|
2004 年 3 月 19 日 星期五 【寒冷】
【戲迷】
今日終於都返左呢個禮拜以黎既第一日學
上普通話個陣，一如所料，miss又叫我堅持，好煩呀!!!
都講左話要準備考試Ga啦
淨係識叫我堅持堅持!!!!
區博士就好好多啦，完全明白我既苦況
放學之後，同Angie上埋新can食lunch先走
返左沙田之後，我又睇戲喇...
係呀!!係"又"睇呀!!係八日以黎既第四套戲
平均隔日就睇都戲，都咪話唔激~~
今日係同首領睇，睇既係"見鬼2"
開頭諗住應該會幾正.....點知唔係~
完全唔好睇，驚嚇場面唔係話無，不過唔算好驚
最恐怖係兩母子跳樓個場
五秒之內連嘭兩聲....都打左個凸
不過好在之前睇畫頭都見過呢幕
所以有左少少心理準備....就好D~
最攪笑係的士上面個隻辮子姑娘....假到飛起~
成為左全套戲最失敗既一隻鬼!
至於個劇情，就唔係咁ok~~
點解舒淇可以跳兩次樓都唔死???
係連跳兩次啵!!!即係跳完一次之後死唔去
再躝返條樓梯上樓，再跳多次....不過都係無事
真係撲朔迷離呢~~~
睇完之後，覺得都係好似都係第一集好少少!
雖然我又睇戲，不過而家我睇戲好鬼平呀，$35咋
仲可以帶挈埋一位朋友有得平添，幾好呀!
睇完之後打俾秋玲，佢原來同高妹一齊
咁佢兩個就黎左搵我地一齊食tea喇
首領一意孤行話要食KFC喎....
不過都唔關我事，我都食左野啦
雖然最後我都係有食到.....
到大約1800，高妹陪秋玲去整頭
咁我就返屋企喇......
今晚媽媽上左黎，我都會跟佢返黃大仙
應該都會訓返幾晚
所以日記將會暫停數天
讀者們要餓幾日嚕~~~
講住咁多先，過幾日再見
byebye -0-
>>March 19, 2004 at 9:29:29 PM GMT+8
2004 年 3 月 18 日 星期四 【微冷】
【七日內第三次】
尋日考完oral，今日就即管俾個藉口自己去放肆一日
所以...今日我無溫過書....
下晝約左Kathy出沙田，不過.....出到去先知
原來佢仲未得，我要等多半個鐘.....fu*k off....
跟住我打俾秋玲，同佢嗲左好一陣
就上左連城搵阿蓋....佢今日要開工喎....
係個度同佢玩左一陣
買埋外賣俾佢食，就搵返Kathy喇
同佢去左早前話有老鼠出沒
仲係人地隻腳度走黎走去既雪國食野
我都唔知點解我咁大膽....
不過野食既味道依然有水準
食完之後我都無肚痛，應該無野卦
之後無野好做，就去左買飛睇戲喇
買完飛未夠鐘，落左Fun Zone打機
次次打麻雀機都覺得好好笑
打到夠鐘，我地就入場喇
今日睇既係"7年很癢"，呢套係我呢個星期以黎睇既第三套戲
香港電影業有我一日，都應該唔會咁快死住....
講返套戲....其實唔係咁好睇，不過幾好笑
特別係劉青雲玩瑜伽個場，笑爆咀
成套戲個故事其實好簡單，但係呢個都唔係重點
係睇人Ga姐.....劉青雲做呢D戇男岩Ga喇
完全有晒中年男人既感覺....
講靚劉嘉玲其實係幾靚，仲好有女人味添
不過真係老啦....佢對眼D紋好勁，夾死烏蠅都仲得
仲有應采兒，呢個就真係靚喇，青春無敵
不過當佢都劉嘉玲咁既年紀個陣
可能又係另一番景象嚕....
睇完之後，套戲話我知，婚姻係絕對信唔過既....
cher~~未睇套戲之前已經知Ga啦!!
7年??駛唔駛呀???要變心....7日都夠有凸啦!!
睇完之後，吉米打俾我，原來佢又係阿蓋個度
所以我又上返去喇~~
歐佬考完oral之後仲黎埋一齊玩
阿蓋咁慘，企左成日都係得50蚊生意
可能同我地係度嘈喧巴閉好有關係....
