|
2004 年 3 月 9 日 星期二 【微冷】
9.3.04．失落園．
失落感儼如手機既短訊，成日不請自來
情況就好似女性既月事....間唔中就會黎搵我
究竟係咩問題??係人地既問題定我既問題??
其實.....我心知肚明.....兼心裡有數....
夜晚就係俾呢份無名既失落牽制住....
唔好話溫書，連飯都唔想食
心情本來已經麻麻，一返到屋企
電視做緊"血薦軒轅"，見到鄭老抽令我更加無奈....
所以即刻入左房玩個腦就算，飯都無食到
對住個腦，個心又諗緊另一樣野
成晚都痴痴呆呆......成個廢人咁.....雖然原本已經夠廢....
____________________________________________________________________________________________
收到信，我竟然批左full grant
係度讀都竟然批到full grant，應該可以話係絕無僅有
不幸中之大幸.....其實原本係好開心
批左呢舊grant，令我好矛盾
對得住屋企，不過對唔住香港社會
不過再睇真D，由於我唔會完成成個課程
所以D Grant都會自動變做Loan
大幸中之不幸......或者換個角度
可以俾我清左Non-means筆孽債，已經好好好好....
______________________________________________________________________________________________
我唔會迫人去做D人地唔想做既事....
一個唔想，同十萬個唔想根本就無分別
俾你迫到，人地都唔係心甘情願
絕對係無聊無恥兼無意思.....
尋日都講過，要always be considerate!
我唔要做一個trouble maker.....
_____________________________________________________________________________________________
「招聘啟事」
誠徵:膽大，身上有$40既勇士一名!
任務:陪我睇"咒怨輪迴"
日期:任你定
酬勞:我既由衷感激....如果你稀罕既話
>>March 10, 2004 at 6:00:14 PM GMT+8
2004 年 3 月 8 日 星期一 【晴】
8.3.04 ．講英文．
Please be considerate. Always think of the other party's feeling before taking any action, unless that person is the one that you don't care about. Perhaps it would not be easy to practise, but it is undeniably important for sure. Everyone around thyself would be more delighted if they could acheive warmth from somebody else.
________________________________________________________________________________________________
怎麼會那麼笨 張柏芝
路燈亮了 城市睏了 電視轉呀轉到另一個凌晨
貓也餵了 衣服洗了 藥也吃了 心又痛了沒人問 是呀
我們沒緣份 像你講的 有沒有可能 先分開一陣
心慢慢冰冷 我試著微笑 掙開你懷抱 我想逃 天邊或海角
怎麼會那麼笨 心怎會那麼疼 可憐的是 還以為愛只有快樂成份
天真好不好 我努力自嘲 夜色更暗了 怎麼會那麼笨 心痛了才揭曉
每個人都有權力 在沉溺之前逃跑 天又亮了 靈魂哭了
我拉不住傷心 往回憶的路上奔跑
>>March 9, 2004 at 1:23:45 AM GMT+8
2004 年 3 月 8 日 星期一 【微冷】
7.3.04 ．笑柄．
下晝係屋企悶悶地既時候，收到吉米既一通電話
佢話佢去完佢個friend係中大既畢業禮，無野做喎
既然我又無野做，當兩顆寂寞的心相遇時
自然就係出街行下啦.....
我地約左係又一層，諗住經city去南山食飯既
點知呢，一入city，經過圖書館就見到阿樂出黎啵
一問之下先發現大May豬原來返左黎開會，好鬼勤奮
咁我地梗係叫阿樂帶我地上soc房搵佢啦
不過呢....大May豬見到我同吉米黎搵佢又好似唔係咁高興咁
仲的左阿樂去鬧....其實又關阿樂咩事呢....
係我地叫佢帶我地上去Ga嘛....
不過最後我地四個都係去左南山食飯
食完之後佢地就返city繼續忙
我同吉米就行又一層喇.....
行左三個鐘都有，係又一層真係無野岩買
八成以上都係名店....我呢d學生哥又點能夠擔當呢??
所以主要都係window shopping為主~~
不過我地傾左好多野就真既....
______________________________________________________________________________________________
到1900，吉米就要返屋企食飯
咁我約左首領佢地2100 Ga嘛，仲有大把時間
咁我就同吉米搭火車出到大學
我唔出閘，再搭返轉頭出大圍...
搵左秋玲同我食飯，不過佢係睇我食既~
食完之後，就去打毛羽球喇~
首領係顯徑book左場打兩個鐘
去既有我啦，首領啦，秋玲啦，蛙仔啦，鼠欣同阿蓋
丫係，仲有首領個細細佬....
