2006 年 2 月 7 日 星期二 【晴】

==>>

>>February 13, 2006 at 4:14:12 AM GMT+8

2006 年 2 月 6 日 星期一 【晴】

早上~起身又開始玩game了~
下午時問左阿蔡蔡拎佢個ac la~呵~老人精來的~
之後打算問下佢去唔去食飯~
不過...佢要響屋企食....
只好算la~突然見到阿樂icq on~咪問下佢去唔去囉~
呵~佢又去啵~之後就落樓下了~

其實我都叫做特登簡lee個時間 o既~12點9...
嘿嘿嘿~等佢時都冇咁悶丫ma~
叫左個飯~不過...好似有d反胃咁...食到盡了...完全食唔落囉...
食完野傾左陣就走了~我就真係唔想四維去la~
佢話想去大中~咁你自己去la~
我要入百佳買d糧食呀~!!

都唔係買左好多野...不過...已經開始食緊lu...仲食左不少添...
不過我真係唔記得左好多野的~
坐坐下時突然諗起~係喎~星期6返屋企時見到個好得意o既妹妹~
響我側邊la~之後見到對面條死o靚仔勁"掘"佢喎~真係想打佢呢...
落車時個妹妹望住我~唔知咩事呢...突然做個好驚訝o既表情~
呵呵~未見過靚仔呀XD

>>February 10, 2006 at 3:08:50 AM GMT+8

2006 年 2 月 5 日 星期日 【晴】

𤍣得果一陣就起身la...
起身咁上左陣網完成埋d日記就又開始玩瑪奇了~
琴日完成左弓手的精武~
今日就打算幫個正身練劍~完成埋一直用緊o既劍達到五改的階段~
生產係的年齡係最高的~結果就過晒d野比佢又狂打了~
原來劍同弓算熟係唔同的...弓升易好多的...
23歲弓打一下有0.4.幾...25(21年)劍打一下得0.36幾....
真係練到我想死~而且都冇咁好心機去打...打打下又上網睇下野咁~

最大收穫係晚上玩魔賦~雖然想要的都爆了~但係又多樣野玩了~
加上都練到好野~算係咁囉~

(無聊的....打機日記.....)

>>February 9, 2006 at 3:40:34 AM GMT+8

2006 年 2 月 4 日 星期六 【晴】

夜𤍣早起身...找屎呢....
琴晚玩瑪奇已經有個好計劃了~
要練精武....100exp武器這個就係最浪費時間的~
好彩我已經有數個高年齡人物~相信大半日就可以完成了~
所以~8點幾9點起身一開始就要努力了....

果然...響晚上o既10點幾到就完成了~再去開始解果d任~
其實我都覺有d無謂的~
根本lee個分身係完全唔會入點的~而且唔買果d服務的話把精武都冇可能升lv~
或者開始時只想有把會發光的武器la~
一心只想~有有有有有~到完成時先發覺~係喎...我想要的係發出強光的精武呢...
算la~只要有需要打boss時~大概都會有d 用o既~至少...佢都比一般武高攻...小小la...

完成左~又未冇人返屋企~我就開左個戰國basara玩~
終於都打到森闌丸出來了~一開始時真係好難玩...
因為佢太弱了~攻低~血低冇防.....比d小兵打兩野都差不多死....
咁又係o既~一開始時已經打中級難度...找死...
好彩又比我打得win到啵~win到一舖都未過到難關...因為雖然升左lv~
但係都係高左小小hp~而其他野就差唔多咩都冇~只係多左把武~
玩左我都不少時間~玩到咁上下又出左個新技...勁屈機的...
一大隻雷柱...d boss比我屈死...佢又過唔到~又係咁中~正~
之後打小兵~殺到上千呢~唔殺個比較高級的小兵~個人一直企響個出怪位~
勁放果招...咁就殺到成千了...所以人行埋黎...箭呀咩都會彈開...變態的...

玩左成4點幾先去沖涼...𤍣時都差唔多5點了.................

>>February 8, 2006 at 6:48:32 AM GMT+8

2006 年 2 月 3 日 星期五 【晴】

星期 6 了~終於都有得返跆拳了~
早上~最近都迷迷地瑪奇~早上已經響度玩了~
(反正電視都冇野好睇...)
真係冇野好睇呀...叫做睇得下o既都係得12點做果套~而且都係d人好睇....機械人就...
玩到過晒時間先換衫~

搭車~今天真的不錯...嘿嘿嘿~
返到學校已經遲大到了~不過有人比我仲遲....
到達時o既情景實在係...難以形容....3個黑帶教緊一個綠帶...係咁多....
唉...我地都在幾年前開始沒落了...自我畢業後情況就日益嚴重...
已經唔望有女了~但係現在都冇幾多男仔吃得苦...同埋會好似我地咁有心返這樣的活動呢...
就好似霍元甲咁講o既一樣囉~但係佢果套已經係佢果個時代o既事了...
一般來說~讀多兩年書~出面識多幾個朋友會有用得多....
而且時間都係一個好大o既問題~好似我咁忠實o既會員~
之前返工~死就爛就都就唔到個星期六出黎~就返唔到星期六了...
所以如果要再次搞到好似我剛入~唔好話剛剛入時企滿一整個禮堂la~
要好似我中5時都有時有小半個禮堂咁都難呀....

