2005 年 10 月 4 日 星期二 【晴】

今日早上要返工,哎呀....遲成半個鐘先返到去(其實次次都遲的,但今日thomas佢早返過我了>"<)之後就係我今天架辛苦工作,要周圍走,又要去chaser--->郵局~~12點幾時,就以極速咁做我完我架工作,好彩都做得切,但食飯時間就冇了,因要趕住去搭車返學,最終都係一路搭車一路食M記買的包了(哩兩日都係冇咩點食野就去上堂,不過都唔係覺得好餓,可能太忙的關係啦~~)

返到去上o左2個鐘架英文tutorial就放學了(如果唔係今日要返工,都唔知今日返去上個2個鐘好無聊了!!)放o左學之後,我地一行6個人留係學校個度傾計同研究功課(嘩...係咪好有益身心呢^.^")不過我地最後都係坐o左一震就走了~~落到旺角,我同segar佢一齊行街,一行就行到成7點了!!好攰....

回到家又要同功課搏鬥了....太好了,終於都可以叫做做晒一份功課,就係英文個份了,但要係到鳴謝:vincent、charlton同donlad,佢地幫我proofread份功課,多謝晒^.^

哩排個舊病好似有惡化架跡象.....唔知點講係點樣惡化,但終之係惡化中......唔知係咪就要交功課呢?_?其實係open u到讀都幾大壓力了,先係好多人都好勁咁啦,第二係open u個度係要2份assignment都要合格,之餘考試都要合格,即係冇得拉分的,係一樣還一樣的~~越近交功課同考試我個病就壞嚴重了>m<"

>>October 5, 2005 at 2:06:48 PM GMT+8

2005 年 10 月 3 日 星期一 【晴】

今日返1:00,搞到好得鬼死趕咁返學>"<仲要係飯都未食就返o左去,好彩冇遲到,但最慘架係,今日係由1:00一直上到6:00,買野食架時間都冇(其實都唔知係好定唔好,因如果有空堂的話,又好似唔係咁好咁!!)

放學....我地好快咁用o左20分鐘行o左落旺角~~但行咁快隻腳由D攰>m<"

近日比D功課搞到心情有D唔係好愉快,成日心情起伏不定(算吧!!我想好多人都睇唔出的了~~)

お姉さん：見てる？？ごめんなさい。最近は少し忙しい。宿題が多い。全部で十月の末にあぎます！！今日は高橋さんの メーロをもらいます^.^

>>October 4, 2005 at 3:40:36 PM GMT+8

2005 年 10 月 2 日 星期日 【晴】

唉.....今日返9:00...超早,搞到唔想起身!!返到去G01個到上lecture~~一入到去,呀....真係好似去o左睇戲咁,仲要D位都係好似戲院個D位,不過多張枱~~係G01足足坐o左係個到4個鐘~~頭都2個鐘都仲ok,上statistics,但之後個2個鐘就死了~~上business comminuncation,最慘唔係上個堂好悶,係個miss變態,成日係到口講我唔會管你地架,因你地係大學生嘛,但做又係另一套>"<少少嘈又唔得,人地走又唔得,都唔知佢之前所講架唔會管我地係D咩呢?_?

上埋business communication之後,就係lunch了!!不過都係得一個鐘就又要上english堂,上哩堂又係好難頂,今次唔關個tutor事,以佢仲係受害者添,都唔明D人咁大個人都仲可以上堂串亞sir,好似自己好型咁,又唔知自己好鬼煩!!

終於放學了.....回到家之後就開始我架"做功課行動"一做就做到11點幾了(做功課做上腦了>m<")但又唔想一次過做會好辛苦的了!!

死啦,返o左兩個星期學,突然D舊病(焦慮症)又反發了>m<"而家返學個到D人好似好勁咁,由其係英文方面~~10月尾就要交功課,功課一定要合格,如果唔係考試都唔洗考就知一定會唔合格(呀....我唔想呀!!)12月尾考試........真係好唔想考得差呀>m<"唉...好煩了!!

vincent: 哈哈....我好鍾意你留個句:過多擔心只會令自已更擔心,相反學習、應用能幫你進步,對~~如果你識落o左我之後,你就會知過份擔心係我架家常便飯^.^"哩個老毛病都跟o左我都成2-3年了,難以改掉!!請多多包涵~~

>>October 3, 2005 at 2:55:01 PM GMT+8

2005 年 10 月 1 日 星期六 【乍寒還暖】

今日一起身就同o左靚媽佢一齊去o左行amp,之後我係無印個度買o左個好普通架袋~~行到咁上下我地就會合埋亞爸一齊去o左搵亞哥一齊食飯~~

donlad:我唔識分左右又點?_?搭錯車又點呢?_?唔影響你就得啦(怒.....)同請你用心去了解一下seven哩個字架真正意思係咩,唔好下下都話人地seven,加上你成個星期都用seven哩個字黎串人,你悶唔悶D呢?_?

