|
2003 年 10 月 16 日 星期四 【晴】
2003年10月16日 血腥暴力兩小時
1030返去上英文,都無咩好講啦....
都係無無謂謂咁,up埋晒D廢話
1230放學之後,即刻衝去M Core做埋份英文assignment
其實主要係print返出黎囉.....
唉,而家覺得交功課好煩呀!!!!
以前讀小學到中學,由細到大都係用手寫
寫錯就用塗改液塗Ga嘛,都已經係習慣黎Ga啦
而家咩功課都係要打出黎,咁我屋企無printer Ga嘛
下下都係要send去自己E-mail度先
要返到學校先print到....真係好煩呀!!!!!!
我以前做文學功課,下下做幾千字都唔覺得咁煩呀!!!
真係好想搵次用手寫去做功課呀....特別係中文字呀!!
我覺得自己好耐無寫過中文字喇....
下次Crit.Think做功課我會用手寫Ga喇!!!!
做完之後又要打俾Yoyo問佢借張card去priint出黎
print完又要返去R度交......勁麻煩~~
放學之後我又潛左堂I.T,因為約左Kathy呀~
我地係沙田首先係食個tea先啦
原來雪國既下午茶係好抵食Ga!!!!
食到好飽都係三十幾蚊咋,下次要再去過呀~~
之後我地落左Fun Zone打機啦
打左陣我地就去睇戲喇~
我地去左睇今日先上畫既"標殺令"
其實個劇情就幾荒誕既,不過就拍得幾得意~
不過套戲真係霹靂暴力兼血腥呀!!!!
成套戲由頭到尾都係打打殺殺
好多都係成個頭俾人斬左既場面,仲要D血勁噴勁噴
一係就斬手斬腳咁...D血又係勁噴,都痴線既~
最後個場仲激,個頭就係度
不過係個頭皮俾人片左出黎....都係好核突........
但個劇情真係幾唔完整,唔通佢會有續集??
睇完戲之後,我地又落返Fun Zone打機
打麻雀機都每人打左幾十蚊....
咁唔ok喎,side晒D錢,做幾多日野都唔夠fing啦~~
雖然我又唔係成日咁去打機既....
打完之後,我地上左麥當當,幫佢做份普通話功課
當然係無問題啦....不過佢個份難過我個D喎
可能我個D係Elementary呀....
不過我下個sem係會讀個level 3既business PTH喇~~
我覺得應該都ok既~~
1000到返到屋企喇.
回覆Denise:
原來你地兩個係用同一個E-mail既....
我又一齊用得唔得呀??
你個password係咩呀???
>>October 17, 2003 at 1:51:33 AM GMT+8
2003 年 10 月 15 日 星期三 【颳風】
2003年10月15日 夢呀夢 睡呀睡
今日星期三,又係要一早起身返去上普通話
不過今朝就約埋歐佬一齊返
因為我要拎佢份QM assignment黎抄呀嘛....
0840返到去,即刻二話不說,抄功課
不過好悻就抄完喇~~
今日普通話無咩特別野教,又係勁讀ichi ban
所以上堂個陣超眼訓...係超眼訓呀!!
上完之後去上QM Lecture,今期教"d"喎
我竟然有少少印象呀!!!!!!!
好在我F.6個陣讀過Maths & Stat咋!!!kakakaka
不過我最叻都係d constant.......
都ok啦,唔會太眼訓....難得我有興趣聽呀!!!
犀利呀~~~~~~~~
Lunch個陣,同左歐佬同Yoyo落尖東第五街食~
D野食都幾唔錯啦,又唔貴........
野飲仲任飲添........
不過衛生環境就有D問題喇....
我地竟然見到有隻小強係張檯度打橫行過...
好恐怖啊....
食完之後,仲見到阿英,嗲左幾句~
之後我就繼續上Crit. Think tutor喇~
今日Crit. Think都幾好,幫我識返之前唔識既野~~
原來每舍範疇既indicator word都唔同Ga
仲有Strict neccessity...而家都handle到喇.....應該~~
放學之後同歐佬去左M Core
原意係做英文assignment既
不過我係個度做做下,竟然訓著左....
所以只係做左少少咋~~
都係唔講咁多喇,拿拿聲做埋先~
呀...星期日又有得返藍星星喇.....
