|
2004 年 5 月 8 日 星期六 【陰】
【樂在其中】
起身係屋企一口氣睇左幾隻碟
第一隻係《飛鷹》，都幾ok啵
新年個陣上畫，睇左《鬼馬狂想曲》同《魔幻廚房》
兩套都廢既，早知睇《飛鷹》啦
而且拍得楊紫瓊都幾靚
第二隻係《天地無倫》，成套應都變態既....
雖然呢個係selling point
不過真係都幾嘔心~~
又亂倫，又同性戀，又3P，又殺人
總之就好死變態!~~
3級到震!!~~
第三套係《複式二人世界》
套戲好小品式，ok啦....都幾得意既
不過應該係睇完好快唔記得個種
一口氣睇左3隻碟
到1800就出去喇，約左麥希同首領
本來大面都出左黎Ga...
不過係我出黎之前佢已經返左屋企喇
算吧啦....
係食野之前，我地三個仲係沙田兜左好耐
睇下有咩靚衫褲鞋襪買
順便睇埋有咩野可以送俾媽媽
睇睇下，都成2000，咁咪食左野先囉
不過星期六，個新城市超級多人
必勝客要等四十張檯....都痴線既
首領話出尖東巴西燒烤，好在打個電話去問
原來連book檯都full埋.....
最後，我地去左西田食哨
西田d野難食，果然係名不虛傳
我地三個分別係食三間唔同既野
不過三間都唔好食....勁pk
枉我地仲等位等左成幾分鐘....
其實我地已經好醒水，唔食大三巴Ga喇
點知其他都係咁fucking....
担担飯，你食過未??
食完之後，繼續去兜下有咩買
麥希又買左個件遮仔polo
即係我，大笪同輝輝都有個件呢
如果下次我地4個一齊著，咁就型爆喇
我之後都諗到買咩俾媽媽喇
係條手鏈黎既....都幾靚Ga
跟手我又買多對耳環俾自己
簡直係大破慳囊呀....
入去到唔夠15分鐘，我就駛左六舊幾水
不過算啦....見係媽媽節....一次咁多啦
我買野個陣，首領又係度撩個女sales講野
其實個女sales都已經唔係靚
但係首領又要死撩......仲要佢係無幫襯Ga喎
跟住個女sales聽到我地d對話，又要係度笑
所以成個買野既過程都係咁嘻嘻哈哈
呢班sales就happy啦，與工作於娛樂喇...
之後我地仲去左海皇粥店食宵夜
坐到0000，麥希就要趕尾班車返屋企喇
佢都唔話得啦，平時唔過十二點就訓既佢
今晚竟然玩到咁夜，認真俾面~~
要的起心肝籌備下個旅行大計嚕....
>>May 10, 2004 at 12:51:26 AM GMT+8
2004 年 5 月 7 日 星期五 【颱風】
【打麻雀學英文】
好麻煩，學生資助辦事處有條友黎做家訪
一入到黎就勁仔細周圍望，仲畫晒圖咁
所有野都check得勁嚴謹，真係漏一樣都唔得
連身分證同學生證都要俾個正本佢睇
驚我偽造麼...........一.一
所以話，爭大耳窿錢都唔好爭政府錢呀!!!
份功課終於都攪掂左
多得奀豬喇....同時又有d唔好意思
因為我做既野其實真係唔多
我既懶懶閒同唔得閒，攪到佢做多左好多野
真的很慚愧呢...
我真係pk....d電腦廢到無倫
咩都幫唔到手咁.....勁fucking呀.....
麻雀英文術語
雞糊--chicken hand
平糊--common hand
門清--all concealed hand
槓上花--added glory to a gong
對對糊--all triplets
混一色--mixed one suit
小三元--junior 3 chiefs
海底撈月--catching the moon from the bottom of the sea
大三元--grand 3 chiefs
小四喜--junior 4 happiness
清一色--pure one suit
大四喜--grand 4 happiness
字一色--all honor tiles
十三么--13 terminal tiles
天糊--heavenly hand
地糊--earthly hand
筒子--the circle tiles
索子--the bamboo tiles
萬子--the character tiles
番子--the honor tiles
花牌--flower tiles
詐糊--falsely declaring a win ←大笪要學識嚕~~
大/小相公--long or short hand
自摸--self-drawn
搶槓--robbing a gong
上--claiming a tile to match a sequence
碰--claiming a tile to match a triplet
槓--claiming a tile for a quadruplet
胡--claiming a tile to win←下次食糊一定要大嗌呢句!!
