2007 年 3 月 23 日 星期五 【晴】

回南天真係好討厭....又焗、又霉、又"up"、又濕....咦呀~~好似好嘔心咁>_<"

昨晚,有隻蚊係我耳邊不停講野,先係第一次,佢講野架時候,我撥開佢,之後....佢再飛耐黎我耳邊繼續講,咁又撥開佢....點知.....佢第三次再度挑戰我極限,係我耳邊講野!! 最後,一開燈、一拍就打死o左佢!! 平時D蚊唔咬我、煩我,都懶得理佢,所以我成日比靚媽話:係間房到養蚊~~但點知今次都真係煩到我,非打死佢不可!!仲要搞度我瞓唔番先克人憎~~

今日又要返工.....做到足足一點鐘走人....之後, join埋亞mo去荃灣,先食米線,後行街,再會合埋同事carrie,一齊玩塔羅牌,連亞mo都覺得好準,仲要係carrie同亞mo只係第一次見面咋(驚)

玩完,就shopping一震,就返屋企啦~~

<---「長毛細佬」,見佢好似好得意囉,但當我要同佢梳毛架時候,我要帶口罩先ok,誇張呢....為o左鼻子及眼睛唔會敏感~~

>>March 24, 2007 at 2:27:48 PM GMT+8

2007 年 3 月 23 日 星期五 【晴】

昨天先講完,冇o左懶床....點知今日就死係佢手上......仲要遲o左成個鐘先返到學校....仲要係seminar點唔到名,好彩都冇咩事~~

lunch去o左旺角食飯....之後返o左去PC lab. hea時間.....去investment.....但冇咩人上,因個個都hea到返晒屋企(暗暗地我都想....但上次都走o左堂,所以...都係唔好啦)最後hea埋個account tutorial,就放學join埋靚媽一齊行旺角食飯&行街.....咁又一day啦~~

1) 哩2日都唔記得講....星期三個日,發現OU只係得9個人讀logistic,所以終於宣佈cut o左去,壓個9個人轉科....真可笑~~

2)今日收到「路邊社」透路,OU會係我畢業架時候,轉用GPA計算,頂....明明Yr.1問佢,佢又話唔會,到而家又話會....有點黑箱作業,因一路都冇問學生架意見,唉....咩都蝕晒啦....仲要截止而家為止,讀o左12科,已經有5科pass 4....唉~~個心都涼o左一截,如果真係要追,只有一半時間去追~~

>>March 23, 2007 at 4:37:04 PM GMT+8

2007 年 3 月 21 日 星期三 【晴】

天氣回暖,開始忘記懶床的習慣,人都變得準時返學....(大心)

返到去上account lecture....都唔知係度做咩,一時又聽佢講書,一時又要聽人present,一時又要聽番佢講時....最後早走一個鐘,陪smile買下野,咁又要返工啦~~

返到公司,第一件事係去o左「100分」到買茶餐.....食飽飽先做野...只不過坐係度print野....print咁搞掂o左一半....其餘的下次吧...嘿嘿~~

放工,約o左亞豪睇「英女皇」,先去食個飯,越南野,都幾好食....咁就行返去睇戲,差D遲到,好彩仲趕得切^_^入到去戲院入面,發現係細到....前面D人頭係啱啱好遮晒D字幕,完全係想我練 listening咁(T_T)所以我地睇睇下,就坐到好前咁去睇,咁樣先睇到D字幕~~成套戲比我想像中好睇好多,係講返戴安娜死o左之後,英女皇點樣回應哩件事~~英女皇、貝利亞、查理斯,都扮得好似.....睇完戲,行o左一震街,先返屋企~~

P.S.唔經唔覺,同亞豪都識o左就快十年啦....由中一至而家,咁多年,好似所有野都冇變.....仲好似中學時候架我地~~

kwan:佢話6個星期後,就會記信比我地架啦,我諗一個月多D就會有錢洗架啦,你都唔怕啦,小富婆,哈哈!!

>>March 22, 2007 at 4:19:08 PM GMT+8

2007 年 3 月 20 日 星期二 【晴】

星期三,好悠閒架一day.....晏返學,上一堂,hea返工....so great!!