仲要踩8粒鐘添啵~~~
>>October 16, 2003 at 12:58:55 AM GMT+8
2003 年 10 月 14 日 星期二 【寒冷】
2003年10月14日 走堂之路
唔駛講啦,英文tutor當然係唔上啦
咁我就上1230個堂QM tutor,不過我1245先到
今日要test QM呀,我完全唔識喎,好大鑊~
但係有好多人話好易喎.....係咩??
總之我就食晒屎啦....Diu!!!!爆憎QM呀!!!!!!
上完之後過左Core M print返份I.T assignment先
攪下攪下都攪左好耐呀....
我覺得份功課好敷衍了事呀,特別係個powerpoint
都唔知想點.....算啦,唉.....好煩呀.....
有得交功課就算Ga喇....
所以我呢個sem既GPA有幾多,大家都應該predict得到啦....
上完I.T tutor之後去左bookshop買左年Poly風褸
幾廿蚊落街著都抵啦....
咁岩見到有Mega sales喎,咁咪同Angie落去睇下囉~
好似唔係好多野買咋啵....
都係等下次再睇啦,之後就過左新can食tea喇
食完就要上Crit. Think~
今日講D野好難明呀.....validity....
個concept好深呀,諗爆頭~~
回覆秋玲:
得Ga啦,我又唔係日日有得返
所以唔會太忙既...我識自己分配時間Ga嘛~~
不過你竟慘D喇,成日都要做presentation...
唔知點解我係唔駛Ga喎....
你都係努力吧啦......
回覆高妹:
你黎搵我當然係無問題啦,不過唔好咁高調囉~
話晒我都係新仔,始終唔係咁好既....
同埋我都唔知幾時先有得再做
所以你要搵我都真係有難度Ga....
我有得返再話你知啦~~
夜晚online個陣,有人send左個地球俾我
內容好攪笑Ga!!!係講走堂Ga!!!
等我copy上黎俾大家睇下先~~
___________________________________________________________________________________
走堂之路
人的時間有限,所以大家都希望多做有意義的事,少做無意義的事.
從兒童時代開始,大部分人都被灌輸要上堂,
而且更有很多規例迫使人上堂.
久而久之,很多人習慣上堂,以為上堂是必要,
甚至莫名其妙地覺得上堂有意義,不上堂會有罪惡感.
什麼是上堂的意義?
上堂原意是幫助人學習.
但事實上,有太多太多堂只是幫助人聊天睡覺的…
上堂有什麼意義?
(聊天睡覺有意義,但在其他埸合做更有意義. 例如在家中大床睡覺/朋友外出食飯吹水)
走堂,令你重拾有意義的生活.
不過走堂需要自律和計劃,才能為你的生活帶來意義.
亂走堂,你將要承擔嚴重後果.
_________________________________________________________________________________
走堂分類
因應不同人的情況背景,走堂可多可少,可把走堂的人分五大類.
1)好學生式走堂人士
走堂次數: 一年都無幾次…一世人都無幾次…
這類人本來懼怕走堂,走堂後會有很大罪惡感.
2)普遍式走堂人士
走堂次數: 十堂走一兩堂.
這類人最為普遍,不太介意走堂.但是不會走堂太多.
3)兼讀式走堂人士
走堂次數: 十堂走三四五堂
這類人對走堂抱開放態度,所以較少在堂上出現,上堂只是"兼職".
4)退學式走堂人士
走堂次數: 十堂上兩三堂.
這類人覺得走堂才是正常,是生活一部份.通常只上計attendance佔很重分數的堂.
5)敢死隊式走堂人士
走堂次數: 有十堂,十堂都可以不上
這類人根本不知道上堂為何物,視上堂如無物!!!
__________________________________________________________________________________
病態走堂
病態走堂就是走堂走火入魔,沒有計劃地走堂,不能不走,不能自拔.
病態走堂的病徵如下:
1) 想起上堂便感到內疚和羞恥.
2) 計attendance且佔很重分數的堂也不上.
3) 走堂後感到極度亢奮.
4) 歧視走堂走得少的人.
5) 嫉妒走堂走得比自己多的人.
由於病態走堂可引致學業一落千丈,失去學位的危機,
因此預防病態走堂極為重要: .
