|
2004 年 3 月 29 日 星期一 【颳風】
【Ready for the battle!】
沾寒沾凍咁樣......
好白痴咁，出左北角與炮台山交界
近金文泰中學一轉.....其實我都唔知出去做乜~
我都唔知自己做緊乜野
出到去，又唔識路，去一笪地方問左勁多人
問著一個學生妹，勁唔掂，我都未講我去邊
我淨係話"唔該唔該....."，佢就標走左....pork街...
真係想摑死佢......
1900左右，返左九龍塘問yoyo借左訓收音機
仲攪到佢要特登係九龍塘落車，真係唔該晒
之後我都搭80M返屋企喇~~
聽日，我就要去出征喇!!!
不過唔知點解，心情都頗為輕鬆
無乜緊張既感覺，要溫既我都溫晒~
不過唔驚都正常既，仲有咩風浪未見過丫....
區區一科文化.....挑~~~~駛驚你呀????
聽日，0830-1500，地點係五育中學
我黃大B要同文化決一死戰!!!
誓要贏漂亮的一仗!!!!
>>March 29, 2004 at 11:55:24 PM GMT+8
2004 年 3 月 28 日 星期日 【微冷】
【我愛麗琪】
今日起身時間係1230，又訓左10個鐘...
之後本來係出隆亨既....
不過由於要食野既關係，所以好遲先去到
晏晝同左秋玲、高妹、啤梨，仲有秋玲個姪
去左意大利粉屋度食....
D野不過不失咁啦....由於啤梨有membership card
所以食到好飽都唔算好貴~
四十幾蚊咋....平時點止呀....抵呀!!
食完之後，都已經1600，不過我都係去左隆亨
雖然我明知佢今日係閂1800...
去到做左兩年既listening既past paper
好似唔係咁alright....
不過呢個時候我唔會容許任何野影響我既考試情緒
所以....我會一笑置之....kakakkakakakaka~~~
1800之後，同左歐佬吉米搵一搵間梁文燕既位置
因為吉米係個度考....頂佢個肺....
個度簡直係最gap位置，條奪命長斜行死人呀
好在唔係我係個度考咋....
之後我地又出左新城市，因為我要買鞋呀
今日....終於終於買左對麗琪喇!!
雖然折左之後都要成五舊水，不過我覺得都抵
一分錢一分貨呀嘛~~
跟住就返屋企喇.......
收到個E-mail，主題係「十九種不良生活習慣」
就係下面呢堆喇.....
1.起床先疊被
人體本身─也是一個污染源。
在一夜的睡眠中，人體的皮膚會排出大量的水蒸氣
使被子不同程度地受潮。
人的呼吸和分布全身的毛孔所排出的化學物質有145種
從汗液中蒸發的化學物質有151種。
被子吸收或吸附水分和氣體，如不讓其散發出去
起床就立即疊被，易使被子受潮及受化學物質污染。
2.不吃早餐
不吃早餐的人則通常飲食無規律，容易感到疲 倦，頭暈無力
天長日久就會造成營養不良、貧血、抵抗力降低
並會產生胰、膽結石。
3.飯後鬆褲帶
飯後鬆褲帶可使腹腔內壓下降
消化器官的活動與韌帶的負荷量增加
從而促使腸子蠕動加劇，易發生腸扭轉
使人腹脹、腹痛、嘔吐，還容易患胃下垂等病。
4.飯後即睡
飯後即睡會使大腦的血液流向胃部，由於血壓降低
大腦的供氧量也隨之減少，造成飯後極度疲倦
