2006 年 6 月 13 日 星期二 【晴】

最近都怪怪的~早就支持唔住𤍣左~
其實有d好有趣o既事發生~只係一個唔小心~咁就6點幾起身返工了...

13號果日好有趣的~
事原就係~我發左一個夢~一個好特別的夢~
其實都已經過左一段時間~我現在已經唔係咁清楚記得~
夢裡就有一班人幫我化妝~係一個女妝~仲著埋女的校服~
然後完成就出去街~當然之後好似係冇咩特別~然後我就起左身la~

換好衫就返工~返到公司~其實我都好玪la~
我自己唔夠𤍣~玪~自自然然好多時都黑面~不過就惹起別人o既誤會囉~
因為我真係冇特別針對邊個~(有時都覺得佢好"ar掟"而有點不爽~)
至於我最不滿的都係食飯...點解呢...我以前都覺得猩猩係咁所以好討厭~
就係食飯時咀嚼~個個都唔合埋個口...果d聲我聽到火都黎埋~
有時工作~好多野都唔係話你想點就點~
冇得反映只能忍受...但係我驚自己有一日會頂唔住會爆囉...因為佢地個個都係咁...
只係某某係最嚴重~而且仲要坐我側邊...

放工今日又要趕過去了~今次有得開車了~
第一堂~開始憶起所有~然後做多幾個練習~第二堂就做晒所有要考試的~
雖然我自己都有d覺得自己做得唔係咁好~但係阿sir都話ok的~
佢開頭問我係咪響出面鍮過下車~佢話如果第一次做都已經咁樣都叫做好好~
因為加加埋埋我今日係第二次鍮車...佢話如果真係的話我考試好大幾會冇問題~
上完兩個車車堂就去上埋個理論課~哎呀~有靚女呀~
不過好cool囉~因為好多笑料~但係佢都冇好似我地咁有咁大的反應~

放左學之後~我就打算去個廁所睇下個頭點la~
因為我要出旺角~但係...
我一衝入廁所估唔到呀...我第一時間都唔知點好~都只好sorry~sorry的退步~
原來我入左女廁呀....
再入返男廁~我都等左一段時間..因為要等入面果兩位女士走左先~
唔係見到尷尬都無謂la~

出旺角~好耐都冇來了~買左兩件衫~再買左不少書~
然後當然係返屋企la~
ufo之夏已經買了第三~而春日響今天已經完成了~只欠個尾聲~
看來聽日都可以進行了~雖然春日都很有趣~但係我始終比較愛ufo之夏~

(兩日的記憶好似混合左~只係少量~)

>>June 15, 2006 at 3:28:33 PM GMT+8

2006 年 6 月 11 日 星期日 【晴】

真係黑仔呢...今朝搭果架火車竟然會無lala幾乎停左成個字喎...
搞到我遲到呢~換好衫都已經成04分了~
今日~我已經成了牛油部隊的主要力戰了~阿南新人~阿然...
可惜~當我爆緊o既時候真係忙中有錯~入爐時就一手拎左個剛出爐的...
隻手痛到飛起~以後o既工作都係鬼鬼祟祟的偷工減料算了~

都算早收工了~5點9就可以收工了~
返工放工都一樣~看書好了~
有時我都覺得如果係其他人的話都冇咩問題~但係睇落我度就有d格格不入~
當然~每日都有人會好在意地注意我~
應該係因為我看緊一本文字是密麻麻的書~
最近個樣都唔係咁得~加上收工...個樣就更差~搞到我都好唔自在~

>>June 12, 2006 at 1:54:39 PM GMT+8

2006 年 6 月 10 日 星期六 【晴】

今日都早左出門口了~所以都冇趕la~
天氣好似幾好的~有秋冬的味道~感覺好舒服~

阿然今日已經冇返了~
雖然佢早就唔想做~但係我星期五可能惡左佢一下~
令到佢下定決心唔做了~
做得野o既今日好多都放假~4點半先有時間比我去開始執貨...
加上真係爆多野要執~個半鐘先完成呢...