1) 走堂前必須有計劃.
2) 嚴格落實走堂計劃
3) 紀錄自己走堂的時間做過什麼,是不是做有意義的事情.
4) 不要受人影響,人走你又走.自己真正需要走才走.
5) 走堂不要一下子走太多.
假若不幸成為病態走堂人士,應盡早治療:
1) 借同學錢,約他上堂時交還.
2) 借錢給同學,約他上堂時還給你,見不到你便不用還.
3) 約朋友上堂.
4) 事先大肆張揚你會上堂.
5) 尋求心理或精神科醫生協助
___________________________________________________________________________________
走堂格言
1) 廢堂,你今日走0左未?
2) 不走該走的堂,是對上帝不敬.
3) 走該走的堂,不走不該走的堂.
4) 走得精彩,活得精彩.
5) 立志做一個精於走堂的人.
6) 走堂比上堂更需要智慧和自律性.
7)走堂,係一種手段,係一種學問.
8)不為走堂而走堂;不為上堂而上堂.
___________________________________________________________________________________
走堂計劃
1. 認清走堂目標
走堂是為了什麼?
為了多睡一點?為了工作?為了約會?為了籌辦活動?為了溫書?
2.課堂評估
有沒有廢堂可走?
千萬不要走正堂!
3. 走堂用處評估
走堂是否真的有意義,可以達到你的目的?
走了堂卻達不到原來目標就應檢討.
4. 走堂風險評估
走堂有什麼後果?
會否因計attendance而影響成績?
5. 走堂保險預備
有人給你簽到嗎?有人給你留notes嗎?
廢堂
1)上堂時, 講師通常依書直說或讀Notes, 廢堂!
(假如閱讀能力差而聆聽能力正常,便應該上.)
改善之法: 只有等待講師的轉變或轉換...
2)假如講師把五分鐘能說完的內容用一堂時間解釋;
或只用五分鐘來解釋要用一堂時間才說得清的內容, 廢堂!
(上完只會悶死或完全不明白…)
改善之法: 只有等待講師的轉變或轉換...
3)自己嚴重跟不上講師進度的堂.
(你敢說自己上堂聽得明?)
改善之法: 先備課.
4)自己超前講師進度的堂.
(人生苦短, 請不要浪費時間.)
改善之法: ........... 非走不可?!
重點注意
1)當你要做比上廢堂有意義的事情,才應該走堂.
2)假若上廢堂對你來說是最有意義,便應上廢堂.
3)雖然上堂可能只會發白日夢/聊天/睡覺 (除了聽書!) ,
但結識異性或陪伴女/男朋友等情況, 一定要上.
___________________________________________________________________________________
係咪好抵死哩.........kakakakakakaka
>>October 15, 2003 at 12:26:25 AM GMT+8
2003 年 10 月 13 日 星期一 【寒冷】
2003年10月13日 阿心發難嚕~
今日day off,不過就要返工啦...返1300-1800
今日做野比尋日好左好多喇....我覺得~
D野都開始上手喇....唔錯唔錯~~
尋日犯左既錯今日都無再犯喇~
不過又係衰同一樣野....唔夠笑容~
唉....真係好鬼煩呀....原來摺件衫都要笑住咁摺~
其實返左兩日工,都唔算辛苦
只係企完幾個鐘之後,隻小腿會好軟
我覺得如果我有得做落去既話,我係會越做越好既~
同埋雖然只係做左兩日,夾埋係九個鐘
不過真係學到野啵,係書入面學唔到既野呀!
同埋D同事們都好好,好肯教我野,就算之後無得做落去
我都認為我係呢兩日係有得著既~~
今日企前場,即係最近門口個D位
見到方力申行過呀,原來佢真人都幾高大Ga啵~
1800收工,即刻打俾歐佬,睇下佢係campus走左未
原來佢都係做緊I.T份assignment,咁我就返poly搵佢一齊做啦
不過係做之前,我同佢去左新can食飯先
因為我真係超級肚餓呀...成日我淨係食左半碗通粉
跟住就趕住出去返工喇...所以餓到飛起~
係新can食左個雜菌意粉,都幾好食~
食完之後仲未夠,仲食多隻雞脾添,哈哈~~
跟住就拿拿聲去core M度做功課喇~
其實話就話同歐佬一齊做,事實上我係咩都唔識做既
只係改左佢少少野,連個powerpoint都係佢幫我做既~
歐佬真係好肯幫人Ga....kakakakakakaka~
做到2145到,就走人喇~
原來Kitmy黎左紅磡等埋歐佬,所以呢,我就見到Kitmy喇
真係好似都好耐無見過佢喇~
耐都我都唔記得左幾時Lu.....
