|
2004 年 2 月 8 日 星期日 【乍雨乍晴】
2004年2月8日 ．禾輋濟水+book場打排球+打通頂麻雀．
從來都無發覺，凸然之間屋企無水用
係一件點樣令人徬徨無助既事.....
忽然之間，毫無先兆，禾輋有條唔知咩地底喉爆左
八幢樓無食水兼無廁所水.....頂佢個肺!!!!!!!!!!
想煮野食又唔得，急尿都唔敢去屙~~
因為屙完都無水沖廁....點攪呀???
夜晚個餐，都係我係陳根記炒左兩碟野返屋企食咋....
_________________________________________________________________________________________________
食完夜晚個餐之後，出左去打波做運動
約左以前秋玲係鄭榮之D朋友仔係美林book左場打排球
佢地鄭榮之既人一隊，我同首領，蛙仔，鼠欣，阿蓋同秋玲
亦都組成左支"LPL Dream Team",中文即係"刘百乐梦幻队"
雖然我地同人地既實力十分之咁懸殊
不過呢個一D都唔係問題，因為我地唔係sell實力既
我地係sell "型" Ga嘛~~~~~~~
係打個陣好似俾人侮辱咁樣姐......
但係咁人地又真係幾勁既......><
_____________________________________________________________________________________________
打完都係夜晚2300，我地又唔想咁快返屋企啵
所以我地又去左打牌喇~~~
地點係沙田娛樂城既沙龍會
其實每人俾$50出黎打一晚通頂
我覺得都ok啦.....雖然我仲輸左差不多成舊水....
開頭諗住贏隻梁靜茹返黎Ga嘛~
而家仲要輸多隻出去....激氣>________<"
到埋單找數個陣，我先如夢初醒
點解銀包得返咁少錢既???
我星期四先拎左$500出黎
但係到左星期日，只係得返$70..........
咩事呀???@@
_____________________________________________________________________________________________
打到0600就鬆人，咁就返屋企啦~
返到禾輋....見到有人拎住一個二個水桶去排隊攞水
頂....咁咪即係仲未有水???
咁沖唔到涼之下....算吧啦.....做住首領個friend先啦
嗱嗱聲上床訓算喇~~~~
>>February 9, 2004 at 4:11:13 PM GMT+8
2004 年 2 月 7 日 星期六 【乍雨乍晴】
2004年2月7日 ．喜．
有無試過連續笑左成個鐘既滋味呀?
我就試過啦~~今日仲係第二次試添!!
第一次係2000年8月14號，係戲院睇"攪乜鬼奪命雜作"
今日呢，就係係有線睇"快樂星期天"
笑到我流晒眼淚，面都紅晒，腸抽筋咁滯~~~~~~~~~~~~
係度講唔到點樣攪笑法，除非自己有睇啦!!
真係死笑無命賠...........睇完之後亦令我發現左
原來有勇氣既人，真係可以好有勇氣!!!
_______________________________________________________________________________________________
近期好鍾意既一首歌...........
調情 鄭秀文
爐灶透光 人盛熱湯
投下過太多血汗 太多渴望 感情何時放
抑鬱滿腔 何來藥方
平服我那些歲月那些寄望
Once upon a time, when you were still mine
仍然像魔法 沒有法子可以解
煉製愛的秘方 最美卻通通泡湯
落了太多愛下去 自己都不快樂卻妄想有希望
就怪那天到訪 吃過你一顆軟糖
味覺記憶裏盛放 盛放被愛剎那芬芳
Once upon a time, when you were still mine
如甜蜜的債 沒有法子可以解
煉製愛的秘方 最美卻通通泡湯
落了太多愛下去 自己都不快樂卻妄想有希望
就怪那天到訪 吃過你一顆軟糖
味覺記憶裡盛放 盛放被愛剎那芬芳
>>February 8, 2004 at 2:20:42 AM GMT+8
2004 年 2 月 6 日 星期五 【乍雨乍晴】
2004年2月6日 ．除下戒備娛樂一番．
今日好勁，係超級勁....經過左15分鐘既掙扎
我最後都可以係0815起左身
雖然係18萬個唔想起身
不過我最後都係做左個乖學生，去左返學~
0930上PTH既tutor，係度瘋狂讀字
今次呢個course要將d四聲讀到好正，一個都不能錯
為左讀正d音，真係咩都出晒黎
又假音又盛....又要讀到咿咿喲喲咁，頂佢
攪到全班人係度叫春咁...好嘔心~~~~~
最大鑊既係，全班30個人.....竟然得我一個男仔!!!!!!
