2005 年 9 月 24 日 星期六 【乍寒還暖】

今日同o左靚媽出o左去行o左一震旺角,買o左件褸(oh~~變得好窮了>"<)同係旺角竟然撞到公司架同事了^.^之後就去o左沙田,又再去o左上水搵亞哥一齊食飯~~

亞均&大家姐:對呀!!我地都好耐冇見了,由其係大家姐呀~~

>>September 25, 2005 at 3:31:14 PM GMT+8

2005 年 9 月 23 日 星期五 【暴雨】

今日三號風球,所以都要返工的了!!同今日係audio架生死日>"<所以都好架只係打三號風球!!

一返到公司就見到大老細係到勁大聲咁講野,好彩佢今日冇搵我係到發顛隈~不過我就黎頂唔順公司D電腦了!!因部部都係傷殘,一係個碟仔機係壞,一係就上唔到網,一係就個顯示屏係壞架,最慘架就係部部都好........慢>m<"

放o左工就返去上audio了~~今次都好鬼驚了!!怕又再次唔合格咁就死了,因唔可以再報啦嘛>"<好彩miss佢勁好人,比我地揀自己想打個編,所以我打o左一次就合格可以走了^.^太好了~~以後都唔洗對住我最討厭架audio了,audio byebye啦,以後都唔好再見啦!!

所以去o左中央圖書館到找書(哈哈~~其實我而家係中央圖書館到打緊日記^.^")不過都找唔到Open U要用個本電腦書,仲諗住可以勤力下咁,去做下功課啦~~但竟然我去問人地有冇哩本書架時候,個個人竟然同我講:我今日都幫過另一個人搵了,係冇的~~嘩....唔係呀嘛!!Open U D人竟然咁勤力係到搵書(有D驚>_<)不過自己都有哩個心去搵都好好的了(自己讚自己^_^")]

今日夜晚約o左佐藤小姐一齊食飯(對!!佢又黎香港了~~日本都真係幾多假放咁哦)今晚架事留係遲D先打啦^.^

晚上就去o左搵佐藤小姐一齊食飯,不過今次食飯唔至我地兩個人,仲多o左一個香港人同一個日本人高橋小姐(好開心又識多一個日本人了^.^)之後我地去o左食沙嗲王~~同佐藤小姐今次黎香港又帶o左好多arashi架雜誌,同又係日本到買o左個tsumori chisato銀包(oh~~香港買好鬼貴的了!!)最後我又係一大包一細包咁回家了^.^

>>September 24, 2005 at 5:24:05 PM GMT+8

2005 年 9 月 22 日 星期四 【晴】

返學架日子啦,不過今日只係返一個鐘架statistics,一返到去個一個鐘佢竟然只係講o左2~3頁notes~~哈哈(苦笑)都唔知返去做咩咁>m<"

放學同o左ada行o左一震旺角就去o左amp搵亞翹行街,我地行行下仲約埋巴別一齊食tea,之後就回家了!!

明天就係audio架生死日了,high dip有冇都係睇佢了!!希望個miss佢好人啦>m<"

>>September 23, 2005 at 12:46:15 PM GMT+8

2005 年 9 月 21 日 星期三 【晴】

今曰終於要返早架日子了,不過都係11點,同約埋禽日識架同學仔charlton一齊返學^.^

返到去就係上computing,嘩....真係比我估中o左,佢就係係到教word點用,所以我好快就做晒佢個D練習....仲係到玩msn,我都咁樣係唔好的了,但word都學o左兩年了,所以好鬼死悶>"<

之後lunch我地係O Camp個D人一齊去o左飲茶,飲到成2點幾就返去上堂了,因好多人都係返3點堂~~返到去撞到鵬鵬(O Camp人)之後又搵埋ada一齊上statistics,statistics都可以說係咁多科中,我覺得唔悶架一科!!

放學同D同學仔一齊去o左買時,不過都係買得一本,所以最後大家都一齊去o左飲野,一飲就飲到成7點了~~

死啦,仲未得閒去溫audio添>"<星期六時都唔知點好?_?同D功課又想做,但又懶懶地~~唔可以懶了!!

