2007 年 4 月 9 日 星期一 【晴】

發夢lee家野其實都唔係咁得意...耐唔時一個都粉有趣的~
原來晚晚都有都幾惡搞的.....
有點明白失憶o既人o既感覺了~
係明明發生左d野架ma~但係又空白一片咁~真係令人好不安的~
兩點到先𤍣~9點幾就起身了~

起身食左d蛋糕就換衫了~今日決意要去拎車牌~
所以都做足準備~剛好電視又冇野睇喎~
差唔多11點就出發~今日是雨天~其實都唔大雨~所以行果兩步遮都唔洗開啦~
咁搭火車時同樣地看書啦~好耐都冇睇了~睇返有時都唔知睇到邊~
睇時又覺得好似睇過~但係當我發覺剛剛睇完果d係睇過時~唉...算~
其實我都大概知邊度的~所以好快就出發了~
去到~都服侍得幾...周到的....但係個態度就有點兒那個囉~
11點半左右到~12點幾搞掂~其實都幾笨的...行都唔行下就返屋企了~算~

返屋企前呢就去左大家樂~買完飯就去左ok買零可同雲可各一~
下午就吃飯看埋學校烏托邦~今日終於都看完了~
好大感觸的...真係令人回想起當日畢業時的事~五位主角五條人出路~
我...其實我就行錯左一條最錯o既路了....
再看nanoha的02惡劣版~有點...往事...不太好看的~
晚上果餐又要自己搞掂~又係大家樂丫~再買大大的oj~好味~
有湯飲~正~6親~痛....食得勁飽~飽死的感覺...死....

同一位好耐冇傾的男性朋友傾~開心的~(msn的)

>>April 10, 2007 at 3:30:42 PM GMT+8

2007 年 4 月 8 日 星期日 【晴】

近日發d夢都奇奇怪怪咁~仲要來得好密添~
今日果個幾乎唔記得晒了~
不過大概係關學校事~唉...講起學校...真係令人....好懷念呢~
如果以現在的我返到學校的話~哈哈~一定會好得o既姐~

本身打算今日去拎車牌的~咁起左身見到佢做叮噹~
所以都冇出門口....
因為要拎車牌而銀行的錢又不用得~只好...去解放lee兩年的利是好了....
其實我都唔想用你地架~但係真係騎虎難下...唔開你地唔得了~
原來真係好多的~對我來講咁多年以來最多的一年~
10蚊7張~20蚊36張~50蚊10張~100蚊6張~500蚊1張~我第一次收到500蚊咋...
二千幾蚊喎~雖然個數目不大~但係我咁大個仔第一次收到咁多利是的....
但係無lala阿康msn叫我~呵呵~好耐都冇搵我了佢~
咁我同佢講佢就話一齊去~好啦~
之後...換好衫佢話鍮車黎喎~都好~唔洗比錢有車搭去~
約好時間之後就落去等佢了~勁大風呢~搞到個頭...應該亂了吧~
幾經辛苦終於都搞掂左個頭了~看起來都冇咁....弱呀~

見到阿康後~我地同樣地吹水啦~之後又打比d兄弟~
估唔到死肥南佢放假...個pk仲有女添e+~討厭的說~
只好搵其他人啦~彬哥呢個電話又唔通~其他人我又唔見左個電話....
叫阿康打好了~講好之前就去了~
去的途中先知今日係紅日....冇得鮏添....黑仔的說....
唉...個個朋友都開始有車~個個都鍮車~看來我都要努力d才行呢~

去到樓下~阿康話驚比人抄牌~只好我地唔上去啦~
其實我地12點幾左右到左...一等....咁兩點幾到~餓了~大家都去了ok買野食~
我人生第一次食到果個有舊牛油的菠蘿包~原來食落都幾好味的~
雖然係美食~但係...如果我唔知道佢係咁好食就好了...因為佢真係好肥的....
差唔多兩點半~我地決定上去了~因為呢~lee度應該都唔會抄牌的...
上到去之後都見到好多人~好多熟人~其實都已經有好多人走左了~
見到冠豪~大師兄~不熟的劉南~有個經常傳我同佢有野的師妹~
仲有家哥啦~昌哥啦~莉莉呀~阿姐佢地呀~富豪師兄呀~好多好多人~
等到差唔多3點阿彬~阿豐~浩南終於都去得食飯了~

我地食飯時就傾偈囉~咁耐都冇見d兄弟~見返真係好開心的~
一邊食一邊傾~看來a1又有新師妹的~聽說都幾進取...好想見下呢~有錢女~上啊~!!
佢地幾個食完飯上返去吞pop~4點幾我地就走了~
講好真係約食飯~唉...有點...今日見唔到明哥~阿聰~阿朗~明哥同阿朗已經走出了自己的路~
祝你地前程似錦啦~