電話比人cut左了~因為未交錢~
雖然收工時已經去交~但係都要等一兩日先回復呢~
早上好天氣~但係收工時落雨~好彩有遮~但係都麻煩...太大風了...

我同阿水今期不戰而敗...
要返工冇得去打都不用說~而阿水過唔到磅呢...
其實我地兩個都處於半放棄狀態~
我其實真係好玪囉~有時唔係唔想~只係累得動不了呢~
阿水咩原因我就唔知la~只係我地自家兩大希望都放棄~
真正的沒落都要來了~

>>June 11, 2006 at 1:26:56 PM GMT+8

2006 年 6 月 9 日 星期五 【雨】

停左兩日...
星期四~其實早前打去駕駛學院booking都冇回音~
只好親身去la~
去到等左勁耐~好彩...要煩o既野都解決左了~
e+都覺得好麻煩~有d唔想學添...

星期五~申請左5點收工~
收工之後就衝去了~原來我唔係上5點半~係上6點鐘...
更加估唔到o既係我冇帶牌...果兩堂都冇得自己開車玩...
算了~好過上唔到la...
希望真係成功第一個中期試好了~

最近幾日都響廳𤍣~但係我發覺原來響廳𤍣係累好多的...
不太願起身是必然的~起左身周身酸痛就真係死人...
加上要好多時間先回到神...搞到lee幾日~有一日遲到~日日都趕到爆...
工作時都爆唔起~加上心情唔多好~

>>June 10, 2006 at 2:02:47 PM GMT+8

2006 年 6 月 6 日 星期二 【晴】

早上看埋番外了~
今次故事都幾強悍的...洗屍體...
雖然佢主題所講洗屍體唔係故事的重點~重點係主人翁的朋友~
但係描寫佢對此事的感覺同對工作的態度~
實在是不錯的~果然係日本小說界的一代鬼才~

今日公司已經充斥著火炸味~事情我都不太清楚~
但係就上演了一幕男子單打接力賽~
雖然唔同部門ja...都唔洗咁呀~我今日再睇清楚多兩個人o既真面目~真係好賤...
佢地話明哥好鍾意我~我現在都唔知點咁...
但係我響度真係有緩和氣份的作用呢~

天氣真係熱爆...現在先得果6 月~差唔多要到12月先會涼返~
我真係唔知點死~e+一出街就爆汗了~
濕濕臭臭的~想死呀........

>>June 7, 2006 at 2:48:10 PM GMT+8

2006 年 6 月 5 日 星期一 【晴】

放假放假~吃完晚飯經已睡死了....
前至5點~沖涼~
看ufo之夏第二期其實係今晨早~看完之後情緒都好高漲~
用左唔小時間先可以入睡~

真係睡個飽呢~9點幾起身~起身都冇咩野好做~
上上網完成日記~後來都冇事好做~只好找動先~
本身見到個波子汽水好似不錯的~但係...如果要講的話目前o既我係唔適合睇的~
過於甜蜜...吃不消...
始終都係~慘絕人寰~悲天憫人~瘋瘋癲癩先o岩我睇囉...

下午去開戶口~死人匯豐...多人到爆~完成要整整一小時...
了結左之後阿媽就話去買涼茶....
佢同果度舖頭d人傾左勁耐...本身我就打算去大中買碟的~
只好陪佢等到有車來...再一個人極速買完返屋企好了~

返到屋企~吃個下午茶~等阿媽走就玩hack了~
的確幾好玩的~故事都開始有難懂的地方~但亦都開始進入主要劇情的先兆~
家姐返黎真係超麻煩...機冇得打...仲要勁比人插...真係...

>>June 6, 2006 at 1:54:54 PM GMT+8

2006 年 6 月 4 日 星期日 【雨】

連續兩日都響廳𤍣左...到到早上先去沖涼~
其實都唔錯丫~反正我都係沖完涼先會返工~晚上果次加埋早上果次一齊沖~
而且我個冷氣死左...𤍣邊度都一樣la~真係𤍣落到自己張床反而𤍣唔著...

