|
2003 年 12 月 7 日 星期日 【颳風】
2003年12月7日 ．激氣．
今年係12月7號,原本應該係一個好好好好好開心既日子黎既
因為我今日出糧呀嘛....
我等左好耐Ga喇!!!!我仲plan好晒份糧應該係點用
點知今日一去睇下銀行戶口有幾錢
真係一睇.....嚇到眼屎都飛埋出黎....
份糧黠解會得返一半Ga??????
我應該有三千蚊糧Ga啵!!!!!!!!!!!!
點解會得返千五蚊Ga??????
Fuck Fuck Fuck Fuck Fuck!!!!!!!!!!!!!!!!!!!!!!!!!!!!!!!
跟住打俾阿Mo，原來佢都出少左糧
後尾先知原來阿立都出少左，佢同我一樣都係得一半糧
真係........要學吉米咁講句:Diu爆佢呀~~~
夜晚就係係屋企無無聊聊囉
不過好在我呢緊下個禮拜成個禮拜都唔駛返工
都好過無啦~~~~~~
>>December 8, 2003 at 6:07:12 PM GMT+8
2003 年 12 月 7 日 星期日 【乍暖還寒】
2003年12月5日 ．慘絕人寰呀~~~~~~~~．
我個腦又唔知發生左咩事....
去唔到windows呀.....
頂佢個肺.....嗚嗚~~~~~~~~~~~`
而家係屋企都上唔到網
你地話人生仲有咩樂趣呀????
>>December 8, 2003 at 5:45:32 PM GMT+8
2003 年 12 月 6 日 星期六 【乍暖還寒】
2003年12月6日 ．逃避．
為左要逃避上唔到網既傷感
我只好去黃大仙訓返兩晚....
上去之前，我出左佐敦接左媽媽放工先
原來係禾輋搭81出到佐敦係要成9個字
坐到我都吽吽地.....
搵左佢放工之後，同佢係佐敦買左D海味
同埋行左陣旺角，最後仲去左鋸扒添
我同媽媽去左間餐廳叫做"大興餐廳"
原來呢間餐廳係我爸爸媽媽以前拍拖個陣都有食過Ga~
計落條數，即係呢間餐廳起碼有三十幾年歷史嚕....
去左間咁有意義既餐廳食飯，感覺好特別啊....
食完之後，就返屋企喇~~
P.S. 間餐廳好抵食呀!!!!D扒超級大塊Ga!!!
又幾好味喎!!!大家下次不妨去試下啦~~~
埋單都係每人六十幾蚊咋啵~~~
>>December 8, 2003 at 5:55:53 PM GMT+8
2003 年 12 月 4 日 星期四 【颳風】
2003年12月4日 ．The end of semester 1．
其實嚴格黎講，聽日先係last day既
不過呢，聽日上普通話又見唔到呢班同學既
所以今日就頓成last day喇
其實基本上，下個sem都應該係呢班同學既
但係原來好似話有幾位同學會轉科
而elective個D科又唔知一唔一樣，撞唔撞到都係未知數
咁所以D同學就帶晒相機咁返黎影相喇
經過今日之後我先發現，原來Poly個campus都算幾靚
放學個陣，同Carrie一齊係大圍落火車
再一齊行返顯徑，傾左好耐計~~
仲知道左D好攪笑既野添......kakakaka~~
之後就搭我好耐無搭過既88K返屋企喇~
回覆秋玲:
如果財散人安樂，咁我寧願唔安樂喇
聖誕一定勁用錢啦，雖然平時都係.....
我有萬九幾樣野想買呀......
份糧都唔知買得邊樣啦.......
遲D係添馬艦又有冬季嘉年華呀
又要破費喇我諗....
wakakakakakakaka~~
回覆吉米:
噓~~~講到尾你都認左有diu我啦!!!
仲有，你係話"diu爆我",而唔係就咁"diu"我呀~~
同埋唔該你唔好屈係我教你講粗口丫
我記得你話你老細個女係"肥x"呀!!!
