2006 年 8 月 23 日 星期三 【酷熱】

葵芳百老匯睇《死亡筆記》，Eric + 肥鵬 + 王子 + 拉登 + 周展程
10:00開場，王子o係10:03先塞完車趕到，入o左場已經開始死人

睇過漫畫，電影版o既情節有o的出入，漫畫版o既夜神月仍然係高中生
阿月o既女友冇咁出，只係巴士o個幕出現o左20頁，殺雷o個幕都改o左
最大分別出現o係兩個主角，無論阿月抑或L都拍唔返漫畫版o個種神韻



結局講到阿月加入調查總部(加入經過同原著略有出入)，其實仲好開頭
期待11月o既第二集，《死亡筆記》o個股懸疑，突顯高橋陽一o既冇貨

＊－＊－＊－＊－＊－＊－＊－＊－＊－＊－＊－＊－＊－＊－＊－＊

同肥鵬、王子出九龍公園游水，嚴格o黎講係浸水 + 曬太陽 + 練aerobic
游游下轉入室內2.5米o既深池，不過唔係游水，睇住跳水池o的人撻水
灰色泳褲o個位超勁，o係1米板un下un下，然後跣腳跌落水，忍唔到笑

泳池夠鐘趕人先走，其實浸多過游，不過都消耗大量體力，大概得75%
浸o係水唔覺熱，其實長時間o係太陽底曬，又冇搽油，全身都曬紅o左

＊－＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　《以邪惡對付邪惡(二之一)》

名字被寫在筆記本的人會死。自己腦中必須記得對方的長相，否則寫了也沒用。因此，無法同
時殺害同名同姓的人。寫完名字後的40秒之內，繼續寫上死因以後該人就會死於這個原因。沒
有寫上死因的人，將一律死於心臟麻痺。寫完死因之後，有6分40秒的時間可以繼續更詳細的死
亡過程……

以上是死亡筆記的基本使用規則。在《死亡筆記》故事裡，高中高材生夜神月無意中撿到死神
流克遺留於人間的死亡筆記，有感世界充滿邪惡，無數罪犯卻逍遙法外，他決定以手上的死亡
筆記，以身份神秘的「奇拿」(KIRA, 譯自killer)親自裁決罪犯，透過剷除罪犯建構他心目中沒有
罪惡的理想世界。世人隨時間越來越認同奇拿，世界慢慢向奇拿靠攏，但仍然有人堅持捉拿與
殺人犯無異的奇拿，奇拿跟天才偵探L的角力成了故事的重心……

《死亡筆記》漫畫版初上市，已不停問自己：如果我都有一本死亡筆記，我會不會(或敢不敢)
利用筆記制裁壞人，憑自己雙手建立腦海中的烏托邦？不敢，故事連載多時，但我真的從不認
同奇拿。就算把我放到故事中的世界，當時幾乎全世界都一面倒支持奇拿，支持程度甚至到了
視奇拿為新世界的神，我也不會認同奇拿代表正義，奇拿不過是早已走火入魔的殺人犯

首先聲明，我反對死刑，但這裡我盡量不以「重犯應否以死抵罪」的角度看事情。利用死亡筆
記，以法律以外的方法裁決罪犯，即是說你相信自己對正邪的理解是正確的，並要將之以行動
表現出來。最重要的是，別人要接受你這把是非之尺，世界要以你這把尺運行，你是是非黑白
真理的唯一詮釋者。自問尚懂分辨是非，但絕不敢以自己腦中的是非觀自居，如斯狂妄自大

(二之一)

>>August 24, 2006 at 12:05:41 AM GMT+8

2006 年 8 月 22 日 星期二 【晴】

原定今日o既兩個節目先後告吹，其中一個改o係聽日進行
睇過漫畫版，都想睇下電影版拍成點，聽講唔夠漫畫咁好

＊－＊－＊－＊－＊－＊－＊－＊－＊－＊－＊－＊－＊

童年是誰伴我走　挽我的手
望我踏上天梯　不可退後
曾經期望著我　前程和戀愛　甚麼都擁有

沿途就算跌　要跌得好看
才能不自責　報答別人厚望
然而誰明白我　沒你們所想的堅壯
我很想找個人　對我說別怯慌

回顧中彷彿一步一生
每一級一世都難忘　如何吸引
曾碰上每個過路人　跟我漸行漸遠
懸崖上我始終都企穩

誰伴我去走一步一生
每一位一個不留神　不再熱吻
還有沒有人　令我驚險又興奮
願我能　提示我這一雙腳　別震

前面是誰伴我走　挽我的手
但笑著吃苦的氣力　我有

＊－＊－＊－＊－＊－＊－＊－＊－＊－＊－＊－＊－＊




＊－＊－＊－＊－＊－＊－＊－＊－＊－＊－＊－＊－＊

中國為何沒有靖國神社！(Apple 21/8/2006)