返到屋企~其實都冇野做o既~
所以就看這個~學校烏托邦~粉有趣的~
人物吸引~故事都很有趣~
講起學校....又諗返起lee個熱奶茶事件...自己都不禁笑左出黎~
其實當年我自己都唔知~佢地講返我聽我自己先知~但係又唔覺~
話說~我當日無lala叫左熱奶茶~咁我自己都要好多糖的~
咁我就落啦~一匙~兩匙~三匙~到lee一下o既時候~我竟然要個糖匙去攪我自己杯奶茶~
當我做完lee個動作再放返落d糖果度~完全唔知~
之後大家見到我咁~全場爆笑~真令人懷念呢~~~

>>April 9, 2007 at 2:13:59 PM GMT+8

2007 年 4 月 7 日 星期六 【晴】

琴晚打算聽埋午夜閒談先𤍣的~點知就做就𤍣左啦...
因為都開得ok大聲~4點幾就起左身~熄細聲佢啦~
再到早上~8點幾左右~無啦啦又起左身喎~去左個廁所繼續~
11點幾先起身呢~唔知點解...可能仲病緊啦~勁玪的~
起身就睇電視~因為做緊電車男呀~但係好快就做完了~

以下落黎o既時間~都唔知做咩好~既然lee排都看開~
就睇埋落去啦~用了半個下看了後天的方向~
故事真係幾好的~開始時都係比個主角吸引同埋想睇下d慘野~
原來都幾...有笑~有淚啦~當然有意義啦~
雖然有d玪~不過都看晒佢~

其實都已經冇咩好搞了~玩cs~
今日斷斷續續咁玩~玩親都係玩雪地~成績都唔錯~新的awp用法~已經上手了~
不過只適合中距離~遠距離都可以~近就....一切都看運了~
其實玩cs真係好睇個ser lag唔lag啦~同埋我o既狀態~最緊要o既係...運氣....

估唔到佢咁快就返左黎~佢都有叫我~不過...冷漠的...
唔知呢~我平日用開的敷衍功夫佢竟然使出~
到底...真係想敷衍我丫~還是佢口中的~唔知點答我呢~?
我本人就覺得前者居多啦~係~或者唔係都好啦~快快解決佢好了~

>>April 8, 2007 at 5:12:31 PM GMT+8

2007 年 4 月 6 日 星期五 【晴】

琴晚都叫夜𤍣~因為睇書睇得夜左d~睇完一本仲眼光光~
一睇就睇左3本....
今朝...其實我都覺得係𤍣得幾好的~
地獄...後悔...就係當你做左一件事~點知原來發覺如果唔做就好啦~咁就係後悔啦~
我承認...我當初太過魯莽了...我唔係唔應該比電話佢~
應該係唔應該對一個自己不太喜歡的人太溫柔~令人產生不必要的希望與幻想~
搞到現在煩到自己...以後都係選擇性地對人好就好了~

幾辛苦先𤍣我返~不過....一個幸運o既電話就打來~
lee個就唔同~比佢嘈醒都抵的~因為我之前講過的工作打來了~
唉...如果佢係蛋糕果邊就好啦....我目前最需要的是金錢~咩工都好了~死就死啦~
但係呢~如果我會埋熟識地鍮車~人工就會更上一層樓了~
起左身~都唔知搞咩好~滿腦子都係去拎車牌~看來星期一要去了~

下午~咁今日真係冇咩野好做~
所有人都離我而去....點解個個都要返大陸架~得返我一個~
不過都好~我的悠閒生活看來要結束~
現在仲有時間~都係享受一下僅餘的悠閒日子好了~
當然得返一個人就要看動啦~日後咁疲累o既日子一定冇可能有時間去看的~
有時間都用黎𤍣啦~
所以就立即睇左新番的nanoha~超好看的~當然跟kanon是兩回事~同樣是最愛的~
看完之後就看這個....後天的方向~開始時都係被主角吸引~
但係睇落原來故事都幾有趣的~都看了兩三小時~到到電視又有好戲睇就停左了~

>>April 7, 2007 at 3:59:15 PM GMT+8

2007 年 4 月 5 日 星期四 【晴】

睡得很好的~是生病的關係~還是想得太多的關係呢~?
做了一個奇怪的夢~夢見很多朋友~
古怪的地方~奇怪的事情....不過都滿有趣的~

看來要完結了~我果然太小看一切了~
不過要完...這種方式去完結也不錯呢~
看似是無疾而終~事實上....我....
好像有點過份的~如果她想的跟我所想的一樣就好了~
免得有什麼傷心的感覺~
明天她就要走了~去玩玩~很快就可以忘記我這個傻瓜~
只能說一句~旅途愉快~了~

下午看完所有的kanon~果然...以前的與新的kanon果然看出一種新的感覺~
故事都好像豐富了不少~
主角們故事攻略完立即轉化為路人模式~比以前的完全消失都來得好了...
不過~舊的kanon...相比之下就...當然~當年他是遊戲改編而成~
一定不可能有這麼完善的~而且看起來製作得有點倉猝~
今日看完~最鍾意的還是真琴的故事~幾乎...

