2007 年 10 月 21 日 星期日 【晴】

生日快樂呢~自己~有點落幕的感覺....
無聊~雖然都已經習慣架啦~
冇人知~唔話人知~不過有時都會睇下呃唔呃到餐飯食o既~

好早就起左身~咁都係冇咩野做~聽返五星級的家o既廣播劇~
聽到10點幾左右就換衫了~
然後就返學啦~我好小會咁早返學的~一般黎講都唔會早到~
但係...當然有特別o既原因啦~嘿嘿嘿~

嘩~十點幾出門口果然係好正~因為勁多靚女搭車的lee個時間~
不過小的都不太會望~無啦啦望住人好外眼的~比人睇到仲....啤到下都很好了~
返到學校~好多人呢~因為學校唔知做左個咩野跑步活動的終點~
開頭只係見到個傻仔~之後打比阿水佢就叫我出二樓~
上到去見到阿邦後我就勁搵人啦~因為都唔知三個人點上....
落到去見到阿華~原來係上6樓~有舞蹈室用~
上到去~都不見得好用呢~感覺上~
不過響我地前面有兩個女仔~都唔知咩人~但係大概都估到係咩囉....今日o既目標~

坐左陣~都仲係未有人返~打比lee個~打比果個~之後打晒d電話之後我就行過去問佢地野啦~
呵呵~今日最開心的事呢~
我行過去問佢地返黎做咩~當然係返跆拳啦~
之後問左幾個問題咁樣~嘿嘿~佢開頭仲意謂我係學生呢~
然後再指住阿邦話~"我仲意為果個先係阿sir添~"勁開心囉~我仲似到學生咩~????
我咁樣問~似幾歲呀~佢地話....15-6歲囉~
超開心的~今日都21歲了~竟然後生咁多年~開心死~

上堂~佢地兩個真係有點兒...吃不得苦呢....
咁我要睇住佢兩個...
黃德個死仔因為下星期佢地要打比賽~佢自己又勁操~白痴架...
你上次又要話狗我~你有冇睇過你自己做過o既野呢~?而且~我上次都只係一般的跑步而已~]
咁佢地嚇驚左之後~我就要哄返佢地~溝通下咁囉~
傾左成個幾鐘多呢....
之後見黃德死過黎~我就唔理佢啦~見阿華有野問我~我都教佢好了~
因為佢下星期比賽了~而且仲對自己o既打法角方面有所迷茫~
不過...一教之下...都講左我成差唔多兩個鐘有多....我發覺自己越來越多話的...
雖則不是想不想~但係~唔通我唔教咩~我自己都想操呀....

放左學之後我~阿華同阿水3人就去左食野~再傾~
傾左都一段時間先走~然後就幫家姐還碟~返屋企好了~
生日~一個人吃麵~一個人吃左一個生日蛋糕~好飽~
之後咪玩下msn呢~一般都唔會撩人傾的~
但係chloe唔知做咩搵我喎~應該冇人同佢玩囉~消磨時間...最好就係搵我架啦~
問我msn果句係咪歌詞~"妒忌令人噁心 何以你天天跟他這麼甜蜜"~
當然唔係啦~係我o既感覺...我眼所見...而得出的感受...
到底係比邊個睇~?心知....就可以了...
再傾~其實我都想學下點溝女o既~咁都係問下佢一d問題囉~
其實我自己有咩問題我自己好清楚~不過佢就勁保護自己的~咁樣傾都有點...無謂~
再加上水水提供的一個有趣的方法(?)~我都開始睇清楚lee個人~
當然~同佢傾時要扮傻~作故仔~真係有點失去我個人的風格~
最後比個o靚妹話左我幾句~唉~佢冇癮時我冇癮姐~算~睇電視好了~

晚上~唉...再一次做左人生最錯的事~
我雖然係話佢知我生日~
之後佢又話可能黎得~其實真係好煩~但係又有點...咩喎~心思思的~
到到搞左勁耐~黎到啦~又搞左陣~又比人小~佢又要返屋企~但係當時都點幾了~
只好送佢搭n271...再去到沙田打的送佢返屋企~
成60幾蚊呢~有點貴~不過當時我呢...就呢...扮下野都要~"小小錢之ma~"的感覺~
送完佢走之後我就搭wan仔出旺角~再搭n271返屋企了~
返到屋企都成4點幾了...真係想死~本身已經好累...搞多咁多野~?!
真係一個麻煩的日子~討厭的...

