|
2004 年 4 月 28 日 星期三 【晴】
【遺憾】
今日行左火炭條路兩次，上晝一次下晝一次
兩次都係想返poly傾project
點知最後兩次都唔駛返......
多得我個個對我非常之容忍兼體諒既groupmate--奀豬
好多野都係佢一手一腳包辦晒
我之前又要考試唔得閒理poly既野
即使考完都唔見得有幫過下手
我其實都算幾pk.....
夜晚約左秋玲同yoyo去睇個joint U sing con
其實我去好大部份係因為有陳慧琳做嘉賓
不過我笨七左呀....我唔記得帶相機呀!!!!!
我坐個位同個台唔係好遠Ga咋....
去到見到勁多人都有相機，得我無，勁唔開心呀
陳慧琳係第一個表演嘉賓，真係太靚喇
靚到無得再靚，佢個對著左桃紅色絲襪既傷長美腿
真係索到無與倫比....
佢出場淨係唱左一首《嫁妝》就走左喇
佢唱歌個陣，我見到勁多人拎住部相機對住佢怒影
真係dum爆....點解我會唔記得帶相機Ga....嗚嗚~~~~~
除左陳慧琳之外，仲有梁漢文，傅珮嘉，關心妍同啤梨
關心妍唱live真係好勁，唱《無罪釋放》同聽CD無咩分別，超勁!!
其實傅珮嘉都幾好，著住條Pauline褲都唔係唔得Ga!!
佢首《前戲》都好好聽呀,又幾得意喎~~
講返呢個sing con，D參賽者既水準都相當之高
不過好明顯參加呢d sing con係唔需要睇外表既
因為冠軍同亞軍都係肥仔黎既
同埋其實我覺得冠軍個個都唔係唱得最好
亞軍個肥仔仲攪笑，係poly既
唱得好放，好有台型好好笑
不過不得不佩服佢既勇氣
如果俾我一定唔得呀，我一定會怯場
除左獨唱仲有合唱組
其實d人真係好鬼勁，十幾個人一齊參加
除左唱之外仲做埋成首歌既和音
成首歌所有sound effect都係自己攪掂晒
真係唔容易Ga....犀利犀利~
總括黎講成個show都幾好睇既~
睇完之後，走個陣仲撞到主席
原來佢又有新女喇.....哈~
之後我同秋玲yoyo仲去左元祿食壽司
仲食到12點幾咁夜，所以最後都係搭地鐵出旺角
然後轉飛van返屋企嚕.....
今日無帶相機，真係激激激死我.....=.="
>>April 30, 2004 at 1:46:15 AM GMT+8
2004 年 4 月 27 日 星期二 【暴雨】
【哥哥入廠】
一早，0915，係我睡得正甜既時間
擺係床頭既電話竟然響起
原來係Denise....佢遲左24個鐘同我講生日快樂
唔....算佢啦....如果唔係同我講生日快樂
我一定講得勁晦氣~
媽媽打黎話哥哥因為盲腸炎入左廠
仲話要做手術添~~
咁我上完區博士堂，再同奀豬食左少少野之後
就出左威記搵佢喇
不過我去到既時候，佢已經做緊手術喇
一路等呀等，阿甄同媽媽都黎左
仲等左兩個幾鐘添
後尾好在見到哥哥都無乜大問題
係岩岩做完手術好累
攪多左陣之後，我地都唔阻佢訓
就返左屋企喇....
其實一個人無啦啦點解會盲腸炎Ga呢??
細蚊仔就話食完飯亂跑亂跳姐
但係大人大姐無啦啦都會咁既??
雖然話係小手術，割完之後無咩大礙
不過無啦啦咁樣入廠都唔好啦
阿甄講得岩既，經過今次之後
哥哥都應該會小心飲食Ga喇...
仲有呢，我一直都以為D護士應該係好溫柔
但原來都唔係既，個個都粗聲粗氣
問下佢個toilet係邊之嘛
都答得勁大聲勁無禮貌....
仲話白衣天使喎....食蕉啦~~~~
同埋而家入醫院探病都幾麻煩下
又要帶口罩又要填表証明自己無發燒
阻左我好多時間呢....
霎時之間都唔知係邊度整個口罩出黎
雖然話有得買姐...不過都攪到我騰黎騰去
係非常之咁麻煩...
好眼訓，打到呢度先....
>>April 29, 2004 at 2:05:47 AM GMT+8
2004 年 4 月 26 日 星期一 【晴】
【廿一】
又大一歲嚕.....