亞均:是嗎?_?首歌好唔似w-inds.架風格哦~~

>>September 22, 2005 at 1:24:36 PM GMT+8

2005 年 9 月 20 日 星期二 【晴】

今日又係返工又要返學架日子.....本來都覺得幾辛苦,因一早起身返工,之後又要返學~~但其實都ok啦,都唔係好辛苦,因今日上個堂effective use of english都唔係好難捱同個亞sir都ok唔係太悶,仲識o左D新同學仔^.^

之後仲同o左佢地一齊行o左一震旺角,行旺角架時候,突然有個女仔係我後面到同我講野,我初時以為係個D買野個D~~但點知係個D model公司,之後D新同學仔問我點解冇興趣?_?唔好玩啦,自己知自己事啦.......同我覺得佢個feel都好似騙人咁~~

今日上堂前見到sharon佢,其實禽日都見到好耐冇見架亞嘉(遵理同學仔),同今早返工去見到趙海珠....好似冇上鏡咁好~~

>>September 21, 2005 at 12:42:02 PM GMT+8

2005 年 9 月 19 日 星期一 【晴】

今日終於都係開學日了^.^不過今日係返晏,所以一早就出o左去搞免入息個D野先~~之後就回o左學校!!好彩有早返到去了,如果唔係改o左timetalbe都唔知了,都唔明點解哩間學校D野成日改來改去!!仲都我之前個個timetable係問人地攞,都唔係學校send比我的了>m<"

之後會合了亞丁(open u架同學仔)去o左M記食野先,再返去open u個度上tuorial架business communication堂,上堂時大家都唔會好似中學咁先介紹自己的,一上堂就係上堂了!!仲要個節奏都幾快,如果發一發夢都會唔知佢講到去邊~~上o左兩個鐘之後要轉課室,轉o左去上lecture架computing堂,一入到去,嘩....好鬼多人!!我想個到都有成二百人了~~之後我地就坐o左係O Camp入面識架人個度一齊上.....上到咁上下大家都悶到發顛~~因為佢講個D野都真係好鬼悶同無聊>"<最後今日架放學時間係6:00,我、亞丁、傻仔培、亞dee佢地一齊行落旺角,行到落旺角,又係好鬼黑對涼鞋爛鬼o左,好彩都仲可以勉強咁著到返家~~

今日終於咁覺得到大學架自由,上堂傾電話、飲野、食野、瞓覺(今日都真係見到人瞓覺了)咩都可以咁,但都真係好唔似中學咁,唔明就會有老師解釋,有人提你幾時做D咩交D咩....同大學係唔會提你幾時上堂同功課今日上第一堂都會比埋你,不過個交功課日期係10月尾,所以分分鐘會唔鬼記得交~~所以中學架生活都有中學架生活好!!

>>September 20, 2005 at 1:15:00 PM GMT+8

2005 年 9 月 18 日 星期日 【晴】

今日一早出o左去同八婆佢一齊去o左旺角睇"我愛奇諾奧"都可以就係一部幾特別架戲,由其佢個個機械人真係做得好正~~

之後我地行o左一震行就回家了!!

明天就係返學了^.^ 3個幾月架長假都終於放完了!!

亞均:是嗎?_?首歌叫咩名呀?_?不過我想都會好過boyz唱arashi個D歌啦!!

>>September 19, 2005 at 12:38:56 PM GMT+8

2005 年 9 月 17 日 星期六 【晴】

今日中秋節,都係同o左靚媽去了行葵芳同去o左惠康入貨~~

>>September 18, 2005 at 12:22:07 PM GMT+8

2005 年 9 月 16 日 星期五 【綿綿細雨】

今日係又忙及又係黑仔架一日,今次仲要黑過上次打爛野>"<

先一早就係返工啦,都算ok的,因thomas佢早走了^.^之後就又係上audio堂啦,下次架audio堂就係考試了,今次係一次定生死了!!加油....加油~~但都未講到黑仔架正題....咁好地地行返去ymca個度上audio啦,點知行行下落大雨,咁一不小心就滑到,搞到成隻腳跪o左係地到,仲要個膝蓋瘀o左~~所以一路打audio架時候,都有DD痛了>m<"

之後同o左靚媽去行o左一震旺角就上o左去嫲嫲家到食飯了,咁一落車就返o左去Open U個度,因近就返o左去個圖書館到check下e-mail啦,點知要走架時候又係不小心地滑到,又係同之前個動作一樣又成隻腳跪o左係地到~~哎呀...點解2次都係跪同一隻腳,搞到個隻腳而家係腫o左成舊>"<不過好彩架就係2次都係係D學校到仆,所以都冇咩人見到啫!!

回家之後,亞爸同我一齊經歷了,我人生第1次揸大膽車(大家記住我係冇牌的,仲要我係唔係好識分左右的人*0*~~)我想我都揸o左成半個鐘了!!不過揸車都唔係真係咁好玩同咁舒服,係一D都唔好玩的!!因成日要打醒十二分精神~~不過亞爸話我第1次揸都算ok,但我想我都係好怕了!!都係要做好心理準備先去學車好(但而家係全家人都要我去學了,仲要係突發性的>"<)如果係學都會學自動波了!!

>>September 17, 2005 at 6:28:45 PM GMT+8

2005 年 9 月 15 日 星期四 【晴】

今日全日都係在家中發呆!!

>>September 16, 2005 at 3:02:43 PM GMT+8