曾志豪　　　傳媒工作者

日本人參拜靖國神社有很多功利的目的，或是為了安撫國內右翼叫囂的政治勢力，或是為了刺
激亞洲各國彰顯日本自主的決心，但畢竟，形式上，還是做出了一副尊敬為其國捐軀死難者的
姿態，還是顯示了對這些「逝者」的極大尊重。

做鬼的話，似乎做日本鬼還不錯。國家起碼幾十年後，沒有忘記我們。國家幾十年後，還是為
我們爭尊嚴、討公道。或者，國家只是利用我們這些鬼魂來謀取本錢，但起碼，我們得到了注
視和尊重，首相干冒奇險也要前來。

中國沒有做鬼的尊嚴

再回首：咱中國，做人的尊嚴已是不用討論，根本所餘無幾。做鬼的尊嚴呢？唐山大地震死難
者收費紀念碑一事，似乎已經做了明證。八年抗日戰爭，中國有無誕生一座類似日本靖國神社
一般的統一、高規格的紀念地方呢？人民英雄紀念碑，紀念的是整個中國近代革命史的貢獻
者，是一個整體，沒有個人。日本的靖國神社，供奉的是一個個靈位，其中超過六成的靈位，
是和侵華、太平洋戰爭有關。

你看，咱中國是否有需要另修紀念堂，以更高規格去紀念抗日的英靈？

人民英雄紀念碑又能和日本的靖國神社相比嗎？即使不是日本戰敗的日子，每日仍有日人到神
社參拜；中國的人民英雄紀念碑，人民無論在甚麼日子，能獻上一束鮮花合十叩個頭，都是了
不起的一件事，因為你竟然突破了現場公安的封鎖！兩處地方所能發揮的影響力實在不能相比！

如果說日本的靖國神社會激起日人潛藏內心的軍國主義野獸的話，我們中國，有無一座建築
物，能做到激起民族昂揚亢奮的情緒呢？我們，有無足夠尊重我們的英靈？

內地報章於2005年曾做了一個詳細的抗日報道，講述全國多處抗日墓碑，特別是國民黨抗日烈
士的墓碑，都受到人為的破壞、不尊重、改建，弄致面目全非，幾乎連遺址也不復得見，更遑
論「憑弔追思」。例如重慶的烈士墓園區，竟然成為了養豬場！有烈士墓園區，成為了妓女拉
客的聚腳地！我們國家，真夠尊重死難英靈。

烈士墓園成為養豬場

我不想為日本的靖國神社塗脂抹粉，但事實不容否定，那畢竟是一個神社，沒有變作養豬場。
你可以大罵日本政府厚顏竟然對殺人兇手如此隆而重之，對啊，你畢竟說出了真話，「隆而重
之」啊，來到這種肅穆的地方，你只能怪自己的政府怎地就是如此不爭氣。

日本不尊重歷史，但起碼尊重了國民的靈魂；中國既沒有尊重歷史，亦沒有尊重亡魂。鬼魂
啊，若兩地同時招魂，你如何選擇？

>>August 23, 2006 at 1:08:48 AM GMT+8

2006 年 8 月 21 日 星期一 【晴】

旺角Neway，拉登 + 阿沈 + Cafu + Eric + 肥鵬，五個人五間U
都係Green Box好o的，因為Neway冇Eason 2006演唱會o既歌

是日主打快歌，每次出音樂都彈起身瘋狂"Fly High Fly High Fly High"
尹光o個兩首「有教育意義」o既歌，唔敢o係有人入o黎o個陣大聲唱
唱完K，行一陣無印，點解細簿平均價錢賣得仲貴過大簿？迫我買大

搜尋下半場節目，去慈雲山o既黃國禧屋企打機，好耐冇打過WE 10
o係Neway打完冇耐，依家繼續打，一排冇打過WE 10，手感生疏o左
曼聯兩球領先國米，最後都要輸返轉頭？之前玩過，點會咁難回傳？

