2005 年 9 月 4 日 星期日 【晴】

嘩....今日自己好早起o左身了,因為我覺得個到D床唔係咁好瞓,所以搞到6:15就起o左身了,咁就好早咁出o左去刷牙個D啦,點知我正想出去房出面個個空地坐下之時,已經見到有人仲早過我起身了(哈哈....原來都唔係我一個咁傻咁早起身了^.^")等到八點幾架時候,我地又開始玩了,不過今次玩個D係要好大身力勞動架活動的了,先係一早我地去了繩網,個個繩網唔係般個D,係好高個到靠平衡力玩個D來的了....連男仔都覺得都幾難玩,咁都可以說係難玩的了!!

之後又玩野外定向同又係一D mini game及紮木筏,本來我地個組冇人識紮的,但好彩有我地個個組媽利害,所以我地都可以成功取勝^.^夜晚,我地又有玩水戰~~因為咁就現了我平時玩到傻個個樣出來了(好彩.....仲有人玩得顛過我!!)因真係好好玩了^.^到了差唔多12點幾時,我地出了去玩夜間野多定向,呀....好難玩了,因冇人識玩哩D野>m<"哩個都可以叫做最後一個game了......

回到去個camp架時候,我地自己都玩到第二日架朝頭早了(其實都可以話係冇瞓過了^.^")

>>September 6, 2005 at 3:56:37 PM GMT+8

2005 年 9 月 3 日 星期六 【乍寒還暖】

今天可以說係成個暑假最早起身架一日了,因為要去O Camp了^.^我11點回到學校,之後搞o左一震我地第一個game就開始了!!就係我地要自己組一齊行做一D check point 最後要自己撘車入去camp到.....(呀....係未每間大學架O Camp都要D人著住個件O Camp衫周圍走呢?_?)我地個組就用了約2個鐘入到去個camp到了!!

入得到去,等o左一震就係食我地個晚餐BBQ.....但唔係普通個隻BBQ,係D食物要限住每人有幾多樣野個隻,同個到個D野食都可以說係難食的>m<"最後我地個組全組都讚成叫外買pizza,都可以說係食返D正常架野啦~~之後再玩多震就有另一D mini game就係改組名同抽獎,我地組名改係"Ping Bang Wa"(哈哈,其實我地都係突然玩玩下哩個game之後就諗到叫呢個名^.^")最後我地都係哩個mini game到得到冠軍^.^之後到了抽獎架時候,我地組又好好彩咁比我地抽到group個份禮物,其實全部都係零食來的,所以我地好開心咁,因剛剛架BBQ係好難食了>"<同我又抽中了一本書,好彩都唔係D咩架教科書,係一本叫"米老鼠的神奇魔法藥"玩完抽獎我地都各自回到自己房到了(其實都唔可以叫做自己房,因係一間房係十幾個人一齊住)

今日都可以叫做都好玩,同發現係O Camp到有好多都係ymca架同學仔,同我地今次搞O Camp個個主席都係ymca的人來!!

>>September 6, 2005 at 2:54:05 PM GMT+8

2005 年 9 月 2 日 星期五 【晴】

今日又係要返工架日子~~之後又係去了上audio,本來個miss講會比係我地平時打開個到搵返2篇比我地考,但最慘架就係我地而家要打架係120呢>"<咁啫係一樣咁難!!但點都好都要努力啦~~

放o左學之後,同了靘媽行街,行行下,突然撞到一個點都估唔到會撞到架人,個個人就係八婆了,我地撞到相認之後,大家都覺得撞到架感覺都好嘔,因我地都好成見面,係哩一兩日冇見,但又係街到撞到,真係好搞笑了^.^不過我地之後都冇一齊行,因大家都有各自各去買野!!

我同靚媽行朗豪坊,行到咁上下係朗豪坊入面個間滿記食甜品,再會埋亞哥,等多震我地就坐了亞爸車,一家人去了九龍灣到食飯行街~~食完飯我仲同亞哥去了機鋪到打太鼓之達人(哈哈!!我想我都係打上了癮了^.^")呀....我打"花"架時候,只差兩個就可以100%全中了!!真係唔抵>m<"

明天就係去O Camp了,大家唔洗掛住我啦^.^"

>>September 3, 2005 at 4:25:33 PM GMT+8

2005 年 9 月 1 日 星期四 【晴】

今日十點幾起o左身就係同了亞哥去了打保齡球....好耐都冇打過了,所以打到手都痛埋^.^"之後我地就去了搵靚媽一齊食飯,食完飯之後,我同靚媽兩個去了玩冒險樂園^.^"我地仲贏o左成千幾張飛了!!

