2006 年 4 月 19 日 星期三 【晴】

復活節~我o既人生就係要孤伶伶咁過~?
連星期六的跆拳都冇得返...都冇咩野要講了...
最近再開始看女生愛女生~
討厭呢~我老早看了日版~之後同其他人講~有一個好有趣的漫畫但係係日文~
竟然質疑我o既能力話~你睇得明咩~真係激死~
後來佢地真係睇左中文版同動之後真係勁想鬧爆佢囉~
現在進行到第7~故事發展到咁真係...難以想像的~(草莓??公主~志同道合??)

因為今日係"馬"娘誕~要跟阿媽返塔門呢~
本身意謂得我地兩個入~估唔到咁多人去呢...
發生咩事呀...見到好多f.3時好多不熟的同學~有d係做舞獅的~有d係跟佢地入~連鍮大飛果個都係...
至於今日...悶死了...
拎左本ufo之夏去~睇到一半又勁眼𤍣...係o既...差唔多兩點先𤍣~5點半又起身...
雖然有好多小朋友~真的很可愛呢~
但係一向都勁cool的我點可以表露出我最邪惡的一面呢~
不過叫做有d野搞過下囉~都冇話好唔好o既~(海刺很難吃的....海蟾比人食左)生食x2~

返到大埔...估唔到咁早~6點一咋~第一時間去左麥記搞搞個頭先la~
因為早上坐大飛時已經吹到成個癲佬了~忍左好耐....
搞好就去7仔買野飲再買小丸子然後就返學~
返到去果頭~響門口見到周兄~我同佢係最早的~
但係今日做看更的阿婆真係討厭...好想爆死佢呀...

周兄話眼𤍣自己𤍣~好彩黃德返了~
我地傾果個icq昆人去學野果單~原來佢冇比人add到~我就有la~
其實我都好氣憤~點都好~話我思想守舊也好~什麼都好~
始終都唔可以利用別人的感情做d咁o既野....是最不要得的....
據說打比其他受害者係兩個男人~但係打比我果個真係女仔黎啵~怪怪的~
(講到錢~始終都係冇連丁點感情o既人重要~再者~假設真係想呃人的話言語間係唔可以太激進的~)

今日~開頭鬆根都好辛苦...而剛剛開始操時都同阿誠冇操~
到中段我都忍唔到去左一齊玩了~
可惜...左腳的舊患又來了...踢"吧"勁小小都腫返起...痛....
見到都眼火爆....
黃德同周兄打~周兄咁o既狀態點打丫~學唔到野架la你~
阿卓仲衰~自己搵個剛學冇耐打~但係竟然輸左喎...最強o既係佢個拳長過阿卓條腿...XD

今晚食飯~阿誠無lala比我crown我~唉...冇得用比多多我都冇用la...
如果有咩破損的話都唔知點算~自己買過好了...

>>April 20, 2006 at 4:24:20 PM GMT+8

2006 年 4 月 12 日 星期三 【雨】

最近都掛住鬧~都冇咩講自己野~
這樣就可以改名為~"人家發洩專用　之　每周鬧爆你"~
不過識我都知~雖然我唇舌功夫~口技之類的可話係一等一~(要試ma XD)
但道氣谷住谷住時會比破口大罵時更加可怕~

上星期剪左頭髮~今次都...一般滿意~側邊果度太短了...做唔到我想做o既效果呀~

lee排都好有心情呢~晚上睇左一本草莓棉花糖~
突然就好想睇~其實都dl左都有好耐日子...
始終都係提不起勁開黎睇~
um...基本上呢~果12集內我都已經睇左漫了~當然動有動的不同之處~
因為佢吸引只係吸引在於人物...咁劇情都係一般的悠悠閒笑笑的~唔會太特別~
備長炭完了~十分之好看的~

