要0445起身
不過咁，我還是很期待去到台北之後
到處吃喝玩樂的快感!!
我知道我會好快樂咁過黎緊既呢四日三夜!
>>June 5, 2004 at 12:55:55 AM GMT+8
2004 年 6 月 3 日 星期四 【酷熱】
【賢良淑君】
今日下晝都係去左做helper
不過今日kathy無去呀
我去到咪成個自閉仔咁囉....
不過算!!三個半鐘容乜易過丫
做完咪閃囉~~~
做完之後係又一層兜左陣
因為約左淑君借佢個喼去旅遊
順手睇下有咩part time搵~
開頭我地諗住係出去食既~
點知佢又提議話上佢個hall度食
咁當然係好提議啦!~~
仲係淑君佢親自下廚添呀!
我三年半前識佢個陣
係飯都唔識煮Ga!~
但係佢而家竟然又識炒烏冬(雖然入面d菜唔熟)
又識煎雞翼(又雖然鹹左d)，又識煎豬扒(呢個最正!)
但係佢真係一手一腳整Ga....
係完又係佢自己洗Ga!!~
換句話說，即係我淨係食，咩都無幫過手囉....
哎呀~~好慚愧添~~~~哈哈~~~~~
但係經過今日先知，「淑君好賢淑」呢個傳說
係堅Ga!!!!!!!!!!!!!!
食完之後，睇左陣電視啦
就去左佢間房睇相
新至禮拜一個晚食糖水
舊至淑君細個d相都俾我睇晒乜滯!~
睇到佢小學個陣個樣.....都仲覺得無乜野
只係一個肥嘟嘟既小妹妹
跟住見到佢低form d沙龍相.....
真係笑到牙都甩....真係樣衰無比!!!
同而家比實在差太遠喇....哈哈~
總之就係好想摑佢啦....
之後印差不多0000
就抽住佢借俾我個喼
由佢個hall行到落又一城
再搭80M返沙田喇!~
Oops...唔記得左講一樣低能野~
今日係九龍塘行行下
俾條茂利從後拍左下膊頭，仲以為係咩事
點知原來係所謂既星探....
好在唔係搵首領個間咋，如果唔係即刻爆粗都似
跟住佢話想搵我拍個mp3既廣告....
哈~佢都痴線既....你估我仲係十八廿二咩....
所以我都係求其打發左佢兩句就撇左~
我當然係唔會好似d小朋友咁發埋d明星夢啦!~
更何況.....白痴都知道係坤人Ga啦.....我呸!!!
>>June 4, 2004 at 3:21:27 AM GMT+8
2004 年 6 月 2 日 星期三 【酷熱】
【黑B】
今日同尋日一樣，都係去左做helper
地點同時間都一樣....
又賺多佢百零蚊....
不過今日我係白做既!!!
因為我跌左隻耳環呀....嗚嗚~~~~~~~~~~~~~
好靚Ga嘛.....我買左都唔夠一個月
佢咁就捨我而去.....真係好唔高興呀!!!!
為左呢件事，我無mood左成個鐘.....
激死我喇!!!!!!!!!!!!!!
夜晚同kathy去左食飯
食完就返左屋企喇~
pork街....早兩日咪話買左條頸鍊既...
點知皮膚敏感，帶到條頸都爛埋!!!
而家又紅又痕咁...喂!!!有無咁黑仔先???
>>June 4, 2004 at 1:57:51 AM GMT+8
2004 年 6 月 1 日 星期二 【酷熱】
font color=black size=2>【為何期望太高?】
下晝同kathy幫手做helper
又係浸大個d囉，不過今次唔係幫陋學校做體能test喇
今次係幫d盲人度高磅重
其實應該係比上次仲易做既
不過去到就覺得唔係喇
我地去個度係薄扶林，地點已經係老鏈咁遠
雖然係跟BU車姐....
同埋個度係無冷氣Ga....
唔係有冷氣唔開喎，而係無冷氣呀....
呢個都已經係個大問題
仲要個度有好多小動物Ga!!~~
例如係蚊啦，我做左短短個零鐘已經俾蚊針左四野
不過問心呢....其實就係明賺佢既~
話就話做三個半鐘
搭車搭左個零鐘，等又等左個零鐘
其實真正做野只係個零鐘
咁就袋左佢百幾蚊一日啦....都ok既其實~
返黎之後，約左大笪同淑君去鑽石山睇戲
睇《明日之後》，之前睇預告
講到好似好好睇咁，所以都想睇左好耐
點知睇完，又覺得不外如是姐
最激既畫面都係有線睇過晒
而且個劇情又太誇張，吹得太大
但個結尾又太草草了事喎
唔....睇完....反而有點失望~
又一次印証「希望越大失望越大」呢個道理
睇完，就返左黃大仙喇!~
>>June 4, 2004 at 1:42:47 AM GMT+8
2004 年 5 月 31 日 星期一 【酷熱】
【台北之旅 --- confirmed!~】
今日下晝同秋玲出左去攪去旅社既事宜
去左好多間旅行社拎資料
最後揀黎揀去，終於揀左間較為相宜既出機票
其實我都唔知係咪叫相宜
因為我同秋玲都無乜經驗
只係見到價錢係under expectation就算數
我地最後揀左康泰，應該都唔會太差吧....
我深信我地係會玩得好開心既!!!~~
今日報名就用左二千幾蚊喇.....都仲未計駛費呢
希望會係物有所值啦!~
攪完之後，覺得了左件事咁啦
仲同秋玲係沙田周圍兜左陣
睇下有無野岩去旅行用~
但係最後我反而係買左件衫....