代表我既黃金歲月已經所剩無幾
時間可唔可以過得慢少少呀唔該....
返完學校考普通話oral之後
同左幾個poly同學去canteen食蛋糕
呢個真係非一般蛋糕呀
係奀豬親手做Ga....好犀利呀
我都係第一次食人地親手整既蛋糕咋
隨蛋糕仲有兩個心型朱古力，一黑一白
唔.....好味好味~~~仲好甜添~~~~
最衰真係食到飽咋，如果唔係真係想成個食晒佢
食完之後去左唱k喎
自從我個腦無左聲之後，都好少download歌黎聽
所以呢輪d新歌，我全部都唔識
我仲停留係陳小春相依為命既階段
真係好唔掂呢~~
不過幾個鐘流流長，咩都唱下無所謂啦
唱到差不多1700就走喇
兜多一陣，出左銅鑼灣搵Cathy
基本上近呢幾年生日都會見到佢
我地上左一間上樓既cafe食野同吹水
個度好舒服Ga!!!又好有chracter啦
可以任坐任玩任上網
後尾Cathy兩個friends都黎左
我地仲一齊玩UNO同大富翁添
大富翁呀!!!真係N年無玩過喇
差d唔識玩咁滯...一玩就玩左勁耐
差不多2300先走人
好多野往往同想像有好大出入
不過都正常既，天不從人願嘛，明既....
希望我會學識「珍惜時間」
生日....咪就係咁囉.....
還是會寂寞 陳綺貞
早已忘了想你的滋味是什麼
因為每分每秒都被你佔據在心中
你的一舉一動牽扯在我生活的隙縫
誰能告訴我離開你的我會有多自由
也曾想過躲進別人溫暖的懷中
可是這麼一來就一點意義也沒有
我的高尚情操一直不斷提醒著我
離開你的我不論過多久還是會寂寞
別對我小心翼翼 別讓我看輕你
跟著我勇敢的走下去 別勸我回心轉意
這不是廉價的愛情 看著我對我說真愛我
>>April 28, 2004 at 2:26:21 AM GMT+8
2004 年 4 月 25 日 星期日 【暴雨】
【二十】
接住尋日，打左15個鐘頭牌之後
我地仲落左大家樂食早餐
雖然個陣我地成晚無訓過兼晨早流流〕
不過我地情緒依然十分高漲
期間都係不停地狂笑
雖然笑既內容主要都係d變態野
雖然有秋玲呢個女仔係度
不過我地係佢面前又唔需要扮野丫
同埋秋玲都笑得好開心呀~~~
坐到0900就閃喇
問媽媽借左部GX32黎用左一日
真係太靚仔喇，不過又要趕住返屋企俾返佢返工
如果我可以自己擁有一部
就真係太美滿喇.....
返左屋企之後，全部人返晒工
得返我一個人係屋企，諗住正啦
無人嘈住我訓覺，一定要訓返夠本至得
點知人算不如天算，我1000去訓
未夠1300就醒左，之後就訓唔返喇
好!!!我就唔訓，起身睇碟
睇左隻《性感都市》，個陣已經想入戲院睇喇
不過又無人陪我睇，個個都話會好廢
但係今日睇完，又無想像中咁廢喎
朱茵個條線好好笑，張柏芝好索，索到爆
套戲拍得蒙嘉慧都好靚，陳冠希又係好型好正!!!
雖然個故事就散亂左少少...
只係分別講幾個女人既感情，無咩啅頭~~
睇完之後諗住再訓過
點知有好多電話....訓唔到.....diu~~
算啦，索性唔鬼訓喇!!
反正夜晚都約左紀瑤!!
同紀瑤出左老尖食飯，食我好耐無食過既壽司
「金太郎」d野食都ok既，又唔貴
所以就怒叫左好多碟，仲計埋d麵呀
食到兩個都超飽，飽到嘔乜滯~~
不過埋單都要成$80....
食完之後就一齊搭81返屋企喇.....
講住咁多先!~
>>April 27, 2004 at 1:09:31 PM GMT+8
2004 年 4 月 24 日 星期六 【暴雨】
【創舉】
將會係一篇好長既日記....
我話過，考完試之後一定要怒玩喪玩
今日開始我就要付諸行動喇!!!
第一砲，約左首領，蛙仔，秋玲同yoyo去飲茶
開頭諗住去沙田廣場下面個間福豪
不過個度既下午茶時段實在係太過多人
要等六十張檯.....痴線!!咪玩啦!!