睇完又無無聊的~其實就係上上星期到今天~今天係....(星期一)的事囉~
再看了kamichu~神是中學生~
感覺上真係好有千與千尋的感覺~雖然千尋的是妖~而神中就係神~
故事就係講女主角突然做左神~如果現在地球有d咁o既野一定會比人捉去研究~
但係好多動漫都會張常理歪曲~令一切都平常化~不過這正正就是動漫的最大魅力所在~
返返正題~從開始到尾都係笨笨的~而且好單純~做o既野好正面~而且仲有一個喜歡o既對象~
但係男主角永遠都係遲鈍得可以直達神級的級數...
其實睇佢都幾...一樣係有悠閒的感覺但係佢又勁忙~忙之間都帶著無限o既笑料~
本人認為係值得一睇的~

星期四~本身好想行返學的~因為大埔終於都有小丸子la~
但係...5點幾去換衫~搞搞下...唔知點解會遲遲先出門口~只好搭車了~
早返都唔係咩好事...得幾個人返到~
見佢地食野~我都好想食呀...小丸子~~~~~~~~~~~~~~~~~~~~~~~~~~~~~~~~~~
今日都比較多操練~都係一步一步慢慢來唔好咁急進la~
好開心的~我教黃德玩果個遊戲~但係...佢係一個笨蛋...完全不通...
但係周兄又叫佢玩~結果黃德死左~我補上la~
我以前同阿蔡得閒就會咁玩的~雖然現在感覺上都有d free fight進行中~
大家都知~係玩睇位反應~如果咁玩比起你去好似平日咁上三個鐘堂練得多野囉~
但係...玩到o既幾乎都冇邊幾個了...阿蔡周兄...沒了....

呵呵~放學去左吃小丸子再去吃飯~
吃完飯再去吃糖水~幾乎飽死都去吃~但係走先知冇拎摭...
去到拎又叫人等~等到果條粉皮出黎原來只係放左響出面...玩野...討厭呢...

>>April 17, 2006 at 5:00:38 PM GMT+8

2006 年 4 月 10 日 星期一 【晴】

今日就係考筆試的日子~雖然昨天都睇過下本書仔....
但係都未睇晒~而早上去時又係打算睇睇的~可惜...都係冇睇...
基於同肥董去的關係~傾偈o既野都算了~最大問題係我雙眼都無法集中在書本上~
驚就真係好驚o既~
因為我家姐又講佢朋友阿哥失敗左...而且我又冇咩特別地去好好咁睇...
如果真係失敗都不足為其~

去到果邊~早左都有半個鐘~而且仲見到阿鋒添~
見到歸見到~佢唔認得我我都唔會叫佢~
其實入到去都唔緊張了~如果到到lee個時候都仲要緊張的話可能只會更糟糕的~
用左5-6分鐘完成~諗諗下都係複複卷會比較好~
從前o既我一定唔會咁做~或者到現在我都唔會~只係今次有d特別la~
上面果番話係証明左~我睇完一次都勁想走~
但係又唔好意思~基於佢走左o既人又唔多~我走先就怪怪的~
我再複多兩三次~唉...再複都冇用la~因為我幾乎除左看起來會特別易就會肯定到~
而我唔肯定的話都佔大半數~假設我睇多幾次的話~好大可能會由正確變成錯誤~
到時候真係得不償失...

走時又麻煩...要人走後門~叫埋肥董落黎就找本身想找o既野~
買到都回旺角搵野食~
我地就四出找人出來~但係就...失敗囉~
阿水問我考成點~我都唔知點答你~我成日都話架la~一分耕耘一分收穫~
我都唔知點答你...考完我幾乎忘就晒~
無他o既~我再著急於此事都冇用~考完就係考完~我做咩都改變唔到~

出到旺角~都係去大家樂~本身阿水話走堂出黎o既~
佢出黎就可以搞搞活動~
我地食飯都食左勁耐~但係見到有人要位只好讓坐~
諗來諗去都唔知去邊~幾本上佢只會有打機這種提意....
算la...陪陪佢囉我就唔打架la~佢打左一舖就走了~
上到地面就打去問成績~都係lee一刻緊張的...勇氣到~電話不通...可惡......................................

