2006 年 2 月 21 日 星期二 【晴】

由於比marketing個份assignment折磨o左我差唔多3日,所以連續幾日係唔夠瞓,仲要係係屋企又要做埋家務,人都顛>_<"

返學.......本來今日有3個鐘break,但因為marketing架assignment架關係,所以我地全部人都留係OU到~~本來諗住係computing lab.到可以做到,但都係做o左好少好少~~

返工.....公司D同事係到個個見到我都話我好似好死咁個,對....係比marketing架assignment折磨成咁架>_<"

返屋企,又係要同marketing assignment搏鬥過>m<"終於都完成啦,不過作到都唔知自己係度答緊咩咁~~事但,只要及格就可了!!

>>February 22, 2006 at 4:12:40 PM GMT+8

2006 年 2 月 20 日 星期一 【晴】

經過昨天半日架家務之後,今日都有D攰........

準時返早,之後食lunch(都唔知係咪叫luch,11點食~~)上埋個B172F之後,有個break,去o左搵marketing架tutor,點知係勁多人係度搵佢,係因差唔多要交assignment,所以個個唔明都去問佢~~講o左差唔多成2個鐘架assignment,之後又要上english堂,今日架english堂好似比平時快過好多咁

放break架時候,仲撞到八婆,因我要比野佢,所以去o左computer lab.到搵佢,點知好搞笑架事出現啦,咁八婆去print野,咁我就坐住佢個位,點知佢個fd竟然好突然咁問我:喂,去唔去食野?_?我心諗我岩岩先食完野之喎又食?_?點知原來佢識錯o左我係八婆~~放學時,搭lift時又撞到八婆佢,竟然連ou family架其他member都話我同八婆似樣,其實我一D都唔覺得我地似樣,最多咪個髮型似,仲要同佢識o左咁耐第一次咁多人都話我地似~~

放學同o左MEPK一齊聚會,我地又係指定動作,影貼紙相,又係一影,影2次~~今次睇得好好哦(不過只欠王小mo架半合眼>m<")接著我地去o左"大家食"到食飯.......之後又去o左D旅行社到攞下去大阪架資料,哈哈~~攞架過程,我同王小mo個心已經去o左日本咁了^_^

donald:你今日碗車仔麵就好食啦,因我請架哦~~

>>February 21, 2006 at 5:00:02 PM GMT+8

2006 年 2 月 19 日 星期日 【微冷】

今日又係返學架時候啦,好早就返到學校,都真係由開學度而家,第一次早返到學校,以前都係有遲冇早架嘛~~

上english堂時,個個都係度做其他野,例如:B172F,同marketing咁,搞到andrew佢冇我地辦法!!之後上o左7樓到交"中期人口普查"架form,希望抽中我啦,我之前有做過~~接住又要上management lecture,嘩....派o左勁多notes比我地想拎死人咁,仲要我今日仲copy o左亞筠借比我架marketing個本書,搞到成個書包都係notes,勁重>m<"

放學啦啦聲返屋企,先係整理一下,management架notes,多到要轉用個大D架file,之後又要洗衣,洗碗,倒垃圾,掃地,一震仲要去"浪"衣........唉!!靚媽去o左旅行又係我一個人做晒所有野架時候啦>_<"好彩今日唔洗我煮埋飯咋~~點解靚媽要揀哩個時候去旅行,搞到我又要做家務又要做assignment~~只差marketing架assignment咋,要快快咁做埋去,就要做management個份啦(OU係想做死D學生架)

同今日亞哥又去o左disney,本來我都想去架,但又要返學又要做assignment,搞到咩心機都冇,所以冇去到>///<希望佢買多D little green men架野,補翻數啦~~

今日出o左3科架成績啦:

Business Communication: Pass 4
Computing: Pass 4
Stat: Pass 1 (竟然係Pass 1,咁真係要好多謝donald架指點啦^_^)

仲差英文未知咋,希望快D知埋啦~~

kwan:哈哈~~提你架時候,也是提自己架時候,共勉之啦^.^

家寶:嘩...你講個D野我一D都唔知係咩?_?點都好大家一齊加油吧^_^

>>February 20, 2006 at 12:57:30 PM GMT+8

2006 年 2 月 18 日 星期六 【微冷】

今日又係好凍~~同今日架時間唔知點解過得好慢...............

晏晝同marketing架assignment係到搏鬥~~都仲係唔係好明其實要點做,有D抽象?_?所以都放棄出o左街................

晚上出o左去旺角同佐藤食飯^_^對.....佢又黎香港~~今次佢帶o左好多關於女兒節架野比我~~3月3日,日本架女兒節~~

亞mo:買飛個度我會問佐藤幫我地架啦,希望係又平又靚啦^_^咁要努力儲$$去日本啦^﹏^等我呀,日本!!

