2006 年 3 月 3 日 星期五 【微冷】

今日又係返工架日子~~冇咩野做,所以早走o左15分鐘^_^

之後同o左靚媽行葵芳~~係b+ab睇中o左對鞋,$498,係到諗緊好唔好買,因唔係成日會著,好矛盾>_<"

春天以逐漸迫近,夏天亦快將來臨,姊妹們係時候張冬天著o左好耐個件羽絨減掉啦!!

donald:今次串岩啦可?_?請不要怪我哩個有讀字困難及語言障礙的串字白痴^_^"

穎琳:啤牌太方便啦~~同我矛盾中,買唔買個對鞋>m<"

>>March 4, 2006 at 3:28:19 PM GMT+8

2006 年 3 月 2 日 星期四 【晴】

(影哩張相架時候,大家都以為我係用來作MSN架圖,ou family架人真冇良心的,我的日記都可以放相的呀>_<")

今日本來要返去上seminars,係冇返架,不過出o左去同抄藤、穎琳、森苗、亞kwan同donlad一齊唱k,哈哈~~大家平時都唔見咁準時返學架,一講去唱K,就準時到爆^_^"

唱到2點半就走o左出去銅鑼灣,一心想去買BEAMS BOY架T-shirt,但諗諗下係叫人地幫我買平D~~之後就去o左搵聰聰同我放o左部T630,收o左$450,唉....部機係最高價時買架,仲要內裡其實有個故事,所以有D唔捨得>m<" ByeBye啦T630.............

之後去o左觀塘個間D-mop到買o左頂adidas cap帽,都好平$176(本來想係銅鑼灣到買,但點知全香港都係得返apm有,仲要得返一頂!!)最後終於玩完我今日架香港一日遊,回家~~

<------今日係日本女兒節,所以要放哩D日本架公仔,哩對日本公仔係佐藤佢送比我架(多謝晒^_^)

亞均:好好....等你上網時才給你吧!!

穎琳:哈哈~~我地連唱k都要鋤弟,証明鋤弟係可以用腦架^_^

>>March 3, 2006 at 1:18:27 PM GMT+8

2006 年 3 月 1 日 星期三 【乍雨乍晴】

返9:00學真係好辛苦,因又凍又要起身!!

break去o左旺角食米線,哈哈~~食到好似人地都認得咁啦~~之後上埋個一個鐘架B172F就放學,咁就又一day啦...........

放學行o左一震旺角,就回家,回到家就昏迷o左係張床到,但不斷架電話響,最後都係冇瞓o左咁>_<"

哩個星期好似返學鋤弟同打羽球之外,都好似冇咩做過咁,好鬼死hea~~

死啦......好多野都想買,但又要儲$$去日本~~好矛盾哦>m<"

亞mo:二宮?_?唉.....我都希望佢加油哦!!

>>March 2, 2006 at 11:46:28 AM GMT+8

2006 年 2 月 28 日 星期二 【乍雨乍晴】

今日又係返一個鐘架lecture放3個鐘break,所以我地係旺角食完飯之後,就返o左去打羽球(連續兩日都打^.^好健康!!)之後又上多一個鐘架tutorial就放學~~

放學諗住去問點樣先知自己架GPA,但竟然係個答案係"我地學校係冇計GPA"嘩....當時我地個個都呆晒,但佢真係咁答我地,咁冇野好講啦!!

english今日終於有result啦,嘩...哩個真係奇蹟地攞PASS 4.........所以今次考試係ALL PASS,可喜可賀啦^_^

<-----今日收到eugene架e-mail,真係嚇一嚇,但好開心,亦同時諗二宮你架地位又再度比人動搖啦~~

>>March 1, 2006 at 12:35:23 PM GMT+8

2006 年 2 月 27 日 星期一 【雨】

今日勁凍,比我預期架還要凍~~所以係著唔夠衫架>_<"

上marketing lecture之後去o左KFC到食野,好飽~~接著上B172F lecture,oh~~好鬼死悶,悶到我周圍搵人陪我玩~~

又係放break架時候,我地先去o左computer lab.到print management assignment,1800字架management終於完成啦~~點都好都要真係辛苦晒抄藤同亞筠啦^.^接住我地去o左打羽毛球~~打完又要上english,但我地一如以住買晒野食咁去上堂架^.^"激死andrew佢,今個sem我覺得andrew佢好人o左好多,唔知係咪我地曳得黎都會上佢堂呢?_?雖然佢教書都真係一般,但我地都係懶惰的一群,所以都唔可以怪晒佢!!

今年2006年2月都已經圓滿結束啦,, 踏入3月所有時間都變得走得很快,今年的year 1仲只有2個月多D就完啦,其實心想今個sem 2好似都冇咩認真上過堂,都係要靠自己溫返D notes啦>_<"如果唔係都唔知點考試好,咁快就想到考試了,証明我的冇信心及焦慮症一點都沒有痊癒>m<"

<----今日冇意間睇有惜日哩張北海道地圖,還記得當時架情景,心中不禁暗暗地笑起來^_^你們還記得嗎?_?

