2006 年 3 月 23 日 星期四 【雨】

今日day off同佐藤黎o左香港,佢今次黎係睇F4演唱會~~

下午,我去搭穿梭巴士去搵佐藤時,一上車就有個日本人用日文問我係咪日本人,之後我就用日文答佢唔係(路人甲:你係咪有D古怪呢,你唔係日本人,但又用日文答人地哦!!)原來佢係想我幫個人陸人問路,咁我就轉台用普通話同個大陸人講野,之後點知我個電話響,又要轉台講返廣東話,講完電話又同返個日本人傾計,係用日文的,但有時都會係用返英文,成程車就不停係度用四種語言係度講,搞度自己有時都轉唔返正常架廣東話,其實講講下發現架車入面的日本人,差唔多全部都係黎香港都係為o左睇F4的~~

之後同o左佐藤去旺角信和,嘩.......痴線架,又係好多日本人>_<"第一次感覺見到日本人係可怕的~~今日真係認識到F4 power & Japanese power!!其實全部日本的F4 fans都係30以上的女性,有些係拋棄老公仔女係日本,一個人黎香港睇F4...........

佐藤さん手信:

<----又係超好味的いちご<---- いちご^^
<----BEAMS BOY T-shirt<----KAT-TUN BOX SET
<----ARASHI Calendar<----日雜

佐藤さん~~ありがとうございます^_^

>>March 24, 2006 at 4:37:27 PM GMT+8

2006 年 3 月 22 日 星期三 【雨】

一早去o左葵青劇院度買電視節D飛,因為學生飛係數量有限,所以走o左堂marketing同半堂B172F去o左買飛~~

今日要拎十本management架textbook返學校,因之前攞o左去copy,嘩.....重度我真係好想係街度,突然有個人走來同我講:不如我幫你啦(路人甲:你發夢啦!!)最後係call o左亞lo同donald係何文田架小巴站到等我,終於脫苦啦~~

到而家2隻手都仲有小小手震同冇力,個手臂就痛到爆>m<"仲要個人係攰到咩都唔想食,只係想懶.....

今日同o左亞kwan去o左玩塔羅....嘩!!都真係幾準哦,但問完之後,就諗起一條問題啦~~唔知會係咩呢?_?

>>March 23, 2006 at 12:07:00 PM GMT+8

2006 年 3 月 21 日 星期二 【陰】

哩幾日架天氣都係........霉,好憎哩D天氣,搞度成個人都好似好冇精神咁>_<"

今日著o左新買個對高跟鞋,爛o左......係我隻腳爛o左,比對鞋括損o左~~唉...新鞋係咁架啦!!

返工.......去郵局時,路經哩經日成中話題架現場---->殺警案(其實係對面路經),今日冇上次見咁多記者係度啦~~不過哩件案都真係幾懸疑,仲要D報紙寫得好睇過小說,所以而家日日都有用心去睇報紙,雖然凶手死o左,但希望可以早日搵到個真相啦~~

死啦...我近期都真的唔知自己做咩咁,心不再"言"(唔識寫^.^")先係前幾日,send個e-mail,明明打好晒,send埋啦,但自己按到另一頁時,係到諗自己有冇按到send的掣呢?_?足足想了一日,最後係有reply,所以先知自己send o左~~今日,搭地鐵返屋企時,竟然唔知做咩搭錯車,本來係要搭向荃灣方向的,但入o左架中環方向的車內,仲要搭到去o左成個站先知~~

>>March 22, 2006 at 12:33:23 PM GMT+8

2006 年 3 月 20 日 星期一 【陰】

嗚嗚......今日轉o左用背袋,點知本來整係背袋到架其中一個三眼仔襟章唔見o左,仲要係搭小巴落車時,我先發現唔見o左~~我仲要係架小巴到搵o左好耐都冇,唉.....應該係搭地鐵時唔見o左架啦!!行返去OU時,差D想喊,因個三眼仔係聰聰係迪士尼買比我架>m<"

break去o左睇佢地打籃球......今次個個都做好晒熱身先打,所以冇上次咁打到個個都傷~~

今日半灰咁過........

>>March 21, 2006 at 10:44:06 AM GMT+8

2006 年 3 月 19 日 星期日 【微冷】

每逢星期一我就記錯自己係返10:00,其實係返11:00.....