同佢係火車上面一路係咁嗲,忽然覺得
紅磡去沙田,原來係好快好快既......
係沙田落車,就行返過禾輋同Kei Yiu & JoJo食野
係呀!!!又係食野呀!!!!!係波記食呀!!
我又食左個水餃米....哈哈~~
可能成個下晝餓得太耐喇...食極都唔知飽....
食完之後仲係7仔買左枝汽水飲
飲完,至覺得飽晒.....yesssssssssssss~
再送埋JoJo上車就返屋企喇~~
回覆吉米:
哈哈~~好呀!!!UE一齊升3個grade啦~~~
其實我都係返左兩日工,所以都未覺得話好鬼忙
不過我覺得咁樣仲充實
橫掂我唔駛返學係屋企都係行行企企
咁咪不如做下野,搵下錢,又一樣係學到野
都唔錯Ga!!!
至於業務蒸蒸日上,都好呀,有野做就唔覺悶
時間都易過D啦~~~多謝晒喎!!
回覆秋玲:
大波心絕對無代替到大笪呀~~
佢係我心目中既地位係一樣既.....哈哈~~~
我而家係尖沙咀加連威老道返緊"藍星星"呀
不過係Part time,所以你未必會見到我呀~
同埋我都未知仲有無得做落去....
所以你想去撞我既之前一晚,就話聲我知會好D囉~
仲有,你做咩見到我都唔叫我呀?????
你肯定個陣係同男仔一齊,所以唔好意思啦....
回覆大波心:
你唔好咁啦....唔好發脾四啦....
你真係好好Ga...不厭其煩咁帶左咁多歡樂俾我地
我地個個心入面都好感激你哦....
總之希望你可以繼續係city入面
發掘多D明星藝人,等我地下次再去你度再笑過
上次你搵左又南,不如再搵多個天佑啦
等你好消息呀~~~~~~~~~~~
>>October 14, 2003 at 1:32:26 AM GMT+8
2003 年 10 月 12 日 星期日 【晴】
2003年10月12日 返工的第一天
大波心呀大波心,你睇下你既行為引起左幾大既迴響....
個又南簡直係人神共憤呀........
最衰我無佢張相,如果唔係我實post佢張相上黎
俾所有人睇下個條友係有幾咁似又南/慧嫻....
真係唔好講笑,今日搭車個陣又諗起阿又南
跟住又係度笑......勁得人驚......好在無人發覺.....
今日第一日返工,返1400-1800,不過我1340就返到去
其實我要做既野就唔係好難做既....
都係招呼下人,摺下衫,見到有咩地方亂左就攪返好佢咁啦
由於我係未做過既關係,所以一開始都有D手忙腳亂
D log又唔識睇,又用左褲架黎掛衫,摺衫又奇慢,摺得又核突....
D客問我野又唔識答.....不過個度D人都仲算幾nice
又肯教我野,我做錯咁多野都無Dee我....
不過其實我覺得自己都幾唔適合做呢D服務性行業
因為我今日勁俾人話我唔夠笑容喎.......
咁真係笑唔出呀嘛.....不過我聽日一笑唔出
我就會諗下又南Ga喇....佢應該幫到我既~~~
佢地話睇下我呢兩日做成點先決定有無得做落去喎....哈哈~~~
雖然今日只係返左短短四個鐘,不過隻小腿都好酸軟
聽日返1300-1800五粒鐘,仲甘脆,不過我要搵錢轉電話
所以我係唔怕辛苦既!!!!
>>October 12, 2003 at 11:00:31 PM GMT+8
2003 年 10 月 11 日 星期六 【乍寒還暖】
2003年10月11日 笑笑笑笑笑笑笑
祝Kitmy十九歲生日快樂,下年考返UE升三個grade
做咩都咁順利,咁開心~~~
_______________________________________________________________
我成日都覺得,大波心真係我地既開心果....