再打比阿水~佢好似話唔黎了~都冇所謂了~
我就去買書~買完書就返屋企了~
佢到大埔就落車~我去到大中落車~本身就打算買碟的~
所以就去la~行行行行行行~一般來說行路速度都比人高~
好快咁進行完目標之後就返歸了~
唉...好討厭的熱天呢...早上出門都寒寒的感覺~下午就熱到不行....
長衫的我~重重袋子的我~耐熱能力低的我~真係好想爆呀...

晚上終於都打通了~成績當然係合格~都沒什值得高興呢~
考天才~今年仲係19歲~幾乎都未試過認認真真咁去讀書練習之類~
上天係公平o既~(不過請理解佛學的業力之說~)
剛出生不是每個人都是白紙嗎~
天才...天才或者會係一種能力~其實係一種學習能力的說法~
只適用於0-8歲~當我9歲4年級時~開始可以細心思考~應該係話~4年級時o既野都會記得比較清晰~

幼稚係從吸收能力下降開始的~你會發覺~時下年青人12-24歲係特別幼稚的~
惹事生非之類的事大家都做得多~戀愛o既渴求都越來越嚴重~(現在的人應該用需求...)
前者可能會比較易脫離~至於我只是持續半載而已~
後者的話~一般來說可以直至死都依然渴求~但可以分為各個階段~
剛開始年齡可能會更早~第一階段通常會受社會風氣或親朋戚友所影響~
(作為一個父母的角度大概唔會想你搞此等事宜的...)

到13歲~所謂的社會地位又更上一層~接觸一切都變得容易~朋友o既質素都下降至一定水平~
(如我般人~講好多你深感興趣的事你知~如性~愛情等~
我比較特別~與一般人不能相提並論~
從小就被稱為天使惡魔的化身~外在是惡魔內在是天使~如同真小人偽君子之說~
一般壞朋友都係會引導你上斷頭台~自己衡量一下la~)

15歲~真正o既淫亂正式開始~15係一個尷尬o既年齡~
差些少到合法年齡~犯罪~係尋求刺激的最直接~最有效的方法~
簡單來說天地人~能逃脫o既機率係...5%...
看似順其自然~其實就係一個爛到不行的局~久未進行是萬事俱備,只欠東風~
一個欺騙你的爛籍口~作為進行的地方~

18~香港認可的合法年齡~投身社會~再一次要令學習能力覺醒~
出現好多不同的轉變~因為開始會思考~
會有真命天子的想法~尋找與等待係無需一個人等的~要一擊即中的~有工作學業放在第一位的~
第一類~係我最討厭的~以前都提及過等的道理~"我等你食飯~你慢慢食我返屋企等你食完~"
但係最聰明都會係在於第一類小數~
精神肉體上的都係各取所需~但係聰明的會利用此關係得到額外的好處~
第二類大概會進入下一個階段而被打破自己一直堅信的原則~
可笑的事~可以順以上分類而擬定外表的級數...
(例外是有的~不過話明例外都唔見得多...)

再落的都無法分析~但係都以幾個通而行~到一定年齡就逼婚~再尋求更高層次~
為左所謂的愛~做第三者都甘願~
有人會話我~你明白咩叫愛咩~?我認為我目前只欠未識做~
其餘o既...都會話~你未試過又點知~
我可以話你知~人o既腦係博大精深的~有幾多科學家研究腦袋~用盡窮一生的精力去研究未能發現就死~
加上如果用一般(會問以上問題的)蠢才~去同我相比的話你可能同樣係一個蠢才~
我經歷過o既一般比人多~而且我都很會思考~
不是說能力上的問題~只係做法上你已蠢差到不行~你連話人的資格已經失去~

>>April 17, 2006 at 3:19:19 PM GMT+8

2006 年 4 月 7 日 星期五 【晴】

死...本身早前就已經玩搞搞的~
因為有好多野要鬧下~講下咁~但係過左咁多日都忘記了....