易引起心口灼熱及消化不良，還會發胖。
如果血液原已有供應不足的情況，飯後倒下便睡
這種靜止不動的狀態，極易招致中風。
5.飽食
飽食容易引起記憶力下降，思維遲鈍
注意力不集中，應激能力減弱。經常飽食
尤其是過飽的晚餐，因熱量攝入太多
會使體內脂肪過剩，血脂增高，導致腦動脈粥樣硬化。
還會引起一種叫“纖維芽細胞生長因子”的物質
在大腦中數以萬倍增長，這是一種促使動脈硬化的蛋白質。
腦動脈硬化的結果會導致大腦缺氧和缺乏營養
影響腦細胞的新陳代謝。
經常飽食，還會誘發膽結石、膽囊炎、糖尿病等疾病
使人未老先衰，壽命縮短。
6.空腹吃糖
越來越多的証據表明，空腹吃糖的嗜好時間越長
對各種蛋白質吸收的損傷程度越重。
由於蛋白質是生命活動的基礎
因而長期的空腹吃糖，更會影響人體各種正常機能
使人體變得衰弱以致縮短壽命。
7.吃太鹹的食物
鈉在人體內滯留，容易形成或加重高血壓和心臟病。
8.留鬍子
鬍子具有吸附有害物質的性能。
當人吸氣時，被吸附在鬍子上的有害物質就有可能被吸入呼吸道內。
據對留有鬍子的人吸入的空氣成分進行定量分析
發現吸進的空氣中含有幾十種有害物質
其中包括酚、甲苯、丙酮、異戊問二烯等多種致癌物
留有鬍子的人吸入的空氣污染指數
是普通空氣的4.2倍。
如果下巴有鬍子，又留八字鬍
其污染指數可高達7.2倍
再加上抽煙因素，污染指數將高達普通空氣的50倍。
9.蹺二郎腿
蹺二郎腿會使腿部血流不暢，影響健康。
如果是靜脈瘤、關節炎、神經痛、靜脈血栓患者
蹺腿會使病情更加嚴重。尤其是腿長的人或孕婦，很容易得靜脈血栓。
10.瞇眼看東西、揉擦眼睛
瞇眼看東西，眼角易出現魚尾狀皺紋。
習慣性瞇眼還可使眼肌疲勞、眼花頭疼。
揉眼時，病菌會由手部傳染眼睛，導致發炎、睫毛折斷或脫落。
11.強忍小便
強忍小便有可能造成急性膀胱炎
出現尿頻、尿疼、小腹脹疼等症狀。
美國科學家發布的一份研究報告指出
有憋尿習慣的人患膀胱癌的可能性比一般人高5倍。
憋尿時，膀胱貯存的尿液不能及時排出
形成人為的尿瀦留。如經常憋尿
就會使括約肌和逼尿肌常常處於緊張狀態
如果憋尿時間過長，膀胱內尿量不斷增加
還會使內壓逐漸升高，時間長了就會發生膀胱頸受阻症狀
造成排尿困難、不暢，或漏尿、尿失禁等毛病。
在尿瀦留時還易引起並發感染和結石，嚴重時還影響腎功能。
12. 伏案午睡
一般人在伏案午睡後會出現暫時性的視力模糊
原因就是眼球受到壓迫，引起角 膜變形、弧度改變造成的。
倘若每天都壓迫眼球，會造成眼壓過高，長此下去視力就會受到損害。
13.俯睡(趴著睡)
俯睡使脊柱彎曲,增加肌肉及韌帶的壓力
使人在睡覺時仍然得不到休息。
此外，還會增加胸部、心臟、肺部及面部的壓力
導致睡醒後面部浮腫，眼睛出現血絲。
14.睡前不洗臉
留在臉上的化妝品不洗掉，會引起粉刺和針眼之類的炎症
還能使眼睛發炎，引起皮膚過敏反應。
15.睡前不刷牙
睡前刷牙比起床後刷牙更重要
這是因為遺留在口腔中和牙齒上的細菌
殘留物在夜裡對牙齒、牙齡有較強的腐蝕作用。
16.睡懶覺
睡懶覺使大腦皮層抑制時間過長
天長日久，可引起一定程度人為的大腦功能障礙