>>October 22, 2007 at 10:09:59 AM GMT+8

2007 年 10 月 19 日 星期五 【晴】

生日前一天呢~
不過...我就....累得要死~
19號的那一天晚上~就係衫都未換完就已經睡著了~
睡到一半~起身~拎個"床玉"出黎~再拎d睡覺工具出黎~繼續~
到到早上6點幾~很冷呢~再去著返條褲再𤍣~
到到10點幾起身~睇左陣電影~玩左陣電腦~12點幾一點食完野又再𤍣...
的確係充實的一天~本身就約左阿誠的~佢好早msn叫完我~
因為其實我𤍣緊o既時候~就再見唔到佢再上線~我只好算啦~因為我想剪髮~買con同眼鏡的~

下午都冇咩野做~玩玩電腦看看電視就一天~
咁阿媽話出去食飯~叫我8點落舖頭~
咁我7點半就行啦~換好衫~梳好個頭~行出去好了~
本身我打算就係應該出去食的~點知...打邊爐~?!
心想...不是吧...一怒之下打去阿媽度話唔食返屋企~
之後老豆就扮晒野咁話我講說話小心d~我心想~小心d?!你小心d呀~
本身心情都係一般般~冇咩特別~你咁樣搞我~姐係叫我走啦~
好囉~我走~我根本就冇打算同佢地打邊爐~

返到屋企樓下買飯~食過飯就食埋佢個蛋糕~
不算是什麼難忘的生日~
因為...一個人的生日~發怒的生日~比人打的生日~其實...難忘的生日應該是...一個開開心心的生日...
只因...每年都...只有悲劇收場....

>>October 20, 2007 at 1:58:29 PM GMT+8

2007 年 10 月 18 日 星期四 【晴】

我做緊d咩呀....
其實~個人開始累了~精神上...肉體上...都累壞了...
開心~?當然開心~妒忌的感覺依照存在~
朋友~只不過係很普通的朋友~心情...不一樣的.....

早上開始已經有點遊魂...
工作能力下降到60%~唉...被唆使點幾就去左食飯了~
比家哥見到~比人話左兩句~黑仔的~
下午返到去~個人都....未回魂咁~好多野做~好多野做~
真係做到6點...要爆了~加速地做左兩樣野~
睇埋聽日張單....阿女....對你唔住了~我做得o既...都做左了....

收工時見到浩南~反正都冇飯食~就同佢地去食飯囉~
之後去左新城市果頭食囉~
勁多人...今日係假期~明天也時...不過唔洗咁多人呀~度度都冇位...
終於都搵到了~食完飯~傾傾傾~傾到10點幾浩南其實打算去買衫的~
所以就去買了~
咁佢地買完d野之後都夜了~要返屋企了~
搭車返去時同浩南講返d...公司人物關係...真的有點火大...不開心呢~
返到屋企~累倒了~死在廳中...

>>October 20, 2007 at 3:06:15 AM GMT+8

2007 年 10 月 17 日 星期三 【晴】

阿樂落返黎了~今日...我地兩個要死了~
估唔到囉~今日係我做lee個位以來最多的一天~
小雄~大師兄阿姐果d~一人一句風涼話....
咁我見勢色不對只好快快手手ko佢好了~可惜丫~小女她有點兒...而阿樂佢就....
唉....兩個衰人...慢慢來~

因為我今日表演~所以加速~加速~再加速~開心地~
3點半都可以吃飯了~
唉....飯都冇晒了~是是但但食左d野就算了~
最煩o既係...唉...佢都唔知點諗o既...好煩囉我就~但係入去又傾得不錯的~
到底係點架...我都唔知自己係點~佢又想點~好煩囉~
5點就走了~好彩都冇比人話姐~

返到去學校~好多人呢~正呀...好多學生妹呢~
咁響果邊就練下啦~其實都冇咩點練到d咩o既...
之後都係行行企企傾傾玩玩咁~
到時候就表了~開頭跆拳舞....唉...有點數錯拳數~因為都不太了解係點的....
而第二part就踢把~我自己就冇問題o既~因為我d腳都真係幾靚~
佢地果d都幾有趣的~
到我自己爆了~頭果3腳都冇問題的~但係最後果下就...小腿就車左落阿桃隻手度...
爆唔到...真係唔甘心呀~次次都係咁~我次次都係玩d最難...又不太型~

影好相~之後換衫囉~佢地係咁拎野食~
咁阿桃想拎野食時我就陪佢~點知...有個女仔勁得意囉~
我就睇睇下睇下可唔可以撩佢~傾左兩句~問左佢f.幾~點知佢話係yj~
應該都有仔啦...而且身邊咁多人...電話就比較...難拎o既~出到去我就企左響度同人傾偈~
有個女仔就問我係咪剛剛跆拳d師兄~點知~佢話佢星期日都黎學~
雖然多個師妹...但係...有點兒弱囉....