>>May 9, 2004 at 2:01:23 AM GMT+8
2004 年 5 月 6 日 星期四 【晴】
【合格在望】
1200又返左poly做功課，好煩的
越做越多......不過還是算吧....
我都已經唔係做得多野
都係收嗲好D~~
攪到1600到，我就返沙田
準備去考個fucking中文oral
雖然係勁唔想考呀.....不過都係硬食啦
其實我應該咁諗，我成年都無練過
唔降grade攞U其實都已經算係咁
係沙田打俾秋玲，凸然有人好大力咁拍左我膊頭一野
嚇左一野.....原來係高妹呢
咁峻原來高妹就約左同我講緊電話既秋玲
我見仲有時間，咪陪高妹一齊等埋秋玲囉
之後我仲老屈佢兩個陪我行去聖心
佢地當然係好開心啦，可以陪我去考試.....
我其實不嬲都唔鍾意考oral，中英文都係
除左係因為自己oral弱之外
仲有係要勁等，等到人都吽晒
今次都唔例外，等了又等，等左40分鐘先有得考
一見到條短講題目....好在....都唔算難
叫做「最不可取締的一條校規」
我覺得已經好過上年Ga喇，上年剩1分10秒Ga嘛
今次剩50幾秒咋....剩時間多，不嬲都係我幾年黎既弱點
硬係改唔到呢....真麻煩~~~
不過算啦，以後都唔駛改Lu~~
之後到討論，係係四個人之中
包括楊振寧，李嘉誠，戴安娜同德蘭修女
揀一個人既傳奇，係最適合青少年讀既
我係1號同學，揀左李嘉誠
幾驚之後無人附和我呀，不過好在都有一個
其餘3個同學都係揀德蘭修女
成個討論既氣氛都尚算ok，run得都幾smooth....
好野~~~~我中文oral合格有望喇!!!~~~~
之後約左紀瑤，係新城市又撞到秋玲同高妹喇
方唔係佢特登想撞我咩~~~~
我又去左睇戲喇，睇《絕世好賓》
笑就ok好笑啦....唔係好好笑囉
不過劉青雲做得確實係幾盞鬼既...
$35....睇得過啦~~
但我覺得詹瑞文都好攪鬼~
一人分飾多角係深水鶠A個度都好笑~
睇完，去左食一個好豐富既晚餐
係必勝客食既，我地兩個人都食左勁多野
一個細既意式風情，一個葡汁雞皇意粉
一個金粟芝士釀雞翼同一個海鮮酥皮湯
飽到想嘔之餘，當然係食唔晒啦
打包左兩件pizza返屋企~
之後就返黃大仙喇!
回覆老米:
係喎，真係好似幾耐無見啵
自從你考完econ之後，都差不多無見過乜滯
而家我好Q得閒呀
得閒就搵我去反啦，我一定得閒過你既~
我中文oral不過不失啦
有無練過根本唔係問題
我上年夠有練，今年夠無練啦
但我覺得我今年會好D喎
最重要係睇條問題Ga姐~~
放鬆點吧老友記~~~
>>May 7, 2004 at 1:10:54 PM GMT+8
2004 年 5 月 5 日 星期三 【晴】
【淥死誰手??】
Happy birthday to 淑君
繼Connie之後，又多一個人22歲嚕~
祝佢生日快樂之餘，仲要日日開開心心
心想事成，快人一步理想達到~
返學校做功課之前
同karmen落左新東方食野
好耐都未試過兩老表一齊食野呢
不過而家住得咁近，將來大把機會吧~~
之後就返左poly同奀豬做功課嚕~
仲見到dorchas同jessie
不過佢地好快就走左喇
又見到隔離組既幾個同學仔
開頭以為我地做避孕套，已經好大膽
點知我呢個諗法太天真喇
佢地三個女仔，做一d女性用品
係好詭異的，係俾一d性冷感既女士用既
話係搽係女性既乜乜
搽左之後，咁佢地個乜乜，乜乜同埋乜乜
就會乜乜乜乜，同埋變得乜乜乜乜喇....
