2007 年 6 月 1 日 星期五 【晴】

day off....咩工都唔洗返....不過由於昨天msn中o左毒,所以搞度成2點幾先去瞓~~

今日全日都比晒去整頭髮,約埋王小mo一齊去找benny....哇...今日佢勁忙,仲要我係去整一個好負架負離子,足足係個度坐了4個鐘,謝謝王小mo陪我一齊坐~~走架時候,係留下仲見到benny,我地都一致話佢真係攰到嘔,証明人紅好生意~~

>>June 2, 2007 at 1:27:58 PM GMT+8

2007 年 5 月 31 日 星期四 【晴】

今日第1日返HKU SPACE.....遲到....地鐵又塞車....又找唔到個入口....最後人地打比我,教我點行先OK....返到去....冇咩野做,但好多野記!!要記得晒D programme架野...成本書咁厚!!

準時放工....即刻要啦啦聲,去大學會堂到睇靚媽畢業!!



今日真係忙足一整天...好攰~~

>>June 1, 2007 at 2:08:12 PM GMT+8

2007 年 5 月 30 日 星期三 【晴】

返到香港啦~~

今日一早都仲係柬埔寨首都"金邊".....不過一瞓醒,食埋早餐,就出發去金邊國際機場,搭11點幾機返香港(係柬埔寨時間) 返到香港都成....約3點多,係飛機上見到香港天氣好好....好到可以係機上見到葵興(絕冇誇張!!)雖然香港天氣好...但好鬼熱....感覺好似熱過柬埔寨...係焗住咁熱!!

返到屋企....係咁執番好D野...攰死....大脾肌肉酸痛、撞瘀手腳(次次去完旅行先發現撞瘀晒)

今次架旅行,可以令我知度,同一個地球上,係同一個時間,可以有人食得飽、著得暖,但亦有D人,係餓著肚、著得少.....所以今次去旅行買野我都冇咩點講價,因為....買貴o左我就當做了公益善事吧~~

每次去旅行都可以帶給我唔同架見識~~所以我先咁鍾意去旅行^_^

P.S.好...明天要返新工了...迎接新開始!!



>>June 2, 2007 at 2:50:15 PM GMT+8

2007 年 5 月 29 日 星期二 【晴】

一早就出機場,又係搭內陸機返金邊,哇...勁快只係搭o左35分鐘,同我出搭地鐵出尖沙咀差唔多時間~~仲要班機勁準時!!

落機第一站,就係搭船遊「湄公河」哩條河,一年兩個方向流,同因前幾日落大雨,所以今次見唔到一河2隻色....不過可以睇到水上家庭~~生活簡陋,冇電到,一來柬埔寨電費好貴,二來地方落後,所以冇電到~~

之後,我地又去o左「萬人塚」,個度有一個寺廟,係放o左好多人頭骨係度架,有大人、小朋友,咩人都有,同哩個地方係好似亂葬崗咁,其實仲有好多都未挖出黎,所以我地行入去架時候,都係踩緊D人骨(驚)同個度有3棵柬埔寨國樹,椰子樹,以前波布戰爭時期(即十幾年前),係用哩3棵樹架樹葉黎殺人架,因刀都殺到唔利啦,轉用哩隻樹葉~~同殺小朋友架話,就捉佢地雙腳,個頭撞埋樹到死架,好殘暴!!

接住我地去「波布戰爭陳列館」,其實哩度係以前係一間學校,但赤柬統治時成為o左一間監獄,館入面陳列o左好多當時大批柬埔寨人被處決架相同刑具,而家睇個D行刑室,都仲可以睇到有血跡係天花or地下....(驚)同當時被殺架多數都係知識份子,仲要有D人小朋友、外國人、婦女......係哩個地方架門外,有好多乞丐,但佢地都係比地雷所害的,有D瞎o左、有D冇o左隻腳.....所以戰爭架禍害有多深~~

最後我地先返酒店,再出去食dinner....咁就完o左一日啦~~

P.S.今日兩隻腳架大脾都勁肌肉酸痛....>_<"









