2006 年 1 月 12 日 星期四 【晴】

嘩....今日真係大昏迷了~~一瞓就瞓到4點到(昨天係1-2點到瞓)之後就又要準備出街~~

晚上,出o左去銅鑼灣搵聰聰,同係地鐵站撞到李力持,等聰聰收工,之後去o左沙田到睇10:00埸架"四眼雞丁".....本來都好期待哩套野會幾好睇,但點知都係普通好睇,故仔係講父子情,但D劇情麻麻地啫>///<

>>January 13, 2006 at 4:44:12 PM GMT+8

2006 年 1 月 11 日 星期三 【晴】

今日一早又要返工,想死,昨天都仲要12點先瞓....勁眼瞓,眼瞓到企係到都可以瞓著>///

之後就去o左葵芳攞之前訂o左架褸,靚媽話:件褸都幾厚下哦,好似之後唔會凍架啦哦(呀.....一盤凍水~~都買o左啦!!)

返到屋企就上o左一震網,就周公急call,去o左瞓~~不過瞓瞓下,八婆係上海打黎,佢之後去南京(祝你有個愉快架旅程哦^_^)最後都係瞓得3個幾鐘>m<"

個sem break,仲有3日就完啦~~之後架日子仲要出街,成個sem break都冇一日係屋企哦^_^"

>>January 12, 2006 at 11:45:06 AM GMT+8

2006 年 1 月 10 日 星期二 【晴】

瞓o左半個鐘到就聽到大家好興起係到講睇日出~~咁就起o左身出去.....嘩,未天光,好黑!!我地去o左梅窩沙灘到等日出~~最後....都只不過睇到個天光o左,咁我地就去o左M記到食早餐~~點知.....坐坐下係M記到睇到真正架日出啦,係一個好大架太陽哦^.^不過個時都已經成7:30到~~

之後返到屋就又係個個係到黏住o左張床,又係瞓下醒下咁,瞓o左差唔多成個鐘到~~十二點就要還屋.....我地又出去食埋個 lunch就出返去市區啦~~又係搭車出返去東涌.....點知穎琳佢睇錯o左時間,所以我地又要再等多差唔多成個鐘車,又真係點知,又有架出東涌架巴士,所以又好好彩咁暈住車咁出返去東涌.......

我地一出到去第一件事係.....去o左荃灣唱K,有我、smile、tammy、穎琳、抄藤、samuel同donald一齊去,唱到7點幾就返屋企啦,真係好累...........

總括:哩3曰2夜架camp係變o左,打牌同PS2架訓練營(因我連續3日都有打牌架^_^")

大家姐:我出o左camp啦,你約好佢地打比我,好唔好?_?

>>January 11, 2006 at 2:11:28 PM GMT+8

2006 年 1 月 9 日 星期一 【晴】

昨天瞓得唔好>m<"係瞓下醒下咁!!仲要係瞓瞓下,凍醒o左(我已經係著住件褸黎瞓架啦>_<")最後都係早早地咁起o左身,刷完牙,就出o左去食野,不過個個時間係食lunch架啦~~

之後去買埋今晚食架野就返去啦,返到去又係打牌同PS2~~

今日架晚餐係亞lo親自下廚,好味^.^不過我地竟然唔夠食,仲要煮麵食!!之後又全部人一齊排排坐,係度睇戲、食糖水西米露,突然有人敲門(嘩....好驚!!因我地齊晒人架啦,點會有人敲門呢?_?)一開門,係2個警察同我地講,叫我地玩架時候細聲D,因有人投訴~~接著我地又玩o左差唔多半個鐘架解手,係成功架^.^再睇多另一套戲,不過我睇o左半隻碟就捱唔住啦,要瞓覺啦,都成5點啦>_<"

>>January 11, 2006 at 2:07:33 PM GMT+8

2006 年 1 月 8 日 星期日 【乍雨乍晴】

今日係第一日去camp^_^我地約o左係東涌到出發去我地架目的地梅窩.....我地搭巴士入去,估唔到搭車都會暈車浪架(同搭船係冇分別架>m<")終於入到去啦,我地先去攞屋,但我地行o左差唔多十分鐘到都未搵到我地租個間屋,好彩最後租單車比我地個個人教我地點去,如果唔係都唔知點好!!

