2005 年 12 月 23 日 星期五 【微冷】

各位聖誕節快樂呀...........

今日懶惰一日冇溫書~~早上,返工,都唔係好知返去做咩,因老細thomas冇返~~之後去o左買野送比堂妹,不過比$$都唔多人,最多人係包禮物,排o左成個鐘隊(都痴線架>m<")

返去同o左靚媽一齊去o左荃灣食米線,食米線又要等位,都成2點幾架啦~~之後就去o左做一D好有意義架野,就係去o左捐血啦,都係要等,又係要等成個鐘,點知捐完架時候,正想去坐下飲下野之時,突然捐血個個位滲血出來,仲要唔係少~~最後個度D人比o左一疊紙巾我按住,但都滲出來,最後用冰袋止血(大家唔洗驚哦,唔會死人架哦!!)之後就回家!!

晚上8點幾到,約o左八婆一齊行一震旺角,點知我出地鐵時,係勁........多人,多人到我差D離開唔到個車箱,前面個男仔見到我咁,佢好似想幫我一把拉我出來,但佢最後係冇架>///<所以我真係比人迫返入車箱2步架(咁大個人未試過會落唔到車架>_<")出到去諗住按$$先啦,點知部部機都係得$500紙,冇啦啦要袋咁多$$~~好快咁會合o左八婆,之後就行o左一震,就去o左油麻地到會合埋"胡漢輝"黨(哈哈....自己明明唔係個度讀書,但最後都同佢地都一齊玩o左成1-2年到^_^)

我地一行6人一齊去o左食煲仔飯......等位又等o左差唔多成個鐘,等野食又耐,同今日架煲仔飯架水準差o左~~最後我地由9:30到食到成11:00,食完煲仔飯,佢地又去o左食蛇"跟"(唔識,個個字呀>m<")之後我地去o左銅鑼灣,搭地鐵架時候,又係超x10000多人,我地去o左工展會,嘩....終於有個地方唔多人架啦,我地係咁試玩同食人地架野,但又唔買咁^_^"又見到阿虫,仲攞o左佢架簽名同影相^0^~~我地玩到成差唔多成點鐘先回家......

回家架時候,搭地鐵架時候,竟然撞到抄藤,仲要係同一班車同一卡,佢都可以說係聖誕節第一個撞到架人~~最後回到家架留下,差D見到撞的士撞小巴~~,不過好彩冇!!回到家,勁攰x10000

>>December 25, 2005 at 8:01:11 AM GMT+8

2005 年 12 月 22 日 星期四 【颳風】

今日好優閒咁係屋企.....同只係溫o左好少架computing~~死啦!!仲有6日就考第一科business communication >m<"

一早睇報紙,就笑o左出黎,哈哈~~睇到有二宮架失儀樣....不過我覺得一D都唔失儀,佢只係做番佢自己,大叔咁架樣,反之覺得佢好搞笑^_^報導中又有提到aiba、小山、光一,佢地4個一齊去打棒球^_^除o左小山冇食煙,其餘的都有哦~~不過二宮食煙的事,我一早就知了~~

同睇新聞架時候,發現日皇同ohno都有D似,又係一個大叔格~~哈哈...今日係唔係arashi day~~呀...仲有今日係aiba架生日哦^.^

>>December 23, 2005 at 11:43:04 AM GMT+8

2005 年 12 月 21 日 星期三 【乍雨乍晴】

今日冬至,真係好冷,只有10度>m<"

返o左open u溫書,因晚上要做冬.....返到去有好多人係到了,有抄藤、hing、lo、smile、kenny、samuel,之後仲有william、成成、穎琳、tammy同vincent加入~~終之,好多人^_^同自己都ok勤力咁做o左幾題stat,係識識地做個隻(即都係唔係好識)

6點幾我地就走了.....行過去何文田邨嫲嫲家到做冬(哈哈~~近到連william都唔信我真係過條馬路就去做冬^_^")今年連亞哥架x朋友都有來食飯~~

亞均:你個大膽精呀....小心D呀你~~好似王小mo所講,比人溶o左你呀!!

>>December 22, 2005 at 2:52:33 PM GMT+8

2005 年 12 月 20 日 星期二 【颳風】

今日一早去o左返工.......之後就好乖咁回家,繼續我架溫書之旅(講到好似好enjoy咁>m<")不過都係屋企整下哩樣整下個樣先開始溫書~~

發現溫o左2日到書,個樣殘o左勁多.......又係考試架後遺症>///<都話考試唔好架啦~~

亞mo:唉.....好耐冇睇過二宮D野啦(好掛住佢呀!!)有咩新消息,要第一時間同我講哦^.^點解sho佢開演唱會又關佢事架?_?佢應該諗諗點解自己冇個人演唱會~~同仲咩兩個咁鬼fd架,好唔抵得櫻二哩個組合>_<"因佢地太耀眼啦~~

>>December 21, 2005 at 10:42:15 AM GMT+8

2005 年 12 月 19 日 星期一 【颳風】

今日唔洗返學,竟然自己好勁咁十一點到就起o左身架(平時都會係成點鐘先起身架嘛~~)

但一起o左身唔係去溫書係上網,之後差唔多2-3點到就開始溫stat.....差唔多做數做o左成2個鐘到~~

之後又係上網一震架~~check o左自己架computing assignment2係有91分架,仲要係excel係full marks^.^

最後10日架溫書,溫書架進度,科科都睇過下,但唔熟,即真係得個睇字>///<

今日收到第5份架聖誕禮物,係由美國架表姐petty送架(今年都收到好多禮物哦,大家快D送多D比我哦^_^")

抄藤:差D唔記得o左回覆你添~~哎呀...我今日溫書咪又係溫到勁悶>m<"快D諗考完試去邊到玩啦~~同唔好係到扮識日文哦!!