>>February 19, 2006 at 4:56:52 PM GMT+8

2006 年 2 月 17 日 星期五 【微冷】

今日又係好鬼凍>_<"

一早返工,好悶..........所以好努力咁做野,仲要OT埋比thomas佢,今日膽粗粗咁同thomas講我想加人工,唉....佢唔係唔很加比我,只不過係有咩由理要加比我啫,要諗個理由要佢加人工比我真難>m<"

放工,去o左葵芳....本來都好地地架,點知入o左去冒險樂園到,就洗o左成百蚊都贏唔到隻little green men出黎,有冇搞錯,今日真係黑仔>_<"

今日係九龍站到等車時,突然想起好多野,搞到自己架負面情緒失控,一路等車一路眼濕濕,好彩個個站唔係好多人啫,對上個次喊係為o左sem1 考試以喊,但今次都真係唔知自己為咩以喊,只係覺得好多野都唔如意,所以有D不憤所以就咁啦.........自己好幾次都係街上面自己一個人喊,第一次係擔心audio補考係巴士到喊---->同八婆係電話到吵嘴係旺角到喊---->到今次係九龍站到喊,唔知自己係咪過度悲觀呢?_?我怕有一日我會企係街到嚎哭,好樣衰架嘛>"<

亞mo:嘩....請勿在本人日記到大爆本人架年齡,同時我仲係20架咋~~好啦,橫掂有你陪我去,如果去睇埋con唔知帶幾多$$先夠呢?_?同con係5月定6月開架?_?我記得好似係6月開多!!ARASHI最高^_^

成成:咦...仲以為你已經冇睇我日記添~~係咪好感動呢,係我日記到成日都有你架出現^.^OU靚仔?_?係邊度我仲未睇到哦~~

>>February 18, 2006 at 12:35:22 PM GMT+8

2006 年 2 月 16 日 星期四 【微冷】

唔知點解今日又轉涼啦哦,昨天仲好鬼死熱>"<

今個星期五我好乖咁有返去聽talk,仲要係準時到(其實係想返學去攞人口普查架申請表,希望今次都會抽中我啦,因上次2001年架我都有份做^_^)

今次講wine都幾得意,個talk完o左之後,仲請o左我地飲白酒,好彩行得快飲到啫(死啦....覺得自己好似染上o左酒癮咁,見到就想飲>_<")

之後我、亞筠、vincent同森苗一齊去o左旺角食米線,行落旺角時做o左一次$20架善事(其實都冇廿蚊,因森苗佢都有份出D~~)食完我地就出發去apm(除o左森苗冇去)去到佢地周圍行o左一震又影下相咁,搞到好似係去玩咁,唔係為marketing架assignment以去咁~~最後我地仲去o左睇"犀照",本來心諗咁多人去睇我諗都唔會好驚(本人至睇過貞子之後,就勁驚鬼片)點知一入到去個D片頭全部都係鬼片架片頭,搞到本來冇咩野但都驚驚地>m<"

其實套戲都唔係咁驚,但都有D位都幾驚~~我仲要見到亞hing係好似悶到想瞓咁,佢事後講佢真係有瞓到(有冇搞錯!!)不過最驚係,睇睇下戲,突然我同亞筠之間,突然多o左隻腳出黎,嘩....真係比佢嚇一嚇~~再望真D係後面個個人佢放o左隻腳係到,因佢以為前面冇人!!好彩哩套戲唔係好驚,仲要係唔係好知佢個內容想講D咩,所以唔會驚到瞓唔著^.^

睇完戲,大家都散啦~~返到屋企留下個OK到買o左$20.5架野,咁我先比廿蚊個個人,佢睇竟想找$$比我,我都唔會咁衰唔出聲,我同佢講,我仲欠佢5毫子(好彩我提佢,如果唔係個收銀要自己貼返出黎好慘!!)

亞豪:係呀,我係係家寶到發現你架xange^_^其實我冇xange架,但又想留言比你,所以我都開返個專係用黎留言比人!!我會多多去你個xange架啦,你都要多多係我哩到留言啦^.^

亞mo:係呀....真係會去日本架,錢都儲緊啦!!不過而家係諗緊去唔去睇arashi con咋?_?如果係幾時開con呢?_?同如果係我會去大阪OSAKA.....

抄藤:哈哈~~你都贏o左個幾,咁森苗佢都真係輸得好慘囉!!