今日唔係操得好勁~只不過係身體變得虛弱~加上太耐冇返了...
有點辛苦呢...
呵呵~有得用禮堂呢~咁人地響度練歌中~阿蔡蔡話識得台上果個女仔~
的確~佢係識人地o既~但係我見到人地好似唔識你呢~
(如果咁講的話................XD)

放左學之後我地去左大家樂食野~
咁食完野又好似平日咁傾la~傾左其實都幾耐下架la...
不過其實大家...(只係我同阿蔡同肥董而已~阿水想走的~)都未夠似的~
但係有個阿嬸走埋黎問我地再檯~真係...唉...

今晚阿媽佢地返黎了~但係奪命追魂call又黎了...一連氣打孖來....
有種~好似d超人片的怪獸被打敗時的感覺...
開頭就爆爆爆~之後再跌落地一個大爆...我就真係快要爆炸了.......................................
11點幾先返到黎...咁我就玩瑪奇玩到成點幾兩點先𤍣...開始有d...

>>February 7, 2006 at 3:05:29 AM GMT+8

2006 年 2 月 2 日 星期四 【晴】

(日日掛住打機~到有時間又想打字啵....)

同佢地食完早餐~傾左好耐~
6點幾開始食野之後傾到好似8點半先走....
但係其間一直比人啤住呀...我望住爐頭果兩條pk架la~
勁啤勁啤勁啤...真討厭呢...

返到屋企先熄電腦...琴晚其實我真係打算只係去食飯的...
估唔到呀...
搞掂左電腦d野之後先慢慢去沖涼~沖完仲睇多本書先𤍣~
10點幾開始𤍣~𤍣左兩個鐘到就起身la...12點幾就起身....
個人就好玪la~呆滯就係必然o既事~
出左廳開電腦都唔知搞咩好了....然後又開個戰國玩~
我玩到究極級o既時候~打得好辛苦咁殺左8百幾個la~點知比個大佬兩招車死左....................
立即冇癮la...

坐返響個電腦面前了~玩左陣都覺得冇野好玩~
6點幾就響個廳度𤍣左陣~
多都冇呀~一個鐘都唔夠阿婆又打黎la...
自阿媽佢地去左旅行之後~早一個電話....晚一個電話...
不停咁重複又重複地講返同一樣o既野....日日精神轟炸我...呀~~~~~~~~~~~~~~~~~

>>February 6, 2006 at 8:29:30 AM GMT+8

2006 年 2 月 1 日 星期三 【晴】

唉...又黎la...11點幾就入房~但係就𤍣唔到囉....好麻煩呀...
點幾兩點先𤍣到呢~
但係又係9點起身啵~早上起身都冇野好做~
上開o既網都上晒~瑪奇又維護~見冇咩野做~而且張save卡又返左黎la~
所以就開ps2玩lu~
上次借左阿洲3隻碟都冇咩機會玩添~今日就有時間玩了~

玩左兩個多鐘果隻戰國basara~玩落都唔錯~但係都係咁打囉...斬斬斬斬斬...
本身意謂佢會一開始有得用果個妹妹的~
可惜...原來果個係要打出黎...冇得用~只好用個我覺得幾俊果個la~
爆左個普通~之後就打個難la~估唔到果版咁難打的...死左幾次都唔玩了~
因為都係時候聽五天精華遊了~

5點幾~阿誠icq叫我我本身想應佢o既~不過又唔多想郁喎~之後都冇理lu~
佢就無lala打黎~原來佢屋企冇人~
大家都同病相連...就話一齊出去食晚飯了~
收左線之後就繼續睇電視~

icq無lala又有人叫我la~就係果個網友la~
不過突然講d好爆o既野呀...都真係好突然呀...唔知真定假la下~(暗爽中XD)
我頓時啞了...不過真也好~假也好~
我開始發覺自己比想像中更加正直的...假設係第二個遇到同樣o既事宜~一定會輕易地回答ja~
如果要答的話都係大話~咁樣係有違我自己o既原則~
假設我say yes~都冇人信la~100%係大話~

(下面o既係唔關事的~)
如果想搞到大大件事的話~都要經過深思熟慮先~(至少都要諗過點收科...)
就我之前講過下果對自殺學生咁la~死左~大家都唔知會點~在生o既人就一定好麻煩~
死左o既...一般來說對於尋死o既人絕對認為可以一了百了的~不然都唔會尋死la....
不論大件事~小事~都要負責仕~如果冇計劃地去做的話~死路一條....
(到此為止了~眼𤍣死了...)

