2007 年 2 月 1 日 星期四 【晴】

返工.....今日本來大家都好開心係度講新年後去邊度玩.....點知"外星人"返o左黎搞到咩氣氛都冇晒,最慘係個個都比佢鬧,唔可以係公司大聲講野,好彩我被過一却!!

放工,就要返學啦~~今日要investment present.....初初都以為好簡單,但點知....都唔係架,係咁比人問野搞度口震震~~不過都順利完成,同present完架感覺係咩assignment都做完咁,其實唔係,只係finish o左第一份assignment....唉~~

>>February 2, 2007 at 1:03:42 PM GMT+8

2007 年 1 月 31 日 星期三 【晴】

返學....返工....個個星期都係咁樣過.....好悶~~

返工要對住電腦,返屋企,做功課又要對住電腦....對到眼都澀>_<"

2月啦....好快就新年啦.....要努力收多D利是....儲錢^_^

另一方面,仲有2個幾月,又要exam....唉...岩岩過o左account哩關,仲要過埋econ個關...先可以講:上個sem.平安過度>_<" 快D暑假啦(sem.2冇幾耐就諗暑假啦~~)

>>February 1, 2007 at 12:10:48 PM GMT+8

2007 年 1 月 30 日 星期二 【晴】

昨天成日瞓得唔好,仲發o左個惡夢係關於細佬架.....(驚)

早上就帶o左細佬去獸醫到....唉...點解要我一個人帶佢去~~見住姑娘帶佢入去時,個心就忐忑不安啦~~情緒仲有D失控,搭車時,搞到眼濕濕.....真係好擔心~~

之後就返學上b law....返完就又要返工啦~~返工時,仲心情晃忽....差D做錯野~~約5:00獸醫打來同我講,可以接返細佬返屋企啦(太好啦)咁就啦啦聲收工去接細佬.....

去到獸醫診所時,姑娘講細佬細健康,冇生石,今次只係同佢做o左絕育手術....好彩~~不過,我一見到細佬時,就覺得佢好痛....搞到我都好痛.....唉....希望佢快D冇事啦!!

P.S.經過今次件事,原來我係咁軟弱....

>>January 31, 2007 at 11:56:46 AM GMT+8

2007 年 1 月 29 日 星期一 【颳風】

今日早o左返學校,就係為o左傾investment....同食OU club架煎蛋免牛飯,$15...加埋熱飲都係$19....又抵又好食^_^

又係時候上堂啦,今日又係一個 lecutre day,上完investment(其實都唔知自己返去上哩堂做咩,但自己又走去返哦~~)之後就上b law....同以往一樣,吹水架部份,係多過講書架部份架~~

放學,去o左搵靚媽,行o左一震旺角,食埋個飯就返屋企啦~~

哎呀....又係時候,要做assignment啦.....唉.....唔想做呀~~

P.S.明天就係細佬做手術架大日子啦....真係好擔心,希望佢好快就可以返屋企~~

>>January 30, 2007 at 1:53:57 PM GMT+8

2007 年 1 月 28 日 星期日 【颳風】

今日係忙架一日....早上9點就要返學....咁早,真係眼光光....個腦都仲未清醒~~

放學,去o左尖沙咀整理一下,剪、焗油、染黑....我個三千條煩惱絲,點知benny唔係度,咁就事但搵o左個整,但點知整完就怒氣,係我人生中最怒氣架一次剪頭髮!! 本來都覺得佢剪得唔好,都唔緊要,因我D頭髮會長的,但係個髮型師一路都冇問我點剪前面D頭髮,就自把自為咁同我剪啦,好彩我都仲叫得住佢,如果唔係都真係出事啦~~

但當我叫住佢前面唔好剪齊,我要分界時,因我個頭不嬲都有條死界,係點都整唔走的,如果要剪齊架話,好快就會打回完型,就好樣衰架啦,點知我同佢講完哩番話架時候,佢竟然同我講:我而家又可以幫你吹到唔分界,咁你係屋企就唔可以架啦.....有冇搞錯,大佬你係髮型師,一定有方法整到架,但我唔係嘛,同最重要係長返之後會樣衰嘛!! 最後,我就大約同佢講係點樣,點知佢仲要講多2句,我只係好悔氣咁同佢講:冇野啦,你剪啦~~點知,佢竟然將把梳,"隊"比我,同我講:一係你分一次比我睇啦....哇....咩態度!!老實講,我只係要你幫我修下佢啫,你都搞成咁.....當時真係好想係個髮型鋪到大聲講:你咩態度呀~~真係未試過剪頭髮,剪到咁激氣架,佢剪得差唔緊要,但態度差係好緊要!!

