2006 年 8 月 11 日 星期五 【晴】

哈哈~放假lu~
9點就起左身了~因為琴晚9點幾已經死左響廳...
星期四o既操練影響真係大呢...
早上起身時雖然心裡就覺得剛剛好的~
但係就唔多願起身~搞到成11點先出門口~哈哈~返到去佢地幾乎走lu~同佢地吹左陣~
好彩仲有兩場~

我地放左lee邊就去左紅磡食野再搭車出銅鑼灣上第二堂~
(嗚...本身有得去睇死亡或許狼羊的~超想看狼羊物語啊...)
但係估唔到要去第二度結果...都係去上堂好了~
lee邊全部都係小朋友~細路女...可愛...嗚...................................冇呀~
d小朋友真係教死人~雖然有幾個都ok的~有天份掛~但係都幾惡教~勁玩的...
放左學之後我地又要轉第二個場了~本身仲意謂去邊~
原來阿jimjim同周兄響邊度搵個場返黎一齊玩~玩左好多花腳~再搞埋明天表演d野~
嗚...冇份去呢....

放左學就去左kfc食野~嘿嘿嘿~好多野吃呢~
但係我又吃得不多有點蝕的感覺~
食完野就各有各走了~我就同家樂一齊行~佢就去打機la~
佢之後做果度好多問題的~我同佢傾傾下都傾左好耐了~
佢陪我買書又陪我等車~因為大家對工作的苦都有所共鳴呢...嗚......

>>August 12, 2006 at 5:07:22 PM GMT+8

2006 年 8 月 9 日 星期三 【雨】

好耐都冇寫日記了~最近都...忙都是說不上的~
但係就唔多想打字囉~最多都係上網睇野~

好強~我竟然連續5日遲到了~勤工當然冇la~
可能遲下會比人小到暈的....
我就做牛油位la今日~9點已經ko了6桶~雖然後來o既工作都因為我極度不夠𤍣而搞到遲左d~
但係都可以響12點幾完成好多好多o既工作~(今日算好快了...)

下午~大家努力的關係可以成功收4點幾~本身4點都得~
不過都係做得好好睇睇就....走得冇咁過意唔去囉~
咁早走就走左返學~
返到去見到咁多人...唉...見到阿誠呢~佢原來會考得1分~
見到佢響度求學校我都覺得...唉...可惜失敗了~
因為佢響度我都冇得𤍣~

等到佢地返黎就上堂了~星期日有表演我都唔知~搞到冇得去~
我就教d冇份o既人~佢地自己就響度練~
到咁上下我都走埋過去玩~但係點都做唔到龍虎門果下....
放左學就去食野~我就聽左好多野~咁到底係點我自己都唔係咁清楚...
至於食飯時都幾開心的~成班人去~好耐都冇咁樣暢所欲言了~

>>August 10, 2006 at 3:30:03 PM GMT+8

2006 年 7 月 29 日 星期六 【晴】

遲左開始~唯有簡短la~
今朝早返工~死屍一條...幾經辛苦終於都捱到食飯~
雖然就𤍣得唔好~但係感覺上猶如重生一樣~
6點先收工~

咁今晚有d事~就係同阿媽佢地去食飯~
去左一間日本餐廳食~
咁抵唔抵食好唔好食我都不太清楚了~有得食就食囉~唯一係食刺身時有d感覺~新鮮~~正~
食完野就返屋企了~返到屋企仲有半個鐘先開始~
看完美女廚房之後先係重頭劇~女王的教室~
上星期睡了所以沒得看~其實琴晚已經想dl佢的~不過電腦冇坐了~
今晚看完真係必看的~
人地我唔知點諗la~但係在於我角度來看是超超超好看的~
(不過有響星期日11點幾果d cheap cheap日劇o既感覺...)

>>July 30, 2006 at 4:07:10 PM GMT+8

2006 年 7 月 28 日 星期五 【雨】

終於都有時間了~剛好今日放假正正就是休息的好日子la~
將來相信會忙得要命的...至少...上星期二開始都已經連睡的時間也沒有~
雖然未能肯定能不能夠在於新公司上有所發展~
假如有機會一定要努力努力了...

朝早已經睡得唔好~被勉勉強強10點幾起身~
睇電視...好似都好耐冇睇電視了....
但係個人仲好玪~半死狀態咁睇電視...11點幾~周威打黎話搵唔到阿水...
我都叫佢一陣搵到佢先好搵我~
12點幾到黃德la...佢話周兄叫我地返~我唔得la...返左我真係死架...
所以又推比阿水好了~
問題所在就係阿水~佢打比我~佢同我一樣決定睇戲就唔返跆拳~

龍虎門~粉好看的~
霆鋒雖然係主角之一~而且一出場佢的確係型爆~可惜到中段已經有d...
余文樂~雖然係主角~但係都係得勁小戲份...出場冇耐就比人打~到尾都係出左幾招~
但係要講的話~角色方面係比霆鋒強的...打大佬時出絕招都話有d睇頭丫~
甄子丹~真真正正的一個主角~
從頭打到尾幾乎都冇輸過~故事都以佢為主導~
不過要睇的話都係睇佢地d動作囉~係幾得o既~
甄子丹係拳~霆鋒係腳~余文樂就雙節棍~角有特色囉~但係就唔多合邏輯囉...霆鋒唔用手o既...?
睇時我都有d不爽的~有d人勁響電話都唔理la~我右手邊...阿水果個朋友響度勁嘈~
真係想車爆佢呢~又唔知自己...呀...呀~~~