放學~去左麥記食野~
我就冇食啦~本身都餓餓地o既~不過剛剛都食左d野~
所以可以返屋企食了~

>>October 18, 2007 at 3:24:07 PM GMT+8

2007 年 10 月 16 日 星期二 【晴】

今日...開開心心的過了一天~
不過都做死人~下午~因為我叫做已經係最大果個...
教人睇roll果d~仲有教人做野~自己做野~同埋幫人做野...
好多野...又回到去果日....
就好似叫人考警察時果個廣告片一樣...
忙得很~不過呢~我自己都很滿足~因為自己其實都很重要呢~

5點幾收工~點知佢同阿樂都唔走,,,,不過我只好放棄佢地自己走啦~
走時又同阿業訓話....我都唔想...佢差d激到我要爆發....

返到屋企~阿誠msn我~佢問我燧咪真係去跑步~
所以...我地7點幾就去左了~
出到去~打比黃德~佢唔去~之後就去左運動場~本身我打算跑街的~
但係佢唔想喎~只好去啦~不過我都近d o既~
不停地半個小時~但係...到我地行左果兩個圈...用左三個字...
時間...不見了..
返去時就傾下偈囉~呵呵~我果然很邪惡的~

返到屋企佢叫我~咁呢...原來係問我放星期幾....
之後仲話...驚我放左假佢做唔掂...唉...心都淡埋...算...
咁我叫左阿琳~同佢傾左兩句...佢呀...做左某某論壇的板主...唉...
佢就忙得要死~其實都唔知為咩~
人地又冇出錢~係咁博做咩先~?係咪先~?不過佢d咁o既性格~我第一日識佢已經知佢咩人...
同埋有咩目的~
雖然都叫做有過一段情...但係...十年人事幾番身~佢變了...變得很...唉...
我的人生總是如此灰暗的....
一個係咁~兩個都係咁~開心?是有過~但係...唔開心會是更加多...

>>October 17, 2007 at 4:01:41 PM GMT+8

2007 年 10 月 15 日 星期一 【晴】

星期二了~
今日...返到去我都唔多出聲~幾乎都冇咩點講過同工作上無關的說話~
看似~我是心情唔好~但係又好用心地教~有一個我自己覺得很溫柔的笑容~
實際上...唔知點講呢...唉...我都唔知自己想點了~
但係到我做左9hea人囉...到果一刻之後~都有點解放自己~
雖然都冇平日咁多話~不過...唉...有點寂寞呢...

佢今日早走~我地o既關係看似要完了~
不過我都仲係好關心佢o既~內心裡~
佢話要出銅鑼灣...仲唔講得...有野做...6點要到...
明顯地係...唉...好驚係囉~雖然佢係幾叻o既~不過...因為我知佢小小家庭上o既背景~
但係這樣比人當作弱點就好易....
如果我今日所講的一席話佢係記在腦海裡的話~可以會有正面的幫助~
而...唔會誤入歧途囉....
雖然得不到別人的喜愛~但是...我還是很疼你的....

放6點~之後都成7點3先返到去~
miss都返左了~佢地都係響度排~咁我返到去換好衫之後都只係企左響度~
之後自到我地練返個舞~
其實一直我都唔知做咩~只不過...熟到黎就食囉...真係要...
因為都冇人話我知個流程...只係排時先同我講要做咩...
都真的有點兒....

放學了~6點~上到成9點半先走~
去左食野~咁食野就勁傾囉~呵呵~都係lee班所謂的朋友比較開心呢~傾得~

返到屋企都未見佢msn...看來...有8成已經係...我肯定囉...