係咪肥野個妹呀???
你又話我地某個女同學係"能養"喎
我覺得你既爛口指數有:★★★★★(爆晒燈)
同麥希應該並列第一位啦!!你地都係粗口狂魔黎Ga!!!
我都係係藍星星入面同個同事講多左幾句之嘛
你駛咩咁唔耐煩喎.....
仲有唔該唔好加埋D咩女神呢D字落去丫....好嘔呀!!!
>>December 5, 2003 at 1:43:55 AM GMT+8
2003 年 12 月 3 日 星期三 【颳風】
2003年12月3日 ．越來越爛．
或者係我怕凍啦，我覺得今日天氣仍然好凍
所以返學個陣仲帶埋頸巾添.....
鬼咩.....今朝返0830，要0715起身呀
梗係凍啦，睇"香港早晨"話得17度咋
仲要新界地方再低一兩度Ga嘛......
不過凍得好正，再凍D就仲好!!!
返去上普通話，都係勁讀書咁啦
中間仲做左D分享囉，要分享有咩人生目標喎
當然，Miss係有叫中我啦.....
所以我都即時吹晒水咁.......哈哈~~~
總係覺得普通話D時間係快過D既
唔覺唔覺就要落堂......即係要上QM喇>____<"
唔係講笑，佢一講書我就訓著左，一訓就訓到break
好勁呀......
break完之後，都玩下部電話，碌下Ling咁
期間坐我前面既三姣(另外一姣坐開左)，係度鬼殺咁嘈
佢地唔知謂D咩話題，講到眉飛色舞咁樣樣
露腿小姐仲凸然做左個好嚇人既動作....
我當然即刻要叫Angie睇下啦....kakakakakaka~
之後黑Bra又無啦啦走光露底啵......
咁我又梗係要叫Angie睇睇啦......wahhahahahahahaha~~~~
最驚係臨落堂之前，黑Bra話想用我部電話黎影相喎
佢話想影下D騎呢野喎，跟住Jessie即刻細細聲爆左句
"你自拍咪得囉....."
我即時"嘰"一聲笑左出黎......跟住就落堂喇
最後我都係無俾佢掂我部機~~~醒哩......
落左堂之後，我就同歐佬&吉米去左食野喇
我地又好奢侈咁去左巴西燒烤食buffet lunch
我發覺D野都只係OOKK....不過好在都唔算太貴
食到好飽都只係$40，無錯，只係$40
個陣食蘇七利都要$33啦.......
食完之後，仲坐左幾個鐘先閃.....
真係幾個鐘呀!!!
攪到我連Crit. Think tutor都無上嚕......
坐到差不多1600,就落左去行尖沙咀啦
行左好多地方啊.....
我發覺吉米而家好爛口啊....
女仔人家，又diu，又pork街，又數字咁
又成日講埋D咸濕野喎....真係語出驚人哩~~~~~``
下次要同佢切磋切磋呀!!!!!!!!
睇住黎啦你!!!!!!!
行到1900到啦,我要返藍星星寫低返下個禮拜返工時間既request
仲同阿Mo嗲左好耐啵~~~~~~~
等我幫佢舒緩下佢返工既壓力同緊張,不安既情緒
因為我都好明白企足一日前場既痛苦
又好難得阿Mon唔係度,所以都同佢傾左10分鐘左右
我已經諗得好清楚喇
我實在係唔想再對住阿Mon呀!!!!
我應該會係短期之內辭職Ga喇~~~
今日阿Gilbert打俾我,問我星期五返唔返到
其實我應該係返到既....
不過我唔要對住阿Mon呀,所以我都唔返喇~
同阿Mo嗲左咁耐,出返黎
吉米第一句同我講既野就係"diu爆你呀"
噢.......NO.......一.一
我估佢而家既粗口應該可以媲美麥希同Cherry
之後同歐佬送佢搭車先
跟住我地都返屋企Lu~~
回覆秋玲:
正所謂搵得愈多，就駛得愈多
同埋而家仲係糧尾，梗係霉啦......
