2007 年 5 月 12 日 星期六 【晴】

傻o左幾日架日記,都終於好番啦^_^

母親節....係好忙架一日~~

先係昨晚,整o左個唔係咁好架"芒果慕思蛋糕",足足整o左成3-4個鐘>_<"

一早起身,記住係8點幾,同我要返工個日一樣咁早起身,但今日係星期日哦>_<"先係,嫲嫲過o左黎我地個度飲茶,仲比唔知咩台訪問o左,希望冇播,因我個時係落街樣>_<"

返屋企hea o左一震....

之後dinner,出o左去九龍城食泰國菜,哇...勁好味,由其係D咖哩,好好味......食o左好多野,都唔係好貴,間野個名好似叫"泰式小食"(唔係太記得^_^")

P.S.今日係世間上所有母親大晒架日子!!

>>May 13, 2007 at 4:00:50 PM GMT+8

2007 年 5 月 11 日 星期五 【晴】

晏晝同靚媽去o左apm到食手握壽司 & 飲清酒(哇….好燒喉,但唔醉)食o左成3百幾蚊,好肉赤,算吧,又唔係成日食,同最重要係好食!!

孤獨的壽司




今日個腦有D精神分裂,唔知係仲有10日又大一歲(真係有D唔係咁想…..變老太婆啦!!)所以變成咁呢…事件如下:
放工去apm & 搭返屋企時,都係坐o左架”熱九”車….好耐有搭過啦,其實一D都唔熱呀,都幾好~~同令我諗番細個時(好似成個亞婆咁想當年,家下興”集體回億”)
記得個時係冇冷氣巴,我同亞哥好鍾意坐係上層車頭,開到D窗好大,係咁吹…..但一入隧道,個個都好齊咁拉埋晒D窗,哩個情景已經在冇得睇啦,因而家架架都係冷氣巴~~同”熱九”車避震差,所以好”登”,記得夜晚坐車返屋企架時候,係一上車冇幾耐就瞓著o左,但一過完隧道就會醒~~ “登登”下咁幾好瞓^_^”
一架巴士,都可以令我有咁深架回憶,可況一個「皇后碼頭」、一個「鐘樓」……



同今日又係度諗…幾十年後,到我D孫架年代,會變成點呢??以前亞爸媽架年代坐飛機去旅行係一件好貴架事,雖然而家都係,但起碼已經變成好多人都會做到架事,咁…到我孫個代,會唔會係要搭太空船先可以叫做去旅行呢??我地去第2個國家就叫做去旅行,咁將來會唔會要去第2個星球先係叫做去旅行呢??
另外,我地而家空氣漸差,將來…會唔會差到氧氣係要比錢買架呢??好似我地水電煤咁供應比我地架呢??定係每個人都有個好細架放氧機揹住呢??同生態環境又差啦….咁將來係咪好多動物都絕種,但會變o左好多款架老鼠、烏蠅、蚊、”甲由”…將來係點真係冇人知度??所以我地要努力保護現在眼前架一切….希望可以保留幾多得幾多比我地下一代知道我地架歷史!!

今日切o左個lego kuromi….好搞笑哦!!第2次飲starbucks strawberries & crème,好好味(大心)只有citysuper先有得買,仲要唔係次次都有~~


P.S.公司同事話我少少野都氹得我開心…是嗎??都係一件好事呀^_^

>>May 13, 2007 at 3:42:54 PM GMT+8

2007 年 5 月 10 日 星期四 【晴】

今日係昨天架調轉版,都係學車釭薴u,但今日係返工鳥ガ�
不過一朝早就有D黑,發現自己唔記得帶電話,搞度要搭返轉頭,之後仲要問人地借電話,叫靚媽拎比我,哇…借個電話打都幾難,因地鐵站架電話又唔借比人喎,打到要周圍問人,D人又以為我呃佢咁….最後好艱辛先借度個電話打>_<”咁樣搞一搞,十點先返到公司,好彩今日係幫james,都冇咩野!!

放工又走去學車,今日唔洗做百米飛人追車了….今次又係揸出考試路線,不過今日2條都揸過下,第2條係難好多,先又係不停打燈、望鏡、睇望區….我就係度不停好似個傻婆咁,口up up咁提自己!!