兩個鐘，覺得好快就過左....因為太好玩喇實在~
最攪笑既係臨尾我同首領一team，對住阿蓋同鼠欣
由2252開始打，打贏左佢地既時間係2254.....kakakkakakakakkakaka~~
無錯，只係兩分鐘既時間，就打皺左佢地
阿蓋仲心有不甘，要再黎多round...
不過結果都係佢地輸啦當然...仲要用左4分鐘呀....
唉，我地個個都不約而同咁輸俾首領
我覺得最大既原因係因為我地唔夠佢咁狗....
打埋D波陰陰濕濕咁....都接唔到既.....頂佢.....
打完之後，唔駛問阿貴，梗係食糖水啦
我地6個人係清心棧又係鬼殺咁嘈....
無他既....仲有邊個會令到我地咁開心丫
諗起有隊"The Worst Team"搵肥野去參加恐怖小姐就笑到拍晒檯
你諗下佢....著旗袍....著泳衣.....
真係每個觀眾派10個紙袋先alright呀.....
食完之後，就各自返屋企喇~~
_________________________________________________________________________________________________
回覆大May豬:
唔駛心急，星期三就見到你啦!!
希望今次見你你會開心D啦.....
係喎，話時話，係你唔同我睇我先睇唔成Ga喎...
仲好講既你??作死呀????
>>March 9, 2004 at 12:55:17 AM GMT+8
2004 年 3 月 6 日 星期六 【微冷】
6.3.04 ．相聚．
下晝係屋企再睇多次"忘不了"
好奇怪....今次睇既感受，比第一次係戲院睇仲要深
愛一個人，需要付出，付出到點，就因人而異
但有幾多人真係可以好似張柏芝咁呢?
張柏芝對古天樂既深情，我唔敢話一定無
但世上一定係絕無僅有!!
仲有不得不提係張柏芝送佢個仔去保良局個場
真係眼淺D都俾佢攪到流馬尿......
佢個仔真係超得意，勁Q~
其實，忘不了都唔係一件好事
最壞既情況係將自己迫左入一個死胡同
到時自己唔開心，身邊既人又唔開心，何B呢?
真係好想張柏芝憑呢套戲做最佳女主角~
_____________________________________________________________________________________________
夜晚，同左淑君，大笪食飯
去左女人街一間不知既野食車仔麵
D野食完全唔alright.....應該都唔會幫襯下一次~~
食完之後又係例牌菜---食糖水~~
係許留山好大膽咁食左個龜苓膏....
上次黐人食過一啖，覺得都無乜野
同埋而家晚晚都夜訓，諗住清下熱氣，謀殺暗瘡....
點知食食下，好似有D唔對路
最後每啖要用糖水浸住先食到....
不過為左皮光肉滑，區區一盅龜苓膏，碎料啦....
完全係可以食晒呀....不過用左半個鐘之嘛~~
食完之後，就各自鳥獸散喇.....
最wonderful既係，食完糖水之後既第一篤尿
竟然有好大陣龜苓膏味......@@"
_______________________________________________________________________________________________
返到屋企，同媽媽，哥哥，阿甄打左四圈麻雀
又贏左成$50.....好野!可以拎黎入八達通~~
_______________________________________________________________________________________________
做人都係腳踏實地好D....
太過沉醉係自己既世界，會脫離現實Ga!
>>March 8, 2004 at 10:59:27 PM GMT+8
2004 年 3 月 5 日 星期五 【晴】
5.3.04 ．犯眾憎．
上完堂之後，同左歐佬&吉米係新can食lunch
佢地又黎左.....不過唔知為乜~
食完之後，歐佬留守係poly溫書
我同吉米就出左隆亨溫....
不過其實都係傾計多過乜~~~
我相信坐係我地兩個附近既人都會好想dup我地
我地兩個都唔係人黎既....細聲講大聲笑....吹漲.....
晏少少鼠欣黎左搵我，因為我有野要俾佢
跟手仲同埋秋玲三個係隆亨3樓吹左勁耐
之後呢，我就返左黃大仙搵媽媽喇~
染左呢個頭之後第一次見媽媽
佢既反應.....竟然係出奇地平靜啵....
佢仲可以笑笑口咁問我做咩攪到成個飛仔咁...
傻啦....邊似飛仔呀....阿蓋就似....我型咁多!!
佢淨係話我用左三舊水去整個頭，好side錢!!
算啦，一分錢一分貨.....三舊水可以接受喎我覺得...
