2006 年 2 月 11 日 星期六 【微冷】

今日終於飲o左好耐冇飲架茶~~

同靚媽行尖沙咀,好多野想買,但又唔想浪費咁多$$,好矛盾呀,之後再落旺角會合亞哥同x朋友~~就回家!!

今日係尖沙咀睇到mini cooper架展覽,我試過坐入去司機位到,都真係有少少細,唔同平時個D冇咁闊,但都真係我架dream car,但售價係$248,800.............唔知幾時會有$248,800呢(讀完個大學,欠政府$248,800就有>m<")仲要牌都未考就想買車>_<"

死啦死啦~~真係時候要自我檢討下啦.......如果唔係就會沉淪下去架啦,冇得救架啦>_<"

>>February 12, 2006 at 2:49:19 PM GMT+8

2006 年 2 月 10 日 星期五 【晴】

今日一早起身返工,雖然昨天都2點先瞓,但今日竟然意外地好有精神黎返工~~

一落樓就係買祺,平時都係1,2蚊,但今次因為個散子包只係得一個$5,所以小小豪咁用$5買o左一支祺~~返到公司,又係咩人都冇.....所以都悶悶地,但今日都係開心咁返工架,因為公司個個都以為我傻o左係到自己笑,其實係悶到諗埋D無聊野係到笑>_<"

放工,返o左屋企一震再出去荔景搵smile同亞hing,一齊陪亞hing去買野!!估唔到由荔景行過去貨櫃碼頭都好真係咁近,不過唔知點解我覺得係貨櫃碼頭到做個D人好似好惡咁,有D可怕>m<"同亞hing個鼓都比預期細好多哦~~

之後就得返我同smile兩個係葵芳shopping,足足我地行o左都有成2個鐘(平時去行葵芳都係最多行一個鐘到~~)

森苗:咦,你都有睇下我個日記哦^_^嘩.....下個星期一就要交啦哦,你竟然睇都未睇?_?咁你要加油啦~~

>>February 11, 2006 at 11:38:22 AM GMT+8

2006 年 2 月 9 日 星期四 【晴】

今日係亞爸架新曆生日,生日快樂!!我都忘記o左佢幾多歲生日啦^_^"

全日係家~~~好懶惰咁過!!

書又唔想溫,assignment又唔想做,都唔知自己想點咁~~呀....好懶散呀>"<

>>February 10, 2006 at 12:55:16 PM GMT+8

2006 年 2 月 8 日 星期三 【乍雨乍晴】

嘩...都過完年啦,點解又凍返架,我仲攞o左D褸去洗>_<"

今日D時間過得好快,上一震marketing lecture再上多一震架B172F,又再上多震marketing tutorial,就break.......break我地又係食完飯,又返去玩uno,之後又去上B172F tutorial~~就放學.........

不過我地放學留o左係學校到玩斜版架層層疊,我地最勁可以玩o左成10分鐘都有,仲要係10個人玩,証明個個都係高手^.^玩完,又溫o左唔夠半個鐘架書就回家啦~~

哎呀....好想知到exame result,等到頸都長埋啦~~而家架心情係都唔知開心好定唔開心好,因為都未知個最終結果>m<"

哩個sem,自己懶o左同心散啦~~我唔可以比哩個心散同懶惰持續下去架,咁樣會死架,所以要搵D野,令自己收拾心情,繼續努力~~

>>February 9, 2006 at 2:33:58 PM GMT+8

2006 年 2 月 7 日 星期二 【颳風】

今日好準時返學,係哩幾日都好準時返學^_^返完一個鐘lecture之後,我地就兵分兩路,一D人去o左黃埔到食飯,一D人留係OU到勤力,我緊係懶個度啦~~

去到黃埔,我地差唔多用o左成個鐘時間黎諗係邊度食~~食完飯,又係去打震機就又返學啦^.^

再返多一個鐘tutioral,又返工~~

返到公司,嘩...好多人,竟然仲有利是收,不過都係得一封,都好過冇^0^~~今日架時間過得特別快,做到差唔多六點半就閃人....去同靚媽係葵芳到食飯~~

亞mo:胡迪佢欠缺架就係一點傻氣^.^

>>February 8, 2006 at 1:43:05 PM GMT+8

2006 年 2 月 6 日 星期一 【晴】

今日返早....例牌又係遲到,又係要等小巴,所以就遲>"<

其實今日返去都唔知做咩咁,lecture又好似唔係聽書,上english更加學唔到D咩野!!返去就係玩鋤弟同uno,冇所事事咁~~

自己真係多心,衰咩野都好多心.....有時都好討厭自己咁多心,多心會令一個人變得飄忽,真係要改下>_<"

>>February 7, 2006 at 11:57:22 AM GMT+8

2006 年 2 月 5 日 星期日 【晴】

今日要返學啦,有D唔捨得哩個新年假,過得咁快>_<"仲想放落去呀(大叫)

好彩今日冇遲到仲要早o左DD返去^.^但上到咁上下堂大家都開始係度嗌肚餓啦,最後都係得到放學先去食野,但點知ou club竟然冇晒基度山三文治,搞到我地要轉移去M記到食野~~

食完野,我、抄藤同亞筠一齊去o左行旺角,諗住係兆萬可以搵到我昨天買架toys story架扭蛋,因我仲欠泡泡龍同擴音器先生(算吧,我諗都係冇架啦)