走左之後，佢send左message話我知
佢臨尾做多左$200....俾佢執返身彩啦~
聽日又要繼續溫書喇~~~~
>>March 19, 2004 at 12:54:16 AM GMT+8
2004 年 3 月 17 日 星期三 【乍寒還暖】
【2004第一戰】
1200，竟然有人打屋企電話搵我
N年無試過Ga喇啵.......原來係吉米黎既....
係呀，今日約左佢上我屋企噴頭
基於我今日考oral，咁我無理由成頭金毛咁去考Ga嘛
所以呢，佢同歐佬兩個就上左黎幫我攪返黑個頭喇
噴頭既過程如下:
step 1:拎住支野，對住我個頭，怒噴一番
step 2:摷起D頭髮，再對住入面怒噴一番，務求成個頭都黑晒
step 3:為安全起見，再次對住個頭，再次怒噴一番
以上過程需時一小時....
噴完之後，故事並未完結，因為我成塊面都黑晒
個樣係好得人驚既....真係好驚，所以我要洗面....
嚴格黎講，其實係省塊面....拎住條毛巾
出力係咁係塊面度猛捽....都幾痛Ga!!
攪左好耐先可以出得去見人呀....
我地又出左隆亨啦....仲見到yoyo添~
放低左D野之後，就去左田心個間金曼谷食野
其實一路都係好心緒不寧
唔知係心理作用定係點，今日個肚都係痛痛地
係個間野食完之後尤其嚴重...
應該係話飲完佢杯椰汁冰之後
食完之後，仲買左個口罩，諗住陣間考試用
返返自修室，同吉米繼續掙扎
攪到1730，同yoyo講左幾句遺言之後
就搭804出去行刑喇.....
搭804，好快就到達我個刑場---聖母無玷聖心書院
准考證上面既時間係6:15pm，我去到個陣係1750
但係個waiting room已經坐左好多人
只係淨返伶伶仃仃幾個位
坐低之後，就係等佢叫名啦
等等等等等等等，等左一個鐘之後
卒之到我考喇....好過上年Ga喇
上年我由頭等到尾呀!!
係preparation個10分鐘入面
我D時間分配得唔係咁好...
剩返3分鐘個陣，我仲有勁多野未寫
不過好在，之後都可以寫得好快
10分鐘好快就過左，嘟嘟聲響起之後
我岩岩寫得晒.....好在好在....
過左examination room，坐低左就開始勁怯喇
做presentation個陣，感覺幾好....
都尚算流暢，時間都控制得ok~
講完時間剩返5秒，都算係咁啦
平時練個陣係剩30秒Ga嘛...
聽晒咁多人present之後，都鬆左口氣
無乜邊個特別勁.....全組計埋我兩男兩女
我同個兩個女仔差不多，係個男仔削左少少
之後到discussion，都係ookk咁啦
又係好過平時練個陣啦~~
我都叫做有野講，勉勉強強都講到...
可能第一日考，篇pessage雖然悶，不過唔難
係講蝦你波凸既....discussion條題目又係唔難
考完之後，我唔敢講期望太高
不過叫做滿意啦....我覺得最合理既grade應該係....D
仲有，順帶一提，原來考試係唔駛用口罩既
所以我就白白咁side左兩蚊雞喇....
我覺得我今日既表現都算係咁Ga喇
不過好橋，上年我係3月17號考，今年又係
上年我係candidate B，今年又係
不過上年D人就勁好多喇.....不過咩都可以一樣
個成績唔好同上年一樣就得喇!
考完之後呢，再出返隆亨搵吉米同歐佬
陪佢地做多一陣就走喇....
返到屋企，二話不說，即刻洗頭先
個死人頭洗極都係成餅野咁!
前前後後我總共洗左三次先可以變返原本咁樣
連續洗三次頭呀...都未試過Ga!
淨係洗頭都洗左半個鐘
攪左好耐之後，成個頭都回復亮麗，光澤，清爽
唔....下次咪再咁攪噴法呀真係!!!
回覆首領:
係喎!!!個兩條友係菲律賓人黎Ga
你有無睇報紙呀??
我好大方咁原諒左佢兩個啦....
我係無追究Ga!!
如果俾你??你唔告到佢地坐監都唔停手啦!!
>>March 18, 2004 at 1:21:56 AM GMT+8
2004 年 3 月 16 日 星期二 【晴】
【梗係oral practice 2啦】
由於我係一個負責任既班長，所以多左好多麻煩
今日我明明係去做oral practice，所以唔返學
但係成班既notes都係我度，如果我唔返就全班無notes上堂
咁唔得Ga嘛....我唔讀姐，都唔可以陷害全班Ga嘛
所以我就係火炭搭火車出左大圍麗晶拎返D notes
再搭火車出紅磡，叫Angie黎火車站攞
之後我就出返沙田喇.....