>>October 16, 2007 at 3:40:28 PM GMT+8

2007 年 10 月 14 日 星期日 【晴】

到底...該開心還是不開心呢~?
有美相伴地工作是十分開心的~但是....
心情的確是很複雜~
有時都唔知自己搞咩...心情起伏真係幾大....吃醋?我在吃醋嗎~?
我都唔想的~但係...已經進行中了...
不過我會用我平時慣用的方式去面對~就是令佢討厭我~
我發覺我自己其實真係個咁o既人~
一係~好喜歡~如果唔係~我令可你討厭我就算了~
無謂有不必要的....呀~

成個下午我幾乎都冇點理過佢~
正所謂的用工作來麻醉自己....我見佢睇到我砌香蕉朱古力撻~
用爆出來的速度~而唔係平日的慢慢來~
令...到佢都好似有點....
直到收工都冇講過閒話~我都覺得自己有點討厭呢~

今晚~吃壽司~很好吃的~
一直的煩惱緊叫唔叫佢好~等到佢上~都唔好意思叫佢~
當日佢問我~
你做咩唔問我拎msn~我話覺得怪怪地~佢都話有問題....um...好煩~呵~唔關我事~呀~~~~!!!

>>October 15, 2007 at 2:27:48 PM GMT+8

2007 年 10 月 13 日 星期六 【晴】

琴晚~同阿女msn到12點左右就去𤍣了~
今朝~其實我都𤍣得唔好的~
雖然我聽到家姐叫我起身~但係...我真係累得動不了呢....
6點幾就起身....期間斷斷續續地𤍣~真係幾辛苦架...

9點幾已經頂唔住了~因為真係再𤍣落去都𤍣唔到~
只好出廳啦~我仲諗緊返唔返跆拳好~
但係...問左阿華~佢話今日返喎~咁耐冇見~我都想見下佢呢~
只好返去啦~
不過聽聽下歌又搞到晏了~成11點先出門口呢~

咁今日返到去我換左衫都係冇咩點郁的~因為我都太累了....
連小小都唔想郁~企左響一邊就算了~
見到家樂d腳有問題...阿水去教佢~back kick不是我的強項~
不過呢~教教下又係時候....我個人真係越來越喜歡說教...
一同佢講~一講講左成個幾鐘...我都就黎發癲了...
我都覺得自己好煩...但係又唔可以同佢地講喎~公司又係咁...學校又係咁....

放左之後就去左麥記食野~
食完野再傾左一陣就走了~返到屋企~有點累~睡了~
晚上要自己熟野食~
再睇電視~丫~咁o岩有齣戲又好似好有味道咁喎~
叫慾海慈航的韓片~

http://lady.atnext.com/articles/art_main.cfm?sec_id=3840163&subsec_id=3982730&art_id=4061588&showdate=20040521&av=NO

lee齣戲睇到我好有感覺~我勁想有小朋友~加上剛收左一個女...
果種情感更是如湧泉般爆發出來....

>>October 14, 2007 at 1:12:42 PM GMT+8

2007 年 10 月 12 日 星期五 【晴】

又一地獄之作....
琴日都已經好夠死架啦~今日...仲死....
佢地冇落餅乾~搞到我冇得用~自己整~加上琴日我冇洗d模...仲要烘埋佢添...
今日開始教chloe寫數~
個衰女計到亂晒~不過早上都算順~
但係...好似到到中午~唔知做咩~同阿樂玩~之後佢食飯之後我地已經兩點了....
幫佢打藍B~搞到又做多左野~個女又去左乜藍B~我地個ny又冇得打~

我倆二人就此做到4點半~我想想下...打左卡先~
比家哥見到~之後佢走埋黎~話~
唔比唔食飯~就算唔食都要去坐下~半個鐘都好~
咁真係去坐的~打左幾舖機~阿女就唔想玩~聽左陣歌就返入去了~
同佢ko埋阿香蕉朱古力撻之後~我就突然火大...其實果一刻真係勁想走囉~
不過.....唉...換完衫都係等埋佢地~

搭車返屋企啦~同新來的阿偉~阿業搭車~
咁話左阿業幾句~阿業就收晒聲~之後轉返火車時~
就同阿偉傾山崎d野~原來我地都做過~仲要差唔多~勁搞笑的~

返到屋企~阿媽佢地就快走~
我又一個人響屋企~佢本身打算想來的~不過...明天都唔得閒...
點黎呀...
只好叫佢唔好~來了~
晚上同阿女msn~引發左d咩誤會~好彩冇事~
今天就到此為止了~明天待續~

>>October 13, 2007 at 2:53:46 PM GMT+8

2007 年 10 月 11 日 星期四 【晴】

好耐都冇進行日記了~
最近...都發生左好多事~多到...唉...真係有好多唔開心o既野囉~
但係~近日來左一位女同事~十分之咁靚女的~
開心的事~我同佢都開始熟絡起來~而且仲做了別人的...爸爸...可恨的是...爸爸呢....
日子過得真快~上次進行日記的日子已經是好幾個月前了....
現在看回上一次的日記~自己都有點驚訝~
未能進行日記的原因有很多~當時的電腦死了~二來~每一天都很累呢...還有...惰性...