難得既係好多人都話好睇嘛....
_____________________________________________________________________________________________
呢排個腦成日都plug緊呢首歌....越聽越鍾意
終生學習 鄭融
街中盼望你 我懂得靜候也是種福氣
有天等到你 然後我學會極勇敢不會逃避
再學習容納你 嘗試天天謹記每點相處的甜味
能夠學懂怎親你 定會很回味
如有點情迷意亂 讓我許個願
專注地眷戀 而恆心亦不耗損
未如願相戀 便學習單戀
談情如跳舞 間中轉個圈
從來未放棄嘗試 最大志願
也不管這過程多麼辛酸
縱使尋常地又失戀
學習未會完 直到有一天
內心等到美麗大團圓
若快樂太少但太多兜轉 從來未厭倦
不忍告別你 縱使多寂寞也學懂捨棄
看穿這真理 明白快樂永未夠多不夠回味
要學習原諒你 才了解怎麼你我竟走到這田地
能夠學懂不憎你 便有新轉機
從來未厭倦 從來未間斷 直到你走遠
>>March 8, 2004 at 9:10:17 PM GMT+8
2004 年 3 月 4 日 星期四 【微冷】
4.3.04 ．爆頭．
今日下晝出左去打牌，打左一個下晝
贏左$13......呢D唔好講啦!
有筍野推薦俾大家呀!!!!
________________________________________________________________________________________________
夜晚同Kathy &小肥出左去睇"拳霸"
開頭我仲嫌呢套係泰國片，所以無興趣
但係我呢個想法真係太過低能喇
如果唔睇一定係損失!!!
$40入場淨係睇佢D動作場面都抵到爆呀!!!
男主角柏朗伊雲真係好勁好勁，又型
睇佢打交既動作睇到我血脈沸騰
每個動作，一拳一腳都好乾淨俐落
拳拳到肉，身手敏捷.....真係睇到我目瞪口呆呀!
開頭睇佢點樣避追佢既人，已經睇到我嘩嘩聲
但係咁都未算勁，中場睇佢打拳打贏幾條友
都係好正好正....不過好戲係在後頭既~~
臨尾個二十分鐘，先係全套戲既高潮同精髓
真係打到爆晒頭咁Ga....
有睇過既人一定知我講緊咩!!!!
雖然套戲係有少少暴力，不過我覺得都可以接受
全套戲108分鐘，密集式既動作場面
帶俾我無得頂既官能刺激!!!
真係要推薦俾我既所有朋友呀!!
由呢套戲我亦睇得出，打人最緊要係用手踭同膝頭
睇準時機，一野鋤落對方個頭度，即刻ko唔駛講野!
泰國真係一個好迷信同迂腐既國家
為左一個佛像個頭，真係可以命都唔要....
同時睇完之後都要慨嘆一句:成龍，收皮啦!!
_________________________________________________________________________________________________
回覆肥婆殺手:
肥野讀咩關我鬼事咩.....
佢會唔會咁勁hack到我個腦呀?
仲有喎，作詩個個好似係你唔係我啵!!
唔好混淆視聽呀唔該!
>>March 5, 2004 at 1:56:13 AM GMT+8
2004 年 3 月 3 日 星期三 【颳風】
3.3.04 ．娛樂你朋友．
我愛大面.........呢位朋友~
原來除左大波心之外，仲有人係可以為我地帶無限歡樂
話說今日我去左隆亨溫書
之前同左吉米，麥希同大面去鹿苑食Lunch
期間大面低低能能，白白痴痴
做左九百件，講左一千句叫我地幾個笑到拆天既野.......
但我唔打算係度講俾大家聽
因為唔係現場係感受唔到個種......歡樂!
喂,麥希!!!你幾時至買隻"Meow Meow"返屋企呀???
我都好想玩呀!!!!!!
仲有呀....大家食麵記得斯文D，唔好咁大力cher呀
如果唔係就會有"噴水池"Ga喇.....
大面氹人開心既技倆，我地都嘖嘖稱奇呀!!
不過呢...好唔開心呀....我輸左個性器官俾大面呀....
點算好呀???
______________________________________________________________________________________________
之後我同吉米去左隆亨溫書啦
晏D歐佬，梁錦松同yoyo都有黎
今日梁錦松仲教左我范杜能添呀.....
雖然我聽完都係唔識......
不過我自己都溫左成個下晝Geog Ga....
跟住又落左七仔食左少少野啦.....之後又上返去繼續努力喇~
上返去，唔讀geog住喇.....做英文
唉....D英文超cheap呀我.....做左幾篇proofreading
都係持續岩得一半多少少.....死得啦咁即係....