Re kennyking : 聯賽都唔樂觀，只怕曼聯已經淪為專門爭盃賽o既球隊

＊－＊－＊－＊－＊－＊－＊－＊－＊－＊－＊－＊－＊－＊－＊－＊

1. 雲達沙　2. 加利尼維利　3. 艾華　4. 軒斯　5. 李奧費迪南　6. 布朗　7. C朗拿度　8. 朗尼　9. 沙夏
11. 傑斯　13. 朴智星　14. 阿倫史密夫　15. 維迪　16. 卡域克　17. 利安米拿　18. 史高斯　19. 羅斯
20. 蘇斯克查　22. 奧沙　23. 李察遜　24. 費查　25. 大衛鍾斯　27. 施維斯達　29. 古斯錫　33. 伊高斯
38. 希頓　49. 列治鍾斯

>>August 21, 2006 at 9:51:11 PM GMT+8

2006 年 8 月 20 日 星期日 【晴】

有話直說　　　　　　　《紅魔征途》

英超揭幕戰，曼聯談笑用兵下以5比1輕取富咸，新球季的漫長征途再次展開。不過敢說一句，
以曼聯現時的人腳，莫講稱霸歐聯這不切實際的目標，重奪失落三年的聯賽冠軍亦甚艱難

針對中場中路人手不足，先以1860萬鎊從熱刺買來英格蘭國腳卡域克，招攬里昂的迪亞拉失敗
後，旋即在轉向維拉利爾的辛拿，現在最有機會來投的是拜仁的夏格維斯，轉會費1300萬鎊。
如果真的覓得夏格維斯加盟，跟卡域克組成英格蘭(副選)中場中路組合，中場問題拆彈成功

最大的問題出現在前鋒線。雲尼斯杜萊跟費格遜鬧翻，今夏以1500萬歐元被送到皇馬，敢說這
是繼2001年把史譚賣到拉素後，老費執教生涯的另一個錯誤決定。單看雲佬效力曼聯五年的入
球數字，曼聯陣中根本沒人可代替他的射手地位。或曰，正如Keyman在今天直播所說，雲佬未
加盟以前，曼聯以高爾、約基、舒寧咸和蘇斯克查的「黑白雙煞」掛帥，其實都不是雲佬那種
柱躉式中鋒，而是類似輔鋒般從外圍插入禁區攻門，現在放走雲佬起用沙夏，不過是用回以往
沒有正中鋒的陣式

英超後衛一般不太靈活，憑朗尼、沙夏和C朗拿度的速度和活力，這種無中鋒陣式尚可套用於
英超，因此這陣式成就了曼聯在國內的霸業。但他忽略了，歐聯比英超更講求進攻的組織性，
除非球員間有高度默契，否則都是採用正中鋒較好。七年前，曼聯在沒有中鋒下勇奪三冠王，
是志在必得的王者氣勢和很大程度的運氣使然，這股氣勢一過去，曼聯便陷於進退失據。而且
當時曼聯擁有由傑斯、史高斯、堅尼、碧咸組成的黃金中場線，攻守上都近乎完美，為前鋒製
造大量入球機會

但現在這條中場線，卡域克和夏格維斯才剛加盟，尚需時間磨合，傑斯、史高斯年華老去，朴
智星、李察遜勤力有餘創造力有限，C朗拿度又太個人主義，對前鋒的輸送實在有限。出售雲
佬，又沒有購入同等份量的射手作填補，朗尼難免孤掌難鳴，沙夏的級數不足以應付歐聯，蘇
斯克查年屆33兼傷患纏身，難有突破，羅斯更屬未入流之列，曼聯的攻力實在令人擔憂

人事問題可能比人腳問題更成曼聯的絆腳石。經歷世界盃一役，雖然朗尼和C朗拿度異口同聲
說二人已無芥蒂，但他們一個火爆，一個囂張，往後難保再因小事「擦出火花」。好不容易才
說服C朗留隊，如果再起衝突，曼聯被迫二選一，曼聯數年來以他們為重心的重建工作又要推
倒重來

贏英超和歐聯，實在未許樂觀，眼看阿仙奴、利物浦甚至熱刺都積極增強實力，曼聯的人腳實
在沒有甚麼優勢，如果季間再有甚麼傷兵(特別是前鋒線)，曼聯很可能淪為只為盃賽打拼，甚
至再次四大皆空。或者，曼聯要再上征途，需要一些新思維，執教曼聯即將20年的費格遜，真
的要好好考慮其去留