如此這般，一早我就搭左兩轉火車喇....
出左沙田，同吉米兜左一陣
我又買左兩件新衫喇....無計啦，平丫嘛~
原來display係可以平D Ga....我真係唔知丫...
所以吉米就幫我拎左個discount喇....
真係唔可以睇小女人講價既能力哦~
如此這般，我就慳左幾蚊雞喇....
(雖然之後吉米迫我請佢食雪糕)
出左大圍，係鹿苑食左D野
之後歐佬都黎埋...講左咁耐，點解仲未做oral呢?
係囉??點解既.........
我地等到大面都join埋我地之後先做嘛....
原本我地係打算係隆亨做既
但係無奈地，3樓同5樓都俾沙田崇真既人occupy晒喇...
所以我都就移師到新翠麥當當喇
我地做左三次presentation....ookk咁啦....
不過discussion就大x鑊喇....
都好過尋日既....不過都係唔得啦
10分鐘入面講左三次野，每次幾句...
我都唔知我聽日可以點嚕....
再過多陣，去左yummy食埋晚飯就返屋企喇....
雖然我而家既情況就唔係咁alright
不過我會係今晚作垂死掙扎既....
聽日!!!3月17號!!!下晝1815!!!!!第一戰!!!
聖母無玷聖心書院，不容有失!!!
回覆22歲既connie:
首領梗係試過啦，佢地咩招式都試過Ga啦
不過首領又駛乜係夢入面同肥野做丫
佢地無時無刻隨時隨地都做Ga啦!
佢地呢對狗男女....
回覆肥婆殺手:
你所講既情況，係咪坊間所謂既"綺夢"呀??
你條粉腸....好毒呀....
竟然咒我係考試前夕夢見肥野
如果真係見到，聽日都唔知仲去唔去考好嚕....
咁不如再shift俾麥希啦....等佢夢下....kakakakkakakaka~~
話唔定係佢條褲有彈野.....
係呀...connie咪就係林寶茹囉
你覺得係邊個呀??
>>March 17, 2004 at 2:59:18 AM GMT+8
2004 年 3 月 15 日 星期一 【陰晴不定】
【oral practice 1】
今朝個電話好準時咁係0915就響
不過我最後都係唔願起身，所以就無返到學
繼續訓係我個溫暖既被竇中
享受做夢既樂趣.....直至1115
起左身之後就出左沙田，約左吉米練oral....
係練之前，我陪左佢去銀行存左$7
之後就食埋野先出去練~~
出到隆亨係1420到啦，事不宜遲，即刻開始
第一次做.....唔....非常之咁唔ok!!!
不過唔緊要，我係有恆心Ga嘛，咪黎多一take囉~
再黎take 2....好少少...不過都係唔好
都唔緊要，再黎過囉~~~
take 3.....都ok既....可以接受啦
過多一陣，鼠欣都落左黎一齊練
佢做左一次present之後，就打算做discussion
非常之大鑊....做discussion個陣...我凸然啞左
完全唔識講兼唔知應該點講....唔alright哦....
基於我係度唔知想點既情況底下
個discussion被迫咁terminate左.....
都是我的錯.....
跟住我地3個人，係度研究下如果真係考個陣
遇到好似我咁既考生，死唔出聲應該點處理呢??
應該係唔理佢丫...定係帶佢入返個discussion呢??
同埋點樣先能夠做到最好既interaction呀??
有無高人可以指點迷津呀???
我真係唔可以再容忍聽日再練既時候好似今日咁fucking
如果唔係就真係....啅硬個F呀...到時我點面對鄉親父老呢??
聽日係最後一既既practice...不容有失!
夜晚係屋企再做多左幾次presentation
好D.....真係好似好左D....
如果後日考個陣可以頭先咁就alright喇...
如無意外，聽日diary個標題應該會係oral practice 2....
不過我都唔會容許再有咩意外....
全面進入高度戒備狀態!!!!!!!!!!!
回覆肥婆殺手:
我知你地係best friend呀，唔駛成日提醒我啵
hahahhaha~~果然兩個都好懶叻....好似呀!!
我覺得你唔需要咁內斂丫...好似大笪咁咁高調都無問題呀
我地係絕對絕對唔會恥笑你既....kakakkakaka~~
仲有....咪扮晒野..我肯定個陣一定無五分鐘
不過我估唔到我遲左俾10蚊你地就攪到你地咁徬徨...
