2006 年 1 月 22 日 星期日 【乍雨乍晴】

今日比預期中唔係咁凍,但都係凍,好彩著o左多衫啫^_^

哎呀....本來諗住今個星期開始唔會遲到,但今日星期一就遲到啦,最衰都係小巴,要等夠8個人先開車,妖破壞晒>m<"不過今日都過得好快~~

放學我地去o左OU club到食TEA,好耐冇係個度食TEA啦~~都係咁好食^_^食食下,八婆o左一震,不過都係大家交換下野咁佢就走啦~~

食完TEA,我地去o左打羽毛球,咦...成日都係成成同抄藤贏搞到打一震就要換人啦!!之後我地成班人行o左一震街,就返屋企啦~~

發覺,如果期望越大架話,失望就真係會越大......而家開始咩都"失望ing"

>>January 23, 2006 at 11:32:43 AM GMT+8

2006 年 1 月 21 日 星期六 【乍雨乍晴】

今日一起身就出o左旺角行街啦....先會合靚媽行o左一震花園街,嘩....多人到係行唔到架~~之後會合埋亞爸同亞哥,就成家人一齊行啦,好耐冇一家人一齊行過行啦^_^

不過今日架旺角好似就快多人到迫爆咁>m<"

>>January 22, 2006 at 12:29:04 PM GMT+8

2006 年 1 月 20 日 星期五 【乍雨乍晴】

嘩...今日好凍哦,凍到D手指都好似唔見o左咁哦>﹏<

早上返工,返到公司,嘩....咩人都冇,只有一兩個秘書係到,唉...冇人同我玩,算吧!!要認真去做野,如果唔係比thomas佢話~~不過今日係公司到講唔超過十句說話,好似玩自閉咁>_<"

放工,去攞人地送架年糕就返屋企,返到屋企,唔夠一個鐘就黏住o左張床,一瞓又幾個鐘啦(近期好似有喝睡症咁,成日係到瞓晏覺^_^")

>>January 21, 2006 at 12:17:27 PM GMT+8

2006 年 1 月 19 日 星期四 【乍寒還暖】

今日DAY OFF,YEAH~~可以勁瞓^_^

晏晝同o左靚媽去o左行葵芳....oh~~買o左2對鞋一件衫,洗o左成$600>m<"大出血哦!!

晚上,出o左去食飯,因明天係亞爸生日,所以我地去o左沙田食"亞拉麵館"都係一般好食~~同又行o左沙田架citysuper等地方就返屋企啦,沙田好似變o左好多咁哦~~

>>January 20, 2006 at 4:05:50 PM GMT+8

2006 年 1 月 18 日 星期三 【晴】

今日返十點,但都係遲到架,我諗我返o左成個星期架2nd sem除星期一外,日日都係遲到架>_<"今日有marketingk架tutorial....嘩,個miss佢好似同我地差唔多年幾,仲要好勁咁係有釘鼻架(佢係冇帶,但只係見到~~)上tutorial架marketing,終於感受到marketing係幾有趣架科,只不過係lecturer教得悶>_<"

之後有2個鐘架break,我地去o左旺角到食金太郎,秋都魚飯真係好耐呀>///<接著又返去上多一個鐘架B172架tutorial,oh~~竟然係個個咁架lecturer教,唉...本來想係tutorial到可以離補返lecture架損失,但都係唔得架啦,因佢係講外星語,我係唔會明架啦>n<"放學,一班人同o左亞筠佢行去睇野,之後就返屋企........

返到屋企唔夠一個鐘,就係張床到一睡不醒啦~~好.....明天唔洗返學^.^

今日瀧澤黎o左香港哦^_^係電視到睇到佢好似唔係好多fans去接佢機哦~~同睇到佢好似真係好矮咁哦....瀧澤咁架高度,咁二宮咪@_@

>>January 19, 2006 at 1:05:48 PM GMT+8

2006 年 1 月 17 日 星期二 【晴】

一早起身,就係到刺激自己啦,係到睇亞mo send比我睇架二宮光頭樣>_<"oh~~一睇係呆o左10秒係個電腦到,心諗哩個唔係佢黎架,但我要知度,我要接受!!其實佢光頭o左之後,都keep到咁可愛哦^.^

返10:00,唉...又遲到上o左一個鐘架management lecture,之後就有3個鐘break,我地一行10人去o左唱K lunch~~估唔到,而家係K房到都可以打winning同玩電腦,本來我同穎琳一齊打winning,但打打下都係番返去唱K^_^"接住又要返去上多一個鐘架management tutorial,好野^.^又係joey佢教哦~~不過佢今次係講中文架!!

放學,啦啦聲,勁趕時間咁飛返公司......唉!!本來唔想返星期三架,因咁趕>_<"但thomas佢又話星期五唔好喎,所以焗住星期三放學返>m<"返到去咩都唔哩係咁做野,做到成6:30到就走人啦~~返到屋企都成7點.........

