2007 年 9 月 11 日 星期二 【晴】

又係返學....今日返9:00....遲到,係正常架,不過今次係教錯鬧鐘,所以8:20先起身>_<"

9:30先返到學校,上marketing planning & strategy tutorial,好似又係幾好玩架科目....可能又係個tutor講野搞笑啦~~

之後.....3個鐘break....以為會好難過,但點知左搞搞,右搞搞....都差唔多時間,又係食飯,所以一行10人去o左旺角....但點知度度都未開....搵食都行o左好幾間,最後食o左「走私雞米線」.....我地係咁叫人地添醬,添o左勁多^_^

上marketing planning & strategy lecture(係呀,一日上晒同一科架堂)oh~~no>_<"又係個巫婆lecturer....救命,service marketing又係佢,真係一個星期見足佢四日,仲要次次都要聽佢講幾個鐘難聽架英文,真係對佢多過對屋企人(T_T)

3:00放學....一齊去o左行旺角.....接住去o左佐敦買書,唉....textbook.....重到死!!

>>September 12, 2007 at 2:25:18 PM GMT+8

2007 年 9 月 10 日 星期一 【晴】

今日返o左去幫thomas手.....因為佢唔係度,所以都冇咩野做~~

晏晝返學....又係上services marketing lecture....今日仲要係2個鐘,所以搞到勁眼瞓,上完哩堂,就有1個鐘break,咁走去買書,點知....哇....買唔齊,咁多人買書架!! 5本,仲差2本....不過都好貴,買成千幾蚊書~~最後一堂係5:00 ~ 6:00....marketing communication,哩科好似好好玩咁,係講點樣做promotion....終於有科好似有D興趣架啦~~

哩兩日都只係返學.....比起之後返「太空工作」感覺好似好hea咁....一D壓力都冇,証明讀書都真係好好!!

P.S.哎呀....個旅遊日記打o左咁耐,都只係打o左3日咋,仲有5日未打>_<"

>>September 11, 2007 at 3:37:44 PM GMT+8

2007 年 9 月 9 日 星期日 【晴】

開學啦~~最後一年架學生生涯!!

lunch約o左KEC太空站工作人員,一齊食飯~~之後,先正式去返學

今日第一堂係2:00....一返到去OU門口....發現勁多人要去搭lift,仲要係排隊,都真係顛架!!點解OU一年比一年多人....但學校只係同一楝!!同原來我地商科學院,被李兆基買o左,所以就黎改名做「李兆基商科學院」

第一堂上financial management....原來係一科要計數架科目~~之後,又要上services marketing lecture.....哇...哩科仲死....全程講英文,仲要D英文勁難聽....搞度都冇咩心機上,5:00放學!!今日都唔知返咩學架,返3個鐘就走人啦~~仲要唔知佢講咩!!

放學,約o左亞豪比野佢,仲行o左一震街,之後就要去銅鑼灣,同「太空工作人員」食飯~~哈哈....今日見到好多「太空工作人員」有jerry、tony、ricky、fion、sheeta、carmen、hei、emily、raymond

>>September 10, 2007 at 4:00:04 PM GMT+8

2007 年 9 月 8 日 星期六 【晴】

今日全日都係瞓覺....執野.....打日記....upload相.....忙到嘔!!

明天要返學啦!!

>>September 9, 2007 at 9:50:25 AM GMT+8

2007 年 9 月 7 日 星期五 【晴】

終於返香港啦~~

我地拉住個好重....好重....架喼,由酒店出發去搭車去機場,初初都好平常咁拉去車站....但點知一到要上月台個時,就發現係有lift搭架,電梯都冇,只有樓梯!!我地見到咁架情況時,即時大叫.....下.....最後都冇辦法,為有抬上去吧!!足足抬o左成2分幾鐘先到月台,到o左月台,上車.....但又要係度諗要係邊個站轉車.....係要東京駅轉車,好彩,我地今次係有lift搭架~~不過要搵轉車個個月台,都搵o左一段時間,但當搵到架時候,又發現好似冇我地要搭架車咁....只有貴車去機場,但我地只係買o左平價飛,以當時已經係11點啦~~好彩最後我地要搭個架平車,係11點多有得搭....足足搭o左成1個多小時,先到機場,去到都已經約1點啦~~check-in時間,係1:15.....

check-in完,就去食個lunch....M記.....食o左個一般架包....個包係期間限定,只係中秋節哩段時間先有,仲要個感覺有D似食豬柳蛋漢堡,我太掛住香港啦!!

搭o左4個小時飛機,終於返到香港啦~~

返到屋企.....已經好攰啦!!

P.S.昨天有D發燒,可能淋雨後,不過都退了,但今天架鼻水長流,苦不堪言!!