同今日架時間過得好快,話咁快就放學去o左旺角食米線,之後就回家啦~~

死啦,哩排有老人痴呆症咁,成日都唔記得自己係咪做o左,同未做咩?_?而家個腦好似淨係知道幾時交assignment,但....係極度唔想做>m<"同仲有約四個星期就要exam啦,唉....又要驚過同灰過>_<"

>>March 20, 2006 at 12:04:16 PM GMT+8

2006 年 3 月 18 日 星期六 【微冷】

今日去o左鯉魚門,都冇咩野睇,因都好舊,只係找到哩樣野----->眼鏡糖,我記得細個時都好似只係$1,但而家要$3啦(貴o左咁多架)

之後去o左太古行街,由於申請唔到 I T card,所以今日去o左血拼來安慰自己,係去o左b+ab到買鞋,點知個答案係......全港得返銅鑼灣times squre有一對39全新的,有冇搞錯,我次次想買野都係咁架>m<"仲要都未有discount,對鞋出o左一個月都冇(香港人係如此富有的哦~~)最後就緊係去o左買啦,唉....次次買野都好要香港一日遊咁

至DHC事件後,我就去轉用o左biothrm,希望唔會出事啦~~

今日仲食o左$59.9一盒只有8粒架いちご,おいしい^0^~~

家寶:多謝你解答o左我個問題~~唉....算吧!!我都係同IT card冇緣架啦~~

>>March 19, 2006 at 1:42:53 PM GMT+8

2006 年 3 月 17 日 星期五 【炎熱】

今日返工.....之後同o左靚媽同亞爸行o左一震尖沙咀,就返屋企,趕功課啦~~

晏晝,收到citibank打黎話我之前申請個張IT student card reject o左,吓...唔係呀嘛我申請個張係student card之喎,咁都reject,我問佢點解reject,佢答:你唔係我地公司架target person!!你唔好再串D(怒)所以我係到問佢咁其他大學生又可以申請到,咁點解我又唔係你地架target person?_?之後佢就答o左一大堆廢話,最後我就串番佢就話:你不如老實講,只係某部份大學先批啦!!佢即時冇野講~~

真係痴線架,家下OU好差咩?_?唔通OU架人就冇pruchasing power啦咩(讀marketing讀上腦!!)到而家都仲好氣憤(火)

>>March 18, 2006 at 2:34:10 PM GMT+8

2006 年 3 月 16 日 星期四 【炎熱】

今日靚媽生日,生日快樂^_^

返十一點聽人地present~~好悶....放學去o左大久保度食野,嘩.....好飽~~飽好真係有D想嘔!!

之後去睇戲"搞鬼乜愛情爛片"套野都ok好笑,但最美中不足的係我地係坐頭5行,所以睇完之後,就好似比人打完咁周身骨痛,變o左做亞婆咁~~

晚上同成家人去o左佐敦食飯,本來去食開個間野,但點知好唔lucky咁停業~~最後我地去o左食齋,不過因下午食得超飽架關係,只係食o左好少野........

今日睇戲有一段小插曲,就係買飛架時候要show學生証,但點知我一搵銀包,咦...冇o左,仲要連身份証都唔係度,搞度勁驚,最後係個牛仔褲袋度找回,好彩^.^不過我諗諗下原來我哩2日都冇帶身份証出街的,好彩冇比警察查啫~~

>>March 17, 2006 at 3:44:25 PM GMT+8

2006 年 3 月 15 日 星期三 【炎熱】

今日上B172 lecture時,聽o左一段好好笑架對話:

S:如果你出世早一百年,咁你就唔洗揀得咁辛苦啦,因為三妻四妾係合法!!
W:如果一百年前殺人係唔法架話,我會買凶殺佢(認真地說)

哈哈~~哩兩句笑足我成日(而家打架時候都係度笑^_^")

放學之後,去o左睇佢地打籃球,嘩....好多人打哦~~打完個個都傷兵咁返去!!

返o左哩個sem咁耐,成日都見到房屋處經常有人去示威

>>March 16, 2006 at 12:04:08 PM GMT+8

2006 年 3 月 14 日 星期二 【微冷】

今日返學,一上小巴,跟住一望,嘩...竟然比我撞度佢......假lo,估都估唔到,不過上次撞到都係好耐之前係地鐵啦,但今日諗o左好耐個個人其實好似,我又唔sure係唔係,但個feel又好鬼似,算吧...都係當係會開心D~~

放學又去o左返工.......但返到屋企之後,就收到exam table啦,心情即刻灰o左一截>_<"哎呀........(大叫)assignment 2都未交又要諗exam啦,今次仲要係個個都分得好散,死啦....要靠自己啦,咁即係去送死>m<"

>>March 15, 2006 at 11:49:10 AM GMT+8