星期四本身打算返去同黃德打下free fight的~操下佢都好丫ma~(雖則狀態欠佳...)
但係又落雨...討厭呢...
人就越來越大~知o既野都越來越多~相對地精神年齡又老多幾十歲了.....(52...)
有時都好難控制的...一個星期可以暢所欲言o既日子都不出數日~
而且又有人比我地講喎~
要講o既人一向比我地o既感覺又係淫亂~唔講果d野都唔得~
有時都要體諒下我lee d老人家~講錯野 請見諒~

星期六~早返果然唔好...原來佢地都係遲一遲先返....
搞到我老早返到去唔見人~響學校四維搵...
真係行死人...而且今日返去我都冇咩野做...做o既都係~操完拳套我都冇野做行行企企...
再幫阿邊個佢地考帶爆板d野~返到黎都有d無謂呀...
師姐返左黎~返到黎冇耐就走左~佢果然話返黎真係返黎~"不過...反正都係不如直接去會好d~"

好事都有o既~因為miss有兩張金像獎o既飛~
我真係好想去~咁會同我去而同樣都喜歡電影o既會係肥董~
放左學同阿水食完飯立即出發~
金像獎o既野睇左電視o既都知la~
香港真係一樣米養百樣人~有好似我地咁~靜靜地睇~有時就討論下~
有d就入黎起哄~都有d阿伯阿婆入黎𤍣....
我本人就認為個咁盛大o既場面~拍手掌係必須的~用叫的去支持想支持o既人都冇問題~
但係特登去叫~去起哄真係令我覺得同是香港人而感到蒙羞~(有睇電視我諗都知la~)
今晚其實我都叫做搞到好唔開心的~一來就係有好多好多班咁o既人la~
其次o既就係獎果方面~頭文我本人都未睇~真係冇興趣~
而果個最佳新演員係白痴到極~我聽o既~眼見o既~果條pk真係冇理由拎到lee個獎囉~
之前有人話我妒忌人地有才華~我本人絕對會否認~
如果要講妒忌有才華的話人真係多的是~
通常妒忌都好少會發生在於我身上~頂多都係見到d人拖住條靚女先會出現~
羨慕的話就多的是~最羨慕都係點解人地會可以咁勤力~

平日下午或晚上都好多人會響我樓下果張長"膇云漢
有d就痴痴傻傻的夜媽媽大叫~有d響度傾偈之類o既事都做下~
有幾日都係咁~下午開窗有人大大聲聲響度傾偈~
講咩呢~?唔清楚~講咩都唔理我事~大聲我唔理你~我關左個窗雖然都聽到小小~
但係e+ d人係咪個個都有語言障礙架....
有d就講野就一舊舊~有d就好似分開幾個幾個字咁講...
(佢講o既大概係搞笑事件之間就夾雜左自己d粗口~而佢講時就以2-4個字為一句~但係連發...)
真係...大大聲咁講粗口已經好樣衰la~但係作為一個演講者可唔可以流利地表達你想表達o既野呢..?

又係好激氣的~話說星期五晚上我8-9點望落樓下有對相信都同我差唔多大o既情侶~
丫~咁到12點到又望下la~仲響度啵~而且行動再進一步~"車輪"進行中~
我滿心歡喜就諗~會唔會打野戰咁爽呢~
但係見佢~個男去咀一陣個女又推開~但係個女又咀返上去..
我都悶悶地...之後都係聽返電台打返機la~兩點~都差唔多要𤍣~
仲係咁o既現況...期待就越來越大la當然~你打左咁耐都係時候搞d野la話....
等左陣~都係打機好了...
再到3點...唉...條仔都唔知搞咩la...見佢仔手就尷尷尬尬唔會點咁~
(個男o既有可能大過我呀...女o既都好似幾細...)
你唔係呀~你手都比d動作la~我等左你咁耐~唔打野戰我唔怪你~但係手你都唔郁...你好對我唔住囉...
我都冇佢咁好氣...我打算去𤍣佢地就走la...唉...浪費我時間....

