2007 年 8 月 11 日 星期六 【暴雨】

今日揸車周圍遊......真係唔太鍾意揸車,因為要好傷精神,同要好用腦,我咁懶,最好想就係唔用腦啦!!

夜晚,去o左行旺角,yeah....亞爸買o左nike比我^_^好耐冇著過nike啦~~同之前D converse對對,差唔多著半年,就爆晒D邊位,落雨一定會入水.....(T_T)

<-----屋企留下架美心餅店,竟然變得如此豪華,水晶吊燈......>o<

>>August 12, 2007 at 4:11:15 PM GMT+8

2007 年 8 月 10 日 星期五 【雨】

8號風球已經過去了.....又係要返「太空」工作架時候,第一次返星期六,只係返半日,12點走得....返去到都真係唔知自己做過D咩,幫手過膠,filing o左幾張紙,仲要擺明睇報紙等收工!!

放工,食埋lunch,就返屋企hea......

其實係屋企先唔hea....又有電腦玩,又睇下書,仲要砌埋個陳年puzzle.....最重要係瞓下覺啦~~

P.S.哎呀....部電話近日又傻傻地啦~~有時會自動熄機....唉...過o左保養冇得拎去整啦,不過之前都整過好多次啦!!

>>August 11, 2007 at 3:53:22 PM GMT+8

2007 年 8 月 9 日 星期四 【驟雨】

今日一早返工遲到,見到大老細....真係大老細~~之後就調頭走......

冇野做架一天.....下晏2點幾,8號風球.....所以就啦啦聲走人....差唔多3點由公司走....但當去到太子站轉車架時候,一落車,哇....勁多人行都行唔到~~最後等o左十幾班車,成個鐘都仲未上到車~~個個都迫晒係個月台度~~

<----今年第一個8號球「帕布」

<----8號風球下的太子地鐵站~~成個月台都係等轉車架人!!

>>August 10, 2007 at 9:48:03 AM GMT+8

2007 年 8 月 8 日 星期三 【綿綿細雨】

今日好準時咁返工.....因為要幫舊生做registration.....D「太空學生」都冇咩禮貌架....同都唔明點解個個都唔識填form架,差唔多個個都填錯架!!

lunch架時候,4個tem.一齊係度玩UNO.....玩完又返去filing room到hea....不過個filing room比人用個五桶櫃,破壞o左我地個基地~~又係得我同fino 2個移個櫃去第二度,好彩今次最後都有tony忙人,個「hea人」淨係識眼定定睇住我地整....去死吧!!

放工時,我地同D full-time 講byebye時,竟然SEO同我地講:麻煩晒啦,多謝晒啦~~哇...我地心諗,好似你先係我老細哦,唔洗多謝!! KEC架人真係特別好人架啦~~

>>August 9, 2007 at 12:35:19 PM GMT+8

2007 年 8 月 7 日 星期二 【晴】

好眼瞓,瞓o左幾個鐘又要返工啦>_<"

又回復hea架一日啦......filing又做完,係度hea hea下咁....lunch又食度過晒時~~最搞笑係我地幾個坐晒係度傾計hea.....有個full-time走入黎個filing room度,見到我地係度hea....點知佢同我地講:唔好意思,想拎D野!! 超好笑,我地擺到明唔做野都冇人話,仲要同我地講「唔好意思」(顛)

今日有D好怒氣架野.....事故:有個full-time入黎叫我地幫手搵D graduate student record,但點知哩D file全部都入晒箱,咁就要搬D箱出黎睇下有冇!!「hea人」初時都好似都搬開下搵架,咁大家都一齊係度搵,點知....個「hea人」原來係度扮搵,咁佢都唔搵架時候,就要我同fion一齊搵,但記住個一箱箱野,全部都係好重架紙皮箱,一個箱起碼有廿磅以上,一個女仔係冇咩可能拎得起~~個「hea人」係企定定係度睇住我同fion係度搵,哩樣都算啦~~我地最後要將搬亂o左架箱,再搬返原位架時候,佢竟然幫都唔幫手,要我一個女仔係度搬晒,哇....真係頂.....好想同佢講:你係咪男人黎架!! 睇到人地係度搬你又唔幫手,仲要係度話自己「弱質纖纖」,咪玩啦....你不知幾「肥私大隻」最賤就係,我搬好晒架時候,佢就同我講:你出聲,叫我幫你手嘛!! 去死啦你~~死cheap精....搬到我手又損又瘀埋!!

