2007 年 9 月 1 日 星期六 【晴】

一早起身去o左原宿，點知東京架鐵路實在太多啦,入錯o左幾次閘,搞o左成半個鐘先可以去到!!

到達原宿,就第一時間去o左Johnny's shop,哇....要攞籌!!仲要係2個鐘後先有得入,所以先係周圍行,行o左竹下通,好多野買架,不過有D都係賣古著,同有D似加連威老道咁,賣女仔野多~~路經o左snoopy town,都冇咩特別,只不過全間野都係賣snoopy架野!!好快咁行o左去代代木公園,原來今日冇跳蚤市場,但係神宮橋度見到cosplay,同有D人係度唱歌....都幾好聲架!! 又行o左表參道....不過都係行o左一震,就返去等入Johnny's shop~~

張籌,話就話12:30可以入去,但最後都等到1:00.....入到去...咩都要排隊,仲要發現arashi,只有個好細架位....仲要係揀得3張相,比錢個條人龍長到,要排成個鐘,最後都係放棄唔買啦!!出o左去食美味架蛋包飯,唉....又係要排隊等位.....不過好味,都冇咩所謂,同個間鋪入面,細到20個位都唔知有冇~~

好接住去涉谷,去到先見到地標八公像....又行o左0101...都唔啱睇,因日本D女仔衫都係D好大個架打扮>_<"所以好快咁就到此一遊o左涉谷~~再去下一站六本木山,搭巴士去哦!!好快就到啦~~又係見到地標大蜘蛛,仲去埋朝日電視台,見到叮噹同花師奶~~

再向東京鐵站出發,搭地鐵去到赤羽橋站....行約5分鐘,就到tokyo tower,5點幾去到燈都未開,買飛入場,一如以往買中學生飛,今次竟然有D懷疑我地係咪...不過最後都通過,成功!!上到150m架展望台,好多人哦~~同都冇咩特別好睇,所以行o左一個圈就走啦~~行去搭車架時候,tokyo tower著o左燈啦^_^

由東京鐵塔坐車去o左銀座時,發現自己唔見o左張suica...oh~~第2日咋~~算吧!!自己大意了~~去到銀座fancel,再回去新宿,食o左「麻布茶房」同香港架差唔多價錢,但冇咩咁多款,同唔知係咪我地晏食飯,定係真係冇咩人食呢?_?不過都好好味....我愛「麻布茶房」^_^

今日好早就返酒店啦~~又係好攰啦!!

P.S.哎呀...日本部部買野飲個D機,入面D野飲都好可愛呀,令到我有點想買晒去飲!!














>>September 9, 2007 at 11:32:57 AM GMT+8

2007 年 8 月 31 日 星期五 【晴】

6:00鐘起身....6:30出門口....自己揸車去機場~~今次去東京....組合同上次我&王小mo~~

7:00到達機場(哇...由屋企到機場都真係好快哦!!)去到好快check-in完,就入閘~~仲食o左個「100分」早餐,都仲未到8:00,所以我地就周圍行~~8:50登機....準時9:15起飛....飛o左2個鐘到,一D興奮架心情都冇,係日本是我老家,定我3個月前同樣去完旅行呢?_?所以好似有D麻木o左咁~~坐架時候覺得4個鐘架機程好慢~~不過成個搭飛機架過程,最開心架係有Haagen-Dazs食,好好味^_^

終於2點幾,到o左日本啦....但排隊入境,搞o左都幾耐,當正要出閘架時候,個海關睇到我passport問我....去日本做咩,我答佢旅遊....佢之後又問我係咪有朋友係度...我話係....下...唔可以一年黎一次架咩!!

好!!正式開始我地架旅程~~先係去o左買張suica(即好似香港架八達通咁)同N'EX車飛就出發去新宿...足足搭o左成個鐘車,仲要係車到見到日本大叔係度「卒」腳指....哇~~我同王小mo睇到呆晒!!好似大陸咁>_<"到o左JR新宿駅,正想出架時候,發現有好多個出口,所以都唔知係邊個出口,咁就去問下警察,點知聽佢地講完之後,都係好知佢地想講咩,所以都係try my best去搵啦!!先係抬住個喼上樓梯(係呀,冇講錯呀,係冇電梯搭架!!)係咁周圍行....行...行....沿途又問下人路,最後足足問o左6個人,用o左成個鐘時間,先搵到ASUKA酒店(顛)我地入住707室(oh~~NANA)

由於我地用o左太多時候,搵酒店,所以最後都要改行程,係新宿到周圍行,認下路,同我地住架酒店都幾近民居,所以都冇問好行,但行遠少少就係歌舞伎町一番街(即出名好多牛朗店同小姐店,個條街)不過都要行走走30分鐘左右~~當我地周圍行架時候,聽到廣東話....唉~~好多香港人自由行,搞到唔覺得自已去o左日本!!

