2007 年 7 月 21 日 星期六 【晴】

本來今日諗住去睇清明上河圖....點知一去到尖沙咀...排晒隊,仲要係賣晒飛,所以走o左去搭船去書展(嘿嘿..又去了!!)

去到書展勁多人....好彩今次只係行上次未行個2個hall(其實上次只係行o左一個hall咋!!)仲要早場只係$10,上次夜晚去要$25...貴勁多!!

入到去又係檔檔都睇下....又買下書,今次入去最顛架係買o左一套架鹿鼎記 & harry potter...差唔多洗o左成千蚊去買書...哇...人都顛!!

之後,揸車去太古...食下野,行o左一震吉之島,就番屋企hea下,先再揸車去沙田搵亞哥佢地一齊去火炭,食雞粥~~

P.S.揸車都真係好危險,由其cut線架時候,差D 2次都撞...好彩最後都冇事,自己都一額汗>n<"

>>July 24, 2007 at 12:57:27 PM GMT+8

2007 年 7 月 20 日 星期五 【晴】

星期六,又係唔洗返space...其實我好似只係返過一次星期六咁多....其餘架都冇返過~~

不過今日都要返尖沙咀...幫james手...又係好hea...放工冇野做,都係回家繼續hea下去!!

>>July 24, 2007 at 12:56:18 PM GMT+8

2007 年 7 月 19 日 星期四 【晴】

今日係filing room,好似都做過filing架野,差唔多成個上午都係到plan去日本的事情....

同又係玩filing櫃,今次我地仲顛到將filing櫃,變o左做「機動遊戲」,先係腳要踏上個「碌碌」filing櫃,之後碌到差唔多要夾死自己咁滯

接住外面的人,要突然勁快咁碌番開去,被夾架人會突然被鬆開,加上速度都ok架時候,就感覺到好似幾好玩咁(爆笑)

看...我們這群無聊架tem.個個都係大學生,但走去玩埋晒,哩D咁架野!!其實之前都想過,點樣可以將自己?入個櫃到,? (顛)

玩到咁上下,又係lunch架時候...我地今次都係食12點,但明明一個鐘架lunch,都變成一個鐘多好多~~

下午,真的少少認真咁做filing架事,最後又係放工前filing晒今個星期要filing架野!!

放工,由「天堂」九龍灣去o左「地獄」灣仔,本來係一心係去書展的,但由於係「地獄」工作架tem.同事個個都要OT

所以等到成7點半先可以去書展,仲要其實係得3個人去,有我、tony、亞豪...係書展入面勁撞到人,不過都係space架tem.多

而入到書展,tony & me,係勁睇書....仲要差唔多每個檔都睇好耐~~所以行到成十一點多都未行晒,只係行o左最大個個hall...

唉...其實仲想買書架,但...都係冇時間再行下去~~

差唔多成12點多,先返到屋企!!

>>July 24, 2007 at 12:56:03 PM GMT+8

2007 年 7 月 18 日 星期三 【晴】

開工前先食個早餐....點知比大佬細見到,不過佢都唔識我地,所以冇直接話我地~~

約十點先正式開工!!今日又係摺信...摺到好?,因差唔多全日都係坐係度,連lunch都係叫外賣(今日好似係最勤力架一日^_^")

好野,終於係收工前完成晒摺信哩件事啦,所以又回到我地到filing room....hea住等收工!!

放工,約o左MEPK...老地方「旺角」,次次都係我同王均均最早到...今次最遲架唔再係大家姐啦,係王小mo~~

我地先去食米線,哇...4個都好白痴,先係我同大家姐,都發覺中小辣係好鬼辣..所以今到好想死!!

之後到王小mo同王均均,2人都係食涼伴米線,點知王均均叫o左唔辣都覺得辣,王小mo就覺得多到食唔晒~~

最後4個都食o左一餐幾辛苦架米線!!

飯後,就係「指定動作」架時候啦~~完成晒所有儀式之後,都成十點多了,大家明天都要返工,所以都回家去啦!!

P.S.今日揀group,哇...D時間唔知想點咁,都唔知係叫做好,定叫做唔好,anyway...thx donald 幫我揀^_^

>>July 24, 2007 at 12:55:26 PM GMT+8

2007 年 7 月 17 日 星期二 【晴】

今日唔洗filing啦....不過變o左做摺信....一整日足足摺o左成5百幾封有多....真係摺到手都攰,眼都瞎!!最慘係唔似之前咁...可以好hea咁去做....