導致理解力和記憶力減退，還會使免疫功能下降
擾亂肌體的生物節律，使人懶散，產生惰性
同時對肌肉、關節和泌尿系統也不利。
另外，血液循環不暢，全身的營養輸送不及時，還會影響新陳代謝。
由於夜間關閉門窗睡覺，早晨室內空氣混濁
戀床很容易造成感冒、咳嗽等呼吸系統疾病的發生。
17.熱水淋浴時間過長
在自來水中，氯仿和三氯化烯是水中容易揮發的有害物質
由於在沐浴時水滴有更多的機會和空氣接觸
從而使這兩種有害物質釋放很多。
據收集到的數據顯示，若用熱水盆浴
只有25％的氯仿和40％的三氯化烯釋放到空氣中
而用熱水淋浴，釋放到空氣中的氯仿就要達到50％
三氯化烯高達80％。
18.賭博
賭博之所以有害於一個人的身心健康
是因為賭博本身是一種強烈刺激，長期進行賭博
可使中樞神經系統長期處於高度緊張狀態
容易引起激素分泌增加，血管收縮，血壓升高，心跳和呼吸加快等
會增加心血管疾病的發病率，還會患消化性潰瘍和緊張性頭疼。
19.生活過度緊張
從事腦力勞動和做生意的一些中青年人
他們的生命機器在整日超負荷運轉
由於他們在心理上的競爭欲強
在生理和心理方面皆承受著巨大的壓力。
過度的腦力和體力勞動後，隨之而來的是抗疲勞和防病能力的減弱
進而可能引發多種疾病。
十九樣入面，我都好似有超過十樣
雖然係咪妻我就唔知....不過我都深信
我既生活習慣係唔太健康既...
你又有幾多樣呀???
>>March 29, 2004 at 12:42:41 AM GMT+8
2004 年 3 月 27 日 星期六 【晴】
【悶氣攻心】
悶悶悶....
今日無出過屋企門口，所以好悶
今日係屋企煲文化篇章，所以好悶
今日係星期六，電視無野好睇，悶上加悶...
綜觀以上幾點，今日悶氣迫人
沉悶指數:★★★★★(爆燈呀!)
之不過咁樣....下晝無所事事
拎住個remote禁黎禁去，發覺cable電影台一如以往般
做埋晒d舊戲，不過今日做左套我睇極都唔厭既戲
個戲名叫做《夏日的麼麼茶》
其實個陣我已經係戲院睇過Ga喇....
不過之後每次電視做，我都會睇既
除左呢套之外，其實仲有好多戲都係睇極唔厭既
例如....《家有囍事》啦....《同居蜜友》啦.....《新紮師妹》啦.....等等等等
鍾意睇《夏日的麼麼茶》，同佢首主題曲有好大關係
呢套戲既主題曲好好聽....係呢首....
《快樂不快樂》 鄭秀文
咖啡淡了 是因為冰塊溶了
沒怎麼了 淡了就是淡了
擱在桌上還要不要
不再愛了 是因為感情壞了
你怎麼了 壞了就是壞了
沒有什麼大不了
我們不快樂 快樂後不再快樂
就在最後的一秒 抱了 吻了 哭了
快樂不快樂 沒什麼快不快樂
就在最後的一秒 我們的關係 就這樣了
天亮醒了 是因為心情好了
沒怎麼了 我會愛上另外的人
愛情 大概都這樣了
回覆charlie(id=109752):
我間小學.....同你估既係一樣
都係「聖」字頭既...不過唔係「聖安當」
係「聖公會主風」啵....
不過其實全港既「聖公會」小學，都呢首校歌Ga~~~
仲有.....你係何方神聖呀?點解會黎到我呢個dairy既??
難道你都係《我這麼不罕見 還是有自傳 》既讀者??