又買左條頸鍊，同旅行都無關既~
真係pork街呀....用左勁多錢呢排~
都痴線Ga....盡可能都唔好周圍行街
好驚會睇岩任何野....
之前都話要學識resist temptations
似乎我都係做唔到......
唉，有邊度要去就快d去埋佢
我想快d搵野做呀!!!
到夜晚就同淑君去左肯德雞撐檯腳
因為今晚夜d會同輝輝同河妖做呢個最後既餞行
三個月之內都見唔到河妖嚕!~
我地兩個食完之後，又再係沙田兜左陣
佢淨係買麵包超人既杯同碗
都可以用左成舊水....
佢買完之後都好似好開心咁
雖然係好似好無聊，成舊水買d咁既野
不過自己開心就得啦
開心無價嘛，買少少野可以令自己咁既心
咩都抵返晒啦!~
之後係帝都等輝輝黎車我地出大圍食糖水
麥希，大笪，connie，仲有老V都有黎~
河妖仲帶埋佢女朋友出黎添啵!~
成班人嘻嘻哈哈咁就過左d時間
之後仲去左顯徑下面d公園度影下相
仲吹左陣水添!~~到0030到先散水
走個陣．當然係坐輝輝車啦
由於佢車左淑君返九龍塘先
咁我地呢d就可以順個勢遊埋車河喇~~
過癮就過癮在係佢架車可以鬼殺咁嘈都得呀嘛~~
嘩哈哈~~~~~~~~~
明天河妖同yoyo都要飛
有排都見唔到佢地Lu~~
在此祝他倆一路順風吧!!~~~
三個月之後再見!!
>>June 1, 2004 at 2:24:48 AM GMT+8
2004 年 5 月 30 日 星期日 【晴】
【畸怪】
老表甄甄係美國返左黎成個禮拜
都未見過佢，所以呢
今日就約左佢同karmen去聚一聚喇
而我地既節目，就係而家我每個禮拜至少做一次既-----
唱k喇~~~~~~~~~
我地三個去左沙田綠盒子唱
只係唱左短短兩個幾鐘咋....
不過其實都唔係志在唱Ga啦
都係想見下面咁姐
而且甄甄係外國返黎．好多歌都唔識唱
所以都係我唱多...
唱完之後，去左飲野同吹水
之後就返左屋企訓覺喇~
訓左個零鐘之後，甄甄上左黎
除左佢之外，今朝岩岩落機既dino都上埋黎添
唔....都有一段時間無見過佢地
都好開心呢...特別係爺爺嫲嫲啦
食完餐飯之後，佢地都走喇
咁我都要走啵，不過係去打波
今晚約左首領，秋玲，鼠欣同蛙仔去顯徑打羽毛球
嘩....我去到先知原來個場係無冷氣Ga....
真係打到汗流浹背，仲有d虛脫添...
我又著左長褲喎....對腳好似俾火燒咁樣~
下次都係醒少少，著返條短褲先得...
打左個幾鐘之後，d汗已係都無停過咁流...
真的很辛苦呢.....
好在打完之後去左食冰，先好返d咋~~
首領真係好豬兜，竟然book個無冷氣既場
都唔知點做野既....哈哈~~~
>>May 31, 2004 at 1:51:08 AM GMT+8
2004 年 5 月 29 日 星期六 【酷熱】
【熱帶魚】
事情總是這樣發展的.....
永遠都係當你覺得自己最無錢既時候，就會發覺
a)髮泥用晒，要買!
b)con水用晒，要買!
c)要交兩個月既手提電話費
d)有想睇既戲上映
除左(d)之外，其他都係好urgent....
都唔知點算好~~
近期好喜歡一個歌手，佢既名字叫藍奕邦
而家電視成日都搵到有佢既出現
佢之前都已經作過好多好好聽好正既歌
例如係梁靜茹既「Fly Away」啦~
而家佢就黎出碟做歌星
有兩首歌都超級好聽，兩首都係佢自己作曲填詞
一首叫「熱帶魚」，另一首叫「自知之明」
除左好聽之外，d歌詞好仲入肉，好有heart
真係難得~~~~~
熱帶魚 藍奕邦
熱帶魚 魚缸中一雙一對
談不上揮之則去 大家不想太疲累
功課做完大覺睡 魚缸中懶惰浮游
得過且過的屈居 不進則退
興那個 跟那個 抄個夠吧
書報裡 推介過 然後你又讚它
大紅人 穿著過 所以著吧
總會有 AB餐 無謂費神去揀
天光必然有天黑 根本不用計算吧
思想保持最簡單 等個笨人站前哨
講的不是你所想 別做突出的那個
不需多動腦思考 逃避現實做啞巴
興那個 聽那個 起勢唱吧
他會舞 雙截棍 然後你又去耍
大紅人 講那套 反戰說話
因你怕 跟不上 然後你又去反
催谷心靈喝雞湯 纖體矯形再美白
追捧他人愛追的 幫個犯人做橫額
偏激將弊處指出 受盡大家的怪責
不需多動腦思考 逃避現實做啞巴
熱帶魚 魚缸中針鋒相對
談不上揮之則去 大家不想太疲累
只要做人沒顧慮 誰都可照樣浮游
開心得有點心虛 爛泥一堆或是物以類聚
成首歌，不就是現今社會的寫照嗎??
>>May 30, 2004 at 1:36:20 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
【台北四日三夜之火車驚魂】
【On your mark!】
【黑B】
【台北之旅 --- confirmed!~】