死啦....開始hea慣,搞到做多o左少少野都好似好辛苦咁~~

>>July 18, 2007 at 12:26:52 PM GMT+8

2007 年 7 月 16 日 星期一 【晴】

今日又係做filing....當大家都以為filing係好悶架野架時候,我就覺得唔太係啦,由其係九龍灣架SPACE到filing....因為我地3個人一齊係filing room到玩到飛起,本來早上都好好地架,都幾認真咁去做野架,lunch之前,我地hea住係度諗食咩,最後都係去o左吉野家到食~~

當lunch之後,嘿嘿....大家都就唔同晒啦,係咁玩D filing 櫃,一路玩一路做....又係度扮比filing櫃夾、又話D filing 櫃可以當"碌架床"咁係度瞓....3個人勁白痴!!足足又玩o左大半日~~

玩完,準時收工,九龍灣D人好到係咁叫我地準時收工!!

>>July 17, 2007 at 12:30:47 PM GMT+8

2007 年 7 月 15 日 星期日 【晴】

第一日返九龍灣架SPACE....初初都唔知係會點....但點知發現係一個天堂...遲到冇人鬧、只係坐係間filing room到filing下....但都係hea住咁filing...

lunch仲好...足足食o左成1個半小時....都冇人理,又可以準時收工,D filing唔趕,可以慢慢整~~

最重要係又唔洗對住「MR.俺尖」同「MS陰濕」、又唔洗聽電話、又唔洗入form....

只希望哩個天堂時間,可以至到我約滿為止啦~~

>>July 16, 2007 at 11:13:29 AM GMT+8

2007 年 7 月 14 日 星期六 【晴】

今日又係揸車架日子....上次由屋企揸到去長沙灣,今次就由屋企去到沙田.....係沙田shopping一震,食o左spaghetti house.....靚媽入到去一聽到佢熟識架英文歌,就好似變o左個「鬼婆」咁(大家別誤會,靚媽係識英文,其實佢一D英文都唔識,只係鍾意聽英文歌咋!!)食埋D意粉之後,仲似....因勁岩佢胃口~~最後我同亞爸係度研究佢應該係歐洲人...因以下架名佢都識讀晒:spaghetti house、haagen dazs、double star、delifrance,大家記住,佢係一個學歷唔高、英文都唔識架師奶,但竟然哩D咁架法文、英文都可以讀到晒,勁呀!!


離開沙田...遊o左一震車河....入大埔,就返屋企啦...哇...揸車係好攰架事,由於精神要好專心係揸車哩件事到,所以令到成個人都肌肉都好攰.....

夜晚,又係我煮飯架時候,又整o左muffins....又熱又攰....今日變o左做工作日~~

P.S.今日食o左好貴架GODIVA架朱古力....勁好味~~但太貴了!!

>>July 15, 2007 at 12:38:51 PM GMT+8

2007 年 7 月 13 日 星期五 【晴】

返工....又係返尖沙咀,不過今日係幫james....(哈哈~~身兼多職...但點解都仲係咁窮>_<")今日整個人架心情都好hea....好唔想做野,做到一半james都見到我好hea...所以比我早走...

晏晝,同o左八婆行街,至從返o左SPACE之後,好似好耐冇見過好多人,同好似又冇晒自己D時間,連shopping架心情都唔係好有咁....唉...返工,返到人都顛>n<"

仲有1個半月,就可以唔洗返工啦~~又係去旅行架時候...嘿嘿....突然覺得自己係為去旅行,先去返工,如果唔係都唔會返....搞度自己好似去o左外國自由行咁,做野賺旅費.....(你想多o左啦....傻瓜!!)

亞蛋:原來你係我日記架忠實fans...哈哈~~多謝你,成日都有睇哦^_^我會努力打下去!! 見字的話,請留個言吧^_^

>>July 14, 2007 at 12:59:25 PM GMT+8

2007 年 7 月 12 日 星期四 【晴】

今天SPACE個度放假...不過都係要返去尖沙咀幫thomas.....哇...好多野等住我去做,所以搞度都冇咩時間.....

大約一點多,會一會kwan比野我~~thx^_^之後又去o左深水埗到拎車牌....太好了!!終於成為駕駛者啦~~

之後就返屋企啦~~但點知返到去先知,今天又係「無飯日」,最後變成了「第3世界的小朋友」捱著餓去瞓....因屋企冇野食>_<"

P.S.夜晚比亞爸捉o左我去揸車....哇~~出到大路真係有D驚,同覺得自己揸得好差....學泊L位,同R位...完全唔明,揸o左成2個幾鐘,先明白L位係點泊....死未!! 心情灰o左一半,因我都係唔太適合揸車架啦~~同都話揸車哩樣野,唔係我自己想架啦~~但有又好似會好D咁啫!!

>>July 14, 2007 at 1:14:07 PM GMT+8