今日約左大波心,Denise,阿蓋同麥希出黎
因為要補祝返Denise既生日....
晏晝Denise要出city搵大波心拎野
所以我都係去左city搵佢地先....
去到city個canteen,食左個靚tea~
我終於都見到阿樂喇.....原來係咁既......
食完之後,上左大波心個soc房hea,仲睇左D好鬼爆笑既野
就係好多好多佢地o'camp既相,真係笑死無命賠!
話說大波心既品味一向都係非常之獨特
通常佢話既靚仔,係大家既眼中都會係一個騎呢怪
咁呢,我地之前都聽過佢話係o'camp個陣
佢個組既人,有一個好似張敬軒,同埋有個好似黃又南
咁阿樂就click佢地D相俾我地睇啦......
個張敬軒...........都還好.....有少少似,不過好樣過張敬軒既....
之後再睇埋個黃又南啦.........
一睇,大家都係同一個反應：「下???呢個就係呀????」
之後大家都笑到拍晒檯,我仲持續笑左成分鐘.....
個個都笑得人仰馬翻,除左一個人-----阿蓋
因為阿蓋係鍾意黃又南既....佢一見到張相,即刻面都青埋....
仲怒啤左大波心一野.........
之後再睇埋其他大波心話靚仔靚女既人啦..........
每睇一個都笑廿秒,我覺得如果唔係大波心話過佢地靚既話
係無野好笑既,笑係笑大波心既眼....
不過好遺憾,我仲未見到傳聞中好極品個四哥
Denise話同黑框有力一拼喎,咁應該係有D料到啦.....
喂,大波,快D send佢D相黎睇呀~~~
hea左好耐先走,會合埋麥希,就出返沙田食飯
我地去左西田個間Cafe Gute度食~
D野都幾好啦,價錢都尚算合理,唔會太貴~~
咁呢,食飯個陣,大波心拎左佢D相出黎睇
有一張係大波心同佢個friend,阿Fanny影既
咁我地就同麥希講,話「大波心話呢個女仔同Denise好似喎」
咁麥希當然就係Dee Dee聲啦....
綜合左各人既意見之後,呢個Fanny同Denise根本就係丁丁都唔似既~
個個都係話係Denise靚九倍既......
究竟大波心覺得佢兩個有邊樹似呢?????
食飯期間,大波心做左個實驗,佢話如果檸檬溝奶既話
咁就會有一層唔知乜野會浮係面既,我話唔信
咁佢就拎佢杯檸水黎做俾我睇喇....
首先,佢拎佢隻匙羹,舔左一舔,準備"畢"我個杯咖啡
呢個時候,佢先猛然發覺自己做緊一件好嘔心既事....
所以都係我黎幫佢啦.....我倒左少少咖啡落佢杯檸水度
咁大波心就係度攪下攪下.......過左一陣之後
唔.....果然係呀.....真係有D唔知咩野浮左出黎啵......
大波心真係好死有科學頭腦Ga!!!!
食完之後,影左陣相就走喇,大波心趕時間返屋企咁就走先
咁我地4個就行左陣西田喇.....
再過多陣,大面都黎左,大面剪左一個好cutie既頭喎.....
我地就去左滿滿食糖水啦,食埋先返屋企~~
搭車返屋企個陣,諗起黃又南,又係度笑.....
今日真係笑到牙骹都軟埋....
我發覺大波心真係帶俾我好多好多既歡樂啊~
聽日要返"藍星星"喇,有少少緊張添.....
>>October 12, 2003 at 11:11:55 AM GMT+8
2003 年 10 月 10 日 星期五 【乍寒還暖】
2003年10月10日 我的蘇浙同學
首先祝Denise生日快樂先~~
祝佢心想事成,越來越正,工作順利又愉快
上晝0930返去上普通話,今日有個written test喎~
咁測普通話,一定係問聲母,韻母,聲調,拼音個D Ga啦
呢D我應該係無咩問題既....點知....
佢問,普通話係以咩方言為標準....
讀母包括邊三個部份....普通話有邊四個音調....
一個普通話既發音叫做乜野....
嘩....我頂佢個肺呀.....唔識喎....真係估唔到佢會問呢D咁既野...
