2006 年 5 月 30 日 星期二 【晴】

琴晚看左一集momo~但係太眼𤍣了~
只好留待聽日先睇好了~
早上6點幾就起左身...碌到都唔想碌所以就出左廳開電腦玩好了~
電腦...冇野玩呢~晨早留留都唔知搞咩好~
都係開個momo看好了~其實都幾好睇的~
主角其實又唔係主角~得閒就出一出~睇左3集都係咁~
但係都幾有味道幾有意思~似溫馨小品之類的~

睇左陣就覺得睏~所以響個廳度𤍣左~
𤍣左大概都有兩個鐘~之後起身個人都呆呆滯滯唔知搞咩好~
最近就燒左幾隻ps2 game~玩左冇耐肥董打黎~約好時間~
遲到呢~因為搞d野遲左~
咁去到就話要等到兩點鐘~所以就去大家樂食野~
肥董話有parttime做緊~但係死都唔肯講係咩...

食完飯之後就去了~哈哈~好邪惡呢~
因為冇晒房了~比左間大房我地~
兩個人入到去一間咁大o既房真係顯得特別冷清呢...
本身打算唱果d合唱歌的~但係...最近都冇聽歌...佢都冇咩點聽~
搞到唱時都好似...只有天下太平可以叫做唱到囉~
加上我連日以來不講說話~一張嘴同任何事情一樣~
冇用冇做太耐一樣會退化~就如我跆拳方面的能力~退步退步...

四點幾就完了~講明四點三完但係11分就cut左la...
假期去真係好蝕...
返屋企前就去左百佳~咁我推車仔la~
一個唔小心就車到前面個男人~不過我唔知第一時間就同側邊個女人講左句對唔住~
之後我仲大大聲聲問我撞到邊個...
問完靜左一陣...爆笑~

返到屋企~其實都冇咩野搞~
不過因為dl緊好多ps2 game~好多野搞呢...
原來果個800mb係假的~一解壓就爆晒出黎...3gb幾呀...
只好解一個del一個~搞到夜一夜...但係都仲未搞好呢~

>>May 31, 2006 at 3:40:23 PM GMT+8

2006 年 5 月 29 日 星期一 【晴】

琴晚已經完成左個套~今日返工時都可以看書了~
但係呢~看來假日的時候會比較有用呢~
現在風景雖說不好~但係就未至於我唔去睇~唔想去睇囉~

哈哈~今日同佢地又熟絡左了~
下午lunch時仲走左去鋤dee~
童子手真係童子手~lee方面o既運真係強爆~總之玩親咩都大殺四方~
而且仲好早收工~5點幾就收了~

返屋企時....見到威哥同阿輝....點講呢...佢兩個都唔係咁熟~
回程路上見到佢地~好彩阿輝落左車~威哥就出旺角~成個人輕鬆晒...

>>May 30, 2006 at 2:34:52 PM GMT+8

2006 年 5 月 28 日 星期日 【晴】

12點半先𤍣~6個鐘~講就話夠o既...
一般來講~如果係返學係夠的~因為某人話6個鐘咩都夠~
但係我係返工...我要體力勞動...
真幸福呢~

今日都幾多人~所以工作都幾順~
雖然都講過香濃係點睇~今日阿聰都教多我一次~
兩點就食飯了~
食完飯返黎就做其他野了~
3點幾之後就帶阿賢去執貨~因為教佢o既關係就慢左d la~
5點幾先完成~之後就一齊走了~

因為同佢一齊收工~搞到我都冇得返搞個頭...
一般來講我搞兩個字到...但係今日只係落左jel就算~
好彩帶左佢去搭巴士之後就去左廁所搞搞~
不過果個死人廁所都有人行出行入...搞左陣都算了...
其實早就想去買d野~剛好又要去買碟就去買la~
因為我要買野包書~所以就去左新達買~估唔到咁平呢~3蚊咋喎~但係綠色唔多靚囉...
之後就搭車去大中買碟~
買完返屋企又去左百佳~阿媽叫我買個雪糕返屋企呢~唉...
家下肥左咁多仲吃lee d野~(雖然之前已經一個人吃左一大個...)

>>May 29, 2006 at 2:48:37 PM GMT+8

2006 年 5 月 27 日 星期六 【晴】

lee排日都勁唔夠𤍣~有時仲響廳度𤍣左~
但係咁樣𤍣比冇𤍣仲玪得多...唔陪𤍣真係頂癮...