返歸前,去o左破財biothrem....唉...點解D野咁貴架

>>May 13, 2007 at 3:42:34 PM GMT+8

2007 年 5 月 9 日 星期三 【晴】

今日早上去學車,次次去學車都要去銅鑼灣到搭免費校巴,去到鴨利洲學車,哇...個司機次次都好準時就開車,所以搞到我次次都要百米飛人去追架車>_<"

今日第一次揸出街,行考試路.....唉...都係揸得唔係咁好,同個條路好多車泊晒係度,所以要不停係度被車,同時又要不停係度做:打燈、望鏡、睇盲區....個頭就係咁擰,個度又係工廠區,好多貨車....成日都有車突然爬我頭,嚇鬼死~~泊S位、調頭都應該OK....時間過得好快,又揸o左2個鐘車啦!!第一次揸出街令我有D恐懼,攪到我考完都唔係咁想揸車>_<"


之後,去o左返工…..本來都好地地架.....點知…..當我教同事用word打表架時候,thomas就走黎話我….只不過個5-10分鐘 ,同我都幫你整好晒D野先去幫人地,我知你出糧比我係大晒!!但都唔係咁斤斤計較嘛!!最後我都黑面回應~~勁激氣!!

激住度氣咁,約埋八婆一齊去游水,哇….估唔到大家冇約埋,仲要唔同站上車,但都坐埋同一架地鐵,返我屋企!!游o左1小時,就走人了~~

>>May 13, 2007 at 3:42:16 PM GMT+8

2007 年 5 月 8 日 星期二 【晴】

今日好忙....

先係一早返工....之後又要去學車,今次學車比上次好好多....但都係左右不分(死証!!)又學o左"調頭"...都幾難咁~~

之後,返到屋企...又睇戲~~

>>May 9, 2007 at 12:09:57 PM GMT+8

2007 年 5 月 7 日 星期一 【晴】

今日一早拎o左昨晚,整架"焗芝士蛋糕"返公司.....個個都食得好開心,由其同事winnie,反應係最大架,所以我都覺好開心....哩個就係我整蛋糕架樂趣^_^

放工,行o左一震citysuper...oh~~買o左好多整野食架用品....

返到屋企,瞓o左一個好長架晏覺,如果唔係靚媽叫醒,要食飯,我諗會瞓到第2日!!

放假...真係歎啦,想做咩就做咩~~

P.S.之前唔記得講,星期六個日,係花墟見到譚校長....佢真係冇上鏡咁肥,同咁高~~

>>May 8, 2007 at 1:31:10 PM GMT+8

2007 年 5 月 6 日 星期日 【晴】

晏畫陪o左細表姐出去睇裙....之後又行o左花園街,oh~~破財了!!

夜晚,同王小mo食o左餐「打氣飯局」....王小mo請盡快回復吧!!

我真的放假,放到咩都唔記得晒....明明帶o左D書要還番比王小mo,但點知....拎o左一整日都忘記了!!放假真係唔想用腦~~

>>May 7, 2007 at 2:39:00 PM GMT+8

2007 年 5 月 5 日 星期六 【晴】

今日whole day係屋企,做o左好多野....睇劇、睇戲、切puzzle、整蛋糕....証明係屋企都可以忙足一日~~

唉....放假仲攰過返學....因差不多日日都係返工、去街....同去得街多,錢就越少....忙忙忙....

焗芝士蛋糕


>>May 6, 2007 at 3:43:58 PM GMT+8

2007 年 5 月 4 日 星期五 【綿綿細雨】

日本兒童節哦~~

今日一心準時返工....點知.....公司一個人都冇,連門口都冇得入,因個個都去晒開會....最後去o左"100分"到食早餐.....今日就變o左休息day....但出得去尖沙咀,所以就去o左我最常去的museum of art....仲申請埋個museum pass....學生全年$50(抵)可以玩足大部份架museum~~係museum of art 到hea o左一個上午,明明是第2次入去睇"林風眠"...但都要睇o左好耐^_^"

接住同靚媽出o左花墟行,買番盤蘭花,屋企有一盤死o左哦,係我唔小心浸地o左,比得太多水>_<"又買o左我最鍾意架....「繡球花」花語:希望,真係好靚,同而家成個尖沙咀都係哩種花哦(大心)

>>May 5, 2007 at 1:24:03 PM GMT+8

2007 年 5 月 3 日 星期四 【暴雨】

今日瞓到好晏先起身返工....証明我份工都真係幾hea....

返到公司係咁入data....眼都細晒,仲要搞度遲收工,都未入晒>_<"

放工,約o左亞豪,睇「十分愛」.....係一套好架戲,同好耐冇入戲院睇港產片....同估唔到都好多係睇,差唔多80%入座率~~睇完戲,行一震街....想搵番keroppi 架畢業公仔,因今日問sanrio專門店話:全線斷貨....(灰)仲要行o左「潮特」都冇....最後,亞豪提意行「信和」竟然....真係比我搵到哦,仲要係$110,成交....勁爆開心哦~~為o左哩隻公仔....一定要順利畢業(大心)
THX...亞豪,陪我搵隻公仔外,又平o左

係旺角街頭,睇到人地派雪糕....yeah~~啦啦聲排埋一份^_^


>>May 4, 2007 at 4:58:19 PM GMT+8