回覆22歲既connie:
未click入去睇之前，仲以為得罪左邊個
無啦啦俾人叫粉腸....
你需知道我唔係特登提醒你22歲呀
我係戥你高興咋嘛....
仲有....你做乜鬼野咁毒，咒我夢見肥野
仲要俾佢紮.....唔好講笑....shift俾首領先!!!!!
要紮就紮首領啦!!!!
>>March 16, 2004 at 12:34:56 AM GMT+8
2004 年 3 月 14 日 星期日 【炎熱】
【再戰羽毛球】
今朝好好訓，訓左10個幾鐘，成1230先起身
出廳個陣見到媽媽睇緊"忘不了"
我當然係唔會錯過啦....第三次姐都係
有排都未破到"同居蜜友"個紀錄....
睇完之後都成1400，就同媽媽落左新光飲下午茶
完全唔ok.....可以不理
下次係唔會再去食Ga喇~~
夜晚又去左打毛羽球....陣容同上個禮拜一樣
今次多左麥希，yoyo同佢細佬
同埋今日都係打2100-2300~
今次咁多人，兩個鐘好快就過左啦~
我發覺而家好多人都學左首領D狗招
個個打D波都陰陰濕濕咁....
除左打雙打之外，仲同阿蓋隻抽左一陣
可以話係不相伯仲.......
都係睇首領同麥希隻抽好睇D~~
不過首領技不如人啦....隻抽左兩次都輸....
未睇佢同麥希隻抽之前，佢講到自己好強Ga啵....
真係....未睇就俾佢嚇死，睇左就俾佢笑死...
運動完之後，當然就係例牌菜，食糖水啦
不過得我，秋玲，阿蓋，首領同麥希食姐
其他人就走晒喇....
食糖水，話題仍然離不開肥野
麥希早幾日講過，話叫我地俾條路肥野行
不過聽完首領講之後，佢巴不得一齊打鑊肥野啦...
雖然肥野講既野既可信性就有待相榷....
食食下個陣，首領居然明目張膽咁擘開阿蓋對脾....
簡直係不可思議.....過左一陣之後，不可思議x2呀
首領又再一次擘開阿蓋對脾.....好詭異呢!!
我都唔知佢兩個做乜野係度....
阿蓋又要"溝"首領喎....喂阿蓋，你仲可唔可以同其他人爭呀?
食完糖水，就散水喇...
首領條cheap bom bom，竟然係佢個日記度老作兼老屈
話我食完糖水唔俾錢就走左.....我挑挑挑~~~
我行開左之後已經拎定個10蚊銀出黎啦...
不過都係唔解釋咁多~
如果你地相信首領，簡直就唔係我Edison個朋友....
今日驀然醒起....原來我仲有3日就要考oral.....
回覆秋玲:
我又點知你會係City呢個陣
不過我都係個邊溫書之嘛
叫左你黎我怕會分心啵....
回覆首領:
個background靚，係因為Kelly靚
同埋係係我叻仔，識得搵張咁靚既相黎做background~
所以我想講既係兩樣野
1)Kelly好靚
2)我係叻仔
______________________________________________________________________________________________
又係好歌不厭百迴響既時間....
有你一天 古巨基
直到風 沒法飛 都可愛你
頭上雨 淋著你 使我妒忌
就算欠運氣 相信自己
隨時在困境中找到 陽光空氣
就如夢想怕實踐不到便忘記
亦難以相擁到下世紀
還有你一天 便等得到晴天
離紅日再遠 也總會及時發現
還信那一天 縱使不休不眠
憑一點堅持預見 明天的笑臉
(如果肯堅持下去 仍相信有你一天)
沒有燈 沒有光 也可感覺你
留在我臉頰上那滴吻 不會墮地
為了愛護你 相信自己
能在白雪之中找到 微熱的蒸氣
你地仲記唔記得點唱呢??
>>March 15, 2004 at 3:16:52 AM GMT+8
2004 年 3 月 13 日 星期六 【炎熱】
【與倪姑娘同行】
1030就要起身，去攪grant loan既野
其實都係有萬八個唔想起身
不過為左筆錢....都係要起身既
就係咁，我出左長沙灣攪掂埋D手尾
了左件事先......之後都無野做
就返返黃大仙繼續訓喇~
到1630就出左鑽石山喇
因為今日約左一個好耐無見既舊同學
就係倪姑娘喇.....叫佢倪姑娘
除左係因為佢係一個清新可人既女孩子之外
(即係唔係肥野個種呢)
最重要既係佢兩年之後就會做白衣天使呀嘛....