>>March 28, 2004 at 1:06:25 AM GMT+8
2004 年 3 月 26 日 星期五 【暴雨】
【中英文的重溫】
0815電話響....當然，係俾我禁停左啦
之後繼續訓....唉....返咩學丫仲....非常時期呀
訓飽之後去溫書仲好!!
訓到1200先起身，之後出左去溫書
之前同歐佬吉米去左Yammy食埋野先~
上到去自修室，就開始努力喇
可能今日只係溫中英文，無掂過Geog
所以進度出奇地好，自己都非常滿意今日既狀態
仲做到一篇全對既Matching
可以話係"十年唔逢一閏"呀...真Ga~
以前都好少會做到全對既matching!
之後再做下Summary Cloze都尚算ok
仲睇左D Writing....無錯，係睇左D!
基本上，作文唔駛用深字，有point已經足夠
咁當然又唔可以有太多既grammatical mistake啦
凸然，D信心返左黎.....kakakakakakakka~~
之後再睇下實用文同文化篇章
基本上都係無咩問題，好多野都好快上到手
雖然，我都只係睇過D實用文，並無做過
不過呢個唔係重點，我上年考個陣作信
之前都係未作過Ga啦，第一次做就係考A-Level喇
個成績都一樣ok，Therefore，實用文都並唔係我最擔心個樣
文化篇章先係，所以我會擺多少少時間係呢度啦!
1930返到屋企，有人知道我幾日以黎無乜點溫過書
特登打黎慰問下.....kakakakkakakkakakaa~~
係喇，我知道Ga喇!!!我會做最後衝刺
唔會令大家失望既~~~
中英文，睇住黎啦!!!!我未驚過呀!!!(中文oral除外)
回覆下大家既留言先.....
回覆吉米:
乜我有應承過同你睇見鬼2咩?
我真係唔記得喎....
至於受難曲嘛...又要等埋你考完Econ先
麻鬼煩....睇下想唔想等啦!!!
回覆奀豬:
第一次黎番言啵....歡迎歡迎!!!
係哩....你都覺得得意哩....
等我係ICQ度教你啦~~
唔多唔少，一餐飯你走唔甩Ga喇!!!
kakakakakkakakakaka~~
回覆秋玲:
唔駛客氣啦...大家咁熟
見你一顆寂寞的心，係度蕩漾蕩漾
我當然要仗義幫手啦....
下次當我又芳心寂寞個陣
你都要飛奔出黎慰藉我喎!!!
至於今次，都係唔多唔少，一餐飯走唔甩啦~~~
kakakakakakkakkakakkaa~~
>>March 27, 2004 at 12:57:35 AM GMT+8
2004 年 3 月 25 日 星期四 【雷雨】
【04親切】
訓醒之後，睇埋隻"鬼王再生"，都唔多好睇既
成套戲都係殺殺殺，兩隻鬼係度殺黎殺去
都唔係好知做乜....場面又唔係真係好核凸
好在個陣最後都係無入到場睇咋....
睇完之後，就返左出黎沙田
返左屋企之後，玩左陣.個腦同食左個麵
又再出左去喇.....因為秋玲打俾我
佢話佢芳心寂寞喎
咁我就出左去慰藉下佢啦...
同佢去左地利番西食野
之後啤梨都黎埋啵....
好似好耐無見過啤梨嚕~~~~
跟住就去左麥當當坐喇....一坐!!!!!
就坐到2230....其實又無他既....都係吹下水個隻啦
我係屋企出門口個陣，係1900
我同爺爺嫲嫲講話出去一陣就會返
點知一出就出左4個鐘......噢!!!太過份了~~~~
去左媽媽度訓左差不多一個禮拜
返返黎我心愛既沙田....唔.....吸啖氣都零舍親切~
>>March 26, 2004 at 10:40:16 PM GMT+8
2004 年 3 月 24 日 星期三 【晴】
【地球的另一端(下)】
係屋企無所事事，所以又同左媽媽去遊遊蕩蕩
我地係行左德福先既，不過德福真係太無野行喇
所以我地又出發去地球的另一端喇
今次呢端又唔同上次個端喇啵
今次我地去左將軍澳.....