>>February 17, 2006 at 2:48:09 PM GMT+8

2006 年 2 月 15 日 星期三 【酷熱】

返學,今日遲o左起身都可以準時返到學,勁呀^_^

又係放break架時候,我地去o左食KFC,之後返o左OU到玩,點知有個"食蕉"同我地講唔可以鋤弟,哩樣都算,佢最搞笑係uno都唔玩得,唔係呀嘛,大學都唔比玩uno?_?不過我地最後都冇咩理佢,唔玩一震就又再玩過~~我地今次鋤弟係計錢,一毫子隻,竟然由我地女子組,一家贏晒成成、森苗同抄藤3家~~

之後又係上B172F架tutorial,都ok快咁過o左一個鐘~~放學去o左旺角食小丸子(我地好似想試晒成個旺角架小丸子咁^.^)之後又去飲"杧椰"大家都開始飲上癮~~最後同成成行o左一震旺角,係C.P.U買o左條levi's同一件衫,levi's係七折好平哦^0^......$489咋~~

>>February 16, 2006 at 11:23:22 AM GMT+8

2006 年 2 月 14 日 星期二 【陰】

返學----->之後去o左食傳說中架"走私"雞米線,都ok好食,同平時食開個間架雲南米線係兩種唔同架feel.......就行返OU,由旺角行返去都真係幾辛苦~~我地返去都係係度玩oun,等上management架tutorial,上完一個鐘就又趕住咁返工~~

係尖沙咀海港城個間burberry,有個好靚仔sales,其實係上個星期日都已經發現架啦~~但今日路經又見到,真係好靚仔同又高,好閃耀~~好似前世未見過靚仔咁,係我心中OU都真係冇..........>_<"

返工,默默地做,所以早走o左少少啦^.^我想加人工呀,都做o左哩份工成2年啦~~都未加過人工!!再唔係真係想唔做>m<"

又就快到夏天啦........係時候要準備一下!!

家寶:OU架生活都ok啦,都可以講好充實咁hea,哈哈~~星期二你要去到咁遠上堂呀,真辛苦哦~~同時要小心身體哦^_^

>>February 15, 2006 at 12:36:12 PM GMT+8

2006 年 2 月 13 日 星期一 【暴雨】

今日情人節.....都係好似平日咁過,好彩今日全日都冇遇到大大扎花啫,如果唔係我怕我個鼻就死得啦~~

今日好懶惰咁遲o左20分鐘到,好彩marketing都係我一返去就岩岩開始(其實都唔知係咪好彩,因佢之前個D時間做o左咩呢?_?)之後我地就先食個 lunch,我買o左個炒麵,但食炒麵之前,我係同穎琳佢食o左支雪條先架>"<所以搞到食唔晒D炒麵,同D炒麵我覺得好咸>_<"最後都係放棄,走o左去食亞筠整架bule berry cheesecake,好味^.^

之後又上多2個鐘架B172F lecture,就又係冇2個鐘架break,今次好乖冇去玩,坐定定係3樓,因為又係時候,到交assignment架時候啦>_<"之後又上多2個鐘架english就放學啦~~我地有同andrew一齊影上,之後又係四樓lift口到影,我地好似係ou架每個位都影過相咁^.^

人真係無十全十美架,當你好似有齊晒D野架時候,就發現一定會有一樣野係冇o左架,但我知道個樣野係冇得強迫架,順其自然吧!!

>>February 14, 2006 at 1:05:21 PM GMT+8

2006 年 2 月 12 日 星期日 【晴】

今日化o左妝返學,大家都好驚奇咁問點解我化妝返學,只不過今日早上有時間,同其實以前有時我都有化架啦,只不過又冇化一輪,所以大家見唔慣啫~~

返學交english功課,之後又上management架lecture,今堂都好比心機聽,但發現佢原來成日係到講埋晒D廢話,真係學個lecturer咁講:返去自己睇啦~~

放學食"基度山三文治"終於食到啦^.^食完就行旺角,先去買錶,yeah~~買o左隻$375架Baby-G,本來唔係想買哩隻,但因想買個隻都變o左炒價>m<"所以買返原本一開始鍾意哩隻(都靚架!!)抄藤要多謝我啦,每人平o左$5價^﹏^之後就部smile佢去旺電到買野,接住就去朗豪坊到部抄藤買鞋(又係要多謝我啦,如果唔係我係K2見到,佢都買唔到哩對converse)我又買o左條tough架皮帶(今次要唔該抄藤架tough架9折)最後部亞lo佢買情人節禮物,我地係度用穎琳架名,又買野平o左啦^.^哈哈~~今日好發揮到我架師奶架講價精神^.^"

之後去o左尖沙咀同靚媽去agnis b到買銀包,唉....本來想要佢送個條鏈架,要買滿$2500先有,加上靚媽同我都冇睇中野,所以最後都係買o左個銀包就走啦~~

明天就係情人節啦,周街都見到人係到買野~~不過明天又係我鼻敏感架時候啦,因又係周街都係花架時候>_<"

>>February 13, 2006 at 1:24:40 PM GMT+8