>>June 2, 2007 at 3:05:40 PM GMT+8

2007 年 5 月 28 日 星期一 【晴】

今日終於要向「吳哥窟」出發,我地去到「南大門」,哩度門係文武官出入的...同時個門口好細,只夠一隻象入去,所以我地要轉搭一架細車仔入去~~

過o左哩度門,就到一個叫「大吳哥」架地方,之後再入就係「巴戎廟」睇到「高棉微笑」,其實每一個樣都係皇帝個樣~~之後我地又搭車去到「塔普倫廟」,整個廟都被樹根包圍住,如果要斬走晒D樹根架話,整個廟都會爛晒,因為每一棵樹都有成百年架歷史,所以D根找住個地咁生~~

又再搭車去「女王廟」個度可以睇到「東方蒙娜麗莎」但太遠同太細,普通相機好難影得好~~同哩個廟係女人所建的,所以比較細,但手工精細~~之後我地個lunch「柬埔寨菜」,係哩間餐館有2條勁大架魚....大得有D嘔心~~食飽飽,就返一返酒店,沖個涼,再出發~~

下午去架地方係,「小吳哥」,哩個係保存得最好架一個地方,我地仲可以行上一條好斜架樓梯登塔(即刻令我諗起華山個D斜樓梯!!)好快都可以行到上塔入面,不過要落返去就好慢啦,因個個都好慢先可以落返地下~~黃昏,如果個天清架話,可以睇到「金色吳哥」可惜等o左好耐,最後係比舊大雲遮晒!!所以去o左鄰近架檔口買野,買o左D檔住親手畫架畫~~但係個度就唔見o左條三眼仔手巾>_<"之後就去食個dinner,返酒店,游個夜水~~

游完水,突然有一班酒店架男staff,係度拎住個空樽,係度捉野,一睇...原來佢地係度捉"色蟀"最後我都加入埋佢地,一齊捉,但當然冇佢地捉得咁叻啦~~不過佢地都好搞笑哦,教我捉,又用青蛙來嚇我>_<"其實柬埔寨哩個國架人,都好保守,係街上都好少見到男女拖手或者一齊,有女仔一齊捉都好,只會各有各捉,所以我同佢地一齊捉"色蟀"係一個大突破^_^

其實,吳哥窟哩個地方,係比D樹包圍住,係哩幾十年先比人發現番出來~~所以可以睇到石同石之間都仲有好多樹係度,但好多人都嘗試整走D樹,又試過斬佢、毒佢,最後D樹點都唔死.....同如果亂斬D樹,D古蹟就會"冧"晒~~























>>June 3, 2007 at 3:29:29 AM GMT+8

2007 年 5 月 27 日 星期日 【晴】

一早去o左「西哈努克勤克親王皇宮」係入面見到皇宮國旗升起,表示皇帝今日係度~~但冇見到真正架皇帝!!仲見到一種好古怪架花叫做「爆燀花」,係皇宮度好曬,但景色一流,一片藍天,配上金色皇宮~~每參宮一個廳都要除鞋,同每一個門口都有2條7頭蛇把守,好似中國人架石獅子一樣~~

之後去o左一個叫做「金銀閣」,個間寺廟放o左好多金、銀、珠寶,但望落去D野好似好舊咁~~搭o左一震車,到「金塔山」睇佛,同拜一個叫做「亞邊婆婆」傳說哩個亞婆救o左D佛,最後變o左做有錢人,仲整o左座寺廟比D佛住~~

又搭車,去「勝利紀念碑」影張到此一遊相...就去食自助餐lunch...之後去o左賭場,竟然差唔多每位團友都可以係張大細枱到羸錢,我地就羸o左USD$46,勁!!接住去o左「中央市場」,個度勁多野買,但我都係買o左D銀製品、木製品、藤袋....係咁講價~~行完架時候,咁岩就落雨,好彩啫~~

下個景點「國家博物館」一般好看,有D搵笨架感覺,因入面,係睇吳哥窟架神像,但算吧,都只係會去一次~~最後去o左「指定手信」睇珠寶,話明係「指定」架.....緊係冇野買啦~~