結果填充呢part炒晒....好在之後個幾part都還好~~
唔知會有幾多分呢???
放學之後返屋企,當然要訓返個晏覺先啦....
訓訓下,電話響,一聽,原來係"藍星星"打黎叫我返工....
好野~~~~~終於都搵到喇.....我會努力做Ga喇,搵錢要緊!!!
再夜D個陣,就約左以前蘇浙既舊同學一齊出黎食飯
因為今日係阿橙既牛一嘛.....
咁我就約左Cathy,小賢,阿橙,阿榮,阿城,仲有阿橙兩個friends,阿勇同阿基
去左銀城上面個間"大熊本"食日本野...
個度裝修得都幾靚啵,D野食就一般啦,又係好細碟個D呢...
佢地仲帶左兩枝紅酒去飲,不過我就真係飲唔到
呷左一啖,我覺得好似飲緊消毒藥水咁....勁難飲...
真係唔係咁OK.....
食完野走個陣係1020,生日個阿橙同小賢去左睇戲
咁我地呢班人做咩好呢????
大家都唔想咁早返屋企,咁就落左太子一間pub度飲野喇~
落去之前,大家都係話hea下時間,同埋唔可以飲超過一打酒...
好明顯,最後係唔得啦,仲唔知飲左幾多打添呀....
Lorry放工之後都有落黎,好死開心~~~~~~~~~~
係間pub入面,見到一個鬼佬,Lorry竟然走撩佢講野....
原來個鬼佬係自己一個黎飲野既....
我見佢地講得咁投緣,咁我又走去睇下啦
順便可以講下英文呀嘛.....
好彩,個鬼佬都知我講緊咩野.....
又好好彩,我都知個鬼佬講緊咩野....哈哈~~~
得閒同D鬼佬講下野都幾過癮,佢地都好friendly Ga~~
唔會嫌我地煩個度好呀嘛....
講講下,睇得出個鬼佬好鬼Lum阿Lorry~
不斷強調"She's very pretty","She's sexy"
Tum到Lorry不知幾咁高興,kakakakakaka~~
再夜D,溝Cathy個肥仔又落左黎
嘩,個樣超級似胡彥斌Ga!!!不過就仲肥過胡彥斌....
一路玩到0400先走,再行去搭飛van...
可能天雨路滑既關係啦,尋晚架飛van行得非常之慢
我係旺角返到屋企,竟然用左7個字時間....
再沖涼洗頭,等個頭乾,訓得個陣都已經過左0500喇~
超勁!!!!
其實呢班蘇浙同學,多數都係我Form 4 & 5個兩年既同學
除左Cathy啦,我小學二年班開始識佢,數下手指
到而家足足14年,我而家都係20歲咋!!!
其實讀主風個陣都已經同佢friend Ga喇
好彩到左中學都仲可以讀同一間,真係得佢一個咋
小學個陣都無咩同學派去蘇浙既....
雖然F.5畢左業之後係少見左,不過一D關係都無~
今日見到面,依然同以前一樣,只會有更多野講,hahahaha~~
阿城仲攪gag,佢問我地兩個究竟有無拍過拖...
佢都痴既,拍拖都無我地咁好啦!!!!係咪先???
仲有,Lorry又係,低form個陣對佢無咩好感
個陣我讀E班,佢讀D班,覺得呢個女同學好串
到左F.4個陣同佢同班,原來佢都有好溫柔既一面哦~~~~
對朋友仲好好添,不過佢呢排身體好似唔係咁好....好好保重身體啦~
身體健康好緊要呀....唔健康仲點玩呢???
都係講住咁多先....byebye~
>>October 11, 2003 at 1:18:45 PM GMT+8
2003 年 10 月 8 日 星期三 【晴】
2003年10月8日 好歌之人
1030返到去上英文,都係咁啦,無無聊聊......
教我地interview有咩技巧...都係口水野~
之後lunch又係食新can,好鬼悶呀~~~
再之後夠鐘就去上I.T.....真係呢....
我1430入到去,咁等到D陸陸續續黎晒之後,係1440到啦
跟住就開始上堂喇....不過.......我1445就訓著左喇
仲訓到完全不省人事....訓到1530佢break個陣先醒一醒....