天秤座~命名果個真係改得好好~應該係話出生於此星座o既我個時間係剛剛好~正好用於我身上~
日計夜計~相信我計算能力已經去到一定o既程度~
五時花六時變~重新計算~貪新卻不厭舊正正就是我的最大煩惱~
如果我對某用上愛的話我會貫徹始終去愛~只係從未對人講過~
基本上我認識o既都可以分為兩類~講大話同唔講的~
所以從未咩的我係正常~至少我認為如果我連自己都扼太可悲了...
如果好似某人咁~試完一個到一個~可能會有d時間開心o既~人盡可枯用在佢身上係最合適不過了~

(講住咁多先la~)

>>April 12, 2006 at 2:37:39 PM GMT+8

2006 年 4 月 3 日 星期一 【晴】

最近叫做做左好多野~又好似冇咩唔同~不過又諗到好多野~但係d野又好似怪怪的~
又冇咩話唔開心~又唔會有好開心~
特別又唔係特別~慢的一天比一天慢~
日記快轉成周記~

星期二~猩猩話想買衫~咁我都好耐冇出街了~
早早就起身了~但係基於太夜𤍣了...9點起身~碌左陣先落到床...
但係太厚的頭髮o既關係~個頭都難搞到爆...
我話出門口打比佢的~但係到該出門口o既時間我都未打比佢佢就打比我la~
比預計時間遲左到~要人等都不太好意思呢~
期待已久的第一個目的~唱k~但係個結果就唔係咁好囉....
我唔覺唔覺原來喉嚨痛呢~我唔係擔心別人的感受~而係我既不能盡興~亦不覺得好無意義囉....

咁同猩猩出街聽到佢o既近況~
佢講就話好悶又點又點~悶...?最憎就係果d明明好多野搞但係又話悶o既人~
又去lee度又去果度又邊個日日去佢屋企咁~
如果講到悶的話...我又算什麼?

唱完之後就進行今次o既目的~買衫o既野...我都冇所謂了~
但係佢點都睇唔o岩~冇計囉~
退而求其次就買書~基本上佢都冇買d咩...係買都係幫人買...
而我就...唉~今朝禁左500蚊~到下午就冇晒~而且仲要借猩猩錢添~
真係大吉了...

>>April 10, 2006 at 11:30:44 AM GMT+8

2006 年 3 月 31 日 星期五 【晴】

四月一日~
上年我這個時候都累得要死~至於我都蠻喜歡的哥哥的死忌都忘記了~
可惜~今日閒得要命的我都沒什麼感覺呢~
只有丫lee首歌都幾正喎~的反應而已~

自琴日早左起之後~今日都好早起身....
今日已經唔關~遲起身~打機~或者什麼什麼的事了...
係因為搞個頭...搞到過晒鐘數...想不到強力泥~
洗唔甩之餘仲比冇力泥難搞...

返到學校都係慢慢換~
太早起身了~都係有d睡眠不足~
但係如果要爆d力量出黎的話都冇問題~不過只限左腳~右腳又腫得大大個...痛痛的...
真小人~我係~假設我討厭你的話我就會擺明係一個不爽的樣子~
而認真時的樣子係近似不爽中的樣子~所以請不要搞錯~我係認真地訓練你的~
不是我特意去針對你~

放學後我地去左食野~等到晚飯呀...
食完之後佢地去機舖~我話左陪佢地去的~
又嘈又烏煙瘴氣咁...真係討厭的~嘈的話我都頂到~果然~我個耳塞個隔音真係強~
拎開左係第二個世界....
走時阿水去惠康~竟然見到雲吞~原來阿周仲做緊呢...之前我都講過la~
但係我個死人頭~都話難梳咯~加上返完跆拳~亂到係...爆呀~
所以都唔係咁見得人呢...