剪完髮,要去嫲嫲家到食飯(係呀...又係返何文田啦,搞度好似住係何文田咁~~)因今日係堂妹曉瑩2歲生日,但其實我唔係咁鍾意佢,因佢比人寵壞,冇人打佢架!!食飯又唔會坐定定,係要周圍走,見到都炆~~

>>January 29, 2007 at 2:41:32 PM GMT+8

2007 年 1 月 27 日 星期六 【晴】

今日星期日......一早起身....做咩好呢?_?做account?_?係睇o左"詹瑞文單人匹馬" & "妄想"....本來以為"詹瑞文"幾好睇,但其實係冇想像中咁好睇,可能套野都成3年前架啦~~反而"妄想"比我想像中好睇....劇情勁好睇,同一D都唔恐怖.....睇完2套野都渡過o左我架下午啦~~

又係時候,準備出門口去公公屋企慶祝生日(係呀,又係返何文田呀~~)十幾個親戚聚集係公公屋企到.....雖然地方好細,不過大家熱熱鬧鬧、開開心心咁食o左一餐家常便飯,都幾好呀^_^其實公公幾多歲都真係唔記得啦,唔知佢有冇九十歲呢?_?一定有八十尾架啦~~同埋睇到D表姨甥個個都大個啦....最細個個都小二啦~~感覺自己好老添,好彩同佢地都冇代溝啫,因我思想低B,嘿嘿^_^"

P.S.突然...想起re-sit架事(灰)....唉...我諗都差唔多要知架啦>_<

>>January 28, 2007 at 3:39:16 PM GMT+8

2007 年 1 月 26 日 星期五 【晴】

早上返工.....好hea.....

晏就返屋企...繼續hea....睇下電視(終於有時間睇電視啦....不過平時都唔知點解會忙到睇唔到電視~~)又睇下日劇.....咁又一DAY啦~~

全日做過D咩....我都唔知自己做過D咩咁~~

P.S.收到豬珩架MSN....sunny is gone.....因老了....難道真係要送狗迎豬嗎?_?不要....不要...真的送狗迎豬~~

>>January 28, 2007 at 3:59:19 AM GMT+8

2007 年 1 月 25 日 星期四 【晴】

今日早上返工....好開心哦...食到同事親手整架花生糯米「磁」,等o左成年....終於食到啦,因真係好好味架,我一共食o左4粒,好味^_^

放工,約o左亞蛋、toby、phoenix(即西安之旅架團友,尚欠亞hing)早返學校,交換相~~又要去上堂啦~~investment tutorial個亞sir.....真係.....吹水.....吹到唔知自己講咩咁~~悶到爆!!之後又上埋account tutorial....六點多放學,咁又一DAY啦~~

細佬book o左星期三要做手術啦....心情平靜得黎,又好緊張....好矛盾~~

P.S.近日很希望身邊的所有人都生活得快快樂樂.....見到人地開心時,我都會開心的哦!!

>>January 26, 2007 at 12:59:57 PM GMT+8

2007 年 1 月 24 日 星期三 【晴】

櫻井翔生日.....happy birthday....唔知二宮會送咩比佢呢^_^

今日返學就係上2個半鐘架account lecture.....哩堂hea住咁教,我就hea住咁上~~之後又係要返工....

其實都唔係好知今日做過D咩咁....今個sem.好hea咁....係D上堂時間好hea....令到人心情都好hea.....好似而家,我就係公司到打日記啦....

去完旅行,睇下自己個戶口發現係超x100 窮......唉....次次去完旅行,返到香港都係好窮,做乞衣女~~要慳....要係新年努力一番!!

>>January 25, 2007 at 9:30:30 AM GMT+8

2007 年 1 月 23 日 星期二 【晴】

星期三.....只係返一堂b law tutorial架日子.....之後就去返工.....都係唔係好忙,又係hea hea下咁....

放工,約o左aemi & 莊生聚聚舊....成年冇見,由其係莊生....由紐西蘭回來,如果豬珩返埋黎就最好不過啦~~係朗豪坊食味千,一食就食o左3個幾鐘(誇)傾到人地收鋪都唔捨得走....真係好耐冇見,有好多野講~~雖然,外表睇黎大家冇變咁,但其實大家都變o左好多,例如:大家都變得忙o左,心靈上大家都變得成熟很多,會變得是說將來架人,唔在好似以前咁,只看現在~~

最後十二點先返到屋企,好攰~~

細佬架驗尿報告出o左啦....驗到佢有精體.....睇黎都唔係D咩好野,不過佢都係逃避唔到要做手術....不過係大手術定小手術,又要再check清楚.....唉......想起要佢受哩D痛楚,我就好心痛,又擔心(泣)

>>January 25, 2007 at 1:53:38 AM GMT+8