其實我都唔知將軍澳有咩好行
不過見咁大個仔都未入過去，咪去兜個轉囉
據說將軍澳有個大型商場，叫做新都城
應該都會有野好行卦.....
我地係九龍灣搭地鐵出去
去將軍澳喎，咁咪係將軍澳落車囉
點知一出閘，咩都無，靜蠅蠅咁
我眼見淨係有好多間中小學....
一D都唔似有野行啵.....
點知問原人之後先發現，我地白痴左
原來應該係係寶琳站落車先岩....確實係俾佢陰爆左....
所以我地再搭多程車出去喇
落車之後，唔.....終於都入左新都城喇
不過其實我覺得都無咩特別
可能對沙田真係有情意結，總係覺得新城市先係最正既
係咁易行下行下，到六點幾就返屋企喇
係寶琳搭地鐵返黃大仙，原來都只係二十分鐘到
所以再一次証明，其實地球的另一端都唔係咁遠咋啵~~
返屋企之前，係樓下租左兩隻碟
一隻叫"真的戀愛了"，一隻叫"鬼王再生"
夜晚睇左隻"真的戀愛了"
其實套戲都想睇左好耐....因為人人都話好睇Ga
不過我最後都無入到場....
睇完之後覺得，其實都唔係咁好睇Jeh
同埋有D悶囉....特別係disc 1，disc 2就好少少
不過總括黎講....都係麻麻地
都唔知D人覺得邊度好睇....
唔通我個人唔夠浪漫，所以無乜共鳴?
睇完既時候，都已經係0300
除左訓覺，都應該係無野好做喇....
zzzZZZZzZzZZzzZZzzzzZzzZZz
>>March 26, 2004 at 1:26:44 AM GMT+8
2004 年 3 月 23 日 星期二 【晴】
【插我】
放學之後返屋企，就收到個電話
個來電顯示係無名既，得個冧巴
咁我就聽啦.....點知.....係教negotiation個lecturer打黎既
佢終於都打黎喇....佢仲好似想插我咁
又話我唔考mid-term，又話我唔上堂，呢樣個樣咁
煩到爆.....咁我就求共敷衍左佢幾句啦
我諗佢都應該係係極度無奈既情況底下收左線.....
今日都係咁上下，無咩好講
俾首歌大家聽下.....好野黎Ga~
親朋勿友 stephy & theresa@cookies
我與他重拾友誼 相約也沒有不是
相信她 可惜不敢相信 感情已終止
這樣難得再見面 你未愛他別晚膳
我若還不癲 他朝還是會癲
為何不跟他走 等我說分手
會你親朋蜜友 就算盲都可看到
他跟你極好 我怎可比你好
試問誰拆散你 自問我可 跟他不見面
但是每夜有手機留言
未被我撞破 都不願收線
我與他純屬友誼 心癢昨日已根治
不愛他 冬天手執冰棒 一人吃一枝
會別離總會別離 也別要全沒顧忌
要是還不死心 心還是會死
還我半點清白 戀愛運經已黑
如當我好朋友 可會為我收手
>>March 26, 2004 at 1:05:35 AM GMT+8
2004 年 3 月 22 日 星期一 【微冷】
【探您】
今日我有返學，上完一堂無無謂謂既普通話之後
就返左沙田，今日要同媽媽哥哥上寶福山
好耐無上過去喇....
其實一直以黎，上到寶福山我都有個特殊癖好
就係好鍾意周圍望....係望其他先人既靈龕喎
望下望下，跟住就會發現到好多人死既時候都係好細個
廿零歲同我差不多又有，十幾歲既又有
今次仲俾我望到一個細路女，應該係BB女先岩
都未滿一歲就去左....我覺得佢好慘
但係佢既爸爸媽媽更慘....個BB女未多一歲
可能連"死"既意識都未有，咁就去左
但係佢爸爸媽媽，迎接左呢個新生命都未夠一年
就要面對失去呢個新生命既難受....很可憐...
