2006 年 4 月 12 日 星期三 【暴雨】

今日轉涼,太好了!!

今日係year1架最後一日啦(哈哈~~其實之前都唔記得o左,係打日記時才記起^_^")唔經唔覺又一年啦,今年個天對我好好,將我由一個YMCA同會考唔好的學生,變做一個大學生,真係估都唔到有今日~~感謝你上天!!

哩一年,終於明白到大學生的生活係如此的hea,同開心的(除o左交assignment同exam架時候)同哩一年如多時都係快樂地度過~~快樂不知時日過,咁又一年了....下年又會有另一番光竟,希望下年架group6繼續一起吧!!

放學同八婆+王小mo一齊去o左大會堂到睇電影節的戲,對....又係日本戲哦^0^~~今次係睇"hold up down"主演:V6,導演及編劇:sabuさん,一去到,哇....好多人啦,我地都已經早到架啦,哩D就真係V6 power啦!!今次係第2次睇V6架戲同第2次見到sabu真人,sabuさん一點都沒有變,哈哈...好有舊朋友的感覺^_^其實上次都已經係前年架事啦~~都係電影節睇V6戲見到sabuさん的^.^



>>April 13, 2006 at 4:31:56 PM GMT+8

2006 年 4 月 11 日 星期二 【酷熱】

又係好熱架一日.......唉!!點解咁熱架?_?出汗都出到缺水啦>_<"

一心準時返去聽management revision,之後去o左旺角食飯,哎呀.....好熱呀>m<"去o左芝士屋到食飯,好味^_^之後去o左打機,就返OU上埋個management tutorial,又要返工啦~~

返工時先要去銀行....嘩!!行到死呀~~由中港城個頭行到去尖東,仲要咁熱架天氣哦~~最後七點到就放工啦~~

今日勁黑仔,早上先係mp3冇電,成日都冇聽歌唔知點咁,由其搭車個時!!之後放工到電話冇電,哎呀....又冇mp3聽又冇電話傾,好悶同好唔知點咁哦,仲有D寂寞架感覺>_<"

喂喂......睇完我日記可唔可以留下言比我呀?_?個留言好似就來有蜘蛛網啦>﹏<"

<----今日影的相.....好多人哦^_^

>>April 12, 2006 at 1:52:09 PM GMT+8

2006 年 4 月 10 日 星期一 【酷熱】

今日同昨天一樣非常炎熱!!同都唔明點解何文田的小巴係唔開冷氣架哦,次次都係中途先開,熱到想死>m<"

但返到去學校,個冷氣又勁凍.......但今日上個堂marketing係勁重要哦,同今次係最大個個lecture黎同我地做revision,點解你淨係做revision呢,同一開始唔係佢教呢?_?我覺得佢教得好過本來個個哦>_<"之後去o左食M記~~上多堂B172F就放學,因今日個堂english冇o左,改o左係study week到make up class!!

放學行落旺角.....真係熱到燘>"<好彩都仲係返埋哩個星期學,如果唔係都唔知點捱好咁熱~~行o左一震旺角,就轉o左行葵芳,不過得我、抄藤、亞kwan一齊行~~我發現自己開始到o左煉仙架境界啦,係睇中o左都唔會去買同都冇咩衝動去買(王小mo:我煉成o左無欲無求,咩都唔想買架境界啦!!所以你都好好加油哦^_^)

唉.....所以notes都準備好晒啦,只欠一個心情去開始,我個溫書大計都唔知要幾時先可以開始啦?_?

近日有D野想唔通?_?自己都唔知自己想點?_?好矛盾哦~~

由於鐵樹先生還未開花,所以佢架生活報導要休息片刻~~

>>April 11, 2006 at 2:24:21 PM GMT+8

2006 年 4 月 9 日 星期日 【酷熱】

好熱呀.....暑い～～明明係27-28度,但點解好似有成30度咁>m<"仲要今日搭個架小巴個司機冇開冷氣,車入面係有個大肚婆係度架哦(真係想熱死人咩~~)最後坐o左一半車程佢先開個冷氣,洗唔洗咁慳>"<

今日都可以說係group 6架不幸日......先係resit的人比學校知道集體出貓,之後就係抄assignment架問題~~唉....都唔明OU點解要係考試前先黎一次過翻舊帳?_?雖然咁多件事冇我份(真心+自私地說:亦都唔想有我份~~)但都有D擔心考試....因我估今次一定會比上個sem的考試嚴密好多~~所以今次都真係要努力溫書啦,唉....最後慘係english哩科....上次好彩合格,但今次我諗唔會架啦>m<"

仲有原來個study weeks都係得約14日咋....之前仲估多o左佢添~~哎呀!!怕唔夠時間溫書啦>m<"今次都係好似上個sem架心態,合格就得架啦~~

今日終於頂唔順開o左今年架第一次冷氣,連細佬佢都真係變o左做"熱狗"啦~~

>>April 10, 2006 at 11:40:46 AM GMT+8

2006 年 4 月 8 日 星期六 【酷熱】

熱.....一點風都沒有,熱度唔想郁又唔想食>"<

今日成日都係屋企到發呆.....我諗study weeks的日子都係呆係屋企到過架啦~~哎呀.......想快D暑假呀~~不過暑假都係hea係屋企,因要作最後努力儲$$去日本啦^0^講起就想而家去啦~~