______________________________________________________________________________________________
做到2115到，我同吉米，歐佬就走喇
去左菓之店食糖水~~~
走個陣，出面超凍超大風....
前幾日係夏天feel Ga嘛，今日又有返冬天feel喇
大自然既威力真係不能夠睇小，話熱就熱，話凍就凍....
我地呢D渺小既人類咪只有好被動咁......硬食囉!
_________________________________________________________________________________________________
可能讀書讀得耐，呢輪都有一個奇怪既想法.....
就係好想搵日得閒，出去海邊，最好就無乜人啦....
我就對住個海，大嗌三聲粗口
然後拂袖而去，頭也不回......
________________________________________________________________________________________________
回覆yoyo:
乜係Ga咩?我唔知啵....
我都唔拖欠電話費既...
今次係意外黎Ga咋....
______________________________________________________________________________________________
回覆大波心:
係哩....快D轉數碼通啦~
咁我地又可以心連心喇
得閒send下SMS都仲得!
你知啦....我地咁少出街~~
______________________________________________________________________________________________
回覆肥婆殺手:
你都低能既!肥野係告都告你啦!!
我笑得佢多定你笑得佢多呀??
你又作詩取笑人喎....我都無~~
你正人渣!
______________________________________________________________________________________________
回覆秋玲:
下!??當然唔介意啦，做咩要介意呀?
有咩好介意呀????
仲好添，唔該晒~~~
>>March 4, 2004 at 1:54:04 AM GMT+8
2004 年 3 月 2 日 星期二 【颳風】
2.3.04 ．怒啤瑪莉．
今日我發覺原來而家D大專生好鬼無聊
係度玩埋D低能野.....
雖然係好玩，不過都唔好攪到人丫
話說今日係Core R既5樓，我同歐佬講緊野
講講下，無啦啦有張紙掟埋黎
我仲以為係識既添....點知望一望
係三條唔識既豬腸粉係度玩掟紙
跟住掟到我....pork街.....
個一刻我即刻唔笑，望實佢地...
佢地仲係度笑.....我就再望....
跟住先有個女仔講對唔住.....
我唔係話要兇人呀，但你掟到人唔該唔好係度當無事咁笑騎騎丫
而家D年青人真係唔要得~~~
_______________________________________________________________________________________________
各位朋友，你地有無人同Sunday Ga??
同時無，就恭喜晒啦，用緊既.....快D轉台喇~~
仲有千祈唔好爭佢地錢呀....如果唔係
首先會收到一張帶有恐嚇意味既警告信一張
繼而就會收到律師信一大封.....即係好似我咁~
百幾蚊之嘛...好似爭佢十萬九千七咁.....頂佢!!
總之，大家快D嗱嗱聲，轉啦.....
_______________________________________________________________________________________________
天氣又轉涼.....
都係個句，小心保重身體啦~~
_______________________________________________________________________________________________
回覆肥婆殺手:
原來你既能力係咁強既.....失覺晒真係~
咁肥野同夫人一定晚晚都如魚得水咁啦~~
kakakakkakakakakakkakakakaka~~~~
>>March 3, 2004 at 1:56:26 AM GMT+8
2004 年 3 月 1 日 星期一 【晴】
1.3.04 ．死亡帖．
又一個月喇喂......
今日返去上普通話，覺得時間過得好快
因為同康婷傾左兩堂計.....
落堂之後，去左搵yoyo嗲左兩咀
佢同佢d朋友都話我個頭無野,仲話幾好睇添呀~~~
都好......幾舊水Ga整左.....heeheee~~
之後同左首領出新城市食lunch
首領又係話我個頭無野....
雖然佢D評語都可以不理Ga喇....哈哈~~~~
之不過咁，今日硬係凝住條制好多人望住我
特別係poly入面.....
_____________________________________________________________________________________________
同首領食完野之後就返屋企喇
佢要去威爾斯做變性手術
所以就一齊搭80K走喇~~
返到屋企樓下開信箱，收到張准考證
對我黎講儼如一張死亡帖，推我去死咁.....
連准考證都收埋，真係迫在眉睫喇~~
真係唔好再懶喇Edison.....好啦!我會繼續努力Ga喇~~~~
_______________________________________________________________________________________________
回覆肥婆殺手:
聽住喇....個答案係咁既.....hahahahahahaah~~~
肥野同夫人實晚晚都好開心啦.....