睇完之後我地就去左pizza~都幾貴的...一人都幾ar蚊~
又唔係好飽喎~
返到屋企~響樓下入左d貨仔就返屋企了~
到到屋企冇人正好看動了~第日都唔知有冇機會看了...嗚....
看埋其餘的涼官春日~小說其實都已經看過~一般來說都唔會有太大的驚喜~
因為都知佢會點~但係有好多野又唔係咁講~因為佢亂來的...
對於我看過小說就冇問題~如果其他人看的話一定會幾亂~加上唔到最後一定會唔知講咩...
但係~最大驚喜就係佢學園祭時代唱果一part~感覺好強烈~好想好似佢咁放聲大唱呢~

好了~到現在要交代的都交代了~
下次的日記...明天可能有~呵~

>>July 29, 2006 at 3:47:03 PM GMT+8

2006 年 7 月 25 日 星期二 【晴】

好耐都冇上來寫日記了~
真係...𤍣都冇得好𤍣~幾乎連去廁所o既時間都用黎𤍣了...
因為真係好多野做~
當然~相信都係一頭半個月o既事~所以都係要努力捱下去呢~
下次o既日記都唔知幾時先有了~

>>July 25, 2006 at 4:39:45 PM GMT+8

2006 年 7 月 14 日 星期五 【晴】

真係痴線的...6點就彈左起身~之後又唔知點解會響廳度𤍣左~
7點起身仲要唔記得原來自己今日放假喎...
只好回房睡好了...
12點幾先起身~睇左陣電視~再搞個腦d野~先發覺原來時候都不早了~
換好衫時都已經兩點幾了~
本身佢地託我好好帶佢地的~但係我就遲大到~算la...

返到去阿水已經帶緊~我見佢咁樣教真係有d...
算...既然開始左我都無謂再搞了~
阿誠又有返~阿卓又有返~
我真係唔係想搞亂架~只係我地3個響度玩~唔係搞亂...唔係...一定唔係...或者...

放左學就去左食野~食左都好耐先返屋企~
今晚又發癲了...成兩點幾先去𤍣~又冇沖涼呢...死la...

>>July 16, 2006 at 3:23:47 PM GMT+8

2006 年 7 月 13 日 星期四 【晴】

停左都有好一段日子~基本上都冇咩時間可以進行的~
早前睡眠時間一日比一日小....開始時5個半鍾~之後去到4個鐘...
所以心情會好差同死死的~
咁o岩阿明又響果d日子爆喎~真係撞到正一正....

上教練班時都幾有趣的~不過呢~ 眼𤍣得要命...
幾乎有幾次差d𤍣左~
但係就響果日放學聽阿jammy去抓色魔的...真係英勇呢~
我咁大個仔都未做過d咁o既事~
雖然好想遇到~但係遇到到時又做唔做得出呢...

星期四~有得用禮堂~但係我都玪死左...
一早返左去𤍣~再入去禮堂坐~
jammy返到黎之後就同佢玩果d彈彈~玩左冇耐就四維遊了~
阿誠又返左黎~兩個都係咁...
佢帶左兩個公仔比我~幾得意的~
又有兩新人兩舊人返左黎~阿水就冇返~但係我地放學阿水又黎左一齊食~真混亂呢~
(已經忘記了~)

>>July 14, 2006 at 4:39:06 PM GMT+8

2006 年 7 月 10 日 星期一 【晴】

唔覺唔覺都星期一~
但係最近都好唔夠𤍣~現在都差唔多有一點了~
因為要上教訓班~
最近的事看來要星期三先會有個總結了~

>>July 10, 2006 at 4:44:38 PM GMT+8

2006 年 7 月 6 日 星期四 【晴】

星期四~
好唔舒服~但係我自己就覺得做野方面快左囉~
可能係開始上手la~
不過就倒左d藍啤落地~同好似打藍啤芝士時落多左糖...(出到黎冇事~仲好靚添XD)
下午收工前就唔係咁講la...又比人...唉...點解個個都唔搵係要搵我同佢試架...

拎左兩個餅底比黃德~咁我老早就收工了~
返到學校又冇野好做~看書時見到好多阿sir同miss~打左個招呼囉~
成日𤍣都比人嘈醒...黃德一返到黎就搵我la~
𤍣唔返了~只好坐下休息呢~
其實今日都十分不爽的~問題出於邊度~?邊個有問題~?我自己有問題囉....

星期五~下午...唔好講la~家姐男朋友響度~搞到我想看涼官都唔得...
佢話好得閒~但係我就真係冇晒自由...想打機都冇得打呢...
今日真係過得好唔抵....難得有得返夜...
晚上就返夜了~差d就遲到~
好小野做呢...ko左3桶香濃再來多6桶蛋搞埋其他野就完了~
早就搞好但係又唔可以去休息~我地3個響度慢慢清~清完又清潔~
等到6點先可以去𤍣~𤍣到7點就走人了~
返到大埔就去左麥記~呵呵~叫多一個薯餅~
搭車返到屋企~食完野~之後都唔沖涼去𤍣了~

>>July 8, 2006 at 12:00:37 PM GMT+8

2006 年 7 月 5 日 星期三 【晴】

夜空...
小時住村屋時~(係一個真係有蔗田~感覺上好落後o既地方~)
我閒來無事都會上天台~出門口一個人發呆~
雖然只係一個相隔半小時車程的地方~但係看出來的夜空係截然不同~
從前星光比天空上任何都要注目~
今晚一個人發呆時看天空~有意想不到的美麗景象~
頭頂上是一片萬里無雲的夜空~而遠處有一大片的雲~
月亮的光照落雲~效果竟然出奇地好~

>>July 8, 2006 at 11:51:43 AM GMT+8