>>April 6, 2007 at 4:25:13 PM GMT+8

2007 年 4 月 4 日 星期三 【晴】

琴晚冇沖涼就去左𤍣....唔知搞咩呢~?
其實已經早就想去沖涼𤍣~
但係佢又打電話黎喎~又傾~傾到兩點左右啦~咁就收線~
好玪呢...既然都冇做過d咩~所以都係去𤍣了~

今日都過得很...無聊的~
其實如果佢想我都應該唔會點應佢的~
因為冇咩心情~成個人都好玪咁...都唔知搞咩~但係成個下午都唔見喎~
咁就o岩晒啦~看了數集kanon~聽聽五天精華遊~就這樣一天了~

有時其實明知lee段關係連本就冇發展o既空間~點解仲要強求d咩返黎呢~?
女孩子真係女孩子~我果然是一個不懂浪漫的人....
天真的女孩子啊~離家出走此等說話相信一般人已經不會說出口了~
她竟然...或許我在社會上打滾了都有好一段日子~一切都看得很現實~
假如跟她談談這個夢~或許會得到不同的結果~
唉....我要自由呀........!!!!

>>April 5, 2007 at 2:46:11 PM GMT+8

2007 年 4 月 3 日 星期二 【晴】

今日都唔知搞咩~其實琴晚都ok早𤍣的~
今朝竟然可以𤍣到11點幾~雖然醒過~但係都ok玪的~𤍣得返都唔出奇~
一起身時~勁凍囉~
出廳立即換上lee個冬天裝~真係...去廁所睇一睇自己....
如果仲係長髮的時候就好了...現在真係好惡劣呢....

雖然有開電腦~但係msn都係用離開~
有時都唔係咁想msn的~
所以今日就算了~下午~看了數集kanon~之後有點累~
因為聽五天精華遊~停看~因為累的關係~午睡~
就這樣~過了一個下午了~很舒服的一天呢~

晚上~吃晚餐~吃完晚餐就玩電腦~
佢就msn我啦~到底係咩問題呢....其實....有時個態度有點....
我自己都唔知點呀~可能我真係完完全全地失去自信啦~
一來佢係有問題的~但係這個問題都不太需要現在面對~
二來其實佢有時都係太好了~當一個自信不多的人~再失去自信...自自然然....
有時我都唔想阻住人地囉~雖然咁樣落去要keep住...可能要數年...
三~同樣係太好了~但係有時好難信得過佢~唉...好煩....
搞到都有d敷衍....冷落了她.....

>>April 4, 2007 at 4:06:05 PM GMT+8

2007 年 4 月 2 日 星期一 【晴】

琴晚又傾電話傾到3點幾....
涼都冇沖就去左𤍣....
但係又𤍣到去11點半喎~有點不想msn....
只好隱一隱啦...估都估唔到佢打黎~
um...有時唔係唔想傾~但係...自己就有點兒這個那個囉~
諗諗下~自己到底接唔接受得到呢~?但係我同阿媽都講過冇可能接受到...
同埋~我自己都誓神劈願地講過一定唔會~
現在...這個~唉...原來問題來到面前~真的很難去決擇的~
雖然~如果我真係打算繼續下去都要等最少要兩年...
但係拖拖下的話其實都冇問題~反正我做咩都冇人知~不過是過到人地~過唔到自己~
的確...有點煩呢~

下午~正打算看電視的時候~佢就打來~
看來~我都有點威力~只是...現在的柒頭搞到我自信全無...
就咁傾都傾左兩個幾鐘...但係就一滴水都冇飲過~
雖然真的有點不舒服~但聽起上來就是看來要死的~
因為剛傾時都冇咩大分別~只係覺得有感冒之類的小病~但係後來就勁了...
完全係因為口乾而已...
收線後~我就立即搵野食~仲食埋雪糕添~
雖然就冇講得咁嚴重~但係...其實我都粉累的~所以就響廳𤍣左陣了~
本身都好地地~但係唔知因咩事起左身~都𤍣唔返了~