所以就改為去新光飲喇
去到完全唔駛等位，以為好筍
點知食落就發覺好fucking....總之唔好去食啦~
聽秋玲講，星期三晚有個大專聯校sing con
係有陳慧琳做嘉賓Ga!!!咁就去左通利睇下有無飛買啦
點知賣飛條友完全唔知我講咩
好似完全無呢個function咁樣樣....
最後都係要秋玲親自打俾city muso個負責人先得
好野!!!!!!!星期三晚可以睇陳慧琳!!!!!
好期待哦~~~~~~~~~~~~~~~
飲完茶，我地幾個即刻上左秋玲屋企打牌
晏d大笪都黎左，都同佢打左4圈
感覺上好似好耐無打過咁.....其實係咪呢??
不過都無緊要，打牌係唔會嫌多既
我地好癲喪呀....打左差不多15個鐘頭呀....
由24號1700到打到25號0745....
足足24圈，係24圈呀!!!!!!!
好似未試過連續咁樣打法咁耐~~~~
打完之後覺得個人好滿足，好興奮
如果唔係真係太累，都想繼續打落去
至於個結果，就真係幾峰迴路轉喇
開頭輸既最後就贏，開頭贏既最後就輸
我由最高峰個陣輸$70，變左贏$40
不過最後有所回落，贏得10蚊雞....
首領就cheap啦....開頭都贏唔少
最後都係要輸...削~~
係打牌呢15個鐘入面，我地只係停左大約45分鐘食飯
其餘時間無停過.....不過我地都幾唔係人
我地已經係上秋玲屋企打牌Ga啦
之後仲要秋玲落街買飯俾我地4個男仔食....
所以話，秋玲真係好好人屎Ga!~
打左咁耐，當然又係有好多好多既爆笑事件啦
首領唔知做咩事，無啦啦講左d變態野
佢話要擘大個屎眼睇清楚d牌喎....
之後秋玲聽到，就係度喪笑，笑到癲左喇....
唔....我又覺得無乜野啵~~~
首領講野不嬲都係咁Ga啦
呢d已經係小小小兒科啦，賤多1000倍都仲得
秋玲真係唔係咁了解首領~~~
之後夜d個陣，又有d低能野發生
唔知係首領反應慢，白痴定係點
一開始拎牌個陣，一切都好正常
但唔知點解攪攪下佢一隻牌都無拎到
但我同蛙仔秋玲都有8隻....
秋玲仲要好型咁拍左首領隻手一下
可憐既首領就係咁唔知咩事俾人拍左一野
仲一臉茫然咁望住秋玲
我見到呢個咁低能既場面
就到我忍唔住喪笑喇....今次既喪笑
真係笑左幾耐.....10分鐘都有呀
我真係笑到狂流眼淚，隻眼紅晒，個肚又勁痛
痴線Ga......我覺得我呢d咁既笑法
可以話係我一個distinctful既特點呀....
之後返到屋企諗起呢個低能既場面
都會無啦啦係度笑，好在無人見到....
怒打完24圈之後，我地仲落左大家樂食早餐添~~~
其他之後再講，而家訓覺先嚕~~
同埋其實都唔係好長姐.....哈哈~~
>>April 27, 2004 at 2:08:44 AM GMT+8
2004 年 4 月 23 日 星期五 【晴】
【了斷】
咁就考完Geog喇.....
又唔係唔識既，不過又唔係識太多
普普通通咁啦....
又唔係無機會pass...
都係算吧啦，都唔預測太多喇
經過上年既教訓，都唔敢咁老定
總之一切都係平常心
放榜出黎係咩成績我都會欣然接受
「甘之如飴」，而家係我既強項!!
咁難得脫苦海，其實我真係好想去玩下
不過麥希又好似好累咁
都廢事叫佢周圍去玩嚕
算啦，來日方長大把時間
要去玩都唔需要急於一時~~~
所以我地吹左陣水之後都走人
我就返左媽媽樹喇~
考完六個鐘頭試，頸又累，手仲累
跟住成晚都係唔係咁自在~
條頸同隻右手都好似唔屬於自己咁...
係咁既身體狀況之下
最適合就係攤係梳化睇碟
媽媽租左隻《見習黑玫瑰》返黎
睇完之後淨係覺得成套戲係一齣鬧劇
無無聊聊又唔好笑，都唔知做乜
淨係覺得佢地幾個係度唱歌個度好笑少少....
好彩個陣無係戲院睇咋~~~
攪到兩點幾，真係頂唔緊要去訓
終於可以開冷氣訓喇!!!