接住我地行o左一條叫「思い出橫丁」係一條飲食街....不過去到架時候,發現好多都係食串燒飲啤酒,唔係食飯架好地方...最後我地隨便咁入o左間到食飯,仲遇到個上海人係日本留學,架兼職生,傾o左幾句,發現佢原來都幾勁,係大陸復旦大學畢業,之後就去o左日本留學啦,佢D日文超勁!!

食飽飽,又係周圍行,D牛朗又開始出來啦,但佢地冇大阪個D咁,東京個D比較高鬥,最後我地行到十一點幾先返酒店,行返去架時候,見到有個日本男人係度周街痾尿,又有人周圍掉垃圾...哇...大打折扣,返到酒店留下間7仔,我地行到好似去o左SOGO架supermarket咁,咩都想買(顛o左)






>>September 9, 2007 at 9:28:16 AM GMT+8

2007 年 8 月 30 日 星期四 【晴】

今日係「太空工作員」架最後一日啦~~

有D唔捨得.....全日都冇做過野,亦都冇咩可以比我地做~~lunch 差唔多成個student record team去o左「露比星期二」到食....大家都高與到足足食o左成個半鐘lunch都唔知~~ 返到office之後...所有tem.都係繼續玩玩玩.....咁過埋啦~~走之前仲有食雪糕添^_^

足足做o左3個月「太空工作員」....初初做o左半個月就已經有D唔想做,但都係叫自己捱埋去....轉個頭3個月已經過o左啦~~同哩3個月見識o左好多野,又食o左好多隻死貓,又有開心過、辛苦過、捱過、玩過,又識o左一班朋友仔.....好似經歷o左好多野咁....但我都好叻捱o左3個月~~

放工去搭地鐵架時候,係九龍灣地鐵站月台,突然有個月台助理,啪一聲,係我面前仆倒,仲要個頭下地,面向地,當我見到佢成幾秒都冇反應架時候,就走上前係咁叫佢、拍佢....都係冇反應,接住有另一個月台助理走埋黎好緊張咁問咩事,咁我就同佢講:你快D去叫地鐵職員.....之後,有其他人一齊抬起個女仔,一抬起,發現佢右眼角係咁流血....我就即刻問個女仔:你聽唔聽到我講野、睇唔睇到野....佢都點頭話冇究..之後又問:有冇人,有紙巾,哇...問完即刻有幾包出現...

但當我叫D人晒開D,比多D空氣....D人就即刻散晒,勁合作咁哦(T_T)最後個女仔比人抬到坐o左一邊坐....好快就有地鐵職員來,之後我再問個女仔:你抖唔抖到氣、有冇覺得好冷或好熱....同最後又叫佢同我講下野,佢就係好細聲同我講:好口渴....最後好快咁等到白車來,我就走人啦~~

當時,自己咩都唔知驚,只係知道有人要幫忙....但事後,一路搭地鐵回家架時候,個心情先識驚.....估唔到自己竟然咁大膽!!不過點都好.....希望天上架神,可以保佑受傷架女仔kwan wing lam冇事啦!!

P.S.明天就要出發去東京啦^_^

>>August 31, 2007 at 2:04:23 PM GMT+8

2007 年 8 月 29 日 星期三 【晴】

哎呀....本來今日可以好高興咁10點先起身,點知....被人叫醒晒....之後仲要屋企得返一個人,呆坐....好悶啦~~

最後就好準時返工啦~~返到去...就要做野啦....唉....仲諗住最後哩2日都可以hea hea 下咁過....係冇可能囉!!不過,好快就到食飯架時候啦....食o左最後一次食架$20 5個餸架車仔麵,仲要送野飲(抵)

今日不但準時收返工,亦都好準時收工....一收工,啦啦聲飛去荃灣睇「快樂尋回犬」,喊到抖唔到氣,套戲不但係想講人對動物架感情,仲有講埋人與人之間架情,所以喊到失聲咁滯>_<"

P.S.唉...我把ans傘,終於要報銷啦....我仲好鍾意打傘架,因為先係隻色,係我最鍾意架色,2來又輕....係哩把傘令我由唔帶傘出街變帶傘.....用唔夠一年就爛o左啦(灰)

>>August 30, 2007 at 3:12:53 PM GMT+8

2007 年 8 月 28 日 星期二 【晴】

今日係最後一日架registration.....同時又係最後一日返去CW「地獄太空站」,雖然哩3日都係返CW,重遊舊地...見返熟識架人,好耐冇見架伙伴helen.....我地又集合所有tem.一齊影相....勁開心哦^_^

收registration時,fion、emily、我,3個玩到顛晒,係咁周圍跑,好似當o左係自己屋企咁....雖然OT唔計鐘,但又係咁搵野做,當正式收工架時候,都大約7點啦~~大家都忘記o左計鐘哩回事啦....因大家都工作得很快樂!!

dinner....fion、emily、tony、ricky,5個人一齊去埋飯先返屋企....突然覺得哩3個月架時間,見同事多過見屋企人....仲要好似一家人食埋飯先返去....屋企突然變o左酒店咁!!

