2006 年 1 月 28 日 星期六 【晴】

好了~辭職的第一天~?不是不是...今日依然在職中~
不過早上已經有迷惘的感覺....

食完早餐之後已經冇野做了~只好開瑪奇玩la~
不過上次用晒d祝水...又要去搞了...
雙開...搞到hang左機...冇癮了...

家姐走左之後~冇野做...點好呢...
一冇野做就找野看la~
早前已經好想睇左這個舞-HiME的~不過要返果度就真係睇唔到la...
現在有咁多時間~睇咩都得la~
萬萬想不到原作就係佢....矢立肇...
細細個睇佢d作品睇到大...感覺上佢好似特地去迎合我o既年齡所推出佢o既作品呀~
年幼時睇就係絕對的正義~邪永遠不能勝正~
然後到絕對的破壞與暴力~
再大~正義與邪惡已經分不清~不同立場身份亦會有所轉變~
到現在~例如seed~開始加入不必要的色情~即使唔多~但係已經變質~

這個舞-HiME更是瘋狂...其實我本人覺得佢同樣係一部十分好的作品~
起初的7話都會發展得比較正常~笑下~交代下劇情~
但係第8開始就進入故事的開端~第一件大事發生~第一個HiME失去守護獸而付出應有o既代價~
再來的只是一般的大型戰鬥~
15話完結~再來就進入真正的瘋狂狀態~
剛團結~身邊o既人立即變成敵人~有人從中作梗~亦有事件發生~
迫使每個主角精神進入將近崩潰的狀態~開始互相廝殺~
展示人性最醜陋o既一面~
最後~理所當然女主角會去見最終boss~然後就係將命運打破~所有HiME回復力量~
而失去的就返晒黎~合力完結lee件事~

頭同尾都係正常o既發展~但係中間就出現左好多值得去一想o既事~
如果好似人地咁~睇完就算~或者都係係消磨時間的好方法~
假設從中有所得著~會更好...
基本上我進行中時已經生出左好多問題~試去問自己~打量自己~
戲~如人生~真係冇錯~好多戲都係~
主角永遠都係前路茫茫~如果唔踏出第一步永遠都唔會知果一步係點~
人生就係要犯過罪~受過傷先會長大~
反正我地lee d平民~就係咁架la~香港有幾多人係富到爆~又或者窮到爆架~?
富o既~反正都大把~點都冇分別~窮o既~為世所迫~唔輪到你唔發奮~
如我這般平凡至極的~即使最專長o既野~都未達頂峰~再者~再強都不可能成為一種職業~
一切都要重頭學起~做起~
但係可以話想做就做唔想做都可以唔做~全無負擔~
問題係對唔對得住自己~同對未來o既恐懼ja....

>>January 30, 2006 at 5:50:10 AM GMT+8

2006 年 1 月 27 日 星期五 【晴】

最後一天了~但係...點解今日特別早o既呢...
返到去搞掂我要做o既野都幫阿洲手...
等到咁上下就打第一舊麵了...打完...其實今日都只係打甜~所以就出去幫手起了~

等到完成左la~就響度包果d死人煎堆仔...
包左我地成日呢...
到我打左第二舊麵出黎就話唔要了...再狂包...
我地包到發癲...緊係la...早就開始包...包到成3點幾...想死...

之後洗野...洗野時我又唔知做咩喎~
其實都突左好多人出黎...
佢就叫我地返早o既收工先~然後雲吞都收工~

自由的感覺?沒有....
其實都唔知做咩好...算la...路到盡頭總有路...
早d𤍣好過la....

>>January 30, 2006 at 2:37:47 AM GMT+8

2006 年 1 月 26 日 星期四 【晴】

今日依然有想死的感覺...逃走o既意識湧現...

不過...逃個屁咩...野就做好~走就冇得走....唉...等到放工~

返到屋企...

其實lee幾日都比往日辛苦的...或者係最後幾日la...

我已經...星期三~7點幾就入房𤍣~琴晚10點幾~現在就響廳7點幾又𤍣左...

10點幾再入房~𤍣唔到la~聽埋架勢堂12點幾就𤍣得著la...

>>January 30, 2006 at 2:31:08 AM GMT+8

2006 年 1 月 25 日 星期三 【晴】

正所謂嚴師出高徒~我自問我會對我教o既人好有期望~
而且如果肯學的話一定會唔差囉~
至少~我教跆拳果幾個~佢地都已經學會自己獨有o既打法~
但係就始終搣唔甩我同佢玩果種打法囉...

早上打比阿洲又去左留言...諗諗下可能佢放多日la...
原來唔係...我自己返左去...再打比佢先打到...
之後我叫佢返我自己去左7仔等la...
等左幾個字佢到la~打比我好似想質問我咁問我去左邊...(天寒地凍...唔係要我響門口等呀...)
我話去左7仔囉~

好可怕呢...我已經無心工作了...
響入面打麵時我真係有窒息o既感覺...人就快要崩潰似的...
但係諗諗下返多幾日ja...忍耐忍耐...
而果個傻仔已經冇返黎了~冇人幫我搬野添...
下午...無lala話大洗...死la...想死呀...咪搞la...
但係佢實牙實齒咁講我只好洗la...好彩...我唔洗d粉底佢都冇理我~
不過都洗到6點幾呀....