已經看完了ufo之夏的第二期了~
超好看的~最後一幕看動時真係好深刻~而小說比較細~個感好good~
但係仲未有其他~好期待呢~

已經未是新人了~所以都冇得早放~
加上最近好似真係多野做左~遲放...真係冇計呢...

dl左好多ps2 game~但係都係得一隻好玩~hack~
本身我都幾喜歡佢一系列o既作品~
而且佢本身都係玩高深的~都好適合我~
隻game應該係arpg~但係佢隻game重點係故事~而唔係遊戲~
但係如果對故事冇興趣的話都可以以玩樂為先~
因為佢戰鬥系統各方面都做得不錯~

>>June 6, 2006 at 1:55:49 AM GMT+8

2006 年 6 月 2 日 星期五 【晴】

最近返工收工時都有看ufo之夏的~
死la..出得咁慢~我就快看完第二期了~
其實好想等佢出晒先o既~但係...要等佢出晒都唔知幾時了~
hana又唔同~lee個出黎特別慢的...快d出就好la~因為最想看都係你啊...

今日阿然放假~我就死得la...
我地餅底部已經有大半人病了...我都唔算~只係虛虛地而已~
加上隻手臂果度勁痛囉~打牛油同香濃時真係好頂癮...
今日就收6點~搞左3個字個頭...屋企冇飯食~
但係都只係買左野飲就算了~因為琴日的kfc仲有所以都係唔買飯~

晚上已經很累了~𤍣左陣~
起身時老憑都就完了~可以看電車~電車今日都粉好看的~
我同家姐都看得很緊張~
因為節奏實在太慢...

>>June 3, 2006 at 3:12:14 PM GMT+8

2006 年 6 月 1 日 星期四 【晴】

好痴線呢...今早出門口時明明係冇落雨的~
但係搭火車時一到大學...
死得la...落大雨喎...
去到石門仲死~超大雨~我把遮琴日就留左響公司...只好衝返去la~
好彩我尚算跑得快~不過跑到返去都已經搞到好狼狽了...

工作同樣是順利的~只係有一間分店send得慢左~
不過我用左兩個幾字就ko左佢了~
最後仲5點半可以走了~但係因為搞個頭的關係都係成踏10先走的...
走時仲撞到阿彬佢地~
唉...點解會咁o既呢...我成日識d人都係家庭有問題的~
但係佢地都有好值得人羨慕的個性或者能力~加上佢地都好開朗~好即極似的~
就算講返自己屋企o既事都只係用來開話題之類的~
雖然係咁~但係始終都係覺得佢地好可憐....只係...要同情的話都唔需要到我囉...
不過自己都算是一個可悲的人

晚上又係吃kfc了~但係...下午個午餐已經吃到爆肚~
今晚o既晚餐都係吃到爆肚....好飽呢~~~
已經看埋momo了~但係時候不早了~其餘的下次再說~

>>June 2, 2006 at 3:19:55 PM GMT+8

2006 年 5 月 31 日 星期三 【晴】

正呀~今日收5點呢~
咁就打算返學看書的~坐坐下都有d餓諗住打算問下黃德響邊la~
原來佢同周兄響kfc~
我以我就飛奔過去了~食完野就返學~

咁今日得5個人...咁我就冇咩所謂的~
但係今日都操得幾甘下~
咁樣都唔錯丫~有時自己都真係要有返d自覺性囉~
因為自己都肥左好多...

放左學之後我地就去食野~其實都係得阿誠食~
我同黃德就陪佢~
不過我就問左黃德好多問題~得到好多電腦方面o既知識~
仲叫佢有空就幫我搞搞囉~如果真係的話就好了~

今晚睇到個極邪惡的新聞...好唔開心呢~
不過又淨係鍾意睇lee類型o既新聞....唉.......
(聽日先方出黎好了~)

>>June 1, 2006 at 3:21:48 PM GMT+8