今日又發表過偉論~?
有時都需要多講說話~請不要話我多口水的~
因為根據某某話唔講野呢~就會轉數下降~
加上我一個星期~講得野o既都係~4,6~如果我lee兩日唔講多d野我就會停頓~
而偉論的話就...算不上呢~說話係有意思~係正面好的~
廢言是必須的~廢言的真意是~當你未想到重點的下一句時~用來將發言權留在身上~

(本身想合體~發覺都太長了...)

>>April 3, 2006 at 4:59:13 PM GMT+8

2006 年 3 月 30 日 星期四 【晴】

早前~好耐都冇同過阿媽食飯了...始終都要搞到不歡而散似的...
又同家姐吵了~真係討厭....
返跆拳~體力居然應付不了一般的玩樂....
晚了~所以又去大中~但係去到又冇野做~竟然走左去富善~
食完飯再去吃糖水~吹到咁上下等人地收舖先走~

今日又係學車的日子~
不過...係就係早起身~但係搞到遲左出門口...
新泥係幾強勁的~但係要搞都唔易...感覺上有d怪...看來都要去削削d頭髮了~(已經好長XD)
搭車有靚女~其實我成都搞到自己好大壓力~
到底咁多女人~左一個~右一個~前面又幾個~
我應該望去邊先唔會比人覺得我係有問題呢...lee個問題...已經令我煩左好耐了...

今日做果d模擬車車的堂加test~
去時竟然見到阿邦~佢都差唔多可以正式考路試了~
佢話今日果個好易的~我就不清楚啦~
去到就學la~當打機的話都冇問題囉~第一堂都係學d basic野~
之後就要等一個鐘先有得上堂...
我一個人呆呆的都唔知去邊~呵呵~有人打救我了~
肥董打黎~之後就叫佢搵人一齊去玩~就勁搵la~
不過都係搵到阿水...好la~去睇戲好了~
阿水因為上緊堂~雖然都阻左佢好耐~但係都唔好搞佢好了...

又上堂了~第二堂就做training~train一陣考試果個片子....
勁傻的...幾本上都做左3-4次~第一次咩都唔知就48...之後....87 92 最後真係test就得返90分...
算係咁囉~不過真係好易~
上完就走了~打比佢地約等地點~
我都有d燥呢今日~咁佢地已經唔係講緊我地一陣o既事所以我都唔出聲等收線好了~

我地最後係去粉嶺的~買好飛就去找野吃了~
大家都未吃午餐就剛剛好了~
到時間就入場了~本身我有一邪惡之想法的~
人少~係的確的...但係都好多女去~
其實我見到d人一對對咁~臭串的~我就特登坐果班的側邊~
估唔到係女仔來的....

今次我地睇獨家試愛~(睇睇下我那個有趣的鈴聲就響起了...超尷~)
我本人認為超好看的說~內容的話都不用多說~一般愛情片~第三者介入一段婚姻的故事~
(關之彤好似好靚咁啵~不過佢係十足十我miss係大佬o既造型~)
但係stephy o既戲就做得勁好~但係小方就真係弱左d....
stephy果種甜甜真係可以秒殺我這種人~我可頂唔順呢~(做得好自然~可能平日都係囉~)
而小方就~感覺上佢"就住就住"的~而且佢戲內竟然有作為一個偶像o既制式笑容...
我認為最好兩場同樣都係谷眼淚位~就係中段小方同阿stephy講左果幾句野之後果一場係勁正的~
同埋最尾小方努力地去做時果種無助感同樣係好good的~(自己睇la...我都唔多講~)
我曾經想過o既野竟然好多都用得著~原來我都真係有d天份的~只是無用武之地...