喂，有無咁神奇呀???
不過娛樂性十足就真既.....哈哈~~
之後我同奀豬都為左份功課努力左幾個鐘
我發覺我d中文生疏左好多呀
寫既野都表達唔到我心諗既野
好差勁呢.....真係枉我會考中文拎B!!
不過都還好，經過幾個鐘既奮鬥之後
都叫做完全左....一半到啦~
做到1730到，就同隔離組既同學仔去左舊can食野喇
佢地幾個女仔痴線Ga....成日講咸濕野Ga
同埋真係唔可以小覷女仔
佢地講既野要露骨起上黎，仲可以喪過男仔
好多關於男仔既野，連我都唔知
但係佢地竟然知....好犀利呀~
原來露露係住係長洲Ga....
對我黎講真係冇雷公咁遠
今日同佢傾完之後，先了解到少少長洲人既生活
原來同我地呢d城市人真係好唔同呢!!
食完之後，我就搭地鐵落旺角同淑君食飯喇
大笪，connie，輝輝同河童都有出黎
好像有一段日子無同佢地見面了~
我地去左一間非常fucking既野度食
大家千祈千祈唔好去呀!
係叫做「元禾壽司鐵板」，位於旺角百老匯前少少
先唔好講佢d野食既質素
淨係d waitress既態度已經勁pk
佢斟水斟到滴左幾滴熱水落我隻手度
居然可以一句sorry都無!!
跟住d野食完全唔好食，係完全唔好食呀
d魚生唔新鮮，食落口苦苦地既
d清酒煮蜆勁多沙，蜆又細隻
d金莎骨好似豬肉乾咁
d壽司飯食落口出水既
d蟹餅一劈劈咁，口感奇差，食落口要即刻Lur返出黎
d炸生蠔炸到無晒蠔味，唔講都唔知自己食緊蠔
$118任叫任食，其實都唔係平
但就完全無質素可言
四個字講晒....「不知所謂」
大家千祈唔好去食呀，食到火都黎埋呀!!
食完之後河童要返工，所以走左先
咁我地5個就去左許留山食糖水喇
食完都2300，再搭81返到屋企都差不多0000嚕~
聽日就考中文oral
之前都有掙扎過究竟攪唔攪返好個頭先去考
不過諗諗下，上年我個頭夠正常咁去考
夠有做足準備啦，不過最後咪又係F
所以都係唔攪喇，就金住毛去考啦!!
兼且無練過，就即管睇下今年會拎咩成績!!!
>>May 6, 2004 at 2:08:27 AM GMT+8
2004 年 5 月 4 日 星期二 【微冷】
【Disallowance of sitting exmaination】
由尋晚開始，個腦唔知做咩事
成日都話仲有一分鐘就自動關機
後尾問左人先知，原來係中左毒
diu....我幾日無返屋企，幾日無開過機
無啦啦又會中毒既.....麻x煩......
不過好在，經高人指點左迷津之後
個腦已經無事喇....
幾驚又要install過呢樣個樣呀....
抹一額汗.....
下晝出左威記幫哥哥找左住院條數
住左三日院，竟然只係三舊水，好便宜呢!
公立醫院果然係公立醫院....
之後搭返80K返沙田
架車行經禾輋個陣，有個蘇浙既同學上車
望一望，竟然係識既，係一個交安既師弟
估唔到我今時今日仲有識既人讀緊蘇浙
佢仲話今個月21號交安passing out，叫我返去喎....
e??都返得過啵....
幾年無踏入過蘇浙，估唔到都仲有機會
等我再問下其實交安既朋友先得....
原來而家蘇浙既交安係咁威水既
新界同全港都係冠軍啊~~犀利犀利~~~
好慶幸當年自己都有份做交安...
之後出左旺角同奀豬傾中文個project
我地又發揮我地既小宇宙
希望兩日之內可以完成成個project啦~
之後我地仲去食壽司添~~
究竟係咪真係每個人都有自己既獨特氣味Ga呢....
奀豬話係喎....可能係香又可能係臭
但我又唔知道啵....我唔想做臭男人呀....
攪到我都想買返支香水...
據悉ck有隻香水好岩男仔用Ga...
食完之後介去左莎莎研究d香水
走個陣，真係發覺自己香左好多呢!!
