2007 年 7 月 11 日 星期三 【晴】

又係好清閒架一日.....所以又係公司到游來游去....等收工~~

下星期開始,唔洗返灣仔,被調派到返九龍灣....嘿嘿(苦笑)去都未去過,完全唔識路~~不過都好....下個星期開始唔洗對住「MR.俺尖」、「MS.陰濕」等人....佢地好時,我都好,又唔洗咁忙....希望去到可以有好日子過啦~~

今日仲可以早走半個鐘之外,明天開始又放假,太好啦^_^

>>July 12, 2007 at 2:05:25 PM GMT+8

2007 年 7 月 10 日 星期二 【晴】

太好啦....今日一返到公司,係咁分晒D form比人地一齊入.....所以今日冇咩點入過....同有幾個鐘係度扮忙...嘿嘿....

其實lunch之後,就突然變得好得閒,都冇咩野做....因平時都係煩入form,而家都分晒出去做啦,所以好清閒,同「MR俺尖」見到我都有D清閒,都冇再叫我做野~~

同今日發現原來上星期六,我冇去食lunch,掛住入form....「MR俺尖」竟然係計返我一個鐘,突然太好人啦,好唔慣,同今日佢本來心情好差,但對我D態度都OK哦....所以更加可怕....算吧...唔理佢啦~~

放工返屋企,又要繼續工作,不過今次係做thomas架野,唉....身兼幾職,好鬼攰!!

>>July 11, 2007 at 12:44:49 PM GMT+8

2007 年 7 月 9 日 星期一 【晴】

今日....同平時一樣都係繼續入form.....唉...入到眼到瞎....>_<"

放工...去o左朗豪坊行....仲食o左個美味...榛子味雪糕...my lovely ^u^

dinner,去o左美心.....又再次成為「無飯學生」

P.S.今日終於出o左糧啦....可以減一減D冤氣~~

>>July 10, 2007 at 2:11:24 PM GMT+8

2007 年 7 月 8 日 星期日 【晴】

今日....「MR.俺尖」竟然同佢講早晨,佢又係有反應架....升o左職,玩親民嗎?_?之後,又努力入form....好野....終於可以係早上入晒....冇野比「MR.俺尖」煩!!

食lunch時,大家都係度講「MR.俺尖」一反常態....大家都好驚訝!!同時大家都深信,唔洗幾日,佢又會回復之前個樣架啦~~

最後,「MR俺尖」竟然又比我早走,其實都唔叫早走,因個時都6點啦,不過...真係唔係好慣人地對我太好....>_<"令到我好有不祥架預感,因為我深信「人有三衰、六旺」所以....都係唔可以放鬆陣腳...沉著應戰...比較穩陣D~~

放工之後,就啦啦聲去尖沙咀公司到....拎D野,返屋企,幫thomas整....呀...原來我返到屋企都係工作中囉....唉...鬼叫自己打2邊工(其實正確黎講係4邊,但其中james個邊,唔得閒做住>_<")

>>July 9, 2007 at 1:01:20 PM GMT+8

2007 年 7 月 7 日 星期六 【晴】

今日瞓到成點先起身....好滿足^u^

之後,就開始執房大行動,真係咩都執係咁掉野....又執埋上年個D notes.....又係咁掉.....

下晏,比亞爸同亞哥捉o左我一齊去睇2手車....先去元朗,再去九龍灣....大家都係度發緊白日夢...都係得個睇字...「買車容易,養車難」.....所以我都唔諗住買車....同都唔知點解冇啦啦去考個牌....因我都唔會點揸車架啦~~

P.S.哇....哩2日好鬼死熱....>n<"

>>July 8, 2007 at 2:51:41 PM GMT+8

2007 年 7 月 6 日 星期五 【晴】

今日要返全日工....因為昨天向「MR.俺尖」話要今日入晒D form....

一返到公司....今日得我一個tem.返工....同今日架電話又唔多人打黎,又冇咩人黎補交成績,最後都可以叫做半順利咁入好o左好多form....到lunch架時候,「MR.俺尖」竟然好好心咁提o左我2次要去食飯,但最後我都係冇食...因真係太多form要入啦~~放工前都真係入唔晒,淨o左四十幾份,到差唔多要收工架時候,「MR.俺尖」又叫我早走,因為我冇食到lunch...最後都係我5點先走....都早o左半個鐘~~

其實今日都好奇景架啦,一早返到去同「MR.俺尖」講早晨佢竟然有反應架,平時佢係唔理人.....所以我聽到佢第一句同我講返早晨架時候,真係嚇o左一跳...仲有D心寒!!冇啦啦咁好禮貌....加上今日又好好心咁叫我去食lunch,又比我早走.....(驚) 同入淨o左D form佢都冇話我,仲好好聲氣咁同我講:入唔晒算啦....星期一再入啦!!哇.....真係發生咩事,我仲以為佢個人係冷血架....同平時架「MR.俺尖」好唔同....佢好似突然良心發現,好內疚咁....不過我知道星期一返番工架時候,佢一定又會變返原形架啦!!希望唔會煩到我就可以架啦,同最近佢都好好....冇咩煩我,可能佢知我會反擊佢...嘿嘿~~

夜晚去o左銅鑼灣到食飯.....一去間叫「一生」架任食日本料理.....$198一位.....都OK好食,夠特別~~不過D壽司一般,可能我之前食過比佢好架啦!!