>>October 2, 2005 at 2:54:00 PM GMT+8

2005 年 9 月 30 日 星期五 【晴】

今日風和日麗,走o左去同大學的同學仔(charlton、donald及vincent)4個人去o左大圍踩單車^.^但去架時候,我就好黑咁,搭搭下巴士,架巴士突然爆胎(oh~~我都係人生第一次搭巴士爆胎的了>m<")不過好彩後面就有一架相同路線架巴士啫,如果唔係就要等好耐的了!!

去到之後我地就去了租車,由於今日係公眾假期,所以就要$50租車費了~~出發時,由於我唔係好識路,所以有幾次帶錯大家了^.^"不過我地最後都踩到去差唔多大埔個個位就回程了~~回程時,我太肚餓了,所以踩得好快咁返去^.^雖然今次踩單車我冇仆街,不過好唔好意思咁令到個女仔仆街,好彩佢唔係傷好嚴重!!

之後我地去o左食大家樂,就回家了,不過我架黑仔都仲未完,本來以為自己可以坐46x回家,但點知我一上到車,就發現唔對路......原來我搭錯車了,搭o左去顯徑架車>"<好彩好早發現,就啦啦聲搭返岩個個方向啦(但浪費o左一程車錢)

回到家個patpat好鬼痛,隻手都仲可以做到野,不過最終會有幾痛,都要明天先知了!!

>>October 1, 2005 at 11:58:10 AM GMT+8

2005 年 9 月 29 日 星期四 【晴】

今日一早要返學就係上個D好鬼無聊架堂......就係教我地點樣用圖書館個個網黎搵書>m<"不過好彩今日放3點,所以我地突發性咁去o左唱K,但最後個個都早走,得返我同charlton係到唱埋落去=_="我地兩個人唱到6:30就走了!!

>>September 30, 2005 at 3:23:43 PM GMT+8

2005 年 9 月 28 日 星期三 【晴】

返早又係好唔慣,不過下個星期一開始都要返早的了,仲要係返早過今日係要返9:00的了>"<死啦!!今日返11:00都覺得好早了,咁如果返9:00的未死得>m<"

哈哈~~而家係學校上緊堂了^.^又係上電腦堂係到上網,玩msn同打日記,computing workshop個D堂真係好得悶,不過好彩佢今日有講下個份assignment,所以都有上下堂,如果唔係就真係堂都唔洗上了~~

之後架事,下回分解^.^

晚上同o左joan同八婆一齊行o左一震,之後就去o左會合巴別、mary、ivy、亞哥二世同亞翹,一齊去o左cafe到玩同食飯!!冇返日文堂之後,都真係好耐冇見過大家了(除o左巴別同亞翹)同都真係好難得再見到大家,亞翹遲D都會走的了>m<"

>>September 29, 2005 at 4:56:51 PM GMT+8

2005 年 9 月 27 日 星期二 【晴】

今日返晏,所以瞓o左一個好好架覺^.^雖然返晏好似好好咁,但都要放6:00>"<仲要今日最後個堂係lecture,唔好以為好似computing個堂lecture咁開心,因今堂係上statistics,又唔知佢講咩,但自己又唔識>m<"

今日上英文堂架時候,亞法師佢走o左黎sit堂,仲好cute咁講英文了^.^

我唔想浪費大學生活~~

1.不可以走堂

2.不可以唔返學

3.不可以唔交功課

諗到在加~~

>>September 29, 2005 at 4:19:51 AM GMT+8

2005 年 9 月 26 日 星期一 【晴】

今日返工,係呀!!今日唔係星期三,但因為今日公司同事話會整野食返工,所以就調o左今日返了^.^食o左紅豆糯米糍同茶葉蛋,兩樣都好好食了^.^

之後今日又要早走,因要返去ymca個到攞錢,終於攞到了!!但比我預期中少>"<之後就返學了,今日返到6點鐘~~不過今次上架computing lecture都係好似上個星期一樣咁悶>m<"

大家姐:冇了,只不過我遇唔到比錢個個,所以攞唔到錢了!!同真係快D約出來見下吧!!

お姉さん(佐藤さん): 見てる?_?お元気ですか?_?

>>September 27, 2005 at 3:43:04 PM GMT+8

2005 年 9 月 25 日 星期日 【颱風】

今日先返去ymca到諗住攞賣舊書個D錢,但點知係冇得攞的>"<最後仲要搞埋cover high dip.個D野,所以差D搞到返唔切學!!

仲要今日個亞sir佢勁準時就上堂,同今日都係返個兩個鐘就放學(開始覺得返大學都真係有D無聊,返得幾個鐘就放學>m<")之後同o左charlton、donald同成成一齊去o左佐敦到買書,但我地一出學校門口時,就落晒大雨,最後我地加埋sugar一齊打的落旺角!!仲搞到成隻腳都濕晒~~

>>September 26, 2005 at 11:17:05 AM GMT+8