之後又出機場,今次係要搭內陸機去暹粒,搭"羅船掌"飛機,隻機勁細,比我返大陸坐個D機仲要細...同飛得好低,可以睇到「湄公河」,到o左暹粒機場,竟然係...冇行李帶,係要人手拎出來的(驚)

最後食埋個dinner,就返酒店,今次間酒店都幾靚~~















>>June 2, 2007 at 1:30:14 PM GMT+8

2007 年 5 月 26 日 星期六 【晴】

今天一家人去o左機場,就係我同靚媽「向柬埔寨出發」!!

先到領導個度集合....辦埋登機手續就可以正式入閘,14:50登機,第一次搭港龍機,感覺一般...先係空姐一般、食物又係一般,只係公仔點心個D....仲要比o左隻爆架杯我地,同飛機入面有好幾隻烏蠅飛來飛去....

5點幾落機,金邊國際機場,都幾靚,因為用o左只係2-3年時間,但細o左小小....同係機場到見到好多靚媽最怕架野"鹽蛇",好肥美下架,仲要多蚊,好彩我兩樣都唔怕啫...哈哈~~

出o左機場,去食飯,之後又去買水(係呀,去買水呀,因街邊個D飲野都幾危機!!)

P.S.
1)今次哩個團好勁,有一個80幾歲架婆婆、一個法國人、一班年青人(勁)

2) 柬埔寨比香港慢一個小時,當地用架錢係唔流通,所以都係洗美金,對換率約,USD$1對$4000柬埔寨紙

3) 柬埔寨,真係好落後,小小一粒糖都可以令小朋友好開心!!雖然柬埔寨比大陸環境差DD,因發展中,比大陸人只要錢還好很多架文化好很多.....






>>June 1, 2007 at 4:50:26 PM GMT+8

2007 年 5 月 25 日 星期五 【晴】

今日返工...不過係幫james....所以都冇咩特別!!

晏晝,去o左亞哥到打wii....但點知留低o左SATO的東西,最後要麻煩靚媽走一轉~~

夜晚,同SATO見面啦,哇...差唔多有一整年冇見佢啦,不過發現了我哩位"日本家姐"真係好可愛,記得以前識佢架時候,佢都唔會著beams boy,用tsuori chisato...但現在唔知係咪比我感染o左佢呢?_?都轉用了!!同時收到佢的beams boy t-shirt 生日禮物(多謝晒!!) 佢都真係好"香港人",連旺角搭巴士去尖沙咀都識,仲要係識係邊度搭,利害,嚇o左我一跳!!

最後,行下、食dinner....送埋佢返酒店,咁又一DAY啦~~

好明天要去柬埔寨啦....但都仲未執晒野....哎呀!!




>>June 1, 2007 at 2:03:59 PM GMT+8

2007 年 5 月 24 日 星期四 【晴】

好熱呀...今天香港幾多度架??熱到死~~

我的笨蛋老細為什麼是如此小氣....就是為了我不幹,便鬧上這麼大的脾氣!!今天專登早返公司、整埋cookies...還和他就日後還有機會繼續回去時....這小朋友才沒有再鬧脾氣下去....唉...還要當一名廉價勞工>_<"算吧...都真係冇幾多耐了,因下年都要畢業~~

下午,同靚媽行愉景新城.....其實冇咩野行,但都行到成4點幾...同買o左個行山背囊,可以去長途旅行時用的^_^

回到家,又再繼續整cookies...好味^_^因明天SATO來香港哦...好耐冇見佢,好掛住佢哦~~


p.s.變態的"大姨媽"總係...我要去旅行架時候,才來打擾我!!

>>May 25, 2007 at 4:32:40 PM GMT+8

2007 年 5 月 23 日 星期三 【晴】

今日整o左cookies.....不過都係半成功!!

下晏,出o左去尖沙咀同聰聰食飯....去o左"麻布工房"哇...好好食哦^_^ 之後又行下街,咁又一day啦~~





>>May 25, 2007 at 4:22:03 PM GMT+8