>>July 7, 2007 at 2:44:21 PM GMT+8

2007 年 7 月 5 日 星期四 【晴】

今日又係入form入到冇停手....不過今日冇OT到....但明天就要返足全日...唉....為o左之後有假放,都要架啦....因為我地架制度係OT只會補假...我想補錢多D~~

放工時,好多同事都好開心...因為佢地有連續2日假,但我就冇啦...不過都開心的,因為可以早走....仲開心到向「MR.俺尖」跨下海口....明天會入晒D form...佢聽到之後就好大聲同我講:如果唔得咁點先....我心諗唔得咪咁囉,唔係點呢....都冇辦法架!!

但事後諗番...死啦...如果真係唔得,真係會比人义死>_<"算吧....明天先算~~

夜晚同亞爸2個人一齊去o左九龍灣食飯,因今日靚媽要返學,所以冇飯食~~

>>July 6, 2007 at 2:39:34 PM GMT+8

2007 年 7 月 4 日 星期三 【晴】

今日又係入form入到冇停手....眼都開始朦朦地....睇唔清楚D野~~由9:00入到8:00.....中間只係有一個鐘lunch唔洗做之外,其他時間都係咁入form....入到死咁滯,個個聽到我一個人要入成2盒A4箱咁多架form都呆晒....就有人再搵我做野啦~~

點知差唔多放工架時候,「MR.俺尖」打黎去公司問我地D tem.做野做成點,哇....哩個時候,D tem.開始發顛啦....個個都黑晒面,因「MR俺尖」係咁吹人地做野,但個時都已經差唔多5:30....最後個個都要留低,除o左有事做架人可以走先~~雖然個個都要開OT....我都唔明點解「MR.俺尖」要我最遲一個tem.走....仲要我OT架原因只係入埋D唔趕架form....都唔很比我走...佢都顛架!!

最後都未又係成箱A4箱咁多架form都係冇入過....因為有太多野要做啦...跟本不能專心做一樣野!!

P.S.現在公司冤氣好深...所以咩人都唔好野係最好架啦~~

>>July 5, 2007 at 2:18:58 PM GMT+8

2007 年 7 月 3 日 星期二 【晴】

快活o左2日....今日又要返番去地獄到工作...

唉...一返到去又係食下死貓先....係咪到返工一個月,足足食o左不少死貓!!

正式開工,大把野等住我去做....真係忙到飯都唔洗食~~仲要OT到七點...點知返屋企架途中「MR.俺尖」打比我,問我唔等埋佢返....傻架,你打比我架時候都成八點啦...仲要你返到去仲要「哦」我一餐先比我走...咁樣搞得黎我咪十點先可以返屋企,所以我係半有心咁早走o左架~~同其實D野係電話到都可以講,可必要人地留低呢~~

其實係哩hku space都做o左成個月....感覺哩度一D都唔好做,受氣唔緊要,食死貓一般緊要,哈哈(苦笑)大家都有留意到我成日都係個日記到訴苦,就知幾唔好做啦.....最緊要係仲未出糧...拖糧!!

>>July 4, 2007 at 12:43:48 PM GMT+8

2007 年 7 月 2 日 星期一 【晴】

今日都係放假...但亦都係考車架大日子....唉...一早起身,都有D擔心,因為哩排都好似好黑仔咁~~

12:30先係學埋最後一個鐘架車....都係揸得一般,都仲係要比亞sir dup車話我有咩錯.....仲要又有巴士唉,咁一心都諗住今次都唔合格多架啦~~

到正式考啦...哇....勁緊張,先係考泊位、調頭,好緊張,驚泊唔到,好彩最後都成功,之後到上斜開車...都ok~~到出街啦....今次同上次考架路線唔同,今次考條易架,一路都順利,點知行到第2個圈架時候,有架大車停o左係轉彎位到,搞度要一路轉,一路cut線過佢頭....好鬼貼....勁驚會因為咁樣會唔合格,之後,返到學校架時候,轉彎架時候,又好似踩線....又勁驚!!

好彩最後叫我個名架時候,一睇初時,以為唔合格,睇多兩睇...唔係哦,係PASS o左....太好啦,差D又喊o左出黎,真係合格又喊,唔合格又喊^_^"最後周圍行去多謝人...因為我book堂係好麻煩架事,因要就我熟個個亞sir(其實一路都係識人,先去到咁遠學!!)

YEAH~~終於成為駕駛人士啦^_^

夜晚去o左citysuper到食飯,又行o左一震就返屋企啦~~

<---哩個打烏冬架伯伯...有點似ohno...(爆笑)
<----美味的鳥冬,係由ohno伯伯手打出來的哦,勁好味^_^

P.S.哎呀....昨天自己係屋企到染髮,點知....唔上色,今日又染過,但都唔係自己想要架色,唉...下次都係出去染啦,唔洗煩,仲要而家搞度個頭好似有D傷o左咁>_<"

>>July 3, 2007 at 3:02:29 PM GMT+8