返埋下個星期就係study weeks啦,考埋個試咁就一年啦,過得真快~~唉......又係時候為考試做準備啦,呀~~仲想玩呀>m<"今年的year 1學o左D咩都真係唔知,只知哩年好hea咁過o左一年(除o左做assignment的時候,真的好忙!!)同識o左一班Group 6架朋友仔^_^

昨天收到人口普查的信哦^.^終於知道我係做統計員一職了,同上次一樣~~暑假做哩個職位---->好熱呢(大叫)

>>April 9, 2006 at 12:05:12 PM GMT+8

2006 年 4 月 7 日 星期五 【陰晴不定】

早上的我精神還未醒來的時候,悲傷的情緒已經動起來了!!因為今天看到報導說"廖啟志的細仔,因血癌離開了人世......."為什麼上天如此殘酷要將一個不足十歲的小朋友帶走~~
還有很多東西等著他去做、等著他去試、等著他去經歷、等著他去...............

遲o左起身返工~~所以係未瞓醒架心情返工.....今天公司又係好多人,又係train new agents......好煩,又係咩都做唔到架日子~~壞人thomas,佢竟然因為哩個理由遲返!!

<----哇....鐵樹先生,冇見你一日,你長得如此高了!!

<----あれ～桜～どこ？京都です。(姐姐)佐藤さんを撮影する。ありがとうございましたれ^_^

>>April 8, 2006 at 3:01:18 PM GMT+8

2006 年 4 月 7 日 星期五 【微冷】

今日唔洗返學^_^晏晝去先同靚媽係葵芳食飯.....之後就出旺角同八婆行街~~哈哈....一行我地就行o左好耐,因今晚我地一齊睇戲,就係睇森山未來的"school daze"

森山未來真係好好戲了!!同套戲都幾好睇同有少少係諷刺時下日本架明星好多時都係好細個就出道,搞度D小朋友都唔知自己好多時都唔知自己係做緊戲定唔係,所以抽離唔到角色~~

今日都幾開心,好耐冇同八婆一齊行街啦^.^

鐵樹先生架近況今日暫停一日啦,因太攰啦~~

>>April 7, 2006 at 4:22:37 PM GMT+8

2006 年 4 月 5 日 星期三 【酷熱】

哎呀.....而家係PC lab.到,係度諗緊今日交assignment好,定明天交好,但明天交又好似返一返去就走,好咩咁>m<"唉....都係算啦,比多晚時間自己睇下有咩改好過,因怕自己會後悔~~

係上PC lab.之前,去o左搵八婆,仲見到王均均添,我仲上o左佢地架唔知咩科一個鐘^_^真係好悶,因又冇powerpoint又冇notes,仲要個亞sir講野架語氣好似我亞公咁~~

放學又返o左去PC lab.到改management.....因為冇save係其他地方,所以係重新打過架....希望冇打漏or打錯啦!!如果唔係就死架啦~~好野,明天就唔洗專登返學交功課啦^_^

今日比昨天好似冇咁熱...但都係熱>_<"

<----哎呀....等度頸都長啦,點解鐵樹先生你仲未開花架?_?

>>April 6, 2006 at 12:20:54 PM GMT+8

2006 年 4 月 4 日 星期二 【酷熱】

今日又係炎熱架一日.....熱度邊度都唔係好想去>"<只係同靚媽去o左荃灣......咁就一day

<----鐵樹先生,報導你的生長過程都差不多快將一星期了,為什麼你還沒有開花呢?_?

大家姐:好的....如果我地行過見到的就幫你買啦,不過我地都可能要到八月先去到哦~~

王小mo:放心吧~~其實我還在思考中...不過今次哩個袋,冇上次對鞋咁想買,所以我諗可能最後都係放棄!!

>>April 5, 2006 at 1:56:24 PM GMT+8

2006 年 4 月 3 日 星期一 【酷熱】

4月4日國際兒童節~~好熱架一日,有成27度.....熱到想開冷氣,但而家開之後架日子,如何是好?_?

一如以住,帶住個冇靈魂架軀殼返學,同帶住三分認真七分hea咁上堂(唔知係咪個個大學生都係咁架呢?_?定係我懶呢?_?)

break,去o左睇打籃球,等到上english堂......又係冇咩人上~~最後都係上o左一半就走o左啦,因真係頂唔順>_<"

同穎琳行o左一震街,哎呀...個個都買野,搞度我都想買個袋,買muji袋好定另多個個好呢?_?都係差唔多價錢,同muji袋可以去旅行都用得,因都係個大袋.....但個款又好似唔值二百幾哦,因只係全黑色,咩花都沒有.......(王小mo一定會說:又買野!!咩都唔好買啦,儲多D$$去日本呀~~)雙子座架精神分裂開始了~~

<----又長高了,但鐵樹先生,你可唔可話我知,你幾時會開花呢?_?我等到有D頸長啦~~

>>April 4, 2006 at 12:03:46 PM GMT+8