唔得,我知道我唔可以再留係AG206多一秒....
所以即刻打電話俾人,睇下邊個得閒陪我啦~
打俾阿蓋,佢係city,好在佢得閒咋,之後就拿拿聲"立"書包撇啦!!
行去火車站個陣,係天橋撞到Helen...問一問之下
哈哈~~~佢又係走堂,仲要同我一樣,都係走I.T,真攪笑~~~~
去到city搵阿蓋,同佢係city個圖書館度hea左好耐
hea到阿心都放左學,咁就打俾佢啦....
佢又好似幾得閒,咁佢就帶左我去Mega sale度行喇
D野真係幾抵買啵....一件衛衣都係百零蚊.....
係Mega sale度仲見到一件極品
係阿心個朋友----"電單車野獸"呀~~~~~~~~~~~~~
果然係聞名不如見面.....唔.....正呀~~~~
不過我同阿樂就無乜緣喇,我去到佢又唔知行左去邊....
真係只差一點點先可以會面.....
之後同阿心落返圖書館搵阿蓋喇~~~
好明顯,我地一見面又係鬼殺咁嘈Ga啦
除左我地3個之外,仲有阿蓋同佢兩個friends添...
結果咪就係俾人叫我地唔好咁嘈囉.....kakakkakaka
玩下玩下玩到差不多1900,阿蓋就繼續溫書
我同阿心都諗住走Ga喇,呢個時候Denise打俾阿心話拎野喎
咁佢又黎左city喇,我地仲一齊行左陣....
之後見到阿心話似Denise個friend,叫Fanny
咁我就睇下啦......根本就一D都唔似!!!!
Denise靚好多!!!!!我肯定!!!!!!!
之後我地都走喇......
跟住就係全晚既高潮喇~~~我去左睇李克勤呀!!
其實呢個係新城同恆生合辦既音樂會黎既
哥哥又唔知點解有兩張飛,咁我就同Kei Yiu去睇喇~
其實話就話就係李克勤既音樂會,但其實就有好多嘉賓既
有黃凱芹,黃伊汶,張敬軒,陳慧嫻,余文樂同關心妍
李克勤係壓軸出場既.....
其實成晚個show都幾好睇既,李克勤壓軸就唔駛講啦,真係勁正!!
出場個陣仲同黃伊汶既"戒男"伴舞,攪笑~~
之後佢唱左首好驚喜既歌,係"下一站.....天后",都好好聽~~
佢唱現場真係同聽CD係無分別Ga!!!!
除左佢之外,陳慧嫻同張敬軒個part都好好聽!!!
成個show就last左兩個幾鐘啦....唔錯唔錯~~
睇完之後,搵返地鐵出九龍塘,再轉80M返禾輋
係波記食埋宵夜就返屋企喇~~
返到屋企,又係好鬼累....哈哈~~`
回覆藍草莓:
好似係你話要同人做生日咋啵...
就係因為你,我地唱唔到K呀!!
遲兩個禮拜Paula有成個禮拜假期呀!!!
約定你打牌呀!!!!!!
回覆Paula:
借DVD俾你當然無問題啦,我都要睇返先得呀!!
無間道2咁好睇,唔知藍草莓睇左未呢???
>>October 10, 2003 at 3:13:04 PM GMT+8
2003 年 10 月 8 日 星期三 【微冷】
2003年10月8日 未睇一,先睇二
今日一早,真係好早,係0715就起身返去上普通話
平時都係讀下野,但今日miss竟然放左套野出黎俾我地睇
全套係講普通話既,內容就係大陸D奇風異族啦....
悶到呢.......好在有康婷陪我傾計咋~~~
兩個鐘過去之後,又係QM....
今日佢教"d"呀....我除左d constant之外就真係完全唔識...
早知係咁我3年前就聽下D Maths & Stat啦....哈哈~~
都係講下Jeh....丫係呀.....今日黑bra無再俾人睇到佢個bra喇
由於W210間房係超凍,所以佢今日著左好多衫呀,著左件雞翼袖...
之後Lunch去左都會軒度食,D野一般啦...
食完仲有時間剩,就返圖書館hea下,睇左陣報紙~
到夠鐘先再上Crit. Think~~
一個鐘好快過左啦,之後就放學喇....