睇佢銀包，有佢去醫院實習既相
著住件護士袍真係嗒待杯落呀.....kakakkakaka~~
今日約左倪姑娘既主要目的，其實係去睇戲既
我地係GV Hollywood睇"20/30/40"
未睇之前，知道係張艾嘉執導
加上三個女主角都係影后級人馬
所以應該係信心保證啦~
咁套戲就係分三個故事既
我個人覺得李心潔個故事最好
不過我李心潔點睇都唔似20歲啵....
仲有劉若英原來係幾靚既...
雖然就有a little bit "leung".......
另外張艾嘉個故事就幾攪笑~
總括黎講，其實套戲係有悶場既
同埋成套戲90%都係講國語
唔怕先好入場睇呀~~~
如果撇開呢D無關痛癢既小事
三個女主角都做得好好~~
睇完之後，我地去左肯德雞食野
聽佢講佢實習既野真係幾得意
原來護士既工作係無我地想像咁簡單既
每個部門既護士都有唔同既難度
不過如果要我好似佢咁
日日都要面對D血淋淋既場面
我自問就真係無呢個本事...
倪姑娘，你係得既!
食完再兜多一陣就走人喇.....
兩年之後等佢畢業，香港就多一個濟世為懷既白衣天使喇
好期待哦~~~~~
>>March 15, 2004 at 1:27:16 AM GMT+8
2004 年 3 月 12 日 星期五 【炎熱】
【償清這心願】
首先都係要祝Connie 22歲生日快樂
22歲成年都事事順利
22歲成年都心想事成
22歲成年都開開心心
今日終於還左一個心願喇
就係去左睇"咒怨輪迴"呀~~~
由於尋日我已經問晒大波成套戲既恐怖位
所以睇個陣已經唔係咁驚
(不過其實都係好驚~)
成套戲酒井法子好靚
氣氛好恐怖，隻躝癱女鬼好樣衰
不過劇情就好無聊~
特別係個結尾...簡直係唔知佢想點
我諗呢套戲好有可能會拍第三集....
睇完之後已經係1600，不過我仲係咩都無食過
Connie又約左人要走先，所以我就出左大圍
搵首領食野，yoyo同阿蓋都有黎
我一食就食左兩個茶餐，無計啦，實在太肚餓喇
我地由大約1630就坐到1900....
再同埋yoyo，阿蓋返屋企
之後我就返左屋企食飯喇~~
阿蓋陪我等車個陣，又知道左少少野..
原來我都真係幾蠢.....嘿嘿嘿~~
大家覺得呢個日記既新版面靚唔靚呀?
綠油油咁，好有春天氣息哩
再加埋Kelly呢個絕色美人，簡直係無得彈啦
首領教我整Ga...俾少少意見丫.....
>>March 12, 2004 at 10:01:44 PM GMT+8
2004 年 3 月 11 日 星期四 【晴】
【齊歡暢】
首先恭祝肥婆殺手廿一歲生日快樂
溝盡天下間所有肥婆
幫天下男性做返件好事!!
今朝好成功咁係1100起左身，之後出左九龍塘又一層
約左大May豬食飯嘛....準時到達之後
我地去左food court食大魚豐作.....
係我依稀既印象之中，大魚豐作應該係一間相當唔錯既日本料理
所以我就毅然買左一碗吉列豬扒烏冬，大May豬都係~
買左之後，見到碗野.....已經覺得個賣相唔alright
成塊豬扒浸住左.....到真係食落口個陣
同我預期無咩分別，成碗野都相當之難食下
由於塊豬扒已經浸左一段日子(我相信)
所以成塊豬扒已經腍晒.....記住...呢塊係"吉列豬扒"哦~
仲有D烏冬....都唔係烏冬黎既~~
佢比一般既烏冬扁身好多，同埋好硬....
所以呢碗吉列豬扒烏冬，就成為左一碗
豬扒又難食，烏冬又難食既"垃圾"喇.....