過左7號一切既局面都會唔同晒Ga喇!!!
我7號出糧呀!!!!!!!kakakakakaka~~~~~~
我而家又睇中左個Patrick Cox銀包呀
你話我係咪抵死丫......唉~~
>>December 3, 2003 at 11:13:26 PM GMT+8
2003 年 12 月 2 日 星期二 【乍雨乍晴】
2003年12月2日 ．意外驚喜．
今朝原本係要0815起身，返去上英文堂既
不過一起身，周身痛，可能尋日做左11個鐘
Cher得太盡.....既然係咁，我都係繼續訓下先喇
咁呢堂"最後的英文tutor",我就咁就skip左喇~
不過都算啦，無咩所謂既.....
我起身個陣已經係1130，即刻沖個涼先
跟住先返學，不過hea下hea下，返到去都成1300
堂QM tutor已經過左一半......
不過都算啦，無咩所謂既......
落堂之後，同Tim,Roy,Ivan,Butt,Dorchas,Angie,Elaine落左舊can食野
食完，要返去上I.T tutor
不過我都係攪返Jupas個度D野
同埋自己上下網咁囉~~~
呀，佢仲派左上次個test俾我地喎
我一睇自己個張，淨係發覺有好多交叉
好似去左"交叉之城"咁呀!!
好多野都係我以為自己岩，點知係錯既~
不過都算啦，無咩所謂既.....
落堂之後，同Tim,Angie,Dorchas同Elaine去左圖書館
都係睇下報紙個D啦......到1630先去W上堂~~
一去到之後，先知道原來唔駛上堂
係成堂Cancel左......頂......咁我做咩要去圖書館hea咁耐呀?
既然係咁,我同Butt,Angie就去左尖東唱K囉
都係第一次同Poly既同學去唱K
原來Angie唱歌係好好聽Ga!!!!
不過佢可能D中文唔係咁好啦,所以成日唱錯歌詞
我都唔明，唱K跟住D歌詞唱都可以唱錯既???
回覆高妹:
係啦，個幾隻妖孽真係十級恐怖
俾你地見到一定笑爆Ga!!!
諗起似陳勁個個望住我笑先想死.....
佢地全部都係pork街黎Ga!!!!!!!!!!!
呢首歌係Angie唱錯過咁多首歌既歌詞既其中一首!
心服口服 陳慧琳
從門縫遙看禮堂的新人 慚愧地自問 她比我勝任
甘心因一個吻 便販賣餘生 因我不夠笨
從前曾遙看你和她偷情 我本想啞忍 眼看她靠近
那一臉興奮 至初少比我真 也許她跟你比我襯
輸得心服 慘得舒服 即使真相親眼看破比較屈辱
她畢竟比我勇 你這麼的滿足 我不會不瞑目
走的心服 哭的舒服 恭喜她已得到這個免費包袱
苦戀終須中毒 將你親手送出 起碼假裝報一報復
從前曾求你去和她分離 何必玩不羈 你卻好心地
說她損失你 她竟想過死 你只好將我都放棄
我心不痛 你不必懂 恭喜她已得到這個免費包袱
苦戀終須中毒 將你親手送出 起碼假裝報一報復
>>December 3, 2003 at 12:39:25 AM GMT+8
2003 年 12 月 1 日 星期一 【乍雨乍晴】
2003年12月1日 ．無蚊．
話咁快就12月.....真係好快.......快到我驚
今日天氣還是很冷，骨!!
今日都係要返藍星星，仲要返早
不過呢個都唔係問題，因為阿Mon今日唔駛返
所以我放2100(不過要2200先走得)
我一D都唔覺得辛苦，仲樂得悠閒添
全日出左老地兩次，全程左三次
理應係幾Lor命既....不過都係個句
阿Mon唔係度，咩都唔係問題.....
唉，究竟我應該做到幾時呢??