E 性能力指數90分
《做愛百科大全》肯定是你的最愛。不斷變換的招式，讓另一半永遠只有喊累討饒的份。
其他答案如下:
A 性能力指數50分
你的性愛功夫可說是「一招半式闖江湖」。雖然可能會令對方覺得乏味，但也容易叫人放心。
B 性能力指數85分
你的個性闊達、不拘小節，甚至還帶點孩子氣，因此常讓對方興起憐愛之心，做愛時會彼此營
造出特別溫柔的感受。
C 性能力指數60分
你是個很重視環境的人，燈光美氣氛佳，加上一張舒適的大床，肯定能讓你達到高潮。
D 性能力指數100分
你的床上功夫可說是耐力持久，而且激烈瘋狂。所以，你的情人也一定得跟你有同樣的嗜好才
行。
F 性能力指數70分
你是個想到什麼就去做的人。發生在對的時間，你就會情意綿綿；若是個不對的時間，可能會
半點慾望也沒有。
個答案just for fun Ga姐，唔會引起大家尷尬....
>>March 2, 2004 at 12:04:48 AM GMT+8
2004 年 2 月 29 日 星期日 【晴】
20040229 ．大膽嘗試．
今日一起身，係屋企睇有線電影台
一睇就連左兩套戲，分別係"暗戰2"同"男歌女唱"
"暗戰2".....不過不失咁啦....咁當然無第一集咁好睇
硬係覺得呢d戲唔係咁適合鄭杯麵做
點睇都係怪怪地.....
跟住之後係"男歌女唱"，之前係無乜興趣既
覺得應該會係套無聊戲....
不過見未睇過，又有梅艷芳做
咁就睇下啦.....睇完之後
果然係一套無聊戲，不過幾好笑
同埋梅艷芳係戲入面唱陳百強既"等"
唱得極度好聽.....聽出耳油~~
____________________________________________________________________________________________
之後出左警察宿舍整個頭
今次做左個嶄新既嘗試.....染左隻之前未染過既色
其實我係想染啞灰色既
不過染左出黎，又好似有少少出入
而家呢隻我都唔知叫做咩色
墨綠呀??我都唔知呀....下次見到大家話我聽丫唔該
不過由於染得勁，所以要漂個頭
第一次漂，嘩.....超級乸呀!!!!乸到勁痛!!
個頭好似完全唔屬於自己咁.....好鬼死激呀!!
仲要持續乸左幾個字.....wow!!!!!好甘趣呀!!
漂完之後，嘩，完全係金色既個頭
好似旺角個D古惑仔咁Ga.....哈哈~~
我都忍唔住即刻幫自己呢個古惑仔look影返張相
漂完之後，再染另一隻色....又攪左勁耐
好喇，染完之後，又要再剪
今次個頭剪得同之前有少少唔同....少少啦
不過我覺得都幾好睇Ga!!!
今日咁樣攪一攪，攪左三百幾蚊
仲要係個度坐左4個鐘...坐到勁累~
4個鐘呀.....女仔電頭都唔駛啦...
我仲阻住人地收工添呀....
_____________________________________________________________________________________________
攪完個頭之後，同Kei Yiu去左食Hap Hap Hapizza
好耐無食過,仲食到勁爆添~~
食完再兜左陣就返左屋企喇....
______________________________________________________________________________________________
今日染完個頭之後，我完全foresee到我媽媽既反應
我實俾佢鏟到上天花板....
不過都無辦法Ga喇，唔染都染左
咁而家趁後生，梗係咩都試下Ga嘛
唔通40歲先玩咩....
我而家20歲，就黎21添喇
以前讀中學，做學生哥個陣就一定唔駛諗Ga
就算而家讀緊大專都唔代表可以想點就點
之前又要搵part time，唔方便攪到自己個頭咁誇張
係呢幾個月，要考A-Level，暫停搵工
先有個藉口俾自己去染下頭.....
雖然染下髮其實係雞毛蒜皮既一件事
不過人一世物一世，我覺得真係咩都要試下
無論好或者唔好，衰左又唔駛死既
我而家20歲碰過釘,總好過我40歲過左半世人
先發覺自己咩都無做過，過往既生活原來一片空白
咁就喊都無謂啦.....
青春，一生人得一次，好好把握，先至不枉此生!!
_______________________________________________________________________________________________
回覆大May豬同肥婆殺手:
你兩個嗱嗱聲玩個心理測驗先啦
特別係首領呀，真係一定要答呀!
>>March 1, 2004 at 2:13:17 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
9.3.04．失落園．
8.3.04 ．講英文．
7.3.04 ．笑柄．