天呀~~~~~~~~唔係對我咁好呀嘛.........一.一
落左堂之後去左圖書館睇報紙，係明報既某個角落
我見到d野....好distracting既.....點攪好呢??
到1130再上多堂中文tutor，放學就撇左喇...
______________________________________________________________________________________________
之後出左大圍，約左首領、阿蓋同yoyo去左一個好耐都未去過既地方食lunch
個度叫做"強記"，鄰近劉百樂中學
以前每個禮拜總會食返一兩次既
不過自從無讀劉百樂之後就未去過喇
即係都有成年幾嚕~~~
一入到去，熟識既格局，全部都無變過
個個午市學生特價既餐牌，同三年前一模一樣，哈哈~~
實在太鍾意每次同朋友們飲飲食食既個種感覺喇!!!!
_____________________________________________________________________________________________
飲完茶之後，我地去左沙田唱k
無去一排，又好似多左好多新歌啵!
仲有d新到唔識唱添~~~~
唱唱下秋玲又黎join左我地
不過好似唔係咁抵....60蚊唱3個鐘.....算啦....
唱完都係2000到，yoyo要返屋企食飯
咁我地呢，就落左肯德雞食飯
係呀，又係食....正呀!!!
________________________________________________________________________________________________
無論冷 還是暖 無論近 還是遠
你要堅守不失 是信念...........
寫得好漂亮.....希望你同我都可以堅守不失
去實踐我地既信念!
______________________________________________________________________________________________
回覆大May豬:
頂你個大May豬丫~~~問埋d咁既問題既???
我d day off好明顯係自己俾自己Ga啦~~
其實我得星期四一日day off之嘛~~~
你都可以放下自己假啵~~~
>>February 7, 2004 at 2:29:25 AM GMT+8
2004 年 2 月 5 日 星期四 【乍雨乍晴】
20040205 ．花好月圓．
今日我同媽媽都day off，所以我就約佢食Lunch啦
開頭諗住出旺角既，不過媽媽又嫌遠
所以我就同之佢出左去鑽石山喇
食完野，見時候尚早，咁就搵左場戲睇喇~
不過GV荷里活都無咩好睇，得好少戲揀
唔係"花好月圓"就"見習黑玫瑰"
其實我兩獨都唔係咁想睇
不過媽媽話想睇"花好月圓"，咁就陪左佢睇喇
睇完之後，我覺得套戲係咁既.....
Objectively speaking, its story outline brings me fresh feeling since there has not been so much costume play as before. I have to admit that the scenario of this movie is a good attempt. As being a commercial movie, its narrative structure is mingled with frequent amusing scenes in order to fit the preference of audience.
The main characters of the movie is Miriam Yeung and Richie Yam. I always wonder why Miriam could be one of the popular stars in the movie industry. I just agree with a saying that her acting is acceptable. In this movie, she personates a princess who is suffering from a weird illness, that is her body emanates extreme stink and such odor brings her isolation until the day that she encounters Richie. Under the help of Richie, Miriam get rid of that odor and they eventually get married.
Frankly, all the developments of the story are under anticipation. I am more enthralled by those guests like Kot Man Fai and Lam Suet. I realize that heir hilarious performance is conducive to gain appreciation and desirability.
睇完之後，去左肯德雞食左少少野，我就出返沙田喇~
____________________________________________________________________________________________________
夜晚同左阿蓋,Yoyob同Chisty食飯
我地去左維苑餐廳~
我發覺我每日既時間，好多都係消耗左係飲飲食食上面
我希望可以係最短既時間之內
我既體重可以增加到......10磅啦~
差不多Ga喇, step by step呀嘛~~~
______________________________________________________________________________________________________
聽日都係返下學......返0930
希望我可以起到身啦.....
________________________________________________________________________________________________
回覆s表妹:
你成日都入俾人圍望啦....
你又知人地影你???
你個賓賓無幫你出頭咩??