6點幾我行到出去~之後就同佢地吹水la~
佢見到我咁得閒~的確...我已經同佢地傾左半個鐘多了...
老馮見我搞掂左~所以就比我走先囉~
我又冇帶衫...又差唔多7點了...所以都返學了...

>>January 30, 2006 at 2:25:39 AM GMT+8

2006 年 1 月 24 日 星期二 【晴】

第二日~諗住打算比佢打下麵la...

估唔到佢用左成個幾字先完成第一個步驟...ja係以我為例...

剛剛學都冇咁耐...現在30秒都唔洗...磅5樣野...兩樣都唔洗磅~我磅之ma...

所以lee個上午所有野幾乎都係我自己做返...

食完飯返黎...老馮問我佢得唔得...我想話佢唔掂架la...不過都想有個人幫下手搬野~

下午o既野當然都係我做la~但係我真係忍唔到了~插到佢屁股開花~

我問佢係咪真係想做想學落去~佢話係~我真係比最後一次機會佢....

估唔到佢真係強呀...打菠皮~我就叫佢幫我磅野la~

我出左去買野都差唔多有一個字多~我返到黎佢竟然只係磅左7磅糖...好野...有料呀...

>>January 30, 2006 at 2:12:49 AM GMT+8

2006 年 1 月 23 日 星期一 【晴】

今日阿洲放假~但係就有兩個新人黎喎~

正當我做緊野o既時候老馮走入話叫我教個超柒o既打麵...

佢話最好響我走之前教好佢la~

今日真係地獄式的一天...我自問我都叫弱架la~剛剛學時~

估唔到呀...佢仲...

下午帶佢出去買野la~佢問我~lee個位係咪最低級架...

我真係冇野講la~你邊有話邊個位高唔高級架...冇左邊個都唔得架la...

仲話著成咁行出街驚比人見到....係o既~lee d野好睇下o既~我自問我著落去都唔會差囉~

見邊個都冇問題架~反正我都係返緊工之ma~

我同佢講話佢弱~佢又答我~你試下同我鬥快做最在行果樣(唔記得咩la...)

我真係想一棍車落去話~睇你個死樣~我學一日都快過你la~

佢話人不可以貌相...係呀...你真係不能貌相la...佢o既工作能力比佢個柒樣更柒...

收工前~叫佢講一次剛剛教佢果d野...佢竟然轉個頭就唔記得...

想死....

>>January 30, 2006 at 2:05:13 AM GMT+8

2006 年 1 月 22 日 星期日 【晴】

又要返工了~好想講辭職呢....但係又冇一個好o既機會就真係...

想不到今日就有一個好機會了~

老吹叫我交強金果d錢~之後我就睇準lee個機會問老馮野~

就順道講埋唔做添~

但係...為左辭職而打破自己o既原則....唉...

>>January 30, 2006 at 1:55:09 AM GMT+8

2006 年 1 月 21 日 星期六 【晴】

星期日....終於都等到放假了....

可惜病緊la....搞到我都唔知點好la...只好休息la....

估唔到呀~城市論壇都幾好睇架啵~

下午~都冇咩野做了...悶到死...玩瑪奇玩玩下都冇心機玩了...

𤍣下起身𤍣下起身~不斷重複...想死呢...

>>January 30, 2006 at 1:50:48 AM GMT+8

2006 年 1 月 20 日 星期五 【晴】

今日真係好受氣囉...超不爽...

5點2打比阿洲~沖完涼~5點4再打比佢~

咁佢話~我搞掂就打比你la~咁樣...

之後我就真係搞掂la~等左幾個字...到到成5點7~我終於都忍唔住了~要打比佢la~

佢話~我正想打比你~我搞掂~你立即落去la~

落到去~等左我2個幾字...足足兩個幾字~我真係忍唔住打比佢~

佢叫我等佢去ok買完野先...之後等左陣先見到佢個身影慢慢行過去~再等多個幾字佢先行埋黎...

返到去公司~我真係火都黎埋囉~之後都唔理佢~工作la~

點知~我分好d包時~佢問我有冇睇下d唐餅先分~

我緊係冇la~你要知道~我病緊~加上食左3個幾字風....病情急劇惡化....

邊個搞成我咁架~?我彩你都傻la~之後佢仲插狗我....

我忍~唔同你口舌之爭...我早就已經想辭職架la~e+有一個機會了~

但係我都係搵唔到個好機會...所以都係忍耐了...

>>January 25, 2006 at 12:16:49 PM GMT+8

2006 年 1 月 19 日 星期四 【晴】

我做左19年人~病就一定知辛苦架la~

但係...e+ 咁o既生活就真係鮏命囉...

早上~我都唔知自己係咪做錯左d咩...搞到我響樓下等個遲到大王...食幾個字寒風...

星期三就發燒...星期四就勁唔舒服...今日打孖黎...即死...

點死都好la~死都死掂晒d野比佢先~

如果響六福記做~相信一定會比我走~以前讀書我都冇咩點病過~就算病都無視~

𤍣醒~放學去打機囉~

唉...e+ o既生活真係...一日不如一日...想死...

>>January 25, 2006 at 11:54:01 AM GMT+8