亞均:哎呀........唔好講埋晒哩D刺激我架說話~~我今年冇聖誕節同邊度都去冇得去>m<"你去玩得開心D啦,識多D你老公架fans啦^.^二宮呀.....你係邊呀(大叫)

>>December 20, 2005 at 12:52:14 PM GMT+8

2005 年 12 月 18 日 星期日 【颳風】

今日返學上埋真係最後架堂了......不過都真係有少少唔知返去做咩咁?_?都教晒書,不過都好架返去攞返份business communication架assignment 2

攞到時一睇,嘩......以為自己唔合格,原來唔係有41.5分,有D唔係好開心,估唔到咁低分>///
放學,我地一行好多人(哈哈,因都唔知幾多人)一齊去o左open u 3樓溫書,都係覺得人多都係溫唔到書架(由其有抄藤係隔離)搞到成日都同人係到傾計,同最後我地好似變o左做影相大會咁,大家一人攞一部電話出來影>m<"都係係屋企閉關先得~~

今日收到第4份架聖誕節禮物,係由vincent送架,點點心意都好開心架啦,多謝晒哦^.^

明天開始就唔洗返學啦~~加油呀(同自己講)

>>December 19, 2005 at 10:40:14 AM GMT+8

2005 年 12 月 17 日 星期六 【颳風】

本來又係想今日溫書架,但點知比亞哥引誘我去o左睇Harry Potter.......都幾好睇,不過我覺得張秋好少鏡頭啫>m<"

之後返到屋企打邊爐,哩個星期內第2次打邊爐了,有D厭添~~

>>December 19, 2005 at 10:29:00 AM GMT+8

2005 年 12 月 16 日 星期五 【颳風】

今日返工....之後同公司同事一齊食飯同行街,買聖誕節禮物比thomas(即一句講晒:又浪費o左一日)

世貿今日係最後兩日,反世貿架示威者開始發難,破o左警方架防線,有時我覺得南韓人真係激動o左D架,係到破壞香港架公物>m<"警察叔叔加油呀,我會支持你架^_^

donald:你唔明係正常架,因係我同抄藤架秘密^o^~~其實都唔係D咩秘密!!

smile:星期一我會加入你地架溫書戰團~~

>>December 17, 2005 at 12:06:47 PM GMT+8

2005 年 12 月 15 日 星期四 【颳風】

今日浪費o左一日~~

首先係瞓o左成半日,一點鐘先起身!!

之後去o左焗油,因個頭旱到爆>///<

夜晚係去o左葵芳食飯加行街......

一句講晒:全日都係冇溫到書架,仲有一個星期就考試啦(想死呀你>m<")

抄藤:你終於黎啦咩....咁多謝你個個咁lucky架5蚊雞!!你stat架89.5咪又係呃返番黎,我都好過你呀!!起碼我有自己做過呀~~係啦,係啦,真係要小心D啦,我諗要請vincent做我保鑣先得(講笑)再唔係你返學都唔好搭巴士啦,一齊返啦>_<"

>>December 16, 2005 at 1:32:28 PM GMT+8

2005 年 12 月 14 日 星期三 【颳風】

今日好冷,搞到唔想起身,同哩排都唔係好夠瞓,個黑眼圈大到好似比人打瘀o左咁>_<"

呀......上comuting堂玩電腦~~亦都係最後一次上堂玩電腦了,因今日係最後一堂了>m<"下個星期起就係study week了(應該係話,明天就係study week,因明天day off)

一個semester咁快就完了,亦都感覺到exam都會好快就完(即亦都好快到死期到>///<)加油加油加油..........(大叫)對,我已經顛o左了^_^"好希望semester 2大家都會係同一group啦~~

其實我係唔會記得自己個個日記架id number架.......但上computing堂時,發現donald係痴線架,可以將我個日記架網址記得架(唔好玩啦~~我自己都唔會去記啦!!)

lunch....我地一行11人去o左旺角(哈哈...我地開始越來越多人了^.^)食完飯,去o左機鋪打機,vincent佢好勁咁一次就打到係higher score 8629(好利害~~)之後返去又上埋今個semester架最後一堂stat架tutorial.....同派返assignment1比我地,點知......嘩!!我竟然係最高分有93.5,但係假架,因佢加錯分,正確係85.5先真^_^"都好呀(我讀書咁耐都係第一次比人加多分,因多數都係加少多D,仲要今次係加多o左成8分咁多哦~~)

放學,變o左一行10人(少o左vincent)我地由旺角行o左去奧海城到打保齡(哩兩日都行o左好多路^.^)好耐冇打,生疏晒,不過好彩都有打到一球全中啫^_^之後亞哥佢黎o左(都係我打3G時先知佢坐o左係打保齡個度咁耐~~)打完之後,我就同亞哥一齊去o左買衫同會合亞爸一齊係奧海城到食飯.......打到個patpat位有D痛>m<"

今日我地搞到好似畢業咁,又係到勁影相,係lift又影,學校門口又影,連搭van仔又影,諗起都好笑^.^

donald:冇辨法啦,可能係我display得太靚了,所以加多我分,不過如果用真實個個分,我都係低過你~~

>>December 16, 2005 at 1:34:29 PM GMT+8