回覆胡鬧:
唔....我真係愛屎你嚕~~~~
希望有機會可以同你一齊切磋下
咁就好喇~~
>>February 6, 2004 at 3:29:56 AM GMT+8
2004 年 2 月 4 日 星期三 【乍雨乍晴】
2004年2月4日 ．又Day off喇．
今日好簡單，只係去左隆亨溫書
溫左一個下晝..........
好可惜，見唔到胡鬧，仲諗住唔識會有個人問下添.....
______________________________________________________________________________________________
夜晚係屋企開左個online photo album
以後我會影多D相，upload上網
希望我所以朋友都可以係上面出現~
咪就係click呢度囉~~
_________________________________________________________________________________________________
為了身邊的人著想，我們都應該試著學習控制自己的情緒.....
_________________________________________________________________________________________________
回覆秋玲:
唔....係呀，個腦壞左個半月
再次online到line真係爽爆呀~~~
回覆胡鬧:
你既行蹤真係太飄忽喇....
你幾時先會再去呀?
>>February 5, 2004 at 3:40:46 AM GMT+8
2004 年 2 月 3 日 星期二 【乍雨乍晴】
2004年2月3日 ．忘了，忘不了．
今日都係無返Contemp. Social Problem個tutor
我係特登唔返既....不過我都唔想解釋咁多話我做咩唔返
因為我知道，大家都應該明白點解.....
_________________________________________________________________________________________
一起身，即刻打去netvigator，叫佢幫我上返網先
攪掂之後就要返學喇~~~~~~
1430上中文堂，區博士上堂好鬼攪笑
所以都唔算太悶......佢今日俾左份功課我地
係作文黎Ga~~~~好耐無作過文喇我
對上個次咪就係2003年4月29號，我考中國文學paper 1囉
唔!!!!今次作文，我唔會令阿sir失望既!!!
上完中文堂，去左上英文堂
又係自閉仔咁坐左兩個鐘........
__________________________________________________________________________________
放學個陣同左歐佬同yoyo一齊走
係火車上面撞到首領個元配夫人
不過佢超串啵....完全無同我地打招呼喎....頂佢~~~~
首領點教女Ga....得閒就執佢幾劑啦!!!
跟住我就出左沙田，今日約左淑君、劉輝輝、河童、大笪同Connie食飯
去左新城市間"露比星期二"度食
D野食我覺得只係ok.....並唔係真係太過正
無上次咁大件夾抵食.....食完之後呢
係沙田兜左一陣，再去左滿滿食糖水，就散水喇.....
__________________________________________________________________________________________
我曾經聽過一句說話，係咁既
"要愛上一個人，可以只係一秒間既事
而要忘記一個人，可能需要一世"
或者好多人覺得，要忘記一個人，係一件好困難既事
乜真係咩???
對於我黎講，根本唔係
因為係我心目中，無一個人係需要我去忘記
即使某君曾經點樣傷害過我
我都只會當係一次經驗、教訓、或者磨練
唔好話要去忘記一個人，你越係咁諗
就只會越提醒自己仲未忘記到呢個人
到頭來，痛心既又係自己，又何苦呢??
張柏芝係度唱:"忘記是極殘忍"
呢個殘忍，好可能只係對自己殘忍
或者當大家下次想去忘記一個人既時候
不如換個角度諗，唔好去忘記
可能到最後，你會忘記到都未定
不過事實上，真係有人係非忘記不可咩??
_________________________________________________________________________________________
回覆胡鬧:
而家我係對d models好混淆囉
如果可以既話，搵日一齊溫geog都好丫
我唔識又有人可以問!!!
>>February 4, 2004 at 12:44:22 AM GMT+8
2004 年 2 月 2 日 星期一 【颳風】
20040202 ．凸破性發展．
今日阿Tim再上左黎幫我攪個腦
換左個XP，好似已經好返好多
已經睇到VCD喇!!!!
不過張sound card又好似有D問題
所以又無聲囉~~~~
不過唔緊要，我知道好快就會無事Ga喇!!!
________________________________________________________________________________
據說，聽日開始又話會凍返
大家保重身體啦~~~
>>February 3, 2004 at 1:05:57 PM GMT+8
2004 年 2 月 1 日 星期日 【微冷】
2004年2月1日 ．嚴重．
咁快就第二個月喇........
今日係屋企好鬼得閒，所以終於的起心肝
去左叫人幫我睇個腦.....就係阿Tim喇
原來俾佢攪一攪先知，我個腦個問題都幾嚴重
可能係個底板有問題.....唉.............好慘呀!!!!!!!!!