又來多一個新人~最近又做左人地師兄~功力再上升~
lee兩日都有新野入手~琴日就打左腰果古力同爛餅~
今日就有餅乾同香濃~仲有第一次自己打手指餅~算是成功la...
但係因為各方面都慢左...好似...成7點先收工呢~返到屋企8點幾了~

星期日果個8點半節目真係弱得很~
但係之後的美女的確不錯~粉好笑~但係上果幾個人~
同埋果兩個所謂的美女真係弱到丫...特別係1號~真係想車爆佢囉~
今晚都夜了...死人呢~

琴晚肥昌icq我~唉...我果然....
我lee個人做朋友真係冇咩價值...冼志生日個個都有份係我冇~
其實都唔好講佢地~一般來講個個都差唔多~
譚德已經冇晒連絡....肥昌lee群都係~
猩猩就自己想有人陪或者有d我識佢又有需要先找我~
阿水果邊果班都係~一活動唔夠人先會搵我~

>>May 28, 2006 at 4:03:32 PM GMT+8

2006 年 5 月 25 日 星期四 【晴】

差唔多成點先𤍣~但係就6點到就起身...
因為個死人冷氣神神地~同冇開好似冇分別~
一覺醒來就濕透了~
起左身出廳"累"左陣~估唔到個廳仲涼過一間有冷氣o既房呀....

工作~成日都感到好無助...
佢地都對我不錯~但係始終冇野比我做...
應該係話要找時就冇~如果唔係就有幾樣響度等~
收6點半呢...

阿媽打黎叫我拎飯返屋企~只好去太和落la..
去到又要等~我腳再係咁真係負擔唔起架...
去左百佳買野~今日都好多食~
死la...又買左d零食添~嘿嘿嘿~屋企仲有好多好多好多呢~
排隊比錢時~有個幾靚o既女仔用個胸頂左我手"掙"一下...
佢同我講對唔住我都有d唔好意思~只好擺個漫不經心的樣子蒙混過去好了~
都講過的~雖然佢地毫不在意~或者你會覺得係我地自己有歪念~
只不過d比較敏感o既位置最好就註意下囉~萬一有咩誤就唔好la~

返到屋企就食野了~睇完8點半之後就開始看埋ZHiME了~
真係超好看呢~不過始終係有高達果個班底d人制作~
始終都係留有高達o既影子...基本上佢係一個美少女型的高達囉~
但係故事都幾好~但係就估唔到佢今次ZHiME響度煽囉~
同樣又係有機會被攻陷的~可惜...點解次次都係咁架...
每次到lee個時候都會有電話架...要找人就打手提la~
佢地真係唔顧人家o既感受....
雖然都好期待ZHiME的主角o既表現~但係因為HiME的角色都太少戲份了~如果多d就好~

晚上11點幾...家姐返黎~
你老虎丫...人家看時係又有電話搵你~
人地想進行日記之後去沖涼你地就成班人響度嘈~真係想鬧爆你...

(早d的話可能有多d野的~但係...現在12:37了....)

>>May 26, 2006 at 4:37:11 PM GMT+8

2006 年 5 月 24 日 星期三 【晴】

同平日一樣時間起身~但係搞快左所以就趕到7點1果班車~
本身意謂早d會好風景d~不過都係差唔多....
返到去有十分充裕o既時候換衫~
今日工作都算順呢~吃完飯就一個人執貨~d單一張張咁黎~
執完一張又去搞其他野~搞到佢黎再執~所以都用左個幾鐘...
已經不可能早走了~要一齊放工~
原來要等埋佢地餅面~如果果邊未得要幫埋佢地手~其實...會唔會有d咩呢...
佢地之前早收我地成班響度~真係唔公平~
幫完佢地手都差唔多6點了~

同上星期一樣~本身想去買個kfc~但係諗到返到學校都成7點冇時間食只好算了~
返到學校都係得果幾個人~
等左好耐我先去換衫~唉...又見到d怨念物....
今晚都有教下人~不過人就...果條死o靚~睇住黎丫~
不過佢地帶左個新人黎~佢好比心機學的~嘿嘿~學落去必定有前途的~

因為晚了因好去大中食~
咁我地3人去左食先~佢地成班就唔知搞咩走左去~
食到一半先黎~所以已經冇咩關係了~
唉...今晚都夜返屋企~冇得看ZHiME呀...其實都有打算今日唔返而返屋企看ZHiME的~
但係始終如果我再唔講多d野我會爆同唔識講野呢~
唉...好夜了~又要𤍣la~

>>May 25, 2006 at 4:09:02 PM GMT+8

2006 年 5 月 23 日 星期二 【雨】

落雨真煩...
不過最煩o既都係d pk巴士司機~明明只要你等多幾秒我就上到車~
佢竟然走喎...激死...搞到我差d遲到~
明阿今日冇返~早上工作都特別小~
下午同阿成兩個都響度做明天o既工作~
原來佢唔做la做埋今日~本身我響度都冇咩野講的~
但係講多兩講果d本性出晒黎~(比平日活躍的~)
今日都係我執貨的~但係兩個人執好似好亂咁...如果有機會的話一個人會比較好呢~
(看來聽日會比人插lu...)