仲有無野係比白頭人送黑頭人更心酸呢?
走左之後，約左吉米做最後衝刺
佢今日考oral呀嘛.....約左佢係"星bucks"度坐
一坐就坐左兩個幾三個鐘
雖然練就唔係練左好多，只係做左3次present
不過都臨考喇，呢個時候都唔應該令自己咁緊張既
坐到夠鐘之後，就陪佢行左去佢個刑場喇
之後我仲返左屋企坐左一陣
過多一陣join埋歐佬，係禾輋行黎行去
等到吉米考完為止.....不過都好在唔係等左好耐....
聽吉米講，佢未得唔係咁滿意啵....
唉...算吧啦.....考試既野，從來都係講運Ga啦
為左幫佢忘記不快，我地仲去左Fun Zone打左陣機
之後我就返黃大仙喇.....
講住咁多先....陣間再打~
>>March 25, 2004 at 6:51:04 PM GMT+8
2004 年 3 月 21 日 星期日 【颳風】
【地球的另一端(上)】
我回來了....終於都回來了
媽媽放大假，我都跟住佢放大假
溫書.....唔好提住喇....
媽媽好快就要調舖喇...今次個地點係老鏈咁遠既屯門
屯門呀大佬.....我幾多年無去過呀????
我都唔記得喇....無十年都八載啦
雖然我係十萬個唔想去
不過媽媽又話唔識路，叫我陪佢去搵
所以我就迫不得已咁同佢出左屯門一轉....
未去之前，諗住係黃大仙出屯門
唔駛個半鐘都要一個鐘....
點知又唔係啵...係黃大仙搭61X出去
都算好快下，仲快得有D驚添
全程無塞車，只係用左七個字時間
落車個陣，覺得屯門同沙田都有少少似
特別係大會堂個度，同埋可能係星期日
個度好好好好好乸多人，勁迫~
陪媽媽搵完間舖之後，仲食左D野添
今次出屯門，仲有特別收穫添呀!!
我地見到一個大明星呀....係肥媽呀!!
不過肥媽自從去左瘦身之後，就變左做瘦媽喇
佢仲好風騷咁教人煮餸.....不過都咪話
原來佢講野都有好多feedback Ga啵...
行左一陣之後，就返屋企喇~~
搭返架61X出黎，係上面訓得好舒服
返屋企之前，仲係鑽石山兜多一陣...
經過今日之後，原來香港既交通網絡真係幾好
地球的另一端，其實都唔係咁遠Jeh~
>>March 25, 2004 at 6:06:19 PM GMT+8
2004 年 3 月 20 日 星期六 【晴】
【不可思議星期六】
約左主席，首領上秋玲度打牌
聽聞之前主席好高調好囂張咁話自己呢哺好旺喎
所以首領就約我去劏佢喇
不過主席係囂得有道理既
因為佢真係幾旺....最後仲贏左九十幾蚊
簡直係不可思議.....
我唔係人....我竟然輸俾主席....
打完之後呢，我同主席落左大瓜樂鋸扒，好豪呢~
期間主席俾左佢兩首作品我聽
呢兩首歌，係佢朋友作俾唱片公司既
不過主席就拎左黎唱，所以如果呢兩首歌之後真係有歌手唱
都係執主席二攤咋!!!
個兩首歌其實都幾好聽，不過都係D商業K歌黎既
不嬲唱歌都好好聽既主席
如果第時教唔到書，可以去做歌星啵
話唔定我地將來唱K都係唱佢D歌咋.....
時間緊迫，講住咁多先~
>>March 22, 2004 at 6:41:21 PM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
【Ready for the battle!】