入到屋,發現每間房都只係得四張床,由於有一間房係有獨立廁所,所以係我地女仔霸o左(亦都係大D個間房~~)之後我地出去買野,估唔到梅窩咩都有,好似百佳、惠康同7仔都有(初初仲擔心入面咩都冇)買完野,就撞到william,samuel同穎琳佢地,好......人齊~~我地第一個活動就係...女架打牌男架打PS2~~

晚餐.....我地打邊爐,最後食食下,大家都係到玩mini game~~接著就係沖涼架時候啦.....竟然......係唔夠熱水用,沖到一半會係變o左凍水架>m<"之後佢地又係到講鬼故,我就去o左傾電話(嘩....真係會驚哦>_<")之後佢地又係到睇鬼片,我就係到打牌~~最後大家都成4點幾去o左瞓覺!!

>>January 11, 2006 at 1:27:25 PM GMT+8

2006 年 1 月 7 日 星期六 【乍雨乍晴】

OH~~今日終於可以瞓番覺好架啦^_^不過全日都係家,所以全日係家都係到"瘟"二宮(哈哈~~好耐冇一次過睇咁多佢架節目啦^.^)同今日都係好鬼死凍>m<"

明天就係去camp架日子啦......所以會離開哩個日記3日咁多啦,不過到時都會補打番架,密切留意哦^.^

大家姐&亞mo:好啦,就下個星期啦,不過都要等到星期三之後架日子哦,因我要去camp哦^_^記住約埋亞均佢哦~~

>>January 8, 2006 at 1:41:11 PM GMT+8

2006 年 1 月 6 日 星期五 【乍雨乍晴】

嘩..嘩...今日得8度晒,凍到唔想起身返工>"<

返工勁冇精神,好眼瞓,D同事一見到我就知好眼瞓,放工就啦啦聲返屋企瞓個夠^_^

之後夜晚出o左去旺角同亞哥& x朋友一齊食飯,仲買o左NDS架game(哈哈~~買o左部機咁耐,而家先係買第2隻game^.^")

回到家就係勁打機^_^

>>January 7, 2006 at 3:38:57 PM GMT+8

2006 年 1 月 5 日 星期四 【乍雨乍晴】

今日要返工哦....好耐好返工啦(其實都只不過一個星期^.^")哈哈,返到去我就係到不停嘈....又同o左好多同事係到玩abc遊戲,哈哈....竟然係全公司架人都冇人識玩^.^

之後同o左八婆行尖沙咀同葵芳,破o左費啦>///<

回到家就開始試後活動,第一個活動係拾房,拾日雜期間,想起自己都儲o左差唔多成2年架日雜,所以迫爆o左間房啦>m<"同又想起同王小mo一齊去買日雜再討論架日子,真的好懷念哦(好似D亞婆口吻^.^")

大家姐:我而家好得閒呀,mepk架其他成員快快同我出來哦^_^

>>January 6, 2006 at 2:00:47 PM GMT+8

2006 年 1 月 4 日 星期三 【颳風】

終於考試架最後一日啦~~

今日考stat.....讀咁埋書係未試過集體出貓架,仲要係成功出到先勁.....我今次架考試,就好似平時架assignment咁都係抄donald架(不過佢D字真係好細,細到我好難先睇到>m<")不過成個過程都好危險,因我估到個監考知道我地係到做咩,不過睇唔到(好彩^.^")最後都順利完成.........

考試金句:希望合格啦(希望上天保佑~~)

之後我,smile,成成,抄藤,william,hing,donald同samuel一齊去o左cafe到玩,接住又去o左睇成成,hing同samuel玩桌球.......十點幾就回家了~~

抄藤:你唔係話唔會睇我日記架咩,唉...灰係呃你架咩>m<"你最多都係死一科,我可能好多科都會死~~考到computing時,道氣就o徒o左好耐啦!!同你唔講我都唔記得禮物哩回事,咁就睇下係D咩好野啦^_^我係唔會比架直昇機你架,哈哈(奸笑中)

大家姐:証明我地冇緣相見>///<

>>January 5, 2006 at 4:30:29 PM GMT+8

2006 年 1 月 3 日 星期二 【晴】

今日考英文....哩科係最.......冇信心架一科,考之前一早預o左自己唔合格>m<"

雖然考架時候,有高手坐係前面,但自己心中有數都係會唔合格架啦,因為listening,雖然係比平時個D慢o左,但.....唉,希望唔好死得咁難睇就可以架啦>_<"

考埋明天就考晒啦,到現時為止心情沈重,冇一科係有信心會合格,最壞架打算係.....冇一科會合格,咁就死得架啦,都唔知到時,自己會點..........真係人考試我考試,點解會咁架>m<"

考咁多次試,未試過一次係考到唔想返去面對考試,想逃避~~

大家姐:係呀....不過個時真係好多人哦~~

smile:唉....大家都咁灰,灰到都唔知講咩好啦,真係為有下個sem好D啦!!

>>January 4, 2006 at 11:24:41 AM GMT+8