食完之後，本來大May豬應該係去上堂既
不過呢....佢話佢個friend無上到，所以佢就唔上喇喎
咁我地就去左City既唔知邊度(Cut Price對出)度坐
仲見到Cherry添啵....佢話黎做功課喎
雖然我無見到佢做任何野.....跟住麥希仲黎埋添~
佢兩個都係要上1530堂，所以我地就hea到1530喇
佢地去左上堂之後，我就去左City 5樓既某一處(據說係Blue Zone)溫書喇
同Geog搏鬥真係一個長期征戰，期間可謂苦不堪言
話唔識，又好似唔係唔識；話識，又好似唔知識左D乜
不過咁....今日我真係用心溫左兩個鐘
兩個鐘之後，大May豬同麥希都放學喇
佢地就黎返搵我....大May豬走左之後
麥希仲教我Geog添，真係唔話得，呢D咪朋友囉~~
而家我對范杜能同辛克萊呢兩條粉炳講既野
已經有一定既了解喇啵....唔.....相當難得呀~
如果我Geog有幸pass左既話，我會請佢食飯既....
講得出，做得到!
1830，我同佢就出左旺角
join埋淑君，劉輝輝，河童，Connie同大笪
就去左倫敦大酒樓打邊爐喇(記住唔係佐敦大酒樓喎)~~
打邊爐期間，依舊笑料百出
而當中大部份都係黎自淑君既....
唔知點解，佢對某人個info總係好有興趣
仲成日將個個人info既內容公諸於世，甚至掛係口邊
"得不到始終係最好".......唔.....至理名言哦~~
雖然佢每講一次，都會換黎我地既唾罵
不過佢都係要死講.....well.....fine~~~
我地一路食到2130就走喇....
走個陣，原來佢個男朋友已經黎左接佢打牌喇
據報佢男朋友係話似我既，即係Edison呀
但我覺得都係我似D.....我覺得似陳曉東多少少
唔講由自可，一講就俾麥希dup，因為佢係陳曉東既fan屎喎...
真係禍從口出呀~~~~~
其實....我覺得.....佢仲靚仔過陳曉東....
希望麥希鬼揞眼.....睇唔到呢句啦....
淑君同佢男朋友走左之後
得返我地6個，去左潮流特區遊蕩左陣
跟住就去左一間上樓既cafe飲野喇
期間，我地呢班大學生/大專生係度吵吵鬧鬧
因為我地可以完全放下形象(雖然其實我地都無咩形象可言)
係度玩D無聊得黎又好好玩既遊戲....
玩"Bing Bang Wa"先夠經典，大笪同麥希個樣....好出位哦~~
咁Connie廿二歲生日.....當然係要俾面啦....
難得既係麥希平時咁深閨都肯陪我地玩到咁夜呀嘛....
坐到1220到啦，就散band喇~~
基本上，今日係玩得好開心既
可以話係將早兩日既煩悶一掃而空
人就係咁，應該係要係適當時候平衡下自己心理既
否則好易會屈到病，甚至屈死....
不過快樂既背後，原來係有人為我擔心緊...
聽日真係要傾傾至alright~~
回覆剛剛廿一歲既肥婆殺手:
我整Kelly做background個陣只係試下
前後都應該一分鐘到....
咁你都見到，勁呀~~~
>>March 12, 2004 at 3:24:37 AM GMT+8
2004 年 3 月 10 日 星期三 【微冷】
【失落完】
0410，The middle of the night，有少少眼訓，不過唔想訓
岩岩食完碗家樂牌快熟通心粉
先醒起仲未寫日記.....
其實係好耐之前，我已經習慣左每日都打日記
就算個日無事值得記低都好
我都會當呢度係一個情感宣洩既地方
講到尾，一切都係習慣.....
_____________________________________________________________________________________________
無出過街，係屋企都有係屋企既感受
好似今日咁.....唉.....我不嬲都係晏一晏先第一餐Ga嘛
都已經慣左啦....對我根本都唔係問題
偏偏.....爺爺嫲嫲就驚我肚餓，就係咁叫我食野食野食野
我經已三番四次講左話陣間先....我肚餓先自己煮...
但係一啲用都無.....轉個頭，嫲嫲已經煮左一大碗野出黎
個一刻....其實應該係好開心先係....不過....
我真係無開心既感覺....煮左出黎
無論我幾唔肚餓，幾唔想食，我都一定要食....
我知道我永遠都唔可能咁樣同佢地講
所以我只好打係呢度....宣洩一下.......
______________________________________________________________________________________________
今日本來約左大波食飯，不過自己衰
訓到1200先起身....出得去都要成個鐘
所以就改左做聽日喇....
而家三更半夜都未訓，希望聽日我會成功起到身
______________________________________________________________________________________________
回覆肥婆殺手:
咩呀....咩保護色呀?
不過我有好多html既野要問你就真~~
>>March 11, 2004 at 4:28:25 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
【戲迷】
【齊歡暢】
【失落完】