想溫下Geog之餘，仲好想快D唔駛對住阿Mon
但係其他同事又好好喎......點算好呢??
天呀.......可唔可以係我同阿Mon炒大鑊之前
俾少少指引我呀???
尋日都講過，呢排好Q大駛，而家終於舔野喇.....
返工個陣，全身得十幾蚊散紙係褲袋
我就特登唔禁錢住，等自己無錢係身就無得駛啦嘛
橫掂我又有帶飯返工食~~~~
食飯個陣，食左帶返工既個個"叮叮生炒糯米飯"
食完......大鑊!!!!!!完全唔夠飽!!!!
不過都算喇，唔再買野食喇，飲多幾啖水麻煩自己~~~~
到夜晚放工個陣其實都已經好肚餓Ga喇
不過都放左工啦，梗係拿拿聲返屋企食!!!
可惜.....經過Pie & Tart個陣，有一陣好香既氣味撲埋黎
再望一望........好吸引呀!!!!!!!!!!!!!!!!!!!!
最後我都係把持不住，用左12蚊黎買左包朱古力曲奇餅食...
之後我既身上得返$2.7......唔.....無錢一身輕!!!
於是乎我就一路行返屋企，一路享受住呢包朱古力曲奇喇!!!
原來都幾好味哦~~~~~~
返到屋企，玩下個腦就訓喇~
>>December 3, 2003 at 12:08:17 AM GMT+8
2003 年 11 月 30 日 星期日 【乍雨乍晴】
2003年11月30日 ．揮霍無度．
唔得....再係咁落去都唔係辦法....
醒下啦....Edison!!!!
其實今日要返藍星星，應該唔駛點用錢至岩Ga...
但又唔知點解，仲用得多過平時，真係唔對路
可能而家懶係搵到錢咁，所以就駛多左
好似今日咁，放工行過零食物語
都係諗住入去睇下野，點知愈睇就愈想買
最後就買左幾十蚊立雜野食......
不過又真係絃好食既......咁就算啦
同埋而家係零食物語買野食好過癮Ga~~
買滿30蚊就可以抽獎喇
我仲抽中左張coupon，係食日本料理既
下次我會去試下Ga喇~~~~~
講返今日返工，其實都無乜特別既
可能係星期日，太忙，阿Mon都係乜點理我
不過我而家對佢既態度都差左好多
如無必要，我都唔會同佢講野
同埋出現係佢視線範圍之內呀....
總之就叫佢收皮啦!!!!!
放工之後就返返黃大仙喇~
>>December 2, 2003 at 12:48:05 AM GMT+8
2003 年 11 月 29 日 星期六 【乍雨乍晴】
2003年11月29日 ．睇廢戲＋打邊爐＝好高興唷．
終於都有返D冬日情懷feel.....so good so good......
係黃大仙起左身之後，都係無無聊聊
開頭話同麥希，阿蓋同首領二號去行街Ga嘛
點知阿蓋無啦啦又話唔行喎，攪到麥希都無叫我出去
但係我又唔係咁想係屋企悶喎
所以呢，我就約主席去睇戲喇
佢又得閒喎，所以我地就出左馬鞍山睇喇
馬鞍山戲院裝修完之後我都係第一次去
入面簡直同希爾頓有得揮呀!!!!!
都係咁寬敞，咁大，完全係正呀!!!
我地今次睇既廢戲叫做”妖夜尋狼”
贂佢既宣傳海報，佢話係咩羅密歐同茱麗葉既妖艷激情篇喎
睇完，真係dee dee聲......勁悶呀!!!!
基本上佢成套戲都係黑媽媽，無咩光既
攪到我好想訓，亦都訓左一陣.......
個劇情又唔完整喎.....總之就唔掂啦~
我都唔明，點解我會成日睇埋咁多廢戲既!!!
想死呀真係.......而家期待緊聖誕節D猛片呀!!
我諗應該會有D驚喜既!!!
睇完之後,約左麥希同周阿蓋去打邊爐
開頭諗住係上麥希屋企打Ga.....