好野,明天返11點...好開心哦~~

P.S.今日ricky佢話我成日好惡咁對住D同學講野,唉....係我已經覺得佢地好煩啦...講佢地又唔聽,成日都要人地重覆講幾百次,又冇記性,岩岩同佢講完,下一秒就唔記得,真係冇咁好耐性同佢地玩!!



>>August 29, 2007 at 4:29:35 PM GMT+8

2007 年 8 月 27 日 星期一 【綿綿細雨】

昨天留o左個飯盒....終於搵返啦~~thx...bonnie^_^

又係做registraion....不過今日雖然唔多忙....(其實係次次都唔太忙!!)但今日D學生,就好冇禮貌、好串、人地講野又唔聽.....搞到有D怒氣!!

夜晚,出o左去旺角同亞豪食飯....搭地鐵架時候,突然撞到victor....點知,當我到o左旺角架時候,打比佢有人聽....(下...我地冇約好係邊到等架哦~~)好彩一出到地鐵站就見到啦!!周圍行.....食o左一餐好飽架飯~~飽飽又行街....行到攰又返屋企啦~~

P.S.仲有72小時,就要出發啦...但都未執好D行李....不過同樣都係仲有3日就做完「太空職員」啦~~突然覺得時間過得好快....又係離開架時候啦~~

>>August 29, 2007 at 2:14:03 AM GMT+8

2007 年 8 月 26 日 星期日 【晴】

今日又係要做註冊.....今次係CW 同係幫HD做註冊....唉...對住D學生勁怒氣,個個都唔聽人講野架,岩岩同佢講完佢要去咩room到等,但下一秒佢就唔記得o左,走黎問,痴線架!!有冇帶腦出街架....都唔知佢地點讀書~~

七點收工......返屋企...點知返到屋企先發現,唔記得帶個飯盒回家....呀....好擔心明天搵唔返呀!!因為入面有我心愛架keroppi架瓷"跟"....唉....

仲有96小時....就去日本啦~~好緊張哦!!

>>August 27, 2007 at 1:44:24 PM GMT+8

2007 年 8 月 24 日 星期五 【晴】

又係星期六啦....今日要返去494「太空站」...返去就係蓋印,足足蓋o左3個鐘,2000份mtr form....手都軟~~

放工....去o左荃灣食好耐冇食過架雲南米線,近日發現自己都幾鍾意食車仔麵、雲南米線、日本料理.....其餘的都只係一般!!

下個星期架今日,就會係日本架時候啦~~所以今日都要開始諗下有咩執...成日掛住返工,咩都冇諗過!!

>>August 25, 2007 at 1:19:21 PM GMT+8

2007 年 8 月 23 日 星期四 【晴】

昨天10點半瞓....勁哦...今日就好早起身!!

今日返番KEC「太空站」.....太好啦...又可以見返熟悉架同事.....不過今日都冇咩做過filing.....因有其他野等住我去做....又要打電話、又要計數.....忙個不停.....

放工時,突然話要搵人去494「太空站」.....工作就係蓋地址印係MTR form....由於我係比較熟 494,所以....我明天又要去北角啦....有D遠!!算吧...明天都只係返3個鐘....都冇咩所謂啦!!

放工陪o左fion買mp3,勁搞笑....個個sales係咁搞爛gap,仲要比fion利害....一山還有一山高!!

夜晚,好突然咁約o左王小mo一齊去食飯....去o左銅鑼灣,本來諗住搭「亡命小巴」去會快D,點知....塞車....搞度同搭地鐵差唔多時間....會合到王小mo...一齊行sogo....我地白痴到,對住係sogo 架supermarket 擺攤檔架日本人係咁講日文....好似係度演習一次咁!!

P.S.仲有一個星期就要離開「太空生活」啦.....心情複雜....開心得來....但又唔捨得....本來6月架時候,仲係度諗:幾時先到8月尾...點知話咁快就到啦~~初初1個半月都幾辛苦....好似日日係「地獄太空站」到受苦咁....但點知調o左去「天堂太空站」之後....就得閒好多啦~~OT架時間都少o左....不過個人都hea埋....但有時都幾掛住忙架時候,因有時冇野做比忙,過得更慘>_<"最唔捨得架係,好似岩岩先同D同事熟,但就又要離開啦~~都唔知幾時會再見,可能有排都唔見....所以有咩活動要搞架話,就一定要搵埋我呀!!

>>August 24, 2007 at 3:22:42 PM GMT+8

2007 年 8 月 22 日 星期三 【晴】

今日又係494 做filing....file到人都顛....好彩最後都達到目標!!所以明天開始就會返回 KEC「太空站」

放工....好快返屋企....因好眼瞓....好早就瞓o左啦~~

>>August 24, 2007 at 3:26:10 PM GMT+8