舒服都爆呀~~~~~~~~~~~~~~
>>April 26, 2004 at 1:59:08 AM GMT+8
2004 年 4 月 22 日 星期四 【酷熱】
【養兵千日】
聽日就係考Geog既日子
而家心情....又唔係好緊張好驚既，平常心囉
要識既都已經識晒，雖然信心只係一般
不過今晚都係要繼續讀，作一個最後既衝刺
等自己有一個心安理得.....
其實paper 1都唔係好驚，只係怕paper 2寫唔到
希望聽日可以大步檻過，逢凶化吉!
順個勢都要感謝我既朋友們
今日又SMS又留言又offline message的
你們給了我一個「愛的support」
姑勿論聽日我perform成點
我都係會銘記在心的~
明日，決戰在沙田循道衛理中學!!!
生死存亡都係睇呢一鋪....
回覆蛙仔:
多謝你的留言和鼓勵
聽日我同麥希都會加油Ga喇~
我地都會盡力將所有既potential發揮到極限
希望我會帶到好消息俾你地啦~
>>April 22, 2004 at 10:35:21 PM GMT+8
2004 年 4 月 21 日 星期三 【酷熱】
【師兄】
倒數兩日
第一件事最緊要係祝鼠欣生日快樂
心想事成，最緊要係a-level大放異彩
讀佢一個大degree!!!一於咁話!!!!
雖然臨近考試，不過有機會賺下外快
我當然係唔會錯過啦!!!!仲要只係上晝幾個鐘頭...
Kathy尋日搵我，叫我今日幫手做helper喎
咁就係幫D小朋友做個小小既體能test咁既
仲有時薪40大元正添啵.....做0830-1330
總共5個鐘，即係有200大元正喇!
咁筍，即刻一口答應啦梗係!!!
個地點仲係我既母校---「聖公會馬鞍山主風小學」添!!!
好多年無試過未夠0700就起身.....
今日要0650起身呀....簡直係攞我條老命....
出到錦泰，同Kathy食埋早餐先入去
入到主風，好多野都唔同晒
連最基本既校服都唔同左樣
等齊晒人之後，就開始set下野喇
就係set個幾條分別係6cm，4.5cm同3cm既平衡木
同埋等d小朋友落黎.....
我既工作就係數佢地係每條平衡木行左幾多步....
唔.....真係好辛苦呀.....哈哈~~~
做左幾個小朋友之後，又要等下一班
下一班又係做幾個....之後仲有lunch time添!!!
你話.....呢40蚊個鐘真係難賺~~~
食完野返到黎之後，又要等d小朋友落黎
等個陣，又係吹下水咁....
我為左証明呢200大元唔易賺
我仲騰黎騰去，去左兩次廁所添!!!
做埋最後一班小朋友之後，咁就收工喇
話就話做5個鐘，食飯食左1.5個鐘
吹水吹左0.5個鐘....其實只係做左3個鐘....都唔知有無~~
咁就賺左呢200大元...真係開心~~
好彩之後仲有得做呀，你地係咪好羨慕呢....
返到主風，都諗會唔會見到以前教過我既老師....
點知真係見到喎~~~
話說我地等緊小朋友落黎既時候
撞岩佢地放小息喎
見到有個值日既老師係度行黎行去
唔....好熟面口....我應該係識既!!!!
跟住我問兩個小妹妹，呢個係咪鄺主任呀?
點知原來真係....哈哈~~我咁都認得呀!!!
跟住我仲同兩個小妹妹傾下計
我話鄺主任以前教我「社會」，好好人Ga!!
點知原來小妹妹唔知咩叫「社會」
因為而家變晒做「常識」....
我仲同鄺主任傾左幾句，不過佢完全唔記得我.....
佢同10年前一樣，D語氣態度無變過呀!係個樣老左dd
跟住我仲見到楊主任，佢個頭禿左好多呀...
仲有梁企鵝老師，馮桂英老師同鄧惠芬老師
其他就見唔到喇....我問鄺主任吳敏儀老師仲係唔係度教
佢話仲係呀....不過佢病左無返學~~
哎呀.....佢一定認得我Ga嘛!!!
係我小學四至六年班既班主任黎Ga!
返到主風，都唔記得買隻熱狗食，真係失策!!!
我以前日日都食一隻Ga嘛!!!
其實本來下個禮拜都可以再返去Ga!!
點知又撞岩要考普通話，所以返唔到去
希望之後仲可以返多次主風就好喇~~~~
走左之後，同Kathy出左沙田兜多陣就返屋企
唔駛講，當然係要訓覺啦....