其實都有時唔明點解咁鍾意toy story哩個故事架?_?但一見到佢個D野就覺得好靚架啦^.^"係toy story中最喜歡架都係三眼仔(little green men)--->巴斯光連(buzz light year)---->索克天王(zurg)---->泡泡龍(rex)---->火腿(ham)---->薯蛋頭先生&太太(mr. & mrs. potato)

>>February 6, 2006 at 12:47:29 PM GMT+8

2006 年 2 月 4 日 星期六 【晴】

今日係成個年假難得架一日,係全日係屋企~~不過今日都比樓上個個死靚仔激死,佢上次射BB彈,竟然今次係掉冰入我屋,嘩....有冇搞錯架,佢亞爸亞媽點教佢架,我曳細個都冇佢咁曳,真係佛都有火呀,差D就報警架啦>_<"

之後同o左靚媽去o左行葵芳百佳,一買打破o左我地之前買超級市場架記錄,今次買o左成$658.8,買到要亞爸揸車黎車我地走^_^"

今年架新年假過得又快又充實~~

年廿九,夜晚同O左SMILE同抄藤去睇SHOW,仲見到EUGENE

初一,返大陸拜年&係曉瑩生日

初二(開年),去公公到拜年,同買o左NANA vol.14

初三(赤口),去o左拜車公爺爺,同去睇戲

初四,同o左陳南昌架同學仔BBQ

初五,去o左sogo到搵亞mo,仲傾o左JR家的東西,同o左聰聰食拉麵,好味,仲要係正中日本人哦

初六,又去BBQ,不過今次係同OU架同學仔去

初七(人日),同o左日經同學仔食飯,仲係朗豪坊見到穎琳,又中o左body shop架士多啤梨毒,買o左好多士多啤梨架沖涼同潤膚~~

初八,今日可以全日係屋企休息,同終於做晒english同做o左D B172F(今個假都可以算係有做功課)

初九,即明天,就係返學架日子啦~~

今個假期,真係又充實又食多o左野,要快快回復正常>m<"

>>February 5, 2006 at 2:11:32 PM GMT+8

2006 年 2 月 3 日 星期五 【晴】

今日又係要返工架日子...點解次次BBQ之後都要返工>_<"今日係半死架狀態返工~~返到去都有D黑仔,先係去銀行入票跳票、上上下個公司網又systems error.....仲咩事呀,搞到我想早D閃人,不過好彩正想閃架時候打一打比thomas,冇幾耐佢就返黎啦(好彩冇早閃,如果唔係就人鑊啦!!)

放工返o左屋企先,但坐坐下就好想瞓,但又唔得因一震又要出去旺角同日經同學仔(有巴別、亞樂、亞哥二世、麥條同ivy)睇戲&食飯,點知出到去係咩戲都冇位架>_<"所以我地行o左一震街,就去食米線,好彩唔洗等好耐啫~~食完行到九點到就回家啦

今日好乖女好早就返屋企,仲做o左english架assignment同stat架頭3題,仲有抺o左鞋converse,除o左白色個對冇抺,同白色個對前日發現爛o左呀>_<"不過今日已經補返啦,因我唔想掉哦~~同洗o左個little green men架筆袋~~

>>February 4, 2006 at 3:22:10 PM GMT+8

2006 年 2 月 2 日 星期四 【晴】

今日又係去o左蝴蝶灣到BBQ,不過今次係同OU架同學仔一齊去(哈哈~~前日先去完)我地先去....唔係去買野食,係去o左茶餐廳到食下午茶^_^(哈哈~~都唔知係咪BBQ架,食完茶餐先去BBQ~~)之後先去買野食,接著就係去攞爐,嘩...今日真係多人,差D爐都冇,明明前晚係冇咩人>"<之後佢地去o左沙灘到玩,得返我、成成、samuel同亞hing一齊係到睇野~~

之後亞lo返黎透爐,亞lo透爐真係好勁,唔洗一震就得o左(亞lo勁^.^)我地買o左成40粒墨魚丸都好快就清晒(証明墨魚丸係最好食架^_^")同今日終於燒到雞全翼,好似真係好食D^﹏^燒到咁上下我地又玩非洲話事啤,哈哈~~又係smile佢輸,走去扮坐錯人地個爐到燒野食,哈哈~~人地見到佢坐錯都呆一呆~~我地又有出去沙灘到玩數字球、捉迷藏同呵仔公,本來捉迷藏我係扮坐o左係人地到冇人知架,但點知抄藤佢行埋黎,搞到比人發現o左>m<"

玩完又返去燒,不過一個問題就出現啦,我地係燒到冇晒炭同冇晒蜜糖架,所以又玩非洲話事啤,決定邊個去問人借炭,輸架係william同donald,不過最後佢地係借到炭,但我都問到另一台就走架借到同蜜糖(哈哈~~蜜糖都借到,真係估唔到)燒到咁上下就拾野(係得我一個拾架咋,其他人都去晒玩>_<")我地就全部人去o左球場到玩猴子搶波....玩到十點半就走啦....因怕玩到冇尾班車~~因日日都差唔多十二點先返到屋企,好似要作賤自己咁>_<"

今日都幾開心,特別鳴謝成成佢係巴士到玩o左好多個好神奇架魔術比我睇,真係好勁哦^_^同哩2次BBQ都好似幫個頭焗油咁,返到屋企要勁洗頭同沖涼,仲要係有BBQ架味~~

aemi:咦....你仲有我架日記架,真有我心啦^o^唉.....我星期一要返學啦,明天都仲要出街,所以我怕都要搵個星期六or日啦>_<"miss you so much啦~~

>>February 3, 2006 at 4:28:56 PM GMT+8