Yes!!!!!!!Go Go Go!!!!!!!!!!!
放學之後約左Paula,仲有佢男朋友
好似叫....杞子呀??係咪呢....唔緊要啦
我地去左別府食tea,佢地個tea好抵食呀!!!
D麵超大碗Ga!!真係....一定食唔晒Ga!!
仲有佢個個....冰點綠茶又好好飲喎!!!
真係一啖就要飲晒去呀...總之一句到尾,正呀~~~
食完之後我地決定左去睇戲,係睇"無間道2"呀~
開頭我以為全世界應該得我未睇過第一集啦
點知唔係呀!!!Paula都未睇呀!!!!kaaakaka~~~~~
我覺得套戲幾好睇呀,至少比想像中好睇呀~
陳冠希依然殺食,每個shot都好正~
余文樂都做得幾ok喎,仲有佢真係幾似梁朝偉~
不過我覺得全套戲最正既係吳鎮宇,好型呀!!
我會盡快睇返第一集Ga喇~~~
睇完之後,我地都走啦,咁我就出黃大仙拎返張飛
跟住就再返大圍,約左Kei Yiu食野呀...
我地去左雅苑度食,好似越來越唔好食咁既.....
食完之後就過隔離清心棧食糖水喇....哈哈~~~~~~
到食完都過左0000喇,就搭88K返屋企喇~~
今日踩足17個鐘,好鬼累呀.......
都係早D訓啦.....
>>October 9, 2003 at 1:38:05 AM GMT+8
2003 年 10 月 7 日 星期二 【微冷】
2003年10月7日 戀上我的床
今日原本係返0930既,不過尋晚又係夜訓啦
成兩點幾先訓,攪到今朝又起唔到身.....
0815醒左一醒,都有諗過返唔返好既...
但係一諗到英文堂又做埋D無聊野
咁就竄返上我張溫暖又可愛既床度繼續訓喇....
訓到1115起身先返學,返到去上QM tutor
佢今日教limits.....噓....唔記得晒Lu~~
我上堂主要都係做埋D Crit. Think啦...
上完之後就去左新can東南亞食
係新can見到以前有線YMC個VJ Vicky喎....
靚就係靚呀,不過太濃妝喇~
真係好難想像佢係同我一樣咁大.....年紀~
佢以前仲係讀我隔離學校添Ga~~~
kakakakaka~~~~~~~~~
之後去上I.T tutor,入課室之前又撞到輝哥
咁就嗲左幾句啦,我D QM真係等佢救命呀~~~
今日個堂佢又係教powerpoint
咁我就打返份Crit. Think功課出黎啦...足足打左成堂~
上完堂之後就去李嘉誠print埋出黎喇~
之後仲有堂Crit Think lecture要上呀.....
今日上Crit. Think,有個奇景,就係咁既....
Angie見到有個女同學,係隔離班既~
佢本身就唔係靚既,但就應該係覺得自己好靚個種啦
佢著件白色T-shirt,但係入面竟然係個黑色bra
其實開頭我都見唔到,係Angie叫我睇先既...
我睇到之後,覺得好奇怪啦,就問Angie
點解佢要咁做呢??返學都咁樣既????
跟住Angie話原來有D女仔係特登既,話型D喎....
係咩???乜會型D Ga咩????又唔係好覺喎....
放學之後同Jessie又講起呢個女同學
原來呢個女同學都唔止一次係咁喎....
嘩嘩嘩......當代豪放女呀!!!!!!!!!!!!!
聽日QM lecture又會見到佢,唔知又會點呢??
聽晚再同大家匯報,hahahahha~~~~~
回覆Paula:
當然啦,我呢兩個sem都係主修Geography呀!!
你都要支持我呀~~~~~~
有咩問題我會問你Ga啦,我既目標係做你師弟
會唔會大想頭左D呢????
hahahah~~~
回覆藍草莓:
哈哈~~真係好耐無見你喇啵~~~
見面當然無問題啦~~~
日期,時間,地點,你話晒事~~~~
當然仲要叫埋Paula啦!!!!
等你約呀!!!!!
>>October 8, 2003 at 12:48:36 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
2003年10月16日 血腥暴力兩小時
2003年10月11日 笑笑笑笑笑笑笑
2003年10月8日 好歌之人