>>September 13, 2007 at 4:22:58 PM GMT+8

2007 年 9 月 6 日 星期四 【暴雨】

打完風啦~~

Sanrio Puroland....即係hello kitty land.....初時,去到以為佢冇開門,好彩都有!!証明打風,影響唔係好大~~入到去就見到好多公仔啦,有kitty dad、XO、XO女朋友、鴨仔等卡通人物....不過最重要係見到,我心愛架kerokerokeroppi......仲可以同佢合照哦,勁開心!!係哩個樂玩勁細,同玩架遊戲都唔啱大人玩架,所以都只係睇下show,同公仔影下相,咁就完啦~~

玩完之後,我地開始係玩蓋「車站紀念印」由山手線開始.....蓋o左一震,就放棄啦,因有點眼瞓,同坐車坐到攰,最後經點數之後,我地係哩8日架行程,足足蓋o左三十幾個「車站紀念印」.....証明我地都搭o左好多次車了!!

今日最後架行程係,返新宿食飯,不過行o左好耐,找到間又平又好味架,食o左個滑蛋豬排飯,好味,食到飽飽都係三十幾蚊港幣!! 好早就返酒店,開電視睇music station & 貧窮貴公子....oh~~二宮和也呀!!同要執行理明天返香港,終於返港啦!!









>>September 13, 2007 at 3:59:37 PM GMT+8

2007 年 9 月 5 日 星期三 【驟雨】

一早搭車去o左橫濱,哇...落晒雨,同又大風~~

去o左八景島Sea Paradise....本來個度係好多野玩架,但由於天氣惡劣架關係,戶外架設施全部都關閉,最後只係行o左Aqua Museum,哩個水族館比大阪個個差DD.....不過有好多海豚睇,當睇海豚表演時,就諗起之前睇過一條片係話日本人點樣殘殺海豚....諗起都傷心!!

當走架時候,發現勁大風,再去到車站前,睇先知9號颱風已經打到去東京啦~~所以之後架行程都除消o左,要回酒店啦~~當搭JR回新宿架時候,成程車都迫到死,令我諗起上次香港打風,太子站架情況~~出o左車站,又大風,大雨,拎傘同冇拎係冇咩分特,所以最後成程路都冇拎過,同行o左去吉野家買o左個「豚肉飯」...都幾好味!!

P.S.颱風著陸東京架時候,M到亦同時抵達!!痛到瞓唔到>_<"點解次次去旅行都會咁架!!






>>September 13, 2007 at 3:37:57 PM GMT+8

2007 年 9 月 4 日 星期二 【雨】

今日終於唔洗趕行程啦~~我地先搭車去o左三鷹駅,再轉巴士去「三鷹の森ジブリ美術館」係一個宮崎駿架美術館!!好快就去到啦....哇....門口都好靚啦,同去哩個美術館係要預先買飛,係冇得即場買架,同一日只有4場,入場時間~~真係入到去啦....哇....哇....哇...哇...勁靚......成坐建築物,都係木製品,同玻璃窗,D玻璃窗係有龍貓個樣架^_^係個美術館入面,有條好長架樓梯,可以由地下通到最高架3樓,再行出去3樓架露台,又行多一條長長樓梯,去到天台,就會見到風之谷架機械人啦~~成個美術館都好靚,裝修靚,氣氛又好....連個廁所都靚過人!!同宮崎駿開哩個美術館唔止係展示佢D動畫,亦都介紹o左動畫架製作係點~~宮崎駿太愛動畫啦!!

行完之後,就去o左淺草雷門、淺草寺....一出車站門口,就有D鍾意哩個地方,因為好平静,唔多人架,一個地方....未行到雷門,已經有拉人力車架黎拉客~~之後我地企係度影相架時候,又同o左D拉人力車架日本仔,傾o左一震計,初初用日文的,原來其中有一個係大學時主修漢語,所以最後都係用普通話,哈哈~~同佢D普通話都ok架~~行過o左雷門,就係仲見世逍商店街,再過埋哩條街,就到淺草寺,入去拜神、求簽,同教o左外國人點樣求簽~~唉...我求到支凶....>_<"求完簽,行返去仲見世通商店街,哎呀~~咩都好似幾好,幾靚咁....個度係最好買手信架地方,所以買到成手野,即刻窮晒!!

夜晚,去o左台場睇夜景,見下彩虹橋、自由神像,又行o左去富士電視台、台場一丁目商店街、台場小香港....係小香港個度都真係好搞笑,有D係香港都未見過架野,可能係個度都會見到!!

9點幾....返新宿先食dinner....再返酒店!!











>>September 13, 2007 at 3:13:24 PM GMT+8

2007 年 9 月 3 日 星期一 【晴】

Tokyo Disney我黎啦~~人生第一次去架Disneyland,就係Tokyo Disney.....所以好深刻印象!!