返到屋企樓下開信箱
收到poly寄俾我既信，佢話我有兩科唔夠attendance
所以唔俾我考試喎，大大隻字寫住「Disallowance of sitting examination」
分別係廢爆英文同contemp. social problem
下??兩科咁少??咁negotiation呢??
我成個sem無上過堂Ga啵....你唔係俾我考呀嘛????
其實個兩科幾時考我都唔知...所以都係算吧啦~~~
有無得考我都唔稀罕唔在乎既~~
唔好阻住我去反添呀!!!
回覆yoyo:
哈哈~~你地努力吧啦...你地既苦況
我諗我都係感受唔到Ga喇~~
除左叫你加油都幫唔到你做d咩
至於我嘛....咪日日搵街出咁囉~
你考完搵我出街啦
我會好得閒Ga!!
>>May 5, 2004 at 1:25:03 AM GMT+8
2004 年 5 月 3 日 星期一 【晴】
【回來了】
今日係坐哥哥車返黎沙田既
媽媽同哥哥仲上左黎食飯
其實佢揸得車，就即係無事啦....
不過爺爺都仲係憂心忡忡咁既樣.....唉~~
其實「豬籠」既慢歌都幾好聽呀....
耿耿於懷 豬籠
你 最近還好嗎? 尚愛看少女漫畫嗎?
最近 近乎沒露面 你有新對象嗎?
真想帶你見見 我剛識到的她
我想聽你意見 這算是病吧?
為何無論我 願意怎樣試 怎樣也
不可一樣愛慕她?
(沒令自己戀上她?)
難道沒練習太耐 感覺都追不回來
試圖再 努力愛 也顯得不自在
不懂得如何談戀愛
還是我太愛你 對過去太放不開
難道是寂寞太耐 生銹的鎖不能開
鑰匙也 折斷了 留在舊患所在
懷內 放滿對你的愛 難怪跟誰也 再沒法戀愛
我 有時仍很怕 路過你那從前的家
往事若然未落幕 再揭起有害嗎?
難道沒練習太耐 感覺都追不回來
試圖再 努力愛 也顯得不自在
耿耿於懷從前的愛
從沒有 振作過 痛了再痛也應該
難道是寂寞太耐 生銹的鎖不能開
往事卻 似斷箭 還剩下在體內
若懷內 放滿對你的愛
害怕一直也 再沒法戀愛
回覆manman:
哈哈~~印象中好似未收過一篇咁長既留言呢~
你梗係成日俾人cut版啦....寫寫下又唔寫~
無d恆心!!!學下我啦....當初我呢個版都係跟你開之嘛
點知我一寫就寫到而家，都差不多兩年喇
我都覺得自己係幾犀利....
聽聞有個日記網叫「xanga」，你去yahoo search下啦~
你真係決定唔讀喇??我覺得唔係咁好啵....
好地地做咩又放棄呢??
呢個問題遲d先同你再詳談~~
估唔到你同你個賓賓可以咁耐呀下
不過你真係Lum人咩??
你當初唔係咁講Ga啵....
唔係而家學人玩真心呀嘛...哈~
你自己小心d啦，唔好俾人坤
不過原來你都18歲....kakakkakaka~~
應該醒爬Ga喇可~~~
我都好期待yanyan返黎呀!!
今次佢又留個幾月，到時又可以周圍去反呢!!!
至於佢個板，我無睇到呀
所以都唔知發生咩事
同埋睇完你呢個留言之後
發覺你d中文好左啵....
講住咁多先啦~~
>>May 4, 2004 at 1:02:21 AM GMT+8
2004 年 5 月 2 日 星期日 【晴】
【怒訓14小時】
今日既情況比尋日更嚴重
除左食訓屙之外，基本上咩都無做過
個情況就好似一個癱左既人
攤屍咁係張床度郁都唔郁
訓醒之後起身食個午餐
食完之後發覺無野做，就再訓過
一訓又係幾個鐘....
之後等埋媽媽返黎再食晚餐
食完睇左陣電視同打左陣牌之後
再訓過....
奇怪既係，訓左咁多之後
夜晚都依然訓得著，一d障礙都無.....
我諗我真係有d問題....
名義上係照顧剛出院既哥哥
實際上就係完完全全咁hea左兩日
同時經過今日之後
我覺得除左指定動作食訓屙之外
應該係時候尋求一d更高級既行為嚕.....