完左之後~阿誠7點5打比我~開頭我仲意謂佢算數的~
不過佢現在打比我就證明係講真la~兩個人食就有d悶~所以就叫埋蔡蔡去la~
佢就食完飯~但係佢都話可以陪我地~
我都有諗過搵肥董的~不過佢大概都食左飯架la~
約左8點響大中阿記等~
諗諗下都不對路...係喎...我會搞唔切的...只好快快手手la~
基本上未完成就要出發了....

趕到過去都剛剛好~而阿誠已經到左la~
蔡蔡仲未到...等到佢黎我地就去大家樂睇下先~不過冇位...
之後打算去第二間的~就係因為打算去~所以就真係兜左個圈la~行返去大家樂等位...
雖然之前講過下la~但係我都認為係吹下水的~
唱k喎~所以就叫埋阿肥董出黎la~
等到佢黎都出發去果度問價~我同阿誠兩個上去問la~
一人90幾蚊...如果係的話都唔會去lee度囉....各方面都咁弱...只係比較近而已...
我其實都想出去唱架la~本身阿誠都話唔去的~
結果都係比我地用金錢同不斷地迫佢先肯去~

10點幾...出到去都仲早喎....其實都有諗過早~但係都上左車了...
出到去只好行下街la~都差唔多行到旺角~
我其實都係想搵個位坐下的...所以叫佢地行去ceo果邊先~坐下也好~咩都好la...
行到去都差唔多12點幾了~原來唔洗等到1點先入等~所以就開始了~
其實下午都唱左兩句的~好似上次病完之後...走音o既問題好嚴重呀...只好用力壓住囉~
呵~終於都唱到啞忍同赤地雪了~大滿足的說~但係個人有d殘殘地...
唱時都出唔到應有o既水準囉....

本身都死死地架la~估唔到喎~休左陣之後好似回到不少~
都可算是盡興而歸了~

>>February 3, 2006 at 5:08:47 PM GMT+8

2006 年 1 月 31 日 星期二 【晴】

討厭呢...琴日打算早d𤍣o既本身~
係就係早𤍣呀...未到8點響廳度就𤍣著左la...12點幾起身再走返入房...
可惜係𤍣唔著的....
睇完本書之後半滴睡意都冇...唉...之後聽埋個節目都兩點lu~
再來已經冇野好聽~碌下碌下終於都𤍣到了...
5-6點到la~個身出晒大汗...真討厭呢...搞到濕濕的~勁唔舒服....整理好之後再𤍣過好了~

又9點起身lu~聽小左半晴朗添~
出到廳又好似冇咩野好做啵...目前又聽緊晴朗~又睇唔到動...唉...
聽完~雖則剛才聽緊睇唔到jo啵~但係搞左咁耐都唔知睇邊個好...
最近睇左兩套咁激o既~真係唔想咁快就轉去睇d純愛搞笑的~
雖然存貨多的是~可惜...我想要的總是沒有....

諗到將近爆炸o既時候~唯有求其了事~
最終o既決定係toe~
當日打爆toe時~日語能力有限~用盡所有~大概明白的只有6成左右....
所以都想睇多次~可惜丫...完全唔關事的...
用十分敷衍o既方式去交代過去....結果整個故事同game個故事幾乎係冇關聯的...
但係睇落都唔差~只係有d失望而已...

睇時都開住瑪奇做兼職~而睇前都計好~睇完燒埋可以再dl d咩o既...
所以早就找左個玻子汽水黎dl了....
完成左之後都係時候開收音機聽五天精華遊了~
都聽小左成半lu...加上剛剛都未吃午飯~立即去準備好了...

突然有個冇號碼o既電話打黎~
開頭都意謂係什麼廣告的...準備好cut佢架la~等左幾秒都唔出聲~
見冇人講野都只好喂一下好了~
估唔到係當日比左個電話佢~佢話無聊時就打比我o既網友(算是吧...??)呀~
佢就話屋企咩都唔比佢做...街又唔出得~電話都唔比打...
都係等佢媽咪出一出去先打比我...
所以十分倉猝地傾左陣就要收線了...有d無奈呀....