但係個結局搞到咁就真係...我覺得唔係咁好囉~小小地都比返d幻想我地ma...
雖然我都好明白~香港係一個"賊竇"~(不太清楚點形容~)
我意思係即使再親近o既人都會呃你~我認為大概90%香港人都係騙子的意思...
防人之心不可無係必須的~但係我就唔認同害人之心不可有囉~
香港係一個弱肉強食o既世界~踩住別人o既屍體向上爬係最好o既方法~
不然....捱多少年都只會係一個籍籍無名o既小卒而已~
我想說係~電影就係一個創造夢想的地方ma~再不可能的是都有可能~

(完成以上的都幾乎眼𤍣得要死...簡化~)
睇完之後我地就返去~本身想去k的~但係好貴...唔去了~
原先去大家樂吃~但係見大家都飽飽地~所以兜左幾個圈就去吃糖水好了~
早前同阿誠去大家都講靈異野...驚到丫...
今日都講好多正經野~(一般la...)都傾左勁耐...真係夜一夜先走...

>>March 31, 2006 at 5:57:08 PM GMT+8

2006 年 3 月 26 日 星期日 【雨】

星期6~唉....
雖然佢地考試我都有d唔想返架la~
但係估唔到囉...昨晚我都幾早𤍣~但係好遲先起身...
遲左咁多我都唔好意思了~

又係時候去學車了~
set左10點幾起身~但係又搞到遲左d呢...
又落雨...落雨我其實都ok的~但係最討厭的就係要出街佢就落雨囉~

遲左小小~但係都冇果班人咁離譜囉...
有個上次見到d靚女都見到~今次有個勁似gigi的....而且都真係幾高~
正當兩個靚女坐我前面我都唔好意思....
回想起果讀書生涯十幾年~
我相遇相識o既靚女都不計其數....機會都多不勝數~
都只怪我個性太壞了...

放左之後一個人出左旺角~
基本上~我都反正去左大圍~出埋旺角~搭271的話一車返歸是最好不過的~
嗚...太多書買了~錢唔係冇呀~
但係個袋已經爆了~已經盡量執好佢了~不過都爆得好樣衰呢...
(感覺上有d R.O.D.呢....XD)

>>March 29, 2006 at 7:14:56 AM GMT+8

2006 年 3 月 23 日 星期四 【晴】

又彈下彈下咁....
有工作就玪到不能進行~冇工作就...冇野好記~加上反思中~都唔想搞咁多野了~

星期四其實都係想拎返d野返去~
加上d衫都未洗....
返去都係運吉~行行企企吹吹水~

今日係學車的第一天~
不過天氣真係唔見得好...去時都比較麻煩...
加上我又唔係咁識路....
去到果頭都唔識行呢~

叫做有d野咁囉~呵~有靚女的~
不過都唔係想望太多了~
有時有d野都唔洗搞到咁咩la..下話~
再咁落去都唔係辦法...

>>March 28, 2006 at 4:42:32 AM GMT+8

2006 年 3 月 18 日 星期六 【晴】

今日會發生d咩事我都預左架la....
差唔多4點先去𤍣....𤍣到一半又無lala紮醒左~
6點到就要起身la~因為驚過唔到磅就要做運動焗汗....
搞到我玪上加玪....

出門已經不順了~肥董遲到~阿水又搵唔到~
我地自己出la~打比周兄就同佢一齊去~
去到果頭仲兜左個大圈...仲要比多幾蚊搭地鐵...
到荃灣肥董又話要去廁所~又要走開....
周兄到la~我地又唔知等o既地點又兜左一大輪...

我地點都唔會遲的~因為我地都打幾後~
但係我已經疲憊不堪了...散晒...
其間我係好想𤍣...但係又勁嘈...一去𤍣d死o靚仔又響度搞....

我都唔係咁想題今日o既事情....
但係今日我所令lee個銅牌我認為係一個恥辱....
我真係認為~如果一開始輸左佢我都覺得冇咁樣衰囉...
同個高手打打返場好好睇睇o既輸左佢會好好多囉...
一分耕耘一分收購??
從小到大考天才~成功率大概係2-30%
輸~我自己知輸響邊囉~不過我真的累了...打完都立即返去就𤍣左la...
半睡半醒...起身時仲玪...
𤍣唔到唔係因為d咩...係後面一班pk響度嘈...d細路響度勁搞我囉...

>>March 26, 2006 at 7:19:07 AM GMT+8