續當時的日記~開始吧~
話說當時在早班的日子都算不過不失啦~
因為有大師兄呀~澤西佢地~都好開心的~但係聽到要人返夜班~
我第一個舉手要返~好啦~本身澤西都想返的~
但係我的錢....真的不夠呢...只好同佢傾傾~我返好了~
當然~別的原因都係因為小雄囉...都唔想見到佢了~
其間都發生好多事~都不能盡錄了~

算是交了女朋友~邪惡的~雖然是我要求的年齡~
但是...其餘的...各方面都...不太合心意...
有時我都覺得自己係咪太衰呢~?我覺得我浪費緊佢o既時間~
雖然~目前我都仲未有打算搵過個~或許...我對現在的自己太沒信心了~
就算是她有那麼的愛我~也難以忍受我那種~愛理不理的態度吧....
有分手的打算~但是...如果說了分手...(已經說過一次...很可怕的...)我怕後果很嚴重呢....
就算話我賤也好...什麼都好....希望說分手的...不是我....

夜班的生活~開始時都很開心的~
但是...有個仆街...真係一個撚屌的人...我好小會響我o既日記內~
除了仆街之外有其他的粗口~不過...此人的做法~各方面都太賤...
如果要講...我想打小雄~我真係好想殺撚左lee個尻屎騏~
雖然在我日記出現lee個名會令我的日記做成污染...不過...這是我的地方~
我想話邊個就邊個~屌邊個就邊個~!!!
很開心的~同阿賢再見面~同以前的同事傾傾偈~
同夜班的同事去打cs~很開心的~如果...冇果個仆街響度的話....

我都未試過咁唔想返工的~就算真的多野做到爆~
就算我真的病了~就算....很多很多的事情...
我人生的三次射波~就係返夜時...最後果一個星期係最難熬的...
我也是撐得過~
到了我返早的一天~我就要求直接返早~返完夜再返早~
雖然是有點辛苦~不過...都幾開心丫~
做完野~之後我就去左休息~很多同事都叫我~"你返屋企啦~做死你呀~"之類的說話~
不過...我決定要今天就返早~

今日有新的女同事來~佢好早就到了~
7點半左右~佢就返到黎~我都唔理佢啦~因為我算是什麼呢~
當時我睡不著~我一邊就看書~一邊聽歌~到到有同事返~一個接一個地問候我~
到到開工了~今日~um....工作有點難度~因為太耐冇做了~
有點慢~又或者佢地真係太多人了~
以前~我係要四維幫手~但係....現在我只要做好自己就可以了~
這樣也不錯說...

星期三~是中秋~秋天是我的季節~可是...
我本身係放假的~不過...星期二晚竟然冇節目...好...有點不開心的...
星期四~同阿偉佢地去唱k~有點不高興~因為...佢要走了~
兩個月~令他有所進步~我看到都令有我點安慰~可是...他要走了~
果晚~其實好多人都唔唱的...6點到~唱到11點幾...呵~幾乎有8成o既歌~都有我份唱~
盡興而歸~完了之後就同莉莉去食野~傾到好夜~再同阿偉佢到3點幾先返屋企呢....
星期六~收工再去麥記~傾左個幾鐘~走時~
我阿恆阿偉3 人行~家家的音波功又來了~勁爆阿恆~阿偉幾乎都只是在聽...XD

到了~九龍站開了新店~小家的死亡日子要開始了~
不過..同樣地...我今天...好像多了一個女兒呢...
剛開始時~我同小雄都在摸索這個新產品~到到某一天~
我可愛的女兒~小chloe就來幫我手~
小家說到要教人真的有一手~剛剛她來上班時~幾乎...只有我一個對她的態度是...愛理不理....
或許我是想表現出我是一個...無心溝你...的存在....
但係...佢開始黎幫我~我地o既 "父女" 感情開始好起來~至少...她對我現在一點也不客氣啦....
有好...有唔好啦~上面已經說過~現在的我~是一個完全失去自信的人...對於給予別人幸福...
或是好好去愛一個人的信心一點也沒有~
而且...一個如此可愛~漂亮~被寵壞的~勢利...和一個單親家庭的背景....
雖有好感....不過...當一位父親...也不錯吧~

>>October 12, 2007 at 3:58:24 PM GMT+8