收5點幾~真係要快d返屋企了~
因為有打算今日完成個ZHiME的~突然有lee個念頭~
可惜..阿媽今日返黎~冇得睇~
晚上又有人~搞到都係冇得睇~要到好夜先清場~可惜已經不可能今日完成了~

>>May 24, 2006 at 1:25:44 PM GMT+8

2006 年 5 月 22 日 星期一 【雨】

奇怪的說....之前冇野做時日記都冇咁足~現在雖然都日日如事~
但係就幾乎日日有~
雖然日日有但係就比之前冇野做時怨念的多野想講~
都唔係~應該係話現在放左工之後本身會有好多野講~但係返到屋企...
玪都唔算~不過唔夠𤍣冇精神~或者應該係冇咩寄託~
拖又冇拍la~追女仔o既野雖則係隨緣不過到底係口中的~冇目標~?定係冇膽量呢~?
都堅持左咁多年~是好是壞就不得而知啦...

這個天氣真討厭呢...又濕濕的~又熱又焗真係死人~
搞到個人粘糊糊的~周身不自在~真討厭呢...

又要買飯做晚餐了~唉...最近不停狂吃呢~
今晚果餐都吃左好多野~最多吃的係零食~因為有好多~忍唔住所謂以吃~
ZHiME~粉好看的~佢真係出返之前HiME D人呢...
幾本上ZHiME同HiME冇關係的~
兩個都好睇~我對HiME的感覺係瘋狂的~不過超好看~人性醜惡o既一面盡現~真係好有意思呢~
而ZHiME的話呢...未睇完~所以遲下先講呢~

>>May 23, 2006 at 2:28:59 PM GMT+8

2006 年 5 月 21 日 星期日 【雨】

用左不少時間看完了地獄少女了~
超好看的~理所當然的最主要的劇情當然放響最後~
尾2果集真係強爆~幾乎失陷~
但係佢怪怪的~仲有個待續的字出黎~到底仲有冇呢~?
sp應該係中段~但係...上網睇都係話冇~
算la~等下先燒好了~反正都未有野dl~

今日開本去買戶口的~但係去到果度竟然有好多人...同冇帶d野...
只好算la~下星期都有時間~
同阿媽兩個就走左去食午餐~食完之後再去百佳入貨~
入完之後~其實我都有打算去優之買野~同阿媽講左之後佢話一齊去~
呵呵~買左好多野食呢~
不過一袋二袋老遠打的返屋企....好彩落車地點同屋企唔係差好遠~

幾本上個地獄少女係分開早上看同下午~
下午看完都6點了~打左陣aom之後就睇電視~
到到做完8點半的就冇野睇了~
找左半個鐘之後~ZHiME早就想看~因為HiME的確超好看~
9點幾開始睇~今晚忍得好辛苦~睇完5集真係要停了...
因為仲有好多野搞~入歌la~沖涼~日記~唉...現在都成12點幾了...搞埋d歌都晚了....

其實都有d難理解的~阿誠係點搞呢~?
早上~lee期d便便感覺上都有d硬~但係我相信點都唔會比佢有入o既硬度更強囉~
到底佢地搞時係咩感覺呢~?雖然話真係會果個...."彈性"之類的野la~
如果係男女的話又唔同丫ma~構造係唔同架ma~

>>May 22, 2006 at 4:13:16 PM GMT+8

2006 年 5 月 20 日 星期六 【晴】

今日有新人呢~
雖然早上已經比人插~而且因為星期日車的班次問題搞到我遲左...
但係下午都過得幾好~
個新人好強呢~原來佢做左包已經7年~
但係轉左好多間~7年都係師父級了~24歲....樣就唔好講~
見佢d手腳都係一般的~如果要講快...阿聰真係勁快...

5點幾執好d貨幫手搞掂埋d撻就可以走了~
晚餐就買左個飯~
阿媽講得唔清唔楚走左返黎...蝕....
看了一本某管家漫畫~故事係超爛~平衡係超大問題~
但係都ok看的~可能最近精神有d緊張la~鬆一鬆不錯用~

>>May 21, 2006 at 12:50:59 PM GMT+8