>>August 21, 2006 at 1:41:02 AM GMT+8

2006 年 8 月 19 日 星期六 【晴】

Youth Conference 2006壓軸戲碼模擬辯論，以路人甲身份旁聽
今年因為租唔到立法會，活動被迫改o係CityU搞，冇咁好氣氛

吳俊豪著住古巴衫(CUBA, Chinese University, Business Administration)
原來馬嶽係評判之一？都係遲o的先敲佢門，叫佢Sem 2 o個兩科加位

Billy衰 + Sandy都o黎旁聽，坐o係後排，今年幾個debater o既水準幾高
不過最後o個組……唔係話講得差，不過冇主題，注定個組議案被否決

嘉賓評語，聽得出馬嶽串林公公o係上年兩大政辯o個番話，會心微笑
Eric + Karsum + Billy衰tip中哂Best Debaters + Best Motion誰屬，好易估
YC 2006正式落幕，如果仲有YC 2007，想以HRM會員身份參加做輔員

有冇下半場？想搞gathering，不過o的人唔太熱衷，去唔成樓上cafe
結果得返Eric + Ben + Karsum + Rock食CityU Can + 吹水，回憶中學時代
8月29有南丫島Re-U之旅呀，會個別聯絡各位o架喇，記得俾面出席呀

>>August 19, 2006 at 11:03:26 PM GMT+8

2006 年 8 月 18 日 星期五 【微雨】

OC聚@樓上cafe，玩first impression，原來人o地睇樣睇我……
Sem 1全部科都reg到，不過應該會drop GPA 3160，怕Preston

>>August 19, 2006 at 12:54:17 AM GMT+8

2006 年 8 月 17 日 星期四 【酷熱】

準藥劑師Herman返o左香港個幾月，今日終於有機會一聚
原來Leo一直都有去High Court聽聆訊，專揀風化案o黎聽

Eric + Herman + Leo + Karsum + Billy衰，嘉樂Green Box解決K癮
《血染的風采》MV唔使再睇度假村喇，睇絲帶舞仲好過睇樓盤
打死都唔去CityU，去o黎做乜？間房未夠鐘就走o左，美食博覽

約o左爸爸媽媽行美食博覽，場外交通暢順，場內同書展差不多
幾時都話，會展係鍛鍊下盤o既好地方，經常以施丹式轉身爬頭
以後o係會展舉辦o既活動，可唔可以禁止冇載人o既BB車入場？

＊－＊－＊－＊－＊－＊－＊－＊－＊－＊－＊－＊－＊－＊

Recently confirmed transactions :

耶耶托尼(科特迪瓦中場)　　from奧林比亞高斯　to摩納哥　　　　450萬歐元
格連(英格蘭門將)　　　　　from諾域治　　　　to韋斯咸　　　　400萬鎊
伊薩臣(瑞典門將)　　　　　from雷恩　　　　　to曼城　　　　　300萬歐元
達雲奴(意大利前鋒)　　　　from安玻里　　　　to華倫西亞　　　轉會費不詳
安迪列特(愛爾蘭中場)　　　from熱刺　　　　　to查爾頓　　　　轉會費不詳
列卡度奧利華拉(巴西前鋒)　from聖保羅　　　　to貝迪斯　　　　外借回歸
李爾馬田(英格蘭中場)　　　from曼聯　　　　　to格拉斯哥流浪　借用
巴斯利(英格蘭後衛)　　　　from曼聯　　　　　to格拉斯哥流浪　借用
賓科士打(英格蘭門將)　　　from曼聯　　　　　to屈福特　　　　借用
卡遜(英格蘭門將)　　　　　from利物浦　　　　to查爾頓　　　　借用

>>August 18, 2006 at 12:55:15 AM GMT+8

2006 年 8 月 16 日 星期三 【酷熱】



　　　

一輪招兵買馬後，政政足球隊新球季首課操練o係排頭村展開
搵來陣容不整o既新果草聯友賽拍跳，實力相若有助提升狀態
主要幫返政政隊守龍門，以對手身份觀察返新果草聯o既表現

攻擊主力缺陣 + 新埋班未熟路，政政隊o既火力未發揮到最盡
草聯o既組織力真係麻麻，殺到禁區頂都起唔到腳，立爺包哂
輸運，又輸我出得唔夠快，狂攻之下俾嘉榮一腳撻Q金球收死