不過D人囉....放晒飛機咁....
所以我地就落左佢屋企樓下間酒樓打喇~
D野食都幾ok既....個醉雞湯底好正呀!!
個D桂花蚌都好新鮮好好食~~~
食到個個都嗌晒飽，都係70蚊~
食完好想番尋味呀!!!!幾時再打過呀老友們????
食完都已經係差不多2400，諗住85K應該無咁快無車
所以就送埋主席同阿蓋去搭車先囉
點知送完佢地走之後，發覺......
原來85K真係咁早無晒車.......pork街喇....點算呢????
唔緊要，仲有40X，望一望，頂爆佢丫.....原來仲早無車
呢個時候，好在見到架87K，都無得唔上啦
戇居D都要Ga喇，咁我就去左大學火車站先
再轉火車返沙田，先再行返屋企
幾勁呀...........
打到呢度先，煮個宵夜食下先~
>>December 2, 2003 at 12:05:20 AM GMT+8
2003 年 11 月 28 日 星期五 【颳風】
2003年11月28日 ．妖孽．
天氣凍左好多喇,得16,17度咋
出街記得著多件衫,唔好冷親呀!!!
今日一早返左上左普通話既tutor
又有assessment test喇....不過今次呢個都ok易喎
無想像中咁難~~
85分以上應該無咩問題......
不過我想有9字頭喎...唔知得唔得呢??
落左堂之後,去左M Core度攪D野
今次又多得歐佬幫我攪掂份I.T. assignemt喇
如果唔係我都唔知點死份assignment出黎~
跟住又要fax返D野去學生資助辦事處
真係唔fax過都唔知原來係咁貴Ga
係七仔fax要成5蚊張,fax左3張就15蚊喇....頂~
攪掂晒呢D野之後就係舊can食埋野啦~
之後到夠鐘就要返藍星星喇~
Not surprisingly,今日返工都係有俾阿Mon話既~
仲要唔止一次喎.....我開始覺得佢係有少少無理取鬧....
專係吼人開咪講緊野個陣就叫我
咁我聽唔到佢叫我都唔算過態丫....
跟住佢就話我唔應佢,唔俾反應佢....都short Ga.........
再係咁落去,我覺得我總有一日會同佢嘈鑊勁...
佢可以炒我,不過唔該講野客氣少少呀!!!
到佢走左之後,即刻人都醒神左呀~
夜晚個陣,有班妖孽黎買野.....四個都係Gay佬黎Ga!
即係一睇個抄扮就知係Gay個隻呢....
包晒頭巾,仲有蘭花手添Ga....pork街...
呢班妖孽買完野都仲死唔走
企係門口度望住我淫笑喎....都低能Ga!!!
笑左一陣先識走....原來問返Gilbert
型妖孽仲問佢幾點收工,去邊度蒲喎.....
嘩.....好在無問我.....不過諗起佢望住我笑都已經好想死...
話時話....其中一個個樣有少少似陳勁....
唔知係咪佢D兄弟黎Ga.......
今既我收尾,收工之後仲要幫手摺場
成0040先走得呀.....好在趕得切搭尾班地鐵返黃大仙....
返到屋企,沖完涼都差不多0200喇
不過我都唔理,照食返兩碗飯先
因為實在好肚餓,一路食個陣
仲睇埋隻"大丈夫"VCD...我覺得呢套戲都幾OK喎
個結局真係幾意想不到......
攪笑得黎又有少少message.....
同埋毛舜筠同盧巧音都真係做得幾好~~
29號個D聽日訓醒先打啦
都係一樣咁精彩Ga!
而家眼訓呀,訓先~~Good night~
>>November 30, 2003 at 1:50:51 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
2003年12月7日 ．激氣．
2003年12月5日 ．慘絕人寰呀~~~~~~~~．
2003年12月6日 ．逃避．
2003年11月29日 ．睇廢戲＋打邊爐＝好高興唷．