你地考晒試未呀......我好想去反呀.....
>>May 4, 2004 at 12:36:34 AM GMT+8
2004 年 5 月 1 日 星期六 【晴】
【勞動】
今日係五一勞動節，我都好勞動呢
又要食....又要訓.....又要屙
不知幾辛苦....
呀....仲有，係屋企睇左隻《金雞2》
同想像中差不多悶...唔係咁好睇我覺得
不過睇得出套戲好「香港」
disc 1成隻碟都係講沙士
真係幾悶....
呀...仲有，係屋企睇多隻《大城小事》
比想像中悶好多...唔係咁好睇我覺得
不過上海比想像中靚得多就真既
同埋原來係大城發生既小事
其實真係好小事....
名義上係照顧剛出院既哥哥
實際上就係完完全全咁hea左一日
好勞動呢....
>>May 3, 2004 at 10:26:26 PM GMT+8
2004 年 4 月 30 日 星期五 【晴】
【出廠】
哥哥住了四日三夜醫院之後
終於都出院了....仲打亂左我出街個plan添.....
晏晝原本諗住同kathy去睇戲既
因為我張免費coupon最後今日了
但媽媽一個電話打黎，叫我去幫手接哥哥出院
咁....當然係要去醫院先啦
所以睇戲，就要押後到夜晚喇
我同kathy最後去左UA德福度睇
仲係個度撞到jessie添...
佢居然係好驚訝係德福度見到我...
哈哈~~~傻啦...我地呢d....omnipresent Ga嘛
見到我有咩咁奇呢???
我同kathy睇左《標殺令2》
因為《標殺令1》我地都係一齊睇既
我都係覺得第一集好睇d
可能係第一集始終係3級
d打打殺殺既血腥場面多好多好多
睇起上黎都盡興d
但係今集只係2B級，打鬥場面少左好多
又唔夠血腥，差好遠呀~
就個劇情黎講，同第一集都係咁誇
不過睇左第一集，點都係要睇埋第二集既
因為佢始終係同一個故事
只不過係片長關係先至要分兩集上畫
咁總括黎講，其實都ok既....
順帶一提，原來阿標最後係死得好攪笑既...
睇完之後，我就返媽媽度喇~
>>May 3, 2004 at 10:00:23 PM GMT+8
2004 年 4 月 29 日 星期四 【晴】
【快樂生辰】
去左媽媽度訓左幾晚
返到黎當然要打返日記先啦~~~~
一早，勁早就要起身，去賺錢呀嘛
雖然係小小一舊水，但又無乜野做
無奶油唔去賺佢落袋姐
去左土瓜灣聖匠小學幫d小朋友做體能test
不過今次淨係做兩個半鐘，$40個鐘，所以得一舊水
我同kathy仲要遲左半個鐘先到
我地兩個都唔係人黎既.....kakkakakak~~
今次d小朋友其實都唔係好小朋友
好多大陸同胞，十三四歲仲讀小學五年級
都唔係問題，仲要個個都勁串勁無禮貌，勁仆街...
兩個鐘，眨下眼就過左啦~~~
一舊水就咁宣佈袋袋平安嚕~~~
做完之後食左個麥當當餐
跟住就返屋企訓覺喇~~夜晚再出過去呀!
約左張名同kathy去食飯
我地又去左和民喇!仲食左勁多野添!!
都係覺得和民d野好好食~~~
之後佢地仲送左d禮物俾我
當係補祝生日咁話喎~~
兩份禮物我都好鍾意呢!!!!
第一份仲係「豬籠」既最新大碟
真的好喜歡呢~~~~~~~~~~~
第二份係一條有我個名既孖煙囪
無錯，真係有我個名既!!!!
即係有好大個「生」字係前面中間
咁難搵既野都俾佢地搵到
又點能夠唔鍾意呢!!
不過都唔知著唔著好....好唔捨得拎出黎著哦
我諗都應該係唔會著Ga喇~
今餐食得好豐富，所以埋單條數都幾溶下...
不過最後佢兩個都係請左我
thanks so much嚕~~~
>>May 3, 2004 at 7:10:50 PM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
【樂在其中】
【打麻雀學英文】
【淥死誰手??】
【怒訓14小時】