今日交o左CEF claim form....6個星期後,銀行戶口,就會多$10,000,哇...真係想快D到~~從唱o左YEN之後架我,就勁窮啦.....開始又要「呼錢」(泣)

係時侯,要諗下暑假要做D咩啦,summer job、travel、entertainment、shopping、swimming......好多好多野想做呀~~

>>March 21, 2007 at 11:44:00 AM GMT+8

2007 年 3 月 19 日 星期一 【颳風】

一日比一日涼....由其係早上同夜晚,特別凍...搞度鼻敏感發作...真係好慘,個鼻對香水又唔得、轉天氣又唔得、仲要一但發作,就會影響到埋隻眼...好癢>_<"

返工.....好靜...但放工,同o左同事去玩塔羅牌,哇....準到飛起!!所有野都講中晒,仲要係之前我一路都冇同佢講....但佢可以知晒咁(驚)玩完就返學

一路上investment,一路做account....都唔係好識~~

P.S.哎呀....肥肉橫生.....2月新年、3月士多啤梨節,令我橫生了不少肥肉....點算?_?好想做運動...但又冇時間(路人甲:咩話,你有瘦過咩(怒))

>>March 20, 2007 at 12:33:38 PM GMT+8

2007 年 3 月 18 日 星期日 【晴】

天氣轉涼....D懶蟲又走晒出黎....所以返9點學都係遲到架~~

好似好耐冇同大家一齊食飯咁....食下lunch....鋤下dee....咁又一day...

返到屋企又要做assignment~~

>>March 20, 2007 at 12:23:43 PM GMT+8

2007 年 3 月 17 日 星期六 【晴】

<----今日手多多,整埋之前一早買落架,盒裝mix好晒架,cheese cake....好食程度一般

>----靚媽的生日蛋糕,係我好用心機整架,我愛媽媽(羞)
<----昨天5個小時架蛋糕工程,最終都真係好食,但仲可以味道重一點~~

>>March 18, 2007 at 1:17:03 PM GMT+8

2007 年 3 月 16 日 星期五 【颳風】

香港架天氣都真係傻傻地架,昨天明明講緊架係27度,今日可以係17度,可以相差成10度咁多架,好似去o左沙漠咁,早上&夜晚好冷,下午就好熱~~

今日放工同o左聰聰shopping.....oh~~太好了,買o左D新衫,因發現我有好多T-shirt都足足著o左快要3年啦....因為係貴野,所以先會著足佢咁耐,感覺抵D嘛^_^"但都舊啦~~

shopping之後,就返屋企,開始做蛋糕架工程啦~~今次整o左個「芒果慕絲」,足個咁架蛋糕都係第一次整,過程都幾艱巨:有D step失敗o左,要從新整過、要整芒果肉,切到手指.、焗蛋糕,差D焗到著火.....完成哩個蛋糕,足足用o左成 5 hrs,所以整到成12點幾先搞掂~~好攰.....

其實咁用心機整哩個蛋糕,都係因為今日係靚媽生日,不過佢今日返o左大陸,所以明天佢一返黎就有得食架啦~~希望個生日蛋糕好食啦!!


>>March 18, 2007 at 5:26:09 AM GMT+8

2007 年 3 月 15 日 星期四 【晴】

哎呀...我最討厭架回南天,又黎啦~~又熱、又焗、又濕、又霉.....突然想起搭地鐵,車箱充滿汗味...嘔心>_<"

一早返去要上make up class b law.....好乖呀,早到冇遲到,足足上o左3個鐘,係頭1.5個鐘都好專心,但尾個D就....唉...好攰啦!!

上完b law...就落o左旺角到食飯.....好耐冇去過旺角到食lunch啦,因成日都要返工....唔返工又冇錢哦>_<"不過食飯架時候,william、森苗、亞lo係到講唔明白點解D女仔出門口前有咁多野要整,先可以出門口....哈哈~~我聽到哩個話題...都唔知點答佢地好,但真係出門口前有好多野要搞,先係刷牙、洗面、洗頭、吹頭、換衫、帶con、化妝.....以上都可以足足用成1小時的,所以我好多時都skip o左好多個setps....其實佢地仲講少o左D野,就係....個廁所一定會有好多一支支架唔同東東,例如:可能會有幾支唔同架洗頭水、沖涼液、護膚品等....哈哈~~講到好似好可怕咁呢~~

食完lunch 行o左一震....哇...今日好熱,所以最後去o左睇william、森苗、ricky篤波.....睇到返去上account....其實今日走o左investment堂~~上完就放學,去買整蛋糕架野~~

>>March 16, 2007 at 1:53:33 PM GMT+8

2007 年 3 月 14 日 星期三 【晴】

哈哈~~而家上緊account lecture....係lecture hall同我部粉紅色notebook上網....yeah^_^不過都唔係好習慣冇啦啦,上堂開電腦用...好似怪怪地咁...所以打下個日記之後,就會offline架啦~~

而家到係公司到啦....都唔知做咩好....所以就帶o左notebook返公司到hea....

>>March 15, 2007 at 7:04:55 AM GMT+8