當搭車去到東京駅轉車時,見到好多好美味架蛋糕哦.....好貴哦,只有得個睇字(泣)搭車架時候,同o左日本小朋友ゆたくん一齊玩,佢好得意哦,係咁叫我同佢一齊睇街,最後我仲抱起佢睇街,同佢影相佢又笑得勁可愛.....好得意哦~~勁鍾意佢哦(大心)

到o左Disneyland啦....同以前都冇咩大分別,哈哈~~我地又係買高中生飛(騙子哦!!)入場啦....本來一心想同D公仔影相,但點知日本.....唔似香港咁係好有秩序咁排隊等影,係要爭住去影,最後我地都係唔夠爭,同多數D公仔係會同小朋友一齊影架~~好....我地先去o左Tomorrow Land睇o左一個3D show....唔係咁好睇o左,香港個個好睇好多!! 之後玩Buzz Lightyear's AstorBlasters,即三眼仔射槍,哈哈~~我最愛!!同香港個個一樣咁玩~~接住令o左Space Mountain架fast pass,就走o左去Toon Town,玩o左個小朋友過山車 Gadget's Go Coaster,個過山車一D都唔刺激~~之後又玩o左個係咁轉架game,玩完,就出o左去大街,坐係度等巡遊.....

坐係度等架時候,又同o左另一個日本小朋友そらくん玩,哈哈~~佢好搞笑,同佢玩到拎佢D BB野食,同埋亞媽個電話送比我.....今日好似同D小朋友好有緣咁,同見到D日本小朋友真係自由,可以周圍行....好free,好正....香港架話,一定會比D大人阻止周圍走~~睇巡遊啦....勁high...個巡遊仲要比香港個個時間長好多,同靚好多^_^睇完show就去o左玩Space Mountain,哇....又係玩到係咁笑,一D都唔驚,仲要日本哩個比香港架長同快,不過都係一樣咁唔驚!!

接住行o左去Fantasyland,排隊入去winnie the pooh屋企,足足排o左成個鐘,不過都好值得,因真係好靚,比香港個個靚好多....之後本來想玩另外架game,但點知「改善中」所以close o左!! 行o左去Western Land,終於玩個大人版架Big Thunder Mountain.....初初都以為會好驚,但點知都係一D都唔驚,咁証明Disneyland係冇刺激架game玩~~

係Tokyo Disneyland係有夜晚架巡遊,勁靚,所有巡遊車都用晒細燈仔包住....好靚,睇到好入神,仲要相機影度冇晒電!!睇完哩個巡遊,竟然會有埋煙花睇,oh~~Tokyo Disneyland真係好好玩啦~~又係玩到唔想走,不過真係要走架時候,突然落好大雨....所以好多人都一齊留o左係個World Bazaar....今日都真係大出血啦....係Disneyland買o左好多野咁哦!!

搭車回酒店架時候,見到有人係車站到鬧交.....上次係大阪街頭到都見過2次!!

P.S.日本女仔真係勁啦~~去邊度都會著高跟鞋.....包括埋去任何一個樂園,排成個鐘隊,都係一樣,面不改容咁著住佢架高跟鞋!!同佢地個妝係有幾熱、幾大雨、幾大風,係唔會溶架,都唔係咪D化妝品已經食入o左佢地架皮膚入面啦!!
















>>September 12, 2007 at 3:31:44 PM GMT+8

2007 年 9 月 2 日 星期日 【晴】

向富士山---->出發.....不過足足搭o左2個鐘車,仲轉搭o左架成架都係thomas架車,先去到....富士急highland,入到去....呀.....細過香港迪士尼.....仲要冇咩人去玩,同玩咩都要另外比錢,最可怕個個fujiyama過山車,我地又唔會玩,因真係勁驚咁哦!!最慘係諗住都會坐下摩天輪,點知定期檢驗(妖) 所以係入面都係影下相,係thomas land到影相....留o左係個樂園到半個鐘到就走啦....有D覺得浪費o左入場費咁>_<"

之後,本來係去hello kitty land,但時間架問題,所以轉去o左高尾山口駅架トリッワアート美術館,係一個錯覺美術館....裡面所有野都係平面來的,但當影相之後,就好似變o左真咁樣啦!!由車站行去美術館架時候,沿路都好舊,同有好多蜘蛛網.....(驚)當我地見到咁架情況架時候,就啦啦聲行,點知....突然有隻野跌o左係我手到....即刻大叫o左出黎,原來係一隻甲蟲,勁驚>_<"係哩度一個香港人都冇,全都係日本先會去玩,勁好~~仲要係個度唔止係影個D錯覺相,仲有得玩迷宮咁,不過係要自己搵個秘密架門口,上2樓!!足足係個度玩o左成個幾鐘,都冇咩人行,所以工作人員都同我地玩埋一份,玩到五點幾先走~~

接住搭o左好耐車,因為我地搭o左架「各停」,咩站都停,最後用o左成個鐘先去到池袋~~去到架時候,行o左好耐先找到sega GIGO,係入面影o左個貼紙相,真係好平!! 同食o左個好好味架拉麵,係糖心蛋呀....好味到暈^_^走架時候,係車站鄰近都有人係度街頭唱歌.....都係好聽架!!

今日十二點前都返到新宿.....睇o左嵐の宿題~~

P.S.發夢自己返o左香港.....哎呀...証明我好掛住香港哦!!













>>September 11, 2007 at 3:32:01 PM GMT+8