政政隊對年紀細一截o既球隊都陷於苦戰，破關無門老鼠拉龜
兩大中場骨幹Barry + Elton離隊，前後場打開兩截，冇乜配合
Osmond組o既阿洪勁好波！來季o既必然正選，Elton接班人！
其他人肯走肯搶，睇o黎政政隊來季要改風格，多o的擦鞋仔波

P.S. Eric + Leo + Herman + Ben煲粥煲o左三粒鐘，笑到碌哂地

>>August 17, 2006 at 2:27:09 AM GMT+8

2006 年 8 月 15 日 星期二 【晴】

星期六o個篇e-mail，同時send俾劉江華、馬力、曾鈺成
當事人劉江華冇reply，另外兩位一個打官腔，一個行貨

謝謝閣下的支持及寶貴的意見，我們會繼續本著真誠為香港的精神，以香港市民的利益為出發
點，服務市民。希望閣下繼續給予意見，共同為香港的繁榮穩定努力。謝謝！

馬力立法會議員辦事處

感謝您的意見。

曾鈺成

「真誠為香港」o既你o地，唔該唔好頹答啦，不如唔答仲好！
馬力、曾鈺成o既回信我其實冇興趣，最想知劉江華會講乜o野

P.S.(1) 原來王靜茵染o左一頭紅髮
P.S.(2) 沈靖轁爸爸其實係咪F. Shum？

＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　《抗議參拜，倒不如抗議供奉》

每當小泉純一郎或其他日本政要參拜靖國神社，中韓等國定必大發雷霆，例行公事是傳召日本
大使，提出嚴正交涉和抗議，然後批評日方無視歷史事實，要求日方從歷史吸取教訓……

靖國神社之所以引發外交風波，原因其實不在神社本身。靖國神社供奉自1868年明治復辟後，
為日本戰死的軍人，其中14人是第二次世界大戰被後被戰爭法庭裁定為甲級戰犯的人。因此外
界一直視靖國神社為日本軍國主義的象徵，每次有日本政要參拜神社，中韓都認定是日本軍國
主義意圖復辟的象徵

不是說不應批評小泉參拜靖國神社，他其實可以選擇低調參拜，事前不放風地跑到神社，現在
他像要故意打鑼打鼓，真的有挑釁含意。亦不打算談共產黨有沒有資格批評日本沒有正視戰爭
歷史，反而想談中韓等國多年來批評日方公開參拜靖國神社，似乎沒有觸及最深層的問題。問
題根本不在於參拜這行為，如果真的要抗議，把甲級戰犯供奉到神社這行動，本身已值得我們
提出抗議

那14個包括東條英機在內的甲級戰犯的靈位，是日本厚生省(內政部)於1966年所作的決定，到
了1978年，他們的靈位正式移放到神社內。把某人的靈位放到神社內，本意就是希望多些人來
參拜他，不論是首相、內閣官員抑或平民百姓。如果我們抗議日方規定歷史教科書把「侵略中
國」寫成「進入中國」，那麼日本政府主動提供機會給人民參拜戰犯，本義上都是向國民美化
戰爭發動者，本質上沒多大分別

但為何我們一直只糾纏在日本政要不應參拜靖國神社，而非在神社這公共地方根本不應供奉甲
級戰犯？究竟是中國政府沒腦，抑或有意避重就輕，正如嘴巴強調釣魚台是中國領土，卻沒有
以行動捍衛領土？一方面抗議日本拒絕面對侵華史實，一方面卻關掉對日索償之門，沒有協助
戰時被送到日本做苦工的中國人向日本進行民事索償？

>>August 16, 2006 at 12:22:53 AM GMT+8

2006 年 8 月 14 日 星期一 【晴】

上年細O千葉真一組聚，call人o既Carrie乜都唔知兼遲到？
瓊華o既富記酒樓，一睇格局就知唔平，平均每人$98落樓

(大細O)組聚、(節目部)部聚、OC聚……當然唔少得YC & SSU聚！
停辦兩年o既南丫島之旅，各位記得俾面呀，小弟搵緊人o架喇！

Re charlie : 唔怪得香港輸俾克羅地亞、巴西，都冇輸中國咁多
Re pang : 送o左
Re cafu : 19未必得

>>August 15, 2006 at 1:00:42 AM GMT+8