2007 年 7 月 1 日 星期日 【晴】

今日....突然的holiday....太好啦~~但亦都有唔好,因咁早放o左假之後......都係要返番...唉...放假定唔放都唔係我話事架啦~~

一早,去o左學車....都真係覺得自己揸得差o左...死啦,明天就係考架啦....再唔得都唔知點算,有不祥架預感>_<"好驚呀~~

之後就返屋企....做自己的東西啦...哇...發現,至返o左哩份工之後,間房亂到爆,有排執!!

今日整o左成日個部i pod nano...都整佢唔到...我放棄啦~~

>>July 2, 2007 at 1:05:46 PM GMT+8

2007 年 6 月 30 日 星期六 【晴】

回歸十周年....五十年不變....真係冇變...香港好似冇進步過....只有停步~~

今日都要返工....唉...連續返o左7日工都冇假放.....我要放假呀!!一早返灣仔....勁眼瞓、周身骨痛、眼又勁攰.>_<"而家好似真係五勞七傷啦~~

不過今日返工都幾好,地鐵又少人...公司又冇咩人,又冇咩野做,所以而家可以偷閒,打下日記^_^"而家好想快D收工,返屋企瞓下覺....周身骨痛好辛苦,成個亞婆咁啦>_<"

返到屋企....攰到郁唔到.....飯都冇食...瞓o左!!




>>July 2, 2007 at 7:03:14 AM GMT+8

2007 年 6 月 29 日 星期五 【綿綿細雨】

今日返工....忙到七彩.....

又要聽電話

又要入form

又要搵form

又要cert.學生架copy

又要做打字

又要打電話.....成日都冇停過手,搞度成6:30到先做完>_<"仲要OT都唔知有冇得計,因為係自行OT...

放工,去o左葵芳食飯....又睇o左"史力加 3"都真係好似冇之前個D咁好笑,不過都OK架.....睇到成十一點幾先返屋企...攰到爆!!

P.S.
1) 「MR.俺尖」今日又一無理....就係同我講:行快D啦...要跟得到我地架步伐先得架嘛(記住當時我係身處於office入面,點解要行快D呢?_?)

2) lunch架時候,本來都好好天架,但點知要走架時候,發現落大雨,變o左落湯雞咁返公司~~

>>July 1, 2007 at 7:40:29 AM GMT+8

2007 年 6 月 28 日 星期四 【晴】

今日AL放榜,所以公司特別忙....

比平時早返一個鐘,未到8:00我已經返到公司啦....一返到就見到「MR俺尖」....佢仲好黑晒面咁開門比我(哇...一朝早就黑面~~)雖然佢黑面....但出奇地對我架態度都好好,冇咩野!!不過「MR俺尖」好快就離開o左公司,出o左去做admission啦~~所以我地都繼續hea...但今日個hotline真係比人係咁打爆咁滯,多到都聽唔切~~仲要係咁追電話來聽,真係人都顛...最慘架係我仲要係行黎行去...係咁搵人、搵野...行到腳仔都軟,仲要個個有咩事都搵我.....唉....鬼叫我係跟「MR俺尖」架咩>_<"

lunch time 仲死,大家都一路食住飯,一路聽hotline....個個都冇停手,約3點幾D電話先開始,少咁D...先可以偷懶下....同等收工,最後都係遲走o左半個鐘....

好攰呀......(泣)

>>June 29, 2007 at 1:00:07 PM GMT+8

2007 年 6 月 27 日 星期三 【綿綿細雨】

今日一返到公司....又係好hea....因今日係admission架開始~~所以公司又係冇咩人,太好啦~~

早上忙忙地....但lunch之後....就呆o左....要搵野做....好閒~~

放工架時候,就突發事,就係「MR俺尖」打黎叫我地所有tem.唔好收工,要OT....咁我地為有乖乖地等order啦....點知6:30到,就話唔洗OT啦~~頂...如果過o左6:30架話,可以有OT計,但而家未過,所以....冇得計,白白浪費o左我1hr.!!

>>June 28, 2007 at 12:56:13 PM GMT+8

2007 年 6 月 26 日 星期二 【雨】

今日好準時返工.....同好開心...個個出晒去set 場,所以公司好冷清....可以慢慢做,又唔係好多野做...所以好歎^_^

放工前,竟然比我知道o左點解D人話我串,原來係我一路食死貓都唔知.....仲要食到,背脊骨落~~我係個件事到,只係講o左2句說話,但最keep words架說話,都係由「做錯野tem.」講出黎,但最後就入我數,咩天理....怒氣到死....連飯都冇食!!証明D人都真係幾膚淺~~同我討厭比人屈架啦!!

之後去o左學車....路上見到「成灰安」係銅鑼灣拍戲,仲搞度有D塞車....哎呀....好擔心,又大壓力,因就快要考啦,好怕又會再衰多次~~

P.S.唉...我就黎爆架啦~~好似咩都唔順利咁,心理壓力又好大,快D到8月尾啦,咁我就會自由架啦>_<"

>>June 27, 2007 at 2:48:44 PM GMT+8

2007 年 6 月 25 日 星期一 【晴】

今日好乖,早返到公司....返到去又係都坐定就要開始做今日架東西啦~~明天開始公司就冇人架啦...所以今日好似打仗咁....勁多野要做!!做到唔停手....最後放工前,全部人都要bee一bee先收得工,其實次次去bee都唔知點解都要我出現,但講埋晒D野都好似同我冇關係咁~~

放工之後,同o左亞豪行o左一震架銅鑼灣,先至去學車!!夜晚揸車都真係同朝早揸好唔同,所有野都好變得要估估下咁~~感覺自己揸得好似好差咁....>_<"

P.S.回復昔日的感覺....是好是壞...真的好微妙,亦都好懊惱....矛盾!!

>>June 26, 2007 at 2:49:28 PM GMT+8

2007 年 6 月 24 日 星期日 【晴】

唉....又要返工....唔知點解返哩度工,都提唔起勁....因每日返去好似係一步一驚心咁....怕好多野,如果唔係為o左個份糧,我諗都係唔做好過啦!!

好次今日比我知道「MS 陰濕」同某人講話:我好串,我聽到之後心諗,我一日都冇同佢講多過十句野,都唔知幾時串親佢,同我只可說天生個樣串,冇得揀架~~同佢又係傻傻地架,同某人
講我架野,最後又係比我知番,証明「MS 陰濕」都真係有點笨,但都係唔可以忽視!!唉...做tem.做到咁,真係辛苦啦~~

看來近哩一個月,我發現自己,原來很介意別人,點睇自己,但有時都安慰自己...算吧,放開一點!!

下星期就做o左一個月啦,仲有2個月捱>_<"

>>June 25, 2007 at 12:24:37 PM GMT+8

2007 年 6 月 23 日 星期六 【晴】

星期日...去o左學車...唔知係咪上次衰o左,今次架心理壓力大o左....所以覺得自己揸得唔好>_<"

之後一家人去o左行街,夜晚成家人去o左游水,好似好耐冇游過咁~~

>>June 25, 2007 at 12:13:14 PM GMT+8

2007 年 6 月 22 日 星期五 【晴】

今日....係美好架一日,咩工都唔洗返,咩都唔洗做,瞓到成十二點先起身~~

之後出o左旺角shopping.....買o左好似好多野咁....破財>_<"

P.S.忘記o左昨天係公司留下見到李雨陽,同一個女仔一齊,不過唔知係邊個,哩排都撞到好多明星咁哦~~

>>June 23, 2007 at 1:08:11 PM GMT+8