夜晚繼續溫書喇~~~
回覆胡鬧:
希望我既答案無嚇親你，難得你仲話我篇幅夠長
真係太開心喇~~~~~~~~~
仲有一日就考喇，努力努力呀!!!
回覆yoyo:
見到「唔好意思」呢幾個字，都估到係你喇
做咩又要「唔好意思」呢??
真係唔多明白喎....你幾時整悶我呀??
回覆首領:
你阿sir都幾低能啵....
「4代同床」，一聽就知係一個好warm既畫面啦
可以4代既人訓埋同一張床....
諗起都happy呀~~~~
>>April 22, 2004 at 1:22:56 AM GMT+8
2004 年 4 月 20 日 星期二 【酷熱】
【綠茵床上風雲起】
倒數3日
返左去上中文堂，因為區博士千叮萬囑今日一定要返
好似話有個oral test喎....
咁我都要俾俾面佢既，所以咪死左返去囉
點知俾區博士坤左....
個oral test可以遲少少先做....diu....
上堂個陣，區博士又白白痴痴咁講左d低能野
notes上面明明寫住「綠茵場上風雲起」
佢講左「綠茵床上風雲起」......好有玄機啊....
放學之後，又去左圖書館溫書
不過最後又係訓左覺....又訓左成個鐘
最後都係歐佬打黎話一齊走先識醒
犀利犀利~~~
唉.....出面真係太熱喇....好辛苦
真係頂唔緊.....成個夏天流流長
都唔知點過嚕........
但係究竟星期五考完之後，玩咩好呢??
>>April 21, 2004 at 8:24:27 PM GMT+8
2004 年 4 月 19 日 星期一 【酷熱】
【沉睡森林】
倒數4日
要返去上普通話堂呀...唉~~
落左樓先發覺無帶到我張准考證影印本
又要即刻返轉頭拎....今日又鬼咁熱
未行到去商場就已經熱到身水身汗喇
攪什麼鬼呀....
上完普通話，同左yoyo &佢幾個friends食飯
見到佢地做D projects做到勁慘咁
我都唔知講咩好嚕~~~~
食完野之後，原本打算自己去圖書館溫下書
點知都睇到夠一版，就覺得異常地眼訓
所以就伏低訓返陣先啦，個陣係兩點幾....
.....點知....一訓就訓左個幾鐘喇啵....
原來圖書館真係好好訓，夠寧靜，又夠涼爽
唔怪得之個度成個訓覺場咁啦....
勁多人都係個度訓覺，個場面都不知幾過癮
訓醒之後，都係唔溫住喇
走左落老尖兜左一陣
到六點幾就搵埋yoyo一齊走添
去沙田交埋電話費，食下雪糕就返左屋企嚕~
夜晚輝輝約我星期六返劉百樂個open day...
唔......返去又無乜野做，所以都係唔返喇
而家我又樣衰衰咁喎
廢事返到去見到d唔想見既人之餘
仲要俾d唔想見既人潤啦!
傾下傾下，又同輝輝講左差不多成個鐘頭
好耐都無講過電話呢~~
今日係鼠欣考西史既大日子啵
希望佢見神殺神，遇佛殺佛，旗開得勝喇!~
不過我d geog今日既進度就唔係咁ok喇....
新歌推介
最佳男配角 黃凱芹〈英文考試作文常客〉
裝不出笑著去慶祝 這晚我面容被扭曲
又再得到一次 完全讓失戀去壓軸
像明日之星的選角大賽
我就算單戀錯愛一再參賽
我的感性 如曾令生命笑過
世界甜蜜過 存在才現光彩(求大門就會開)
還蠢得刻意為你裝出灑脫動作
場面迫真彷似一齣好戲閉幕
如我未配擔演主角 甘願作丑角
仍很想真摯入戲為何嫌造作
能成為娛樂你的一個傻瓜
不欣賞也無需傷害我
期望尚有愛 留在人海一角
等不到戲份要結束
愛上你但從未滿足
若你回心轉意 這表演依然可繼續
還蠢得刻意為你裝出灑脫動作
場面迫真彷似一齣好戲閉幕
如我未配擔演主角 甘願作丑角(只望有齣代表作)
仍很想真摯入戲為何嫌造作
能成為娛樂你的一個傻瓜
不欣賞也無需傷害我
期望尚有愛 留在回憶的一角(留在回憶)
憑著臉上油彩拼命蓋住絕望與悲哀
>>April 20, 2004 at 1:04:45 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
【遺憾】
【哥哥入廠】
【廿一】
【創舉】
【師兄】