6點幾~猩猩打黎話還save卡比我~喔~終於都還la~
我又唔想出街啵~但係佢又話可以上黎咁~只好叫佢上一上黎好了~
等到佢黎~吹左都好耐水下~然後佢就走了~
嗚...又吃杯麵了....感覺上都有d...唉...
突然好想大執電話d歌~搞左我成晚...有d想聽返多d慢歌...舊o既又好想聽返~
搞左我都不少時間呀...

>>February 1, 2006 at 3:46:46 PM GMT+8

2006 年 1 月 30 日 星期一 【晴】

屋企早就冇晒人lu~仲要比人嘈醒左添....5點幾....
lee 5日會點過呢~?
習慣孤獨o既我~有人~冇人~大概都冇太大的差別了~
出街~?平日我都係想去邊就去邊架la~即使幾日唔都返屋企唔會有人理~而且都唔多想出街~
叫人來玩都無謂la...屋企都冇野好玩...
可恨的是...冇女呀...有的話都會有d搞作...5日~唉....

早上~玩左兩3個鐘瑪奇~完成左個地城都唔想玩了...
下午正當我想找野睇o既時候都要食野lu~(杯麵....)
本身我就唔應該剛剛dl完rozen maiden traumend就立即睇的~
但係...已經諗唔到有咩好睇了...而且d人追緊時都有d心動想一齊追的~
可惜丫~當時日日做到冇停手~返到屋企玪到嘔....
好多正常血氣正盛o既少男日常做開o既野都停止晒呀...真可悲....
(咩野呢XD)

果然...rozen maiden traumend的確係正爆的~
當日剛睇第一輯時~只係覺得~動同cg o既差別實在係太大了...
但係睇完第一話立即鍾意到爆~仲要係晚上一口氣完成的~
期待已久o既第二輯~要到現在先有時間睇....

咩事呢...前日睇的舞-HiME...今日睇的rozen maiden traumend都係搞d咁o既野呀....
rozen maiden時就話水銀燈做壞人ja...但係到現在traumend已經改返好了...
(知的當然只係我地觀眾們la~)
不過主角門互相廝殺實在係看不過眼的...
幸好完時佢再次埋下伏線~明顯地係有第三輯的~嗚....好想睇呀....都唔知幾時先有了...

睇完~5點幾...又唔知做咩好了...呆呆呆呆~等到6點幾走去沖涼la~
其實打算去𤍣架la...不過又要完成埋個日記先...
好煩的...諗諗下其實都冇記好多野...前排見到阿樂~人地病到7彩時~請左我食個下午茶...
6點幾都下午茶...大家樂真係唔知搞咩呀...

>>January 31, 2006 at 11:47:13 AM GMT+8

2006 年 1 月 29 日 星期日 【晴】

9點幾就起左身la~依然係有咁多人響度o既~
下午本身就係話去阿埦屋企的~
不過....有人就響度勁吹我換衫~但係就霸住個廁所搞到我冇得換~
一怒之下就唔去la~
兩點幾~肥董打黎話上次果兩條女叫我地出街~
咁剛剛阿媽打返黎時~佢問我食唔食野我叫左佢買野食所以都係話唔出了...

食完野之後~我見屋企得幾個杯麵...佢地走晒我真係唔知點過活la...
所以打比佢地問下佢地響邊~出一出返屋企時就去百佳買d野返屋企算了~
但係佢無lala話出去睇霍元甲~
當然好la~之前睇完果d廣告已經超想睇了~
聽家姐講話爆好睇~真係唔睇唔得la~
換好衫之後就打比佢地再出發了~

唉...估唔到呀...其實係唔記得先真o既....
銀行就冇開門~d機果真係冇晒錢...有錢都冇得禁...死la....
只好問佢地借住先囉~
去到戲院~果個死八婆真係激死我~新年都要人家咒狗你....真討厭....
6點半先入場~但係得5點幾...所以就四維行下好了~
又去左睇書了~平日我都買不少~但係今日冇錢呢...唉...
只好真係去睇下有咩書買la....
行到咁上下就去了~

頭果幾行真係頭果幾行...睇到人眼爆耳聾...但係真係好戲~值得一睇~
個結局就唔係咁好囉...不過點講都好la~事實就係事實~
如果改左個結局~會唔會...............
睇完都有不少感想~太多了~都係算la~

去左大家樂~食完野又響度傾偈了~又傾左勁耐呢....
食完野都冇地方好去~搭271返屋企了~
返到屋企都夜la~等到d人搞掂晒先有得去沖涼...好玪呢...

>>January 31, 2006 at 10:55:13 AM GMT+8