晚上都係返跆拳~同阿水玩玩下...比佢一野...踢爆左我腳指公...
雖然有點就住就住~但係~都冇咩感覺囉~都係咁操咁玩~
放左學見到阿盧基~之後就一齊去食野了~
原來佢有點....說話中的含意係gag唔到~
我地講佢個頭~咁就話佢個頭成日唔同色~
之後我就話~係呀~青色變紅色丫ma~我講完lee句~佢地3個~
我看到佢地有一絲停頓~然後我地4個一齊笑~而盧基就...haha~完全唔知我講咩~失敗的說~

工作方面比較煩~但係佢果邊有野喎~剛好我需要~問下都好~

>>April 3, 2007 at 4:22:24 PM GMT+8

2007 年 4 月 1 日 星期日 【晴】

死啦....死人啦~勁早起身囉~
夜𤍣~早起~返完跆拳果d體力都未回復晒就𤍣唔到了~
個腦好多野諗~我驚我遲早都會死囉....
一起身其實意謂10點架啦~但係一行出廳個電台就話8點鐘....
是但啦~開左腦~其實想𤍣的~但係...𤍣唔到...死得了...

下午呢~就去左剪髮~
咁落左舖頭先~原來阿媽唔響度~不過都冇分別~
剪完...看來叫佢唔好gel會好d...
gel左睇落d頭髮勁疏~而且仲勁短~點睇我自己都係極度不滿的~
是是但但行去搭71a~估都估唔到撞到阿儀....
真係見到~我都唔理佢啦~一來個頭柒~二來...好驚佢~成日話鍾意人~
我根本就唔係d濫情o既人~雖然係一段沒結果的戀愛~但係...現在不想有人打擾~

>>April 2, 2007 at 2:14:48 PM GMT+8

2007 年 3 月 31 日 星期六 【晴】

琴晚傾到3點~唔知點解呢~體力都有點吃不消~
但係都9點起身呀~最近都越𤍣越小~
咁起身時都見唔到~只好是是但但的上上網啦~
到咁上下見到咪傾下囉~拎到相片了~有點...是不是...投資失利呢~

差不多3點先出門口~
熱天真討厭的~我的夏裝是很差勁的...
急急的返到學校~個人就...暈暈地啦~無咩力咁~
所以換完衫都有點呆~鬆根lee part就冇咩點動過囉~
但係之後操o既都很落力~因為...我要減肥呀~
唔好話為左邊個啦~為左自己也好~為了他也好~為了日後的生活也好~減肥是必要的~

周兄到中段就走左啦~淨返兩part我同阿水教~
咁拳套方面我都比較在行的~
但係見到d新仔都呀...唯有我出馬去慢慢教囉~
完成了拳套之後~就打freefight了~
本身個傻仔都唔打的~但係呢~有點火呀~打比賽~咁你咁屎就唔好去啦~
既然你玩得就要出來打啦~
勁串佢囉~之後佢應該都心心不憤~所以都著甲了~
現在o既低級帶真係好弱~有點令人看不過眼的~
而家豪就想睇下自己咩實力~所以佢都想通過我知道自己有多少實力~
一打之下...喔~有點兒...上左佢頭~不好意思了~

放左學之後我地一行4人就去左大家樂食飯~
我地4人傾~我個飯又慢~估唔到成8點1先走呢....
返到屋企之後~又係等待的~
電視做了一個很有趣的節目~剛好合晒今日呢~就是愚人節~
就如我這裡樣天真的小朋友而言~今天是死期呢...
都有不少人捉弄我~討厭的~
而她的堂姐來了佢的家~竟然用佢msn試探我~我是否真心~?真意~?
其實...是真是假現在都不得面知啦~到時~我會是個怎樣的人~
我死了~還是....這樣~那樣~都不清楚~我不想一時的敷衍而說出不責任的說話~
總是曖曖昧昧的回答~以致她的堂姐對這段感情不太看好~

不過好奇怪囉~我唔知點解知道自己果個人係唔識的~
傾下傾下原來真係唔識~
雖然有點不甘心~有時我自己仲擔心過佢囉~
不是覺得被玩而不甘心~只是....有點不被信任的感覺~
但係~我身邊o既朋友呢~如果對這方面有能力過我的話...就不用找我傾訴啦~
有人可以比自己有能力~被照顧...真的幸福呢~
始總...我覺得理論勝過經驗~更何況我沒有經驗可言~
唯有見步行步~做得到就做...如果沒法維繫也沒辦法了....

>>April 1, 2007 at 4:43:28 PM GMT+8