王小均:我個いちごbackgroud真的好多謝你架幫助,將白色變做黑色!!同我想其他的讀者好似已經睇了女版的"斷背山"了("斷背山"熱)

>>February 28, 2006 at 1:59:17 PM GMT+8

2006 年 2 月 26 日 星期日 【微冷】

今日起身時十點半,嘩....以為自己已經遲到,點知記錯o左自己返十點,其實係返十一點,anyway都係遲到架~~

上management lecture時,玩o左一個鐘,早走o左一個鐘,呵呵,即冇上過堂就走o左啦,壞學生^.^"點都好,都係時候要追返D野啦~~

之後我地去o左旺角食米線~~之後就行o左一震旺角就返屋企啦~~

晚上,突然番風又落雨,變得勁凍~~哎呀,我D厚褸洗晒啦,所以冇褸著啦>m<"

<-----------旺角必飲$6"杧椰"係成成架推介~~

>>February 27, 2006 at 12:35:06 PM GMT+8

2006 年 2 月 25 日 星期六 【晴】

今日同O左靚媽去o左花墟到行,買o左D花返屋企插~~本來想買盆繡球花,但靚媽話太大屋企冇位擺,所以冇買~~真係好靚架^.^由於本人喜歡素色架花,例如:桔梗、繡球花,但百合係我架死敵,因佢會令我升鼻敏感發作>m<"

之後我先回家,而家kwan上o左我家,等我一齊去葵芳睇今晚個show,我地先行o左一震葵芳,之後會合埋smile就一齊去睇show啦,今日個show緊係有smile架至愛梁浩賢先生啦,仲有周國賢,方大同,at17,薛凱琪,胡琳同kenny~~我仲同方大同影o左相添^_^

睇完show我同亞kwan佢繼續係葵芳到shopping,之後交唔多十點到就走啦!!

死啦,而家買衫買到個衣櫃唔夠放啦>_<"

亞均:夠啦!!我怕其他架讀者會吐我們的糟~~

<---桔梗............風順子---->

>>February 26, 2006 at 3:30:31 PM GMT+8

2006 年 2 月 24 日 星期五 【微冷】

今日返工--->之後去o左搵聰聰攞野,多謝聰聰的迪士尼手信哦,其實上次亞哥去迪士尼都有買手信比我呀,好彩冇重複啫^_^

之後去o左sogo到接王小mo放工,我地一齊去o左食車仔麵,好味^.^同ymca鄰近個間一樣咁好食~~接住我地就行sogo架supermarket,哎呀.....一行就買o左好多野啦,因為又有士多啤梨架零食>_<"突然想起士多啤梨(いちご)都出o左好多野,但只係未出過士多啤梨味架薯片(諗起都好似怪怪地咁~~)除o左有出"圖"蝦多~~

<-------今日又再次敗係いちご手上,買いちご架野零食,食到下年都未食完!!

王均均:對!!你唔係唔知我不嬲都對你(いちご)係喜歡到不得了的嗎?_?

>>February 25, 2006 at 12:56:00 PM GMT+8

2006 年 2 月 23 日 星期四 【晴】

今日改o左個日記brackgroud啦~~幾靚^_^


晏晝返o左去OU到交功課,好野,咁就搞掂o左兩樣啦,只差management啫,之後同亞kwan佢係到傾management.....都叫做傾過下啦~~不過死抄藤真係比佢激死,好似唔想做咁,差D激起我把火(其實有邊個想做呀,下個星期二就要交啦~~唔通成組一齊死咩!!)

之後我地去o左食tea,食完都掛住鋤dee同uno,就六點走啦~~

<--------今日比いちご佢呃o左,因我花o左差唔多成百蚊買佢架零食,太好味啦,但會肥死^_^"　いちごはとてもおいしい～～＞。＜

>>February 24, 2006 at 1:03:51 PM GMT+8

2006 年 2 月 22 日 星期三 【微冷】

今日本來好開心以為自己做完晒份marketing assignment,但點知........發現自己做少o左樣野,搞到空歡喜一場>_<"所以今日放學都啦啦聲回家做埋去,好彩只係加野,唔係全部要改~~不過都死,因爆字數~~唉....做完marketing assignment之後,又要做management assignment啦.....今次仲死要2000字,係呀,我冇打多呀~~但好彩係group做!!

放學去o左旅行社到問一D去大阪架野,去o左上次同王小mo睇到$1660大阪來回機票個間,點知我問完個個人,佢比o左張卡片我,同我講7月個D價要4月到先有,叫我4月打去問下,點知我一睇個個人架名,嘩.....同我亞哥個個名係一樣架,仲要寫法都係一樣架下先驚,睇到即時打個突!!

今日靚媽終於由海南島返來啦,我終於脫離又要做assignment又要做housework架日子啦,可以舒服地過啦~~

櫻并嫂:哈哈~~我都咁話呀,識o左你咁耐第一次比咁多人話我地似,仲要比你個fd認錯~~証明你同你老公有夫妻相囉^_^

>>February 23, 2006 at 4:24:15 PM GMT+8