而家都唔知點算喇....
________________________________________________________________________________
夜晚，我又去左打牌喇!!
今次係去左秋玲，同佢D friends打喎!!
打左一晚通頂之後，我竟然係輸左4大蚊....
真係.....精神都side埋~~~~
不過....有得打總好過無得打~~
_____________________________________________________________________________
回覆胡鬧:
我發覺個D model 超難呀!!
係咪一定要全部識晒先得Ga???
_____________________________________________________________________________
唱首歌俾我個腦聽先....
嚴重 陳慧琳
是腦海 嚴重故障 是個給你去解咒 瞬間復活銅像
是氣息 嚴重缺氧 但意識裡那火舌囂張
從唇上將愛揭幕 直至心崩潰知覺
從眉上汗珠搜索 心跳越快 越快樂
是眼光 嚴重碰上 內裡景緻要給你觀賞
唇上將愛揭幕 直至心崩潰知覺
從眉上汗珠搜索 一個幻覺
懸浮在天邊海角 是那麼身輕感覺
懸崖上越出軀殼 (心跳越快 越信任直覺)
(相信直覺)
>>February 2, 2004 at 6:03:42 PM GMT+8
2004 年 1 月 31 日 星期六 【晴】
2004年1月31日 ．練仙行動．
一起身無耐，已經係夠鐘出去補習喇
補補下既時候，我已經同麥希講我非常之咁肚餓
咁梗係啦，一起身都已經1330，我補1510
根本就無時間食野，咁就唯有硬住頭皮
頂到補完先有得食.....
補完之後，又約左首領啵，咁我同麥希+首領
係度漫遊信和喇.....大家都應該知道
星期六既信和係有幾少人Ga啦....
迫到都行唔到根本，所以等到首領買左隻老翻Game之後
我地就立即離開信和喇~~~
走左之後，首領要買VCD喎!!咁就再同佢睇左一陣添啦
最後佢買左隻"忘不了"......其實我真係笨豬豬左!!!!!
佢話想買上年個套經典廢爆"咒樂園"
我竟然好坦白咁叫佢唔好買.....
其實我應該同佢講話好好睇，一定要買先岩Ga嘛....
佢睇左之後，都唔知會唔會斬我.....
________________________________________________________________________
夜晚食完飯之後，約左秋玲同首領食糖水
食完之後，仲去買食宵夜添!!!
係新年期間，首領返左大陸，前後總共六日
但係首領竟然話只係沖左兩次涼.....
JESUS CHRIST!!!!!!!!!What the hell u are doing?????
係六日入面，佢屎都只係屙左一次.....
佢係咪想攪到自己成個乞衣咁，同D大陸Lay似多D呀???
真係好鬼死驚佢係大陸帶埋D唔知咩菌返落黎呀......
大家如果唔信我既話，可以問下秋玲呀!!!!
>>February 2, 2004 at 4:56:19 PM GMT+8
2004 年 1 月 30 日 星期五 【颳風】
2004年1月30日 ．十個廢有八個廢．
我都唔明，點解今年D賀歲片既質素會係咁差既??
我又睇左一套唔掂既戲喇!!diu~~~~~~~~~~~
今次呢套，叫做"鬼馬狂想曲"
睇完個套十個廢有十個廢既"魔幻廚房"之後
本來我對呢套"鬼馬狂想曲"既期望係高左幾倍既
點知睇完之後，頂......都唔知佢做乜!!!
完全無劇情都唔係一個問題，因為我都預左
但係最大既問題係.....套戲根本就唔好笑!!!!
Twins係套戲入面無無謂謂咁，每句對白一人講一次
肉彈鍾麗緹又係好無聊....
都係算吧啦.....都唔想再講~~
____________________________________________________________________________
而家無線夜晚又重播返"法網伊人"
好好睇Ga，所以而家晚晚都會睇~~
郭可盈真係鬼火咁靚.....
呢套劇真係不容錯過啵!!!
好過睇個D咩...."怪俠一枝梅"啦!!!
>>February 2, 2004 at 4:32:15 PM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
2004年2月8日 ．禾輋濟水+book場打排球+打通頂麻雀．
2004年2月7日 ．喜．
2004年2月1日 ．嚴重．