P.S.2008年奧運,仲有1年就度啦~~雖然自己唔係好親中,但都有D緊張,同下年又可以睇奧運啦!!

>>August 8, 2007 at 1:06:01 PM GMT+8

2007 年 8 月 6 日 星期一 【綿綿細雨】

不在hea的一日.....

今日個個都好勤力咁filing.....除o左「hea人」....佢不嬲個作風都係「hea」唔會郁,所以大家都開始唔係好理佢,由佢hea飽去!!

filing完....又要做其他好白痴架野,就係將D form,由大紙箱,轉放係A4箱到,我都唔明,點解要咁做,其實照放係大箱入面唔得咩~~仲咩要搞度咁複雜咁呢??不過最後都係要做,因為叫到要做就要做架啦~~

玩完轉箱,又要玩分野....唉....分到大都顛,勁悶!!整整下,收到突如其來架摺信,哇....4點幾比成幾百封信我地摺,最後整唔晒,要6點先走得~~

放工,同o左成班同事仔一齊去唱K.....13個「太空職員」一齊唱,哈哈~~KEC、CW、AC center 全部都冇tem. OT,係度作反!! 最後十一點散人....大家都要返工,仲要明天係重要架admission day,今日仲玩,聽日個個都勁眼瞓!!

P.S. 我地又開始玩到冇野好玩,走去將個filing櫃,夾人,仲要係咁影相......

>>August 7, 2007 at 4:50:56 PM GMT+8

2007 年 8 月 5 日 星期日 【晴】

今日又要返番去KEC 13/F.....又係做filing.....不過今日多o左好多人一齊幫手filing....

全日做過D咩,就係filing....同埋去開會....都係講埋D無聊野,聽o左等於冇聽~~

放工,去o左剪頭髮....唉...有D後悔以前染黑過,因為而家想染淺D色都唔係好上色咁~~同今日剪o左成3個鐘.....benny chan真係多人搵佢剪!!

>>August 6, 2007 at 2:18:46 PM GMT+8

2007 年 8 月 4 日 星期六 【晴】

今日揸足成日車....

由荃灣---->銅鑼灣---->碧瑤灣---->大冒山---->上水---->返屋企

揸到手都軟

P.S.今日勁多警察,差D我都超速被睇快相~~

>>August 5, 2007 at 1:01:36 PM GMT+8

2007 年 8 月 3 日 星期五 【晴】

要返space架日子.....又係hea足全日....只係打電話咁又一day啦~~

今日我、tony、kit、jolle一齊幫「hea人」買飯玩到盡,竟然我地顛到叫外賣時,同人地講:「咖哩牛腩,多飯少餸,仲要係多薯仔少牛腩」鋪頭D人聽到都係咁笑,但我地又好認真,係呀....真係好認真咁玩「hea人」嘛....哈哈~~唔知我地下次顛到仲玩佢D咩呢??

同埋今日唔知點解,四點幾,就早放D人走....不過我都係揀o左冇早走,因要等埋tony一齊走....不過「hea人」一知道可以早走,就咩都唔理雞咁腳走o左,最後留守架人有我、tony、jolle、popo,仲同D staff & 老師係度傾下計咁....6點都走人....

P.S.今日係space到見到細輝,原來佢女朋友係度讀架哦~~

>>August 4, 2007 at 4:37:31 PM GMT+8

2007 年 8 月 2 日 星期四 【晴】

今日返工做過D咩??

1)睇漫畫

2)計分

3)玩電腦(勁係到睇片)

4)分SPACE assignment

5)食蛋撻(日日都係哩個tea,悶)

6)打電話(又係叫人還locker)

7)等收工

証明我今日開始,好似喜歡做咩工作,就去做咩工作,好似自己係老細咁(顛)冇人理過我係咪真係做野,定係去o左hea....所以勁自由哦!!

收工,同tony去o左行深水埗....食埋飯先返屋企!!

>>August 3, 2007 at 2:58:21 PM GMT+8