最後我就自己一個人去攞部DVD機去整,同去葵芳買細佬架狗糧(打保齡已經打到手痛,仲要拎埋部DVD部及細佬架狗糧>"<)

回到家,又再度埋手係到砌puzzle,同打PSP架太鼓達人(哩兩樣野係我自昨天之後,就一路停唔到手咁做架東東了^.^)

>>September 2, 2005 at 3:50:24 PM GMT+8

2005 年 8 月 31 日 星期三 【晴】

今天係一年一度架開學日,但冇我份~~我要遲D先係^.^

今日最重要架時係晚上要返回去ymca到同auido miss佢傾下audio的事情~~所以係傾之前架心情係心灰,因直覺覺得自己爭取得到的機會好微>"<

終於回到去傾,有我同嘉嘉一齊係度傾,個個part time audio miss同我地傾了一震,佢仲堅持佢改我地架audio方法,係冇錯架,所以我就同佢講:其實我地比多次錢,補多次唔係問題,但學校好似唔比我地補多次啫!!之後佢竟然係入去同陳主任傾了不到5分鐘架對話,就可以比我地比錢,補多次了~~這樣好証明我地學校ymca及個個part time audio miss係一心賺錢的了!!不過希望今次唔會再有D咩麻煩野啦....順利地pass~~

之後同亞哥去了買了幅1000塊架貝兒puzzle,對因為心情靚^.^

八婆 & 亞均 :聽到八婆你咁講比晒你D好運我,同睇到亞均真的體諒我的毛病~~我真的好感動了,感動到有點眼濕濕(傻瓜....)揀科的事,我都不知道我有冇得揀了,係open u個網到話我冇得揀,但佢又send了個e-mail叫我去揀,真是怪怪的了!!

>>September 1, 2005 at 3:44:09 PM GMT+8

2005 年 8 月 30 日 星期二 【晴】

今日又係本來好高興架日子......因thomas佢係泰國到買o左隻手錶比我做手信,佢好利害呀,知道我鍾意四葉草^.^同我今日見到佢有迪士尼架支票,咁我叫佢開比我了(其實都係出糧^.^)之後就平常心咁去游水!!點知....負面架野又開始出現了~~

本來哩件事我一早就知,都冇咩咁驚,但因為audio哩事件令到我超級緊張起來~~加上而家關鍵架係audio可唔可以攞返個合格?_?搞到我今日又好似病發咁個腦又係咁想哩件事(我想亞均你會知道我病發架嚴重度是多可怕了!!不過你可能要受多我三年架耳朵痛苦^.^")我想我哩個病我一輩子都唔可以改掉了!!

唉....明天就係返去同audio miss傾架時候了!!真係希望佢好好人咁比返個pass我啦,如果唔係我就真係會當場喊比佢睇都似>"<

亞均:佢都收到呀,不過我都未問佢會揀D咩?_?我幫你問下佢呀,到時再回覆你吧!!

>>August 31, 2005 at 3:04:56 PM GMT+8

2005 年 8 月 29 日 星期一 【晴】

今日同了靚媽及亞哥一齊去了行沙田,其實都應該係好開心去行,但自己到哩一刻個腦都係想著audio架事!!我想一日未有結果一日都唔可以停下來唔想audio>"<真係好怕好怕好怕......最可怕的是而家自己好唔開心,但對住家人架時候就扮到好似冇咩野咁,哩樣先係最可怕~~我想我自己終有一天會有情緒病了!!

夜晚去了游水.....

>>August 30, 2005 at 3:06:37 PM GMT+8

2005 年 8 月 28 日 星期日 【乍寒還暖】

今日心情比前兩日好o左D了,同我地今日回了學校搵o左陳主任傾,不過我地都要星期四再返去一次傾了!!唉...真係好擔心~~希望可以得到公平,同可以合格啦~~我兩年都係差audio哩一科,我今年唔可以有失呀!!如果唔係我想我自己真係一次大失控,其實咩都好,最重要係我過唔到自己個關>"<

我要努力爭取!!

由於家中實行一人一電腦制度,所以上個在上個星期日亞哥佢就買了一部sony s48的notebook,以佢就會搬回佢之前用的IBM desktop回家比我了,現時家中就變成有2部notebook及1部desktop,notebook是亞哥及亞爸用的,我就用desktop,同時哩個制到搞到我要自己硬著頭皮去裝自己要用的sofeware(大家要記得我是一名電腦大白痴,所以哩樣野對我來說是一件好痛苦的事!!)不過好彩都順利完成!!

>>August 29, 2005 at 6:32:26 PM GMT+8

2005 年 8 月 27 日 星期六 【晴】

我覺得自己已經到了失控架地步了,今日本來入去搵亞哥,咁我一個人去搭巴士同火車架時候,突然想起audio架事.....一路望著出面架風景,眼眶就一路滲出淚水(我想坐在我隔離個個人,一定會好驚了,因我突然咁樣,同我從未試過係無啦啦失控!!)我真係控制不到了.....哩件事令到我超不甘心,因受到不公平架對代!!哩兩日我架腦只係諗audio架事~~補考啫,仲咩要刁難我地啫(大怒)

如果哩件事一日未平息,我想我自己個腦一日都唔會平息得到!!

>>August 28, 2005 at 3:08:19 PM GMT+8

2005 年 8 月 26 日 星期五 【晴】

本來今日都可以說係唔差架日子,但又係因為audio搞到我又好煩~~都唔知點講好,有D比人搵o左笨架感覺>"<等成件事完成後在交代吧!!

上audio之前咁我放工係尖沙咀到搭地鐵,點知....."地下鐵碰著他"竟然比我撞到假lo.....初初我都唔認得佢,但想想下覺得好熟口面~~咁都撞到哦~~

>>August 27, 2005 at 1:26:34 PM GMT+8