近期,喜歡上"如果"哩兩個字~~哩個係處於灰色地帶架詞語,是冇對或錯架兩個字,亦都保留o左好多空間比人去幻想好多野,如果..............

>>January 18, 2006 at 12:31:01 PM GMT+8

2006 年 1 月 16 日 星期一 【颳風】

今日要返9:00...oh~~好似上個sem咁都係遲到收場架>_<"仲要足足遲o左差唔多半個鐘!!上完marketing lecture之後,我地一行十幾個去o左kfc到食野....食完又返去上多2個鐘架B172架lecture,上完又有3個鐘架空閒,我地又行o左去旺角到打機,不過我、亞筠同穎琳一齊去o左買狗糧先,因有亞筠係到有九折^_^不過最慘架就係要拎住個6磅狗糧周圍走(好慘>"<有人幫我!!)

返去上埋最後2個鐘架english堂就放學,但都6點啦>///<搭地鐵返屋企時,亞mo突然打黎同我講:二宮佢為o左拍劇,剪光o左個頭(下....唔係呀嘛>_<")我聽到時真係好驚訝!!同到而家我都係未搵到個張相架(我要睇下呀~~)收o左線,我都仲好驚訝(心想佢痴o左咩線?_?)驚訝到我係連落車都唔記得o左,要搭到下一個站,走返對面搭(其實當時我都係到諗緊其他野>_<")

其實我覺得今日D堂好難捱>m<"

亞mo:好呀...2月先啦~~二宮的事,真係嚇死o左我啦,同好勁哦,手越....竟然考到入早稻田大學哦^_^真叻仔~~

>>January 17, 2006 at 12:26:40 PM GMT+8

2006 年 1 月 15 日 星期日 【炎熱】

點解今日咁熱架....熱到我想著短袖>m<"

今日係2nd sem架開始.....第一堂係上english,又係andrew佢教,佢都係照舊係吹水咁上堂架>_<"之後又上o左堂management lecture....係亞sir教,都好開心佢係用中文講書,仲要D note係有中文解釋添^_^不過又因為有咁多中文,就好多人都唔聽去(包括自己,好要改)

3:00放學...我地去o左食米線,之後又行去睇o左一震鞋,哎呀....點解我隻腳咁大架,又買唔到鞋,明明睇中o左架啦嘛>"<之後去o左波樓搵成成、亞hing及samuel,不過都係坐o左一震就同o左抄藤去o左深水涉買野~~

十年都唔去一次架黃金商場.....真係一D都唔識行,去到深水涉,我係會迷路架,除o左識去政府合署同西九龍之外,其他都唔識去>m<"

返到屋企....哎呀....又係食完米線肚痛...亞哥佢話個D辣對我D腸敏感,呀...唔好啦,我覺得好食呀,點解咁弱架我條腸,小小辣同油都會肚痛>_<"

大家姐:oh~~我都唔知佢幾時holiday哦?_?

>>January 16, 2006 at 2:34:41 PM GMT+8

2006 年 1 月 14 日 星期六 【晴】

今日終於有一日係屋企啦^_^不過明天又係2nd sem架開始啦,點解咁快就完架個sem break>﹏<

坐o左係屋企到寫賀年卡,因要寄比外國架親朋戚友,足足用o左中、英、日3種語言!!

痴線架......點解住我留上留下架人都咁冇公德架>m<"留上個個死靚仔係咁玩氣槍黎射入我屋企,昨天已經用紅外線黎射入我屋架啦,我都忍佢(怒)今日忍唔住去o左管理處到投訴佢!!之後又係房到聽到人地係到打機....係勁大聽>_<"仲要另一方面,出到廳又比我聽到有人係度聽"不得不愛"有冇搞錯,個個都開到咁大聲~~我都知住得矮會嘈,但係冇諗到嘈到咁架(怒)車聽都已經嘈架啦,仲要D人咁冇公德架>///<

亞mo:我有打比你架,但你冇聽我電話之嘛,所以我都唔知你係幾多樓哦~~

>>January 15, 2006 at 10:26:20 AM GMT+8

2006 年 1 月 13 日 星期五 【晴】

今日返工....公司近期換o左新電腦哦(其實好耐架啦,不過我成日唔記得打^.^")哩樣可以說係公司比我架新年禮物(多謝公司個個顛婆Ms wong)之後放工去o左染髮,都係心血來潮,同唔洗自己比$$ ^_^所以走o左去染~~

晚上去o左公公到幫佢慶祝生日,其實我都唔記得o左公公佢幾多歲啦^_^"我諗一定有八十幾.....祝佢身體健康啦,因哩一兩年佢身體